影片
揸住杯野饮一路行一路饮，呢个文化系来自台湾,不过疫情都严重，亦都唔建议咁做啦！其实饮𠮶时系一月头，喺九龙湾车厂换完礼物之后，行过附近有间嘢饮咁就买杯嚟饮吓啦！咁呢我就叫咗杯纯茶饮！因为天气都比较凉，咁就一定要叫少冰啦！价钱方面就可以接受嘅！饮落去，茶底都Fresh 既，唔会有苦涩味！我系叫正常甜，甜到就唔会话好似饮糖水咁！亦都唔似支装饮品！可以真真正正地品尝茶香！个茶底都够浓既，对于红茶来讲！店员服务态度都好好！个环境都令人满意嘅！突然有紧要事，我系买咗㗎一段时间先饮！味道都keep到新鲜！
继续阅读
话说呢间野都开咗几年，我喺附近做嘢第一次帮衬，有冻饮有热饮，台式饮品冻饮冲完之后有块胶封顶再俾人督支饮管，热饮咪就系好似Starbucks coffee𠮶种热饮杯咁啰。 啲杯型全部已show出嚟。咁我嗌咗热饮，等咗10分钟，见到佢攞个杯顶系用胶封左 咁即系点呢？ 系咪叫我用饮筒笃入去？跟住我开声问佢可唔可以转返做有盖𠮶种，个职员应我：「下次早啲讲」跟住我答「但系你个display系咁样show出嚟，我都唔知道你用呢只，点样早啲讲」 跟住职员唔应我攞左个杯去改 ，但佢仲未应我 🤷🏼♀️成件事我觉得好离谱，第一态度极之有问题，第二点解佢要攞呢种包装方式去冲热饮，咁热嘅嘢你expect我饮筒饮到咩？ 呢个同安全有关，咁样饮会渌亲个咀（低b都知）仲有兜口兜面你摆出嚟𠮶个display系咩热饮杯 佢都可以觉得我喺度留栏佢咁，学大陆人𠮶句term「完全唔人性化！」
继续阅读
武汉肺炎没完没了，但系都要尽量回复正常生活，唔可以成日屈响屋企。。。。 所以都返咗office成个月，有时真系好攰， 久唔久叫嘢饮开心吓都几好我地又嚟叫清玉~ 都有一排冇叫, 但系我唔会忘记佢嘅柠檬3姐妹， 对于我嚟讲， 清玉=柠檬3姐妹 正~其他同事就继续饮佢地钟意嘅嘢， 例如：铁观音珍珠奶茶， 蜂蜜爱玉绿茶，铁观音鲜奶茶，益力多绿茶，佢menu有咁多嘢拣， 总有一款啱心水 佢个柠檬3姐妹有晒珍珠，爱玉同芦荟， 有得饮又有得食~ 仲几饱肚， 可以饮一个晏昼, 真系好满足！！
继续阅读
平日自己带饭返工，lunch hour 食得快，总有好多空闲时间。有时去行街血拼，有时去逛商场买零食。今日食完饭就好想饮珍珠奶茶，最近应该系清玉，Let's go！芋头鲜奶绿茶冰量：正常甜度：半糖另加：珍珠4.3特浓鲜奶，奶味香浓；绿茶味好出，微苦；芋头蓉分量唔多，芋头味唔算好突出，但同绿茶几夹，珍珠口感Q弹，味道层次丰富。虽然点咗半糖（50％），但仍然偏甜，下次叫少糖（30％）好喇！芋头＋珍珠非常饱肚，绝对系饭后甜品。柠檬三姐妹冰量：正常甜度：半糖柠檬什饮，柠檬底味偏浓偏酸，半糖其实啱啱好。所谓三姐妹其实系珍珠＋爱玉＋芦荟，珍珠Q弹，爱玉水嫰，芦荟清爽，口感丰富。同样饮完都几饱肚吓！😅饭后唔食甜品，嚟清玉买杯饮品做饭后甜饮，何其满足！
继续阅读
成枱同事食完一个好唔满意嘅lunch之后谂住饮番杯珍珠奶茶安慰一下就嚟咗呢度啦我一见到佢有黑糖珍珠鲜奶即刻嗱嗱声order而且佢仲写明话有礼物仔送大家一听到话有礼物仔送有几个同事就打算叫黑糖铁观音珍珠奶茶我觉得黑糖配鲜奶会好饮啲所以我坚持叫呢个老实讲我个杯黑糖珍珠鲜奶就唔系话好甜，系啱啱好嘅但系奶味唔算好重黑糖味又唔算好重感觉只系普普通通而啲珍珠觉得佢未煮得透因为我咬到入去，个心仲有D硬总括来讲系麻麻地其中有一个同事嗌左百香果茶佢话OK但其他全部叫黑糖铁观音奶茶𠮶啲同事全部都觉得太甜冇计啦大家都攞咗鹿仔同佢对比，实死啦😝所以下次系嗌果茶应该OK嘅
继续阅读