清玉 (已結業)

平日自己帶飯返工，lunch hour 食得快，總有好多空閒時間。有時去行街血拼，有時去逛商場買零食。今日食完飯就好想飲珍珠奶茶，最近應該係清玉，Let's go！芋頭鮮奶綠茶冰量：正常甜度：半糖另加：珍珠4.3特濃鮮奶，奶味香濃；綠茶味好出，微苦；芋頭蓉分量唔多，芋頭味唔算好突出，但同綠茶幾夾，珍珠口感Q彈，味道層次豐富。雖然點咗半糖（50％），但仍然偏甜，下次叫少糖（30％）好喇！芋頭＋珍珠非常飽肚，絕對係飯後甜品。檸檬三姐妹冰量：正常甜度：半糖檸檬什飲，檸檬底味偏濃偏酸，半糖其實啱啱好。所謂三姐妹其實係珍珠＋愛玉＋蘆薈，珍珠Q彈，愛玉水嫰，蘆薈清爽，口感豐富。同樣飲完都幾飽肚吓！😅飯後唔食甜品，嚟清玉買杯飲品做飯後甜飲，何其滿足！