清玉 (已結業)

而家開左好多珍珠奶茶鋪，仲要好多都大排長龍。排一個鐘先飲到既珍珠奶茶我真係唔識欣賞喇..反而我好鐘情清玉既鐵觀音珍珠奶茶！清玉分店越開越多，最近新開左間係Megabox 附近，完全唔洗排隊但係味道都係好好！每次黎清玉都係飲佢最人氣既鐵觀音珍珠奶茶微糖微冰，鐵觀音好清香，冇傳統奶茶咁溜，而珍珠本身有甜味，所以微糖甜度岩岩好，微冰加左兩三粒冰，凍得黎亦唔會太多冰粒溝淡哂茶味。而且珍珠煙煙韌韌，加埋一齊真係好好飲👍🏼 行過可以隨手一杯既先至係珍珠奶茶既意義嘛..