淥鼎記

营业中

休息中

朋友帶我黎左觀塘呢度食一間好味又抵食既打邊爐，我地叫左堂主套餐，呢個餐有酸菜魚食之外仲有其他雞煲可以揀，而且仲有得任叫海鮮，海蝦彈牙，蠔大大粒，仲有沙白好鮮甜無沙既，飲品同配料可以响出面自己拎，涼粉爽好有咬口幾好飲，配料有多款丸類，蔬菜，麵，烏冬等選擇食物新鮮，淮山木耳健康配料都幾好味，牛肉薄片肉味香濃，甘多食物真係好抵食，前菜有鹽酥雞脆卜卜，湯底有6款選擇，花膠美人鍋好有骨膠原又健康養顏，花膠好厚身入面仲有紅棗同杞子。

天氣又凍左，想食火鍋🍲條引又起，近近地到呢間任飲任食的#淥鼎記，我想食嘅野基本都有，而且價錢親民合理。湯底選咗芫茜🌿皮蛋湯🍲套餐，點完湯底後再到出面嘅自助區，取醬料、餸料、餃子🥟、丸類、什菇、飲品跟蔬菜🥬 ，而菜都用上了保鮮紙包好，很衛生啊。
湯底好足料，湯滾起便盛起一碗先品嘗，湯味清甜很香，越煲越入味。至於用QR Code 點的肉類，有美國安格斯牛小排、牛肩胛、羊🐑同豬🐷，而且切得薄身，只需要滾滾便可以食。還有滑溜的雞件，鮮蝦丸、墨魚🦑手打丸等等，各樣食1-2件，都己經飽到不行了🐶。飲品很多選擇，有自家制的竹蓆茅根水，各式汽水、茶類飲品選擇。
環境衛生乾淨，地點就近地鐵站，食物有質素，確係唔錯架😋。

一直都好想黎回一回佢， 因為身邊朋友又有講過同事又提過今晚終於黎到!！！ 試下佢既邊爐 佢間野都算中式既 門口都有擺設 上至燈飾下至碗碗碟碟都係中式野 都ok 重點係以打bin lo 任食黎計，佢d 位算闊落架。而且佢既 Staff 都好有禮貌，d野跟得好足! 仲有問必答最後我地揀左耶子雞開始同埋真係要落佢既桔仔汁 好fresh～佢仲跟埋碟沙薑 可以自己加豉油點雞食佢d 雞真係好滑 而且之後佢既雞湯仲鮮當你食晒之後又可以揀返個湯底真正打邊爐就可以開始佢仲跟埋個小食拼盤 有泰式鳳爪、鹽酥雞、手拍青瓜同埋胡椒豬肚 泰式鳳爪鹽酥雞都真係好好味 最衰冇得加.....基本上佢既牛海鮮都係用QR code 落order 丸菜餃魚皮響玲麵 都係出面夾水魷...牛柏葉真係好快比人清晒......記得拎ar!!!!PS 佢嘅嘢飲真係包羅萬有，而且仲好有人性化設置常溫區。啱晒怕凍，但係又想飲嘢嘅人。

呢間邊爐人氣有返咁上下. 今日就同朋友去試下環境唔錯～啲枱都好闊落！可以先揀價錢… 然後每個餐都可以先揀食酸菜魚呀/雞煲啊/椰子雞～ 我就揀咗椰子雞煲前菜：鹽酥雞，雞腳，青瓜，豬肚隻雞睇落好新鮮…食落唔會鞋…食完椰子雞煲之後就可以換湯底食其他嘢.我哋就揀咗花膠美人鍋.真係有一大大嚿嘅花膠喺度.真材實料！炸魚皮 脆嫁！牛雖然好似得2 隻…但2 隻都有牛香味. 好味！ 所謂貴精，不貴多～ 蠔好大隻呀！ 蜆好大隻！ 好鮮甜！ 無沙！蝦都好大隻. 啲肉係實既！ 好多食材揀！ 全部都有盒裝住… 幾衛生！

淥鼎記依間餐廳早上午市有手工點心食晚市仲有火鍋放題見到佢推出左個『小寶套餐』火鍋放題主要食安格斯精修牛同黑老豬望落都幾吸引首先主菜五選一 我揀左椰子雞另外佢會有錦繡前菜跟埋裡面有青瓜 鳳爪 鹽酥雞 豬肚 雖然係頭盤但份量都唔少而且四款小食都好睇又好食鹽酥雞仲係新鮮炸熱辣辣 而佢嘅椰子雞鍋味道香甜 落肉前飲左佢湯椰子味偏淡雞肉有半份雞 非常嫩滑 肉都好多同埋可點佢青檸汁再調味添熬完雞之後湯頭味道即時濃厚左之後再選火鍋湯底打邊鍋一樣六選一 我決定揀特別少見嘅胡椒豬肚鍋餐牌有十幾款配料任你點主要都係牛 豬 羊 手打丸等都係基本操作乜都點下肉類切得好薄好快熟 而蔬菜類同麵等都係自助吧到拎全部都有蓋包住環境都幾乾淨任食火鍋依間餐廳都好值得推介

[ 淥鼎記 ]上次食過淥鼎記嘅點心好唔錯，而且午市價$實惠，免加一，啱哂同朋友同事嚟嘆下茶食點心。✿ 蟹籽龍皇燒賣(2件) $18燒賣熱辣辣，上台出哂煙，食落啖啖肉，都幾大粒。✿ 黃金蝦餃皇(2件) $18有金箔嘅蝦餃😍，好睇又好食，裡面有2隻蝦🦐🦐✿ 嫣紅黃金流沙包(3件) $30粉紅色再加上金箔嘅外觀，女生們一定會鍾意💕裡面喺滿滿嘅蛋黃流沙，食嘅時候小心辣親口🤣✿ 8頭鮑魚和牛酥(1件) $38午餐食鮑魚，簡直喺奢侈嘅享受🤭和牛酥整得酥脆鬆化。✿ 安蝦鹹水角(3件) $26鹹水角每次飲茶必點，外皮脆脆，咬落軟糯。✿ 蟲草花叉燒腸粉 $32腸粉整得皮薄餡靚，叉燒大大嚿，切成6份，方便食用。總結🫦午市免加一，經濟實惠，而且點心質素高，係會再訪嘅餐廳之一🤭✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿淥鼎記地址: 觀塘觀塘道414號1亞太中心8樓電話: 27555328✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

最近天氣凍，火鍋就成為唔少人搵嘢食嘅好選擇。我公司附近開嘅呢一間舖頭，平時收工已經見到好多人坐滿晒。餐廳招呼得很好，一坐低嘅時候已經擺滿晒小食，有無骨鳳爪、麻辣青瓜、胡椒雞、酥炸雞等等，味道香口，是不錯的開胃菜。椰子雞係啲菜之中最出色嘅一款。椰子汁嘅清新、配搭雞肉嘅鮮味，仲有佢哋嘅醬汁，微甜同微辣，餐廳亦都打安排咗柑桔同沙薑，非常有內地嘅風味。仲有啲菜就擺得好精緻，令人睇得出好有心機。餐廳特別嘅係，食完雞煲之後可以換一個煲，自選湯底再去打邊爐，我揀左個鴛鴦鍋，有肉骨茶同花膠，加少少錢，但就可以有兩個唔同風味：唔好想像肉骨茶好有藥材味，佢呢到調教過，係頗適合打邊爐。餐廳有不同配料供選擇，仲有出前一丁😂飲品櫃亦都有自家製嘅飲品，我就鐘意飲無糖嘅蜜香紅茶。佢哋嘅餃子真係做得好用心，皮薄馅大。肉餡味道鮮甜，仲加入啲菇等不同配料，味道更加豐富。

淥鼎記在旺角同觀塘各有一間，除咗晚上打邊爐，中午同下午茶都有點心供應，今日就約咗朋友去觀塘分店飲茶。接近中午午飯時間，人流都幾多，我哋剛好唔駛等位，繁忙時間就建議可用Gulu 攞定飛，星期一至五，下午茶仲有九折😄餐廳地方寬敞，佈置古色古香，靠窗位置可見開揚景觀😄我哋用手機落單，餐單選擇十分多，除咗中式點心，炒飯麵，仲可以叫刺身、壽司、川粤小食酸菜魚米線、飲品都有，我哋點咗五款點心，一邊食，一邊傾😄黃金鮮蝦餃皇一籠兩粒，賣相矝貴，餃皮晶瑩剔透，蝦肉彈牙😋野菌鮮蝦菜苗餃菜苗餃飽滿，餡料加咗紫椰菜同甘筍絲，配搭更健康😋芝麻肉鬆米網腸米網餡料有蝦肉，雲耳絲，菜絲，面層灑上肉鬆，口感豐富😋黑松露赤螺三文魚酥三文魚粒配黑松露，味道幾夾，酥底甜甜地，夠鬆脆😋沙律蝦長春卷春卷長條型，有5條，裡面係彈牙蝦膠，卜卜脆😋

今日嚟到位於觀塘壹亞太中心8樓淥鼎記食酸菜魚 😆老壇酸菜魚魚肉滑溜,份量充足,花椒份量剛剛好,不會太重-肉骨茶鍋湯底有北芪,黨參,紅棗,杞子,龍眼肉,猪骨, 真材實料-錦繡前菜款式多多 任君選擇-脆鯇魚腩肉質爽脆-美國安格斯牛板腱脂肪分佈平均,牛味香濃-伊比利亞黑毛豬肉質好軟熟-紐西蘭羊肉片吃起來完全沒有羊騷味-沙白蜆鮮甜無比 -海蝦灼到剛剛熟 爽口彈牙-蝦丸和墨魚手打丸當然是真材實料，吃得出鮮味以及爽彈的質感，超市的急凍丸絕對不能相比-廣島蠔雖然size不大,但仍肥美、飽滿，其肉質鮮甜

差評， book左9點， 去到9點拳都冇得入。 話入邊上一枱未走。 竟然9點冇枱就唔應該俾人book 啦其實佢個餐係5:30食到11:00， 根本佢就知9點希人走！ 由得你book完之後上到黎慢慢等！ 咁樣做生意真係已後冇幫襯！同場仲有勁多book9點既人係度等， 服務勁差完全係由得你！

每次放假都會搵好野食😂因為好多都有早鳥優惠咁，今日約左frd17:30黎旺角食酸菜魚+火鍋（$228另加一） 19:30前離座。超抵食！！。明明咁早食，但都好多人😂一坐低叫完個餐就上左酸菜魚，之後就有頭盤四小碟，牛肉個啲就可以QR code落單，其他野食就自己出去自助吧自取。。酸菜魚超滑超抵食！有10幾年魚，之後湯底擇左花膠美人湯👍🏼性價比超高，有7-8件大大舊花膠，湯底好多骨膠原。。出面自助吧選擇都勁多，真心食到未夠1900已經飽晒😂😂😂野飲出去自己拎，又有火鍋又有酸菜魚食，真係市場比較少見。

✨觀塘不嬲都好多好嘢食🤪 今日就特登同咗朋友出嚟去咗呢間OpenRice上邊好出名嘅餐廳打邊爐 可以無限任食 😛 之前喺旺角分店都食過佢哋啲點心 認真唔錯 今次試埋打邊爐 都真係冇失望✨ 啱晒同朋友一齊食飯吹水💕.🐷$368/head.🐷錦繡前菜 👅7.5/10🐷 椰子雞 👅8/10🐣有半隻雞俾我哋自己放落去煲椰子雞湯入邊，🍖雞肉唔會好鞋，🥥湯底好重椰子味，✨食晒成個椰子雞就可以同店員講轉湯底打邊爐㗎啦。.🐷 花膠美人鍋🍲打邊爐嘅嘢食除咗喺出邊攞之外仲可以自己QR code落單，食物嘅選擇都好多。🤍我哋試完之後最推薦嘅就係🐮美國安格斯牛板翼、安格斯牛板腱同埋🦪廣島蠔。🥩牛肉超濃牛味，✨唔會覺得好肥或者好韌。🦪廣島蠔一啲都唔聲，仲要隻隻都好飽滿肥美。.🍻醬料同埋嘢飲一樣都可以喺出邊攞，最鍾意就係佢哋有一杯杯嘅無糖茶，🤣真係好啱食到好飽嘅時候攞嚟解膩。

香港今年咁凍🥶，打邊爐🍲絕對係首選。呢間淥鼎記一聽個名就充滿中國古代氣息。不出意料，餐廳既裝修凸顯出中國宮廷風格，大門已經有個威武獅頭，而內裡佈滿著紅燈籠🏮，十分喜慶氣氛。呢度可以選一款主菜放題任食打邊爐，而且仲要係無限時，相當抵食🤤🌟錦繡前菜一個有四款前菜既拼盤🥗，醃青瓜、黑木耳、無骨檸檬鳳爪、豬肚。成個拼盤既味道都係近於酸酸甜甜，十分適合作為開胃冷盤。特別係無骨檸檬鳳爪🍋，好清新既感覺，越食越開胃停唔到口🤭🌟酸菜魚🐟終於可以嘗試呢度既酸菜魚，半條魚係足上！佢既魚肉🐟係多過配菜，相當足料🍲配菜都唔少，有薯粉、萵筍、花生芽。比起其他餐廳以豆芽作為配菜，呢度既酸菜魚係採用花生芽做配菜，較為出色。因爲花生芽較粗身，😛口感更加爽脆，味道更加清甜。而辣度同酸度恰得剛剛好👍🏽，唔會過酸同埋過辣。魚肉既口感更加不在話下，🤤好大塊又嫩身，滿足多重口感。🌟花膠美人鍋食完酸菜魚可以換個煲打邊爐！呢個湯底好特別，花膠美人鍋聽個名就知道係養生鍋😛湯底有好多花膠，而且全部都好大塊！超級足料，味道清甜易入口。十分適合打邊爐。落單可以scan翻QR code同埋可以去出面攞菜。我地叫左安格斯牛板翼🐮、伊比利亞黑毛

今次小學同學聚會+慶生，難得有同學仔開關落嚟過新年。一於食儘佢，本身無諗住去呢間，不過同學仔介紹話呢間坐得舒服，一個價錢任食，啱晒我啦！頭盤刺身，嘩！估唔到，任食有咁嘅水準，真係難得。完全無冰鮮味，雖然與貴價無得比，不過咁嘅價錢，比到咁鮮嘅味，算係唔錯。食完刺身，就打邊邊啦。侍應姐姐好細心，叫我哋唔好甩，我哋會執碗碟，最緊要大家坐定定。仲有，牛羊豬肉s，快到一個點。點咗唔夠10分鐘就已經到枱上！！！之後叫侍應姐姐幫手拎生日cake出嚟，又幫手影相。呢個價錢，值啦！

27/1/20234人行同一月壽星慶生去咗觀塘嘅‘淥鼎記’任食打邊爐選擇咗‘爵爺套餐’首先六款主菜揀一樣，由於朋友唔食辣嘅，所以揀咗椰子雞。成隻雞斬件上，雞肉質地不錯，就算淥耐咗都唔會鞋，啲雞肉幾滑。另外會上刺身，人頭計，有蝦、鮑魚、帶子、三文魚。跟住仲有四款前菜小食，鹽酥雞、拍青瓜、胡椒豬肚、白雲鳳爪。食完之後就揀打邊爐湯底，我哋要咗花膠美人鍋（入邊真係好多花膠/魚肚）跟住會上頂級牛肉（肉質不錯幾靚）、一盤海鮮：有蝦、墨魚仔、珊瑚蚌、蜆、聖子、鮑魚（海鮮都算新鮮）。以上食物就係食一轉嘅，之後就QR code 可以揀任食嘅食物，都有啲牛肉啊豬肉啊海鮮啊丸啊嗰啲⋯⋯⋯同時亦都可以出去拎唔同嘅菜啊丸呀果類。出邊仲係可以任拎飲品，除咗汽水之外仲有啲自家茶， 我飲咗茉莉茶同埋竹蔗茅根，都唔錯㗎，可能因為佢唔算太甜，所以食到中途好多都俾人攞晒，反而汽水嗰啲就仲有大把喺度🤪🤪雪糕係Häagen-Dazs，人頭嘅一杯。$368（另加一），冇時間限制，我哋6:30食到9:30pm. 觀塘呢間職員非常之好，解釋得十分清楚（最搞笑係，我哋選擇椰子雞嘅時候，個阿姐好似好失望咁話，我哋呢度個個都叫重口味嘅六選