海龍王海鮮大排檔

营业中

休息中

碼頭兩邊有好多間食海鮮，一邊成行都係，不過我地行左去另一邊，以為應該差唔多，無睇下食評先就坐低左。佢價錢好似平10蚊，但無包茶芥。套餐包海鮮湯，一碟菜，兩餸$158，茶錢14蚊位。杯同碗都好dirty,有層油...要洗幾次。我哋叫左椒鹽瀨尿蝦同豉椒炒蜆：個椒鹽瀨尿蝦超級唔新鮮，啲肉梅到食唔到... 我地同佢講，佢就同我哋換其他食物...之後我地換左酥炸生蠔，上到枱... 完全同我地諗嘅唔同，都唔似酥炸嘅皮... 粉漿勁厚，咬落去啲粉好似未熟晒...我地諗住摵開個粉食裡面嘅蠔，摵開... 都見唔到一隻完整嘅蠔肉，碎碎地咁😰豉椒炒蜆味道正常海鮮湯... 飲落完全係味精湯...😵😵😵時菜... 味道都正常，但有啲菜葉黑黑地...成餐都食到一肚氣，完全估唔到俾百幾蚊要食垃圾... 雖然價錢平，但都唔可以俾太差客人食掛😥😥

環境不算乾淨，不大問題反正入去幫襯前已視察過。比四個碗有三個唔乾淨，有飯粉絲績，其中一個仲有冬菇，大佬究竟有冇洗過，阿叔有換新的但眼神唔太友善。點個四人餐 $498, 一落照單侍應就溫馨提示話套餐海鮮係冰鮮，感覺好老實但又夾雜一點伏味。反正已叫咗啤酒解渴，好壞一餐唔緊要啦，試過先知龍與鳳。抄象拔蚌又粉又硬似豬肚，蒜蓉粉絲蒸元貝完全失敗，三樣味道各自為政，元貝中心甚至未完全解凍。薑蔥抄花蟹的味道可以但蟹肉霉到似紙皮，迫不得已要從囗中吐出。食到呢刻我同老婆好後悔沒上來先睇食評。成餐得蒸魚同抄菜算 OK，但我地想食嘅海鮮就完全唔掂。係我食過最差的海鮮餐。

今日同屋企人入長洲，諗住食個海鮮餐先出返香港，平時經過呢個檔口好多次都冇食過，諗住今次試吓，點知就中伏，都怪自己事前無check下OpenRice....坐低後伙記會同你講，餐牌嘅喺都係雪藏海鮮，要食新鮮嘅可以去魚缸揀，不過會貴啲。眼見伙記同每枱客都係咁講。Order咗幾樣餐牌嘅海鮮同炒飯，包括炒斑球。轉頭伙記又問你，斑球貨色一般，可以指定轉食東升斑+$50。 好，我轉，一碟西蘭花炒斑球收$188。最終，無一碟海鮮係新鮮，賴尿蝦霉到唔食得，炒蜆唔掂，斑球亦唔見得好食，仲有粉絲蒸蝦，粉絲係𣺉。碟炒飯我懷疑係隔夜再隔夜再叮番熱，乾到以為自己食緊糯米飯。同伙記反映下，佢話可以幫我攞返入㕑房加啲水炒下佢....喂真係唔該晒你啦。食完真係唔肚痾都偷笑。希望其他人唔好中伏！

幾年去長洲行，為的就只是食，魚旦，芒果糯米糍⋯⋯海鮮。食完魚旦，行吓又食芒果糯米糍，行吓又食海鮮！是必做的。選擇碼頭的左邊海鮮酒家，二人海鮮，簡直係垃圾😡！冇一款海鮮是好的！！上星期六再訪長洲，又來：魚旦，芒果糯米糍及考慮是否再試海鲜⋯⋯心諗，或許會有間好嘅心態再試。今次去大排檔的海龍皇，點知又一次食垃圾海鮮😭😭二人$228自選三款海鮮沒有蒜蓉蒸聖子，但有豉汁炒聖子，多奇怪☹️最快上枱的一道餸，聖子肉多，好似好吸引，即嚐OMG 完全唔熱，仲要係腥的。太差吧😤蟹肉豆腐𡙡，有好多蟹肉，略咸，微暖😩BB蟹上枱，實在太細隻、好彩肉少咋，D肉霉到淋哂，真係入唔到口架🤬椒鹽蝦，都係霉的！睇隻蝦個頭就知啦😖勉強咬落去，卻發現入邊啲肉淋嘅，一睇，頂！仲要煮唔熟！即刻決定收口，唔再繼續食垃圾。😡😡這是另加$38隻的蒸元貝！諗住俾貴啲，食到新鮮嘅海鮮，點知，結果一樣，係⋯⋯唔⋯⋯新⋯⋯鮮㗎😤😤😤一向都喜歡寫負評。因為每間食肆總會有佢嘅可取之處！唯獨是長洲嘅海鮮，從冇一間值得去試！我要記住：不可一，不可再🥺

一粒星都俾多佢！當初店員叫我地入去食就話$158兩餸餐 包湯/野飲坐低之後 另一個店員擺底左碟好細既小食同一壺茶 同個兜 俾人洗碗既無講明要另外收費後來叫飯 話要另外收$10一個 到埋單 收我地$196話茶錢 小食 要另外收$28！但佢哋從來冇提過，之前也說好了是$158全包。因為之前響附近既海鮮大排擋食過講好左幾錢就幾錢呢間d海鮮唔新鮮 煮得又求其 又唔新鮮強烈不推薦。

難得黎長洲玩，當然要食海鮮經朋友介紹黎左呢間海龍王見佢晚餐有套餐，會平好多但套餐嘅野我地唔太啱，選擇左散嗌1）蒜蓉粉絲蒸蟶子好伏好多油，超級鹹，仲有沙2）芝士焗蟹殼一樣係鹹，口感一般...3）鮮蝦炒西蘭花正正常常啦..所以都係唔好抱咁大期望

是咁的~今次同女朋友仔黎到長洲hea兩日一夜，咁長洲梗係唔少得食小食啦 不過lunch食左大魚旦呢樣果樣之後 冇奶油夜晚又食呢d嫁於是就的起心肝 一於去食海鮮啦！咁呀其實長洲同好多其他食海鮮嘅地方都一樣 d海鮮點都係集中喺一條街到 咁起初我地都唔知食邊間好 成條街行左次最後決定食番街頭呢間海龍王 除左貪佢有幾缸新鮮海鮮喺到俾人睇之外 最大原因都係因為佢明碼實價 大家都知香港地食海鮮隨時中左海鮮價嫁嘛 咁呢d喺鋪頭出面都標曬價嘅 其實已經賣點嫁喇基本上大部份海鮮都有曬價錢 仲有上面黃色紙仔嘅特價海鮮 最多決定叫椒鹽鮮魷、椒鹽瀨尿蝦、蒜蓉粉絲蒸本地扇貝、一盅石頭魚湯呢碟就係本地扇貝 一份八隻都係唔記得68定78 點解咁平？其實係因為本地養殖嘅扇貝係好細隻 拿我唔係俾人厄 落單前雖然佢冇講 但我知道本地扇貝係細細粒果種 加上六七十蚊份正常你都唔expect大大隻啦 咪當支持本地漁業囉！雖然呢種扇貝肉身細，但味道都係嫩滑鮮甜 絕對係新鮮野！海鮮海鮮，食嘅就係果種新鮮，幾靚幾名貴嘅海鮮都好 如果一死得耐唔新鮮就點煮都爭d 所以蒸海鮮往往就最食得出一間海鮮店嘅貨新唔新鮮呢碟絕對抵食 蒜蓉份量唔會過

今日太平清醮，同bb入長洲一日遊，周圍食下野行下，氣氛好好周圍都好多人。見就天黑就開始搵餐廳食晚飯，行左一轉套餐街見佢間間都滿哂人，就行左去另一邊，見入到黎長洲咪廢事用app睇食評，見到依間海龍王咁岩有位就坐底左叫野食。點知，依個應該係2019年最差既決定。。我地叫左佢今日既daily special蒜蓉粉絲蒸聖子同花膠海参西蘭花，加多個蟹肉蒸水蛋。。。真係好耐未試過食到咁L差既食物，聖子一食又硬又老，直情似急凍野，只不過放上個聖子殼serve比你，個花膠海参仲搞笑，花膠好似冇浸過硬崩崩，食都食唔到落肚，海参又係好奇怪，咬落一d都唔林，好似好硬既蒟蒻咁，完全冇味道，d西蘭花成棵上比你，切都冇切過，真係cls..... 最後上個蒸蛋，上面d所謂蟹肉陣味好似鹹魚咁，食完成餐都唔知自己食左咩，一個中餐廳基本既白飯都做唔好，一舊舊硬崩崩。。。唉真係食完依餐希望一陣唔會肚痛，大家千其唔好黎食，去7仔食個燒賣都好味過佢88

DO NOT EAT HERE! If you turn left after getting off the boat, there are sooo many other restaurants that sell seafood. (This restaurant is located close to the dock after you turn right). You can pick your own fresh seafood and so we chose clams, geoducks, and pee shrimps. The food came out and the seafood SHRUNK! 😱 I'm sure seafood doesn't shrink after being cooked, so it was obvious that they switched out the ones we picked for smaller ones🙄. The tableware that they gave us were disgusting. It

今日難得同一家人趁好天去長洲走一趟，想向長洲品嘗地道風味海鮮，甘啱行到見到呢間好似有自養魚缸去放海鮮以為呢間應該海鮮吾差得去邊，點知食到O曬咀同一肚氣第一碟京都骨，味道可以，同茶記差不多。$88第二漁民海鮮湯，有紫菜，蔥、同一 D 吾新鮮 ge 蝦仔，青口煲埋一齊，味道好麻麻$98 （好吾值，同餐裨相差好遠跟著兩碟係戲肉：第三，避風塘炒蟹、出來賣相厄得下人，食落完全係之前炸過一排ge 雪藏死蟹再番兜出黎，蟹肉一食就勁霉，勁咸及冇香味$98第四 蒜蓉粉絲精蟶子，賣相己麻麻，一嘀豉油都冇落，以為係想食真 d 鮮味啦，點知......夠膽將雪左N 時 ge 聖子去精，佩服！$108總結：食海鮮就垃圾，完。

Terrible place to eat seafood at for tourists and locals. We were planning to get the set meal, but they pressured us into getting the fresh seafood which is much more expensive. We personally chose pee shrimps, geoducks, and clams, which ended up being $750 (cost of getting those three items only). When the cooked dishes came out, the seafood that we chose were not the ones we picked (SO OBVIOUSLY THEY SWITCHED THEM -- pee shrimps and geoducks are smaller) TTL bill is HK$ 1100 . Food was so so,

Deep fried oysters must have been sitting fried for hours prior to serving. They weren’t whole oysters and the sauce was hastily prepared. The abalone was shrivelled and fishy. For 98 HKD each, go elsewhere.The plates were filthy.Rude people. They should not be allowed to service tourists with their bad manners or bad food and dirty tableware.

上星期同男朋友兩個人入左長州行街，夜晚見到近碼頭哩間鋪頭，見地方都乾淨同光猛，又唔會好似其他鋪頭咁行出黎係咁叫人食，不過可能都接近9點，所以唔使等就入得喇！咁入得長州當然就要食海鮮啦！所以就叫左鋪頭介紹下海鮮推介！由於兩個人所以都唔叫得太多，總共只係叫左四樣餸！四樣入面椒鹽瀨尿蝦最值推介，肉質爽口得黎個味又唔差！另外個清蒸本地龍蝦都好好食，清蒸可以保存到肉質鮮味，而本人應為本地龍蝦肉質好食過波士頓龍蝦！薑蔥炒蟹本人應為都ok 都好入味！菜就冇咩特別！整體黎講四個餸都好味，唔會有過咸既問題出現！成餐價錢都算合理，侍應都冇點介紹錯，會再返去再食過！！！

今次係小弟等一次寫食評!當然會有呢樣講個樣!事關香港放徦既時候真係無咩地方好去！所以係weekend同女朋友就去左長洲玩下食下野Relax下!到左夜晚當然要食個海鮮大餐先對得住自己!平時既話都要行去東堤個面既海鮮擋食！不過今次就行去街市方向個面既海鮮檔!行到呢面既第一眼就見到好多個海鮮既缸！正因為見到啲海鮮全部都識郁唔係死既所以就入左呢間海龍王海鮮大排擋！一坐低既時候就巳經有茶水！哥仔就講想食咩海鮮又去海鮮玻璃缸到睇!經過一連串既你有你講我有我講之後就叫左六個餸！1）椒鹽瀨尿蝦味道好正！辣辣地又唔會太咸！最好既係蝦既size有番甘上下! 有肉唔係水.2) 薑蔥炒蟹因為而家係蟹季既關係!所以食蟹都平啲!蟹好鮮甜有口感!唔係得啲死感既味!幾好幾好!3)清蒸本地龍蝦我唔識分本唔本地既龍蝦！呢個係店員推薦！食落有咬口唔會蒸得太過！鮮甜有味！最重要係老闆娘話我地知龍蝦個鬚都食得仲教我地點食！食落真係100分！個鬚仲好食過肉！屈機！4）清蒸海方利呢個又係店員推介既海魚！仲話有錢都食唔到！甘岩今日老闆見到呢條魚又買左返黎所以強推！食起上黎鮮得黎又滑！蒸得岩岩又唔會過老！個口感同斑產唔多！5）上湯菜芯

上兩星期入長洲，三人行，行過見到就入去試下啦，但難食兼搵笨，唔會再有下次!我地本身諗住去秤海鮮，但真係劏水魚咁，結果叫左d特價餸，叫左椒鹽鮮鮑，嘩細粒到呆左，味道偏喊!西蘭花炒鮮魷，冇乜味，更冇鑊氣可言，平時茶記好食過佢!蒜茸粉絲蒸開邊蝦，離曬大譜，粉絲得嗰少少，平時細包嗰d，半包都冇，一食落口，d蝦係爽，不過有陣藥味，再食真d，根本就係用天婦羅蝦黎蒸，好X難食!三個人賣單都每人百幾，食埋d垃圾，食麥記好過!影衰曬係長洲食海鮮嘅印象!