海龍王海鮮大排檔

营业中

休息中

點了個套餐500元6個餸。惡劣！來6個餸又差又醜樣，最大問題係會變味。真系成個長洲飲食業給你搞灣。200%提示大家不要中招，成世人食海鮮未試甘差，終於比左500元上了堂餓住走！扇貝食得落口但可以沒豉油又細粒雞系正常一點但細隻好鞋放很久最嬲系避風塘炒蟹，完全吾知系咩來，嬲到我連相都唔記得影白灼蝦唔係正常冰鮮係好霉個種，細粒到炒蜆好細粒得好少同埋好腥自己唔用OpenRice但真係忍唔住裝個Apps俾返個口俾佢

首先第一樣野：環境十分唔衞生，洗餐具個陣發現竟然可以洗出油，我嚴重懷疑佢哋為左慳錢冇請到洗碗工人。上菜個部分先係最恐怖，食食下先發現佢碟野入面送原隻大曱甴，場面核突至極，極度嘔心，完全不能夠接受，告知店主後，佢地表示會打折，最後只係平左二十蚊，你當我地係咩？乞衣？同埋碟蟹完全唔新鮮，啲肉又乾又化，成碟野得個幾舊蟹肉，其餘全部都係配料。我本身腸胃差，淨係買藥食都用成舊水，第一次食飯食到咁委屈，完全唔推薦，見到呢篇食評既你哋千祈唔好去食啊😭😭😭😭

碼頭附近好似少咗好多海鮮檔 行過見佢d套餐都幾抵食 又送湯又送菜又88折咁 又好似坐滿客咪試吓囉叫咗5餸餐1。豉椒炒蟶子細隻份量又少就預咗 但係好似炒埋一大鑊倒一碟俾你咁 d汁好稀 冇鑊氣又韌2。XO醬炒象拔蚌都係好似炒埋一大鑊咁 d象拔蚌唔係新鮮嘅 灰蚊蚊咁 又係冇鑊氣又韌 3。炸蠔餅加咗d一舊舊粉粉哋嘅嘢入去 未食過蠔餅入面有d咁嘅奇怪嘢 撇除有d奇怪食材 本身口感亦都麻麻4。椒鹽鮮魷唔夠脆5。辣酒煮海螺d螺肉好淋其實都知呢個價錢嘅海鮮會份量少 但個味真心唔得 而成件事最離譜係埋單嗰陣 一間冇冷氣嘅大排檔 飲嗰d淡茂茂嘅茶 收$12一位茶錢 好差

難得入到長洲 諗住食下海鮮chill下 經過見到有套餐都幾抵就試下 簡左好耐食咩 到最後簡左椒鹽炒賴尿蝦 蒜蓉粉絲蒸蝦 薑蔥炒蟹 香煎銀鱈魚之後同個侍應講 佢一句搭過嚟套餐嗰啲海鮮冇咁新鮮聽完之後都有定心理準備可能無咁令…點知上到菜之後 每道菜唔係細隻到離譜 就係完全擺唔落口 粉絲一啲都唔入味 隻蟹無肉 銀雪魚煎到乾爭爭 最大獲係啲賴尿蝦 成碟賴尿蝦隻隻都細到冇乜肉 難得有一隻大隻嘅 一反轉個肚成隻黑色 掀起入邊啲肉係梅嘅🙃哩間野可一不可再，大家想做狗歡迎過去試食

和朋友們去長洲渡假，試咗喱間海鲜大排檔。叫咗幾款海鲜，全部用料都唔係新鮮，一食就知，係我人生中最難受嘅一次未食完即時離場。衛生程度差不知所謂的食店千萬不要去呀！

賴尿虾 蟹 樣樣唔新鮮 有d仲係臭嘅 上菜碟望落去好似冇洗過咁 一紮紮d果汁有油浮面 時菜唔新鮮 最衰係一條蒸魚要個幾鐘？ 叫埋單之後兩分鐘先上 好明顯係服務員漏單😑 又唔比退 未食過 比買錢 個friend話送比其他人食 服務員居然話唔得？ 一🌟都唔想比

呢間野5適合年輕一代 服務質素 態度惡劣可以用垃圾形容今日難得約到幾個朋友出泥長洲挽見有間餐廳幾抵食$578有7款餸1.入去坐低剩係俾咗個大餐牌我地嗰張所謂嘅宣傳紙要開到聲問先提供2.揀好諗住嗌嗰8款餸職員見我地4個人 就話呢啲做Promote嘅份量會好細係咁sell我哋叫大餐牌最後叫咗7碟from大餐牌3.叫咗一碟西蘭花上枱多咗碟 生菜？？職員話有複單 冇得退ok食多碟菜當健康4.鮑魚雞煲漏鮑魚 雞得7舊 鮑魚4舊 仲要係罐頭鮑每人一舊 輪多次都冇 兩舊水5.叫咗碟魚 兩舊水嘅我地食咗兩個幾鐘 魚仲未上戴口罩出去埋單 收銀話 魚係叫起 即叫即整？？講完兩分鐘都冇條魚上枱。落單冇講名？我地話5要啦 就話蒸梗冇得5要蒸兩個鐘定兩分鐘？？條魚上枱了 我地5食 話請其他枱食 職員話5可以甘做最後俾埋魚嘅價錢走人6.張單係人手寫單上淨係會見到餸名同價錢飲品 白飯 茶位 全部綜合成一堆數字7.每隻碟都油到爆 5似有洗8.7碟$1204 開頭諗住叫甘多 服務態度實冇死 真係俾咗個big surprise 我 負責人睇到呢篇文章可以主動聯絡我我5介意作出跟進 謝謝望對客人嘅禮貌態度會待改善唯一要讚

同三个friend諗住搵間大排檔食飯，估唔到服務態度咁差，嗌左七個餸上咗六個，鮑魚雞煲冇鮑魚就算啦，竟然成個雞煲差唔多200纹得到嗰幾块肉，其中一碟鱼走之前仲未上，本來想cancel，佢又唔俾，話嗌左就要上，夾硬擺喺張枱嗰度…..呢間大排檔我唔會嚟第二次囉！人生第一次食飯食到寫差評！！擺明蝦細佬女啦，啲餸又少又难食🤮🤮🤮🤮🤮🤮

同老公第一次食呢間，坐低後，女侍應好快就遞上主餐牌同一碟花生(上Openrice睇先知，原來呢碟花生要$8，餐牌內並冇列明；茗茶$10/位)。一般長洲海鮮餐廳都會有$1xx/2餸餐或$2xx/3餸餐等等揀，但女侍應俾我哋嗰份餐牌，並冇餐揀，問佢先俾，然後再加多句「呢啲細份啲，同埋係冰鮮架」我同老公都冇乜所謂啦，諗住試下啫，仆佢個乖，為接下來嘅中伏掀起序幕。揀咗個三餸海鮮餐，送一個湯同一碟菜，問女侍應有咩菜揀，女侍應稱「我哋呢到主要食海鮮，所以菜只得兩款，一係西蘭花，一係生菜，廚房煮咩就係咩」⋯由於我唔食生菜，就問「可摸耳問下廚房出西蘭花得唔得啊～」人肉錄音機女侍應稱「都係嗰句啦，廚房出咩就出咩，同埋菜係送架，冇得叫佢哋出咩架」(其實呢刻未落單，就應該走，錯L哂 ⋯)但因為老公好想食蟹，我哋又坐低咗碗都洗埋(碗/餐具/茶杯/茶壺全部都痴𥹉𥹉)，而女侍應又講到咁，我就費事再問。湯同菜好快上咗，湯飲到一大半，先見到有隻飛飛喺入面(我D......)一望碟生菜，黃黃霉霉咁，就撩下佢，點知又係有飛飛......  但仲有三個主菜未上，唔敢同女侍應反映以上情況(怕加料呀......)另外三個餸都

甜醬味䜴椒炒蜆。椒鹽鮑魚仔冇椒鹽。蒜蓉炒西蘭花變白烚冇食白飯張單有兩碗。飲一罐汽水變兩罐。仲要1.1服務費，係冇服務。行多幾間應該冇衰，從奶嘢中學習，一定冇下次，比400幾元買垃圾食。。。

因為趕船，所以冇check OpenRice，點知中伏伏伏伏，見佢都有幾台客食緊，應該ok掛，伏到一個點 😣😣😣今日上嚟先見到呢間餐廳有64個，唔差我一個🤮.叫咗個二人餐，盛惠$198時菜一碟已經係最好食上面嗰碟係炒象拔蚌。一個字。乾。兩個字。冇味右邊碟炒蜆鹹過乜咁。仲有呢碟三文魚骨腩。唔知點解我食落嗰時有陣年糕味，係咪過年啱啱煎完年糕😣😣.總結：一個字講晒。差。🤮.呢間野仲要開喺大街大巷嗰個位，喺正碼頭隔離。唔知點解可以咁，好唔掂。以後不會再去。

今日我和家人一起到長洲行行和食野， 晚上到了一間叫海龍王海鮮酒家品嚐海鮮類的美食，我們點了$228 三碟海鮮加海鮮湯加時菜， 有鮮蝦，蒜蓉扇貝，象拔等美食， 新鮮熱騰騰， 值得一吃！

呢間真係長洲之恥，入長洲甘多次，食過好多間呢D海鮮檔，呢次真係伏到痴晒線，直情係垃圾，又貴又吾好食，D海鮮霉到痴晒線，蝦🦀肉霉，龍蝦細隻到未見識過，清炒油麥菜可以炒到黃哂，海鮮湯差過茶記例湯，諗住套餐可能冇甘好(已經係最貴果款套餐）再單點一碟薑蔥炒蠔168，一上枱呆𠃊左，得五六粒，係粒，仲要酸，即刻止蝕，乜都吾想叫，連其他餸相都吾想影相，所有調味料都係咸咸咸，食完要洗腎，一間冇服務既垃圾鋪都仲要收加一服務費，D伙記大叔一副厭世樣，真心想同佢講吾想Do就咪Do啦，執Q左佢啦，害人害己(本人本身都唔係隨便寫食評，但今日真係忍唔住)🤬

蒜蓉開邊蝦,好香,好好味.粉絲又入味.蟹亦都好新鮮,只是細隻咗少少. 炒菜味道正常，不過不失， 海鮮湯有驚喜， 好足料，又入味 ，整體來說，算不錯， 不妨一試， 價錢合理。

見到餐廳有客人，就擔粗粗試一試叫左三餸一燉湯 (二人食)1. 花膠海參扒生菜2. 粉絲蒸大元貝3. 香煎三文魚扒4. 響螺花旗參燉雞湯以上餸菜及燉湯全部無味，原全係地獄廚神傑作，只知中伏，真係一世人都未食過咁難食既餐，三文魚好似成條咸魚咁，又乾又鞋，啲花膠好似無煮過咁，海參有苦味，粉絲元貝元全失敗，燉湯好似飲水，總括伏伏伏伏伏........伏