海鱻城

营业中

休息中

經過優化裝修後，作為領展總部的樂富商場引入不少集團食店，而「海鱻城」算是近來進注其中蠻具人氣的酒家，因此今日和家人慕名而來。「海鱻城」店如其名，店內有著大型透明玻璃水缸，缸內水質清澈，海鮮生猛活潑，款式多樣化。姬松茸海參豆腐煲師傅以珍貴食材姬松茸、海參及豆腐製成煲。姬松茸口感偏爽，味道鮮甜，海參爽口彈牙富膠質，豆腐皮煙韌內里柔軟滑溜，豆香足而醬汁香濃。馬拉盞豚肉芥蘭芥蘭口感爽脆，配上香濃惹味馬拉盞，味道鮮甜鑊氣足。當紅炸子雞炸子雞整隻大小適中，肉結實而甚少肥膏。雞皮金黃香脆但偏乾身，雞肉肉質柔軟，可佐以鹽或甜醬油。鮮人參燉雞師傳以半隻烏雞、人參及花膠等香熬燉湯，湯頭金黃清澈透亮，質感香滑富膠質，味道清新鮮雞中帶參香。櫻花蝦炒飯炒飯米粒分明軟硬適中，咬下粒粒蝦仁、瓜粒、蛋白及香蔥，味道更香口，口感更具層次。大量櫻花蝦灑上炒飯面，更添鹹香及酥脆，豐富而多彩。整體來說，價錢合理，環境裝橫適合晚飯小菜和舉辦小型婚宴，食物味道也不錯， 也是親朋戚友朋友聚舊的不二之選。

樂富中心新開的一間酒樓，海鱻城以海鮮主打為聞名，但沒想到，小菜也同樣做得很出色。小菜味道出眾，菜式選擇多之外︳價錢合理，甜品也很特別，一家大小或商務晚飯都是合適之選。******************************海鱻城位於商場的位置，從地鐡站而出，坐扶手電梯而來，便見到酒樓的入口了。 海鱻城大堂地方也不算很大，但座位舒適，光線充足。晚巿吃小菜選擇不少，特別的推介美食，都可以從這張餐紙上看見。海鱻城都是推界海鮮為主，還有些小菜、中湯、套餐選擇。只要安座，按人數放上小吃，話梅花生 HKD20，茶介收費每位HKD15。第一次見用上話梅配花生，沒想到吃上口花生味道甜甜地，還很入味，原來就是話梅味道，又幾好味。冰鎮三層肉 HKD88，三層肉皮脆又香口，肥瘦適中，一客冰鎮三層肉 不算很多，作為小吃也是合適的。金沙茄子 HKD58，當金沙茄子送上來時，確實有點意外，沒想到份量如此大份，還只是HKD58，確實很抵食。咬上一口金沙茄子，更驚喜萬分，脆漿很香脆，還有很香的咸蛋味道，吃下時口感還是外脆內滑溜，茄子的滑溜口感營造如此豐富的感覺，確實是必吃之選。碧綠炒雙蚌 HKD148，用上脆肉瓜

近日因工作關係多到了樂富，難得一家人同到這裡行街便找中式餐店一同晚餐。見海鱻城的門面大大的魚缸，相信定必有新鮮海鮮用餐吧。海鱻城的裝潢很新，裝飾都以魚形為題，不論牆身或天花都有魚群裝飾出現。用餐方面由於老人家比較喜歡傳統中菜，因此選了潮蓮燒鵝皇作為主要餸菜。其次選了冰燒三層肉、豐料原盅燉湯和七味鹽燒豆腐等...冰燒三層肉是非常精緻的美點，一排十二小件的脆皮燒肉，香脆之帶有點點肉香，口感出眾。配合潮流的一口食用文化，個人而言就是一道精品美食。豐料原盅燉湯用料十足，單看湯料的數量足可以煲上一大煲湯，因此湯的味道濃郁，就連老人家亦覺其味道到位，若到海鱻城用餐就要試試吧。潮蓮燒鵝皇可以說是我們用餐的焦點，從它的外觀以至味道絕對時頂級之作。燒鵝本身肉質鮮嫩，肉感彈牙而且多肉汁，加上醬料煮得恰到好處，引發出燒鵝的香氣，重點在於外皮的香脆，近來能燒制出脆皮燒鵝的餐店實在很少，以其味道及口感已值得再來用餐，很值得推介大家一試。七味鹽燒豆腐是今餐比較熱氣的食品，但為了滿足心裡香口慾望決定點下。豆腐味十足，不管外面炸粉及七味粉的濃香多厚，豆腐味仍能停留口中，不怕熱氣是可以一試。

樂富商場大裝修，其中有一間新開的酒樓名字非常有趣，三個魚字在一起的原來讀音是新鮮的鮮。雖然要查一查才知道怎樣讀，但其實這個名字取得幾好，因為帶出了餐廳賣點是魚，以及包含新鮮海鮮的意味。今天和家人來用膳，想省卻點菜的功夫，所以點了共六位用的龍蝦燒鵝餐。食物相當豐富，逐樣介紹一下。牛肝黑野菌龍蝦伊麵，龍蝦肉爽口，伊麵汁味道夠濃。潮蓮燒鵝皇半隻鹹淡得宜，老人家吃得開懷，對這道菜讚不絕口，評分好高。豐料原盅燉湯名副其實，材料非常豐富。侍應分來的一碗湯味道清甜，飲完不會口渴。可惜美食太多，眼闊肚窄，未能多喝一碗。XO醬如意百合帶子旁邊鳥巢狀的兜，好吸引小朋友，大人則更愛帶子旁邊的翠玉瓜。古法三絲蒸海斑用了薑絲、冬菇絲和蔥絲蒸，魚肉鮮甜。紅茄鮮竹浸時蔬如紅綠燈，有齊三種顏色，健康得來，賣相可以吸引小朋友注意。最後由侍應送來蟠桃大壽包，有大半隻手掌咁大，裏面好足料，有一個蛋黃及蓮蓉 ，食完飽到不得了。六人餐奉送嘉士伯大樽裝一樽和汽水，若不想要啤酒，可換兩罐汽水，所以我們共有五罐。

賀朋友升職，今日嚟到樂富晚餐～一係就唔食，要食就梗係食好嘢啦！係openrice揀左依間海鱻城有好多海鮮選擇～～仲有我嘅至愛鮑魚🥰🥰裝修幾靚～而且地方寬敞，舒適好岩一家大細😌😌本來都好心動想要$498龍蝦組合！但係佢哋嘅Menu好特別，有好多fusion/特色菜，所以心思思咩都想試吓～咁下次先啦～登登登登，香梅脆碧綠落單嘅時候李經理推薦要試試～其實係酒釀萵筍，冷盤食落有梅嘅酸酸甜甜～萵筍外型特別，可以成粒放入口😁😁咬落非常之爽脆，又醒胃～果然冇介紹錯！黑椒牛仔骨煲一嚟到，已經香氣撲鼻！黑椒汁非常惹味！而且牛仔骨黎講，算好多肉！物有所值～肉質實淨得黎彈牙，唔會韌/咬到痴牙，抵讚🤗🤗🤗加埋新鮮洋蔥，好fresh~~叫個白飯，撈少少汁，好幸福啊🤤🤤🤤呢隻椒鹽鮑魚同樣令幸福指數爆燈超級厚肉！ 而且外面係有少少香脆嘅感覺～雖然係椒鹽，但唔會好鹹，反而係好香好惹味最後仲有依個芥末琥珀牛柳粒～有好多肥嘟嘟嘅菇～翠玉瓜同埋燈籠椒～配合埋粒粒幼嫩，彈牙嘅牛柳粒同埋香脆嘅合桃，都幾夾喎係咁食係咁食就會feel到有淡淡嘅芥末味，唔會話好辣/好攻鼻但係就會清爽啲～涼涼地～正呀🤗🤗🤗值得一提嘅係依度嘅服務好好～

很久已沒有到樂富了，今天下午決定先到UNY逛逛，然後在樂富吃過晚飯才回家。抵達UNY時竟發覺這日本人氣百貨的三樓原來已結束營業了，只有二樓的家品和食品部門繼續營業，真有點失望。幸好逛完後給我發現了一間在樂富廣場UG2樓開業不久的粵菜酒樓。新裝修的酒楼非常光猛和整潔，設計美觀，給食客一種舒適的感覺。有海洋feel 的裝飾不其然令人聯想起海鮮，非常切合這酒樓的名字，頗有心思。打開餐牌，發覺除了水產外，尚有很多選擇，菜式亦比較特别。我倆今次試了一個$498 的龍蝦組合和一客甜品，真有意外驚喜。1: 龍蝦組合$498🦞~上湯焗波士頓龍蝦若要配伊麵的話，便要加$50。龍蝦是完整的一隻開邊，上湯焗更惹味，賣相討人，増添食慾，味道鮮美。彈牙伊麵索了上湯和龍蝦汁，盡吸引了這美食的精華，又怎能放過呢！~椒鹽蒸鮮鮑魚（6隻）據說是秘製處理，吃起來鮑魚心仍嫩滑，外微脆，咬起来有𡁻口但又一點也不韌。味道多層次，除鮮美外，還有脆蒜和椒粒的香，滋味無窮，好吃！~脆皮燒鵝皇（例）燒鵝大約是四分一隻，烤得皮薄而脆，皮下的油脂薄而甘香。一口咬下，香溢四射，鵝肶肉更甜美。沾上甜甜酸酸的酸梅醬來吃，更加美味。2: 沖繩紫薯

亞媽今晚罷工唔煮飯, 我就同佢去附近既新酒樓食.地方夠寬敞, 坐得舒服, 冷氣唔會太凍, 可以舒適咁食呢餐晚飯.亞媽鍾意食燒味, 呢度有款炭燒黑豚肉, 微微既焦香味.黑豚肉質入口夠軟腍, 脂肪比例平均, 口感有點油香, 但又唔覺肥膩. 味道夠入味, 帶甜甜地.我就要左海鮮, 金不換炒貴妃蚌, 隻隻都好飽滿, 大大隻夠肥美.肉質夠爽口, 無咬唔開既感覺. 鮮味濃, 金不換夠惹味.仲要左款清清地既香梅脆碧綠, 口感夠爽脆, 酸酸甜甜.我見呢度都好多街坊黎食晚飯, 價錢唔算好貴, 款式新穎, 選擇多, 感覺唔錯.

今日放工時又出現地鐵故障我同朋友係觀塘一齊上車後，去到樂富突然列車停左好耐都唔開，最終係成條觀塘線要暫停🤦🏻‍♀️原本打算去旺角食野的！唯有改變主意，係樂富搵下有咩好野食啦被呢個蔚藍色的魚缸吸引左而且餐廳看上去好新淨乾淨沙拉汁脆蝦球隻蝦球好大隻！仲有成8隻添，超抵食沙拉汁酸酸地再炒過，味道好好，而且又唔會好膩金沙茄子🍆真係好熱架，外脆內淋，味道有少少椒鹽既味道，但唔會太重味，我好鐘意食開頭以為金沙係有咸蛋黃，其實係無的，所以可以放心食碧綠炒雙蚌炒得好有鑊氣蜜豆仲好脆卜卜的，而珊瑚蚌亦炒得岩岩好，完全唔會韌蒜蓉粉絲蒸蘇格蘭蟶子連粉絲都好入味呀相信係將炒絲輕輕地炒過再蒸而蟶子夠哂新鮮，係爽口鮮甜的石鍋一品炒飯呢個石鍋飯一黎到已經香味四溢每粒米飯都炒得好分明，又夠乾身味道更加不用多說，實在太好味了仲食到有啲飯焦香，超好味北海道桃膠甘露用左北海道牛乳，所以特別香濃而且口感好豐富，當中有雲耳、蘆薈、西米，同好養顏既桃膠呢個甜品好有質素

今日去開樂富探朋友，朋友話想試一間新開嘅酒樓，個名好得意，叫做海鱻城，有咁多個魚字，唔通係主打海鮮？同傳統嘅酒樓唔同，呢度門面同內部裝修都非常新穎，空間感好大，亦都非常光猛，喺呢度絕對可以慢慢咁食一餐好嘅五頭南非鮑魚（$68）呢隻鮑魚做法好獨特，係以香蒜同椒鹽做成，椒鹽嘅鹹味，更能凸顯出鮑魚嘅鮮甜，而呢一個煮法，更能鎖死咗鮑魚嘅肉汁，咬落去Juicy無比蘇格蘭蟶子（$58）手板咁長嘅蟶子，以蒜蓉粉絲蒸嘅方法，做出一道惹味非常嘅餸菜，蟶子肉質爽脆，咬入口非常有口感，味道鮮甜，一啲沙都冇。所有嘅肉汁流晒落去粉絲裏面，可以話吸收晒整道菜嘅精華冰燒三層肉（$88）三層肉嘅皮非常脆口，食落去有微微燒烤嘅香味，肉質嘅肥瘦均勻，一口一啖，有脆同嫩嘅雙重口感鮮人蔘花膠燉烏雞（$248）一埕嘅烏雞湯絕對足夠四人食用，分量十足，大大啖嘅花膠，睇得出用料方面絕不吝嗇經理特別話俾我哋知，個湯係原埕高溫大火隔水蒸六個小時，所以會特別出味飲落去就知道，個湯冇味精，飲得出人參嘅甘香同埋烏雞嘅鮮甜環境裝修新開嘅酒家，地方新淨光猛之外，裝修亦都係以魚為主題，枱同枱之間有足夠空間，坐落舒服餐牌最值得一讚嘅，喺呢度嘅服務，

星期日一家三口去飲茶。見新開張，就試下呢間。裝修格架一般，走中下路線。部長一黎就介紹我食皇牌三寶假日$258，一睇有個"老火湯" 一款小食同埋炒粉麵飯。感覺上三個人唔係好岩，諗住亦唔平，但其實原來已經叫抵食過我叫點心... 我叫左以下點心:粉果叉燒腸棉花雞沙爹牛肚芝士奶皇包鮮竹卷鮮蝦沙律春卷茶位計2個竟然收我 HK$350 ! 仲貴過中價既明苑潮庭，價錢追到帝京軒/聘珍樓! 但好老實, 質素未追得上。埋單時12點幾1點，出面都冇乜人等 - 即係伏已中

<海鮮好味既海鱻城>樂富呢間海鱻城 酒樓既格局 門面有新鮮海產 一睇就知主力食海鮮 . 本身以為係普通酒樓質素 但食落真係幾正 👍🏻坐位舒服 幾啱一家大細黎食1. 🍴龍蝦組合🦐 498 蚊有三樣野 其中一樣係 上湯焗波士頓龍蝦 轉芝士唔洗加錢🧀 加伊麵就加50 蚊兩隻龍蝦原隻整 芝士勁多勁香濃 但又冇蓋過龍蝦味 龍蝦好鮮甜 口感彈牙 都算啖啖肉 加左50 蚊既伊麵 個麵好淋身 好吸芝士味 如果冇甘淋更好 🧀👍🏻1. 🍴龍蝦組合🦐 498 蚊有三樣野 其中一樣係 椒鹽蒸鮮鮑魚 6 隻放得幾靚既6 隻鮑魚 椒鹽鮑魚 已經越黎越少機會有得食 最難係將鮑魚整到椒鹽但又唔會過火 . 呢個首先鮑魚大隻彈牙 出面椒鹽味夠香口 😃 十分惹味 整得十好唔錯👍🏻1. 🍴龍蝦組合🦐 498 蚊有三樣野 其中一樣係 脆皮燒鵝皇🔥睇大細應該係例牌多少少 個燒鵝皮燒得好香脆同薄 中間有肥膏充滿鵝油香味 肉都夠嫩滑 比想像中好味👍🏻#龍蝦 #芝士 #伊麵 #海鮮 #椒鹽 #鮑魚 #燒鵝Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻

與太座去探親友，談到日落，索性一起吃晚飯繼續，親友帶路，來到這間新店。新店地方光猛潔淨，有多種海鮮供應，有魚蝦蟹不在話下，當中尤以阿拉斯加蟹最震撼，可原隻清蒸，售$28一兩，惟最細小的一隻也有五斤，我們只得四人，相信難以招架，何況是親友做東，點菜客隨主便。先來小食椒鹽魷魚鬚，雖然是小食，但份量頗多，上了脆漿炸，再灑上乾蒜椒鹽，惹味非常，魷魚煙韌。黃金大蝦球，  蝦球上了脆漿炸後，滾滿鹹蛋黃做的金沙，甘香的鹹蛋黃與鮮甜的蝦球交織出獨特的滋味，雖然膽固醇含量不少，但喜歡吃的人一點也不介意。脆皮牛坑腩，牛坑腩炆好後，上了脆漿炸，是吃牛腩的新感受，牛腩瘦中帶點肥，特別軟滑，牛味特濃。花膠北菇鵝掌煲，北菇厚肉，菇味香濃，鵝掌炆得夠身，軟腍入味，非常好吃，花膠很薄，質素一般，因只是百多元一個鵝掌煲，一分錢一分貨，無可厚非。羅漢扒上素，有數種菇類，粟米仔，芽菜，筍等，清爽健康，茨汁調較適中，不稀不稠。各人皆無飯癮，點了京蔥生煎包作結，外皮煎得香，若餡料多一點會較好！感謝親友的熱情招呼， 有空再來探你們，下次由我做東！                                         

普通既中菜好難吸引年青一輩, 但今晚朋友帶我黎呢間酒樓, 就有好多新派既中菜, 味道有特式又美味.兩款開胃小食, 香梅脆碧綠, 個瓜雪凍左涼涼地咁食, 好爽口, 帶點梅味酸酸地, 兩者好配搭又夠醒胃.藍梅鮮准山, 咁樣食准山係第一次, 口感腍腍地爽爽地, 准山本身無咩味, 但配埋藍梅汁既酸酸甜甜, 夠開胃. 而且准山同藍梅都係好有莽既食物, 呢個餐前小食食多D都唔怕.仲有呢度既糖水都好特別, 唔係紅豆沙, 芝麻糊呢D普通野, 呢個係北海道桃膠柑露, 桃膠係高纖食物, 高蛋白質, 口感腍腍地, 糖水唔會好甜, 其他配料就係西米露, 椰果之類, 凍食易入口, 無飽濟感.晚飯要食飯先夠飽肚, 見到有櫻花蝦炒飯, 一碟夠晒幾個人食, 炒飯D材料都幾多, 主角櫻花蝦好多隻, 真材實料, 味道唔腥又唔會好咸, 個飯夠乾身, 就咁食已經好好味.新派菜式帶來驚喜感, 下次會再黎食下海鮮.

在一個謝別兩位退休校長的夜宴品嘗了這所有創新食品的機會。頭盤：原隻斬件乳豬, 皮脆肉嫩，肥瘦 恰到好處，85分。兩熱葷： 炸蝦棗，賣相夠得睇，用杏仁片包蝦肉，外面咬落香脆，但蝦肉欠彈牙！另一個創新的 賽螃蟹， 海鮮黑松露炒北海道牛乳， 滑滑的牛乳 加上黑松露的香氣， 再由海鮮粒點啜一下。座上每位都大讚！主菜之一： 豉汁龍蝦 香煎兩面黃米粉底， 香脆米粉 吸豉汁龍蝦 味道，入口美味無比！南瓜 鮑參翅肚羹，有創意可惜 南瓜味 蓋住了 鮑參翅肚 原味。足料但魚翅略為較硬身！鵝掌鮑魚： 個芡身較為特別，沒有太重蠔油味！ 火路恰到好處，夠腍入味。 如果 如果配刀叉位位上 感受更佳！清蒸海上鮮：這裡廚師蒸魚功夫是有名的。九成熟，條魚滑一滑！賣相可以改進，皮破露肉！別的 菜館 一般雞的做法都是 炸子雞，海鱻城 採用了清蒸文昌雞，有雞味而不韌，骨髓仍微紅但雞肉完全熟透，廚師的火路控制確令人佩服。壓軸的炒飯： 櫻花蝦炒飯，，炒飯 乾身而不油膩，鋪上一層 預先走有的 櫻花蝦， 整體香脆可口， 值得推薦的另一美食！另一創意甜品：有益力多味的糕點，微甜，夠健康！

跟幾個舊同事慶祝生日, 揀酒樓無時限係一個最佳之選, 7點幾等齊人, 酒樓都已經有八成人了.部長推介左幾款時令海鮮, 價錢都夠實惠, 今晚慶生所以都要左兩款.椒鹽鮑魚, 通常鮑魚都係蒸黎保留鮮味, 但呢款椒鹽炒亦不失原有既味道, 鮮甜味足, 椒鹽提升惹味度, 好開胃. 肉質夠厚且爽口, 一點韌都不覺金不換炒貴妃蚌, 呢個都係炒得好香, 貴妃蚌夠彈牙, 有貝殼類海鮮既鮮甜味, 無沙或唔乾淨既感覺, 食得好放心, 而且夠大隻.剩係海鮮又點會夠飽, 加多個櫻花蝦炒飯, 飯炒得夠乾身, 一粒一粒無黏埋一齊. 配料有櫻花蝦, 蝦仁, 蛋花, 菜粒等, 都係一D無咁濃味既材料, 所以味道夠清, 唔會好重口味, 食完無口乾.雖然果晚坐滿八成人, 但侍應都好勤力加水, 換碟之類, 服務唔錯.