海雲天

营业中

休息中

「8道」點心套餐： 👎🏻陳皮叉燒酥 皮唔夠酥唔夠香、無陳皮味都冇叉燒味，完全唔知食緊咩餡🤏🏻皇牌杏汁灌湯餃灌湯餃浸得太耐令到餃皮過軟爛，口感好差！本身一般杏仁味，但同餃漏出嚟的肉汁混合後，反而帶出鮮甜味👍🏻餃入面有粒迷你罐頭鮑魚仔😂 👍🏻筍尖蝦餃皇餃皮厚左d同唔夠煙靭，入面蝦仁比例多同大粒，加番分！🤏🏻櫻花蝦潮州粉果無櫻花蝦的香味，就係一粒普通粉果😂 👍🏻湖箔金魚餃造型可愛、打卡一流，味道其實同蝦餃有少少相似，但肉更飽滿同彈牙！🤏🏻鮑魚燒賣皇鮑魚同埋燒賣比例係一比一。上面係較靭的罐頭鮑魚，下面就係一般的豬肉燒賣！不過不失無太大感覺的一個點心🙂👍🏻黑金流沙包點心姐姐一炮過上晒所有點心，所以食到流沙包已經凍晒，本身都無預料仲會爆漿‼️點知一咬開香濃的流沙蛋黃漿爆晒出嚟，漏到下巴都有😂好驚喜‼️蛋黃漿好香，咸甜的味道真係好好食🤤👍🏻創新番石榴甘露食完前面7樣點心後先會上甜品！初頭覺得甘露上面好多泡，外貌好一般😵但估唔到番石榴味好香濃都無假生果的味道，入邊仲有啲番石榴粒增加口感😍👍🏻作為番石榴愛好者之一好鍾意，一路食住冰涼嘅甘露一路睇住藍天白雲同海景真係一流👍🏻 今次套餐我係KKday賣，💰128

網上買左 $128/位 (未計加一同茶介, 大概每人$40) - 八個點心午餐，同朋友一行五人去lunch, 一入安排海景位非常開心，因為成個餐廳得十檯客到…但後來發現餐廳無咩冷氣，個位又曬住，全餐一路食一流汗❤️‍🔥訂咗八個點心嘅餐, 第一個係叉燒酥，應該改名做叉燒醬酥，五件入面都係得醬而無叉燒🫣而且係凍嘅🫠食完叉燒醬，其餘六個點心突然一次過上晒！因為一道點心一個木盒裝，我哋五個人，即係佢夠膽一次過上晒廿幾個盒，然後叫我哋食嘅時候自己逐個開😅完全無諗過酒店會係咁嘅服務🫣而且最重要係，一次過上晒，我食完個灌湯餃，其他點心已經凍晒🙃食物質素方面不過不失，無咩特別驚喜，最好食係個熱嘅灌湯餃，夠熱，湯有杏汁味。但應該一早整定，拎岀嚟時五碗嘅皮都浸都爛晒🥲已經達至質璧分離….最surprised 竟然係糖水，番石榴甘露好有番石榴味，而且係冷凍嘅。朋友想encore，但原價要38一碗就無叫了總括而言，應該冇下次~

紅磡海雲天食晚市小菜放題，經過之前點心放題，對於今次晚市放題唔抱太大期望。晚市放題會有以下不是任食：每人半隻龍蝦，另外有5選3嘅菜式都唔係任食，試過鵝掌，乳鴿，同埋雞燉翅都好食，龍蝦最差，肉質過老太實。飲品方便有紅白酒，啤酒，橙汁汽水都係任飲，但需要自己出外面拎。任叫任砌部份就用手機掃QR code，第一轉點心，燒味同埋海蝦都好出色燒鵝夠肥夠香；燒腩仔皮脆鬆化叉燒入味夠淋；蝦餃，小籠包，灌湯餃，蛋散，紅棗糕，同埋紅豆沙，仲有個流沙包都唔差，除此之外碟白灼蝦好新鮮好爽口。接住到小菜，總括嚟講仲有幾款小菜唔錯，就係黃金苦瓜，咸菜豬肚湯，小炒皇，鮑汁雞腳，咕嚕肉，同埋片皮鴨。由於太滿足，試唔到甜品同麵飯。整體今晚嘅放題超出預期，喜出望外，加上侍應都有禮貌同收碟都好快。

真係預為打卡而黎。片皮鴨很簿，味道也很一般。點心放題食物質素真係預左一般 基本上叫左成檯食物 得蝦餃燒賣係最熱既，可以叫好食 。叫左秋葵食就唔知點解變大碟芝麻醬沙津菜加秋葵，沙津菜仲多過秋葵。同埋落單有點令人會唔小心點錯份量要留意佢有分點心係一粒粒咁點，啫喱反而係一份計，我本身只想要三粒啫喱，結果變左三份咁多既一碗啫喱黎左。其他小食係冷冰冰。希望會改善下食物。望番以前人地既食評，以前仲會有粉麵，今次我呢個一人都收三百左右，除點心以外，只有個片皮鴨粥。食物可以食很飽，但完全你只會想再追加蝦餃燒賣食。

我一生去洒店內食晚飯，簡直令我大開眼界，我希望海雲天早d收鋪轉一間有品貿食銉，招牌咕老肉，衰過大挑擋，每樣餸，碟大份量極少，性價比極低，可以不去！一定後悔，冇服務，冇品質，冇

一向都好鍾意食點心放題，因為可以每樣試少少，大部份點心都係以件做單位。鍾意食就叫多啲，可以一次過滿足晒你N個願望依間海雲天係紅磡海悅君綽酒店嘅中菜餐廳由佢有點心放題開始，我就已經同屋企人嚟食，諗住可以俾阿媽試吓唔同嘅酒店點心呢度嘅點心質素好好，雖然係點心放題，但係一啲都唔馬虎，當然最重要係佢個景如果好彩坐到窗邊位嘅話，就可以望住個超靚嘅維港靚景，食住點心，飲杯茶真係一大享受以酒店嘅點心嚟講呢個價錢，真係超值，性價比高食完仲可以去紅磡海旁行吓，半天愉快嘅旅程

已光顧此酒店酒樓十多年，見證着由好吃，講究，到今日的口味街坊化。十分失望。定價中上路線，食物味道中等或中下，性價比低。煎蘿蔔糕很難吃，冇味，完全冇蘿蔔絲，當然亦冇乜冬菇蝦米等等，只係一件粉狀糕，基本如此的點心可以做得那麼差很奇怪。小籠包皮厚，味道很一般。煎素鵝，皮內的冬菇等配料少得可憐，你當是吃到一塊煎香的黃豆腐皮算了，完全沒心的菜式。其他收費很貴的點心，像是聲稱流心奶黃包，都係期望中嘅水準，其他點心吃完沒有太大感覺。最好吃的是燒腩仔，皮做到鬆化脆口。服務可以，但沒有那種給你星級感覺，仍然很街坊的，門口的經理也是很不太專業，(緊記酒店索價很進取所以對食物環境服務有期望是應該的). 綜合而言前兩篇版友評論伏，是十分忠實客觀的評語。

今日 來到這間紅磡海逸君綽酒店這間海雲天,環境屬於酒樓的格局, 食物方面有片皮鴨🦆🌮、脆皮燒腩仔、潮蓮燒鵝🪿、黃白灼海蝦🦐、惹味椒鹽骨、吉列大蝦🍤、翡翠蝦餃🥟、灌湯小籠包、黑金流沙包、蟹肉🦀罐湯餃，胡椒豬肚湯，鮑汁鳳爪，帶子炒時蔬，椒鹽豆腐，手撕雞等.點心出籠得快同夠熱,鴨肉粥、鴨肉酥同片皮鴨好食,成家人來任飲任食價錢適中唔會太貴，以5星酒店海景來講，就很不錯啦!整體評分：7.3/10味道：7.3/10服務：7.1/10環境：7/10人均消費：$300-400地址紅磡德豐街20號九龍海逸君綽酒店2樓2/F, Harbour Grand Kowloon, 20 Tak Fung Street, Hung Hom港鐵黃埔站 D1 出口, 步行約4分鐘電話號碼29968459

點心放題環境：Ok，大落地玻璃窗，海景食物：選擇勁少；而且食物質素差，料唔靚，例如灌湯餃入面全是菇；排骨全是肥膏，片皮鴨好so，而且全部好難食，比一般茶樓難食好多服務：勁差，唔單止我哋，對其他客都好差，仲要個個員工都係咁。Staycation 過幾次，西餐buffet又好多次，員工態度完全冇問題，估唔到中菜咁劣，仲要個個都咁西面上菜：完全冇跟我地點既野上，佢中意幾時，上幾多，完全唔知想點，最後當然放題都唔夠飽啦奉勸各位！呢個價錢，出去單點食靚點心好過啦

前幾日同朋友去海雲天試點心放題入場前職員提醒有限時1.5小時整體來講還可以點心出籠得快同夠熱鴨肉粥、鴨肉酥同片皮鴨好食紅豆沙同蛋撻一般蒸排骨太多油太肥服務態度良好！

琴晚食左，10人坐海景台，買coupon 2送1兩張，3送1一張，6點入坐，食到9點幾先走，紅白酒汽水橙汁利賓立任飲，放題食物以呢間酒店來講係hea左啲，正價一定唔推介，但係特價呢，成家人來任飲任食飲番兩杯酒唔先諗價錢，以5星酒店海景來講，就很不錯啦😂😂😂❤️❤️❤️ 點心很不錯，海鮮桶細路食得好開心，飛天通菜勁辣，燒腩仔好脆，兔兔好得意，甜糕都唔錯😋😋😋 我本人就好鐘意食鯖魚，片皮鴨個醬唔好食，小籠包都ok可以喪食😂😂😂

海雲天一向定期都有做D主題點心放題，今次佢地就做左呢個”鴨之點心放題”，巿場上用鴨去做點心放題既其實就唔多既，咁我地就梗係唔會放過呢個機會啦，今次就帶埋屋企人一齊去，一於喪食片皮鴨。既然今次用鴨嚟做主題🦆，咁當然都會有啲陪襯返主題嘅點心啦，今次就有一共13款鴨之點心，當中包括片皮鴨、鴨脯肉燒賣、椒鹽鴨架等等，亦都有啲經典既點心例如係排骨、粉果、燒賣同蝦餃等等超過45款點心小食俾我哋揀既。但係既然揀得鴨之點心放題，我哋既目標就當然係片皮鴨啦！！！今次就會概括咁揀啲重點既食物嚟同大家share下我地試過之後既感受啦。🥙片皮鴨片皮鴨本身嘅味道都唔錯嘅，肉質未至於非常細嫩，但絕對唔係鞋過擦子膠咁，片出黎既鴨唔算好肥，放題嚟講，片出黎既鴨皮肉既比例就當然係多皮少肉啦(雖然有少少失望但都唔算係意外既)，配上薄身嘅餅皮，口感算唔錯！值得一提既係，唔知係咪片皮鴨太過矜貴啦，上菜速度就比較慢，我地第一個order既片皮鴨足足等左45分鐘，而佢既出品亦都唔算好大碟，必須承認係同預期既有多少落差😔。🍖椒鹽鴨架鴨架骨肉比例大概係 7:3左右啦，以食骨架嚟講比例算係幾好，骨架食落肉質就非常韌啦，同嫩滑呢個字真係

好耐無同屋企人飲茶啦，諗住見有片皮鴨，又經kkday有3送1優惠所以試下啦。人均消費$270💸我哋被安排到海景位係開心既，不過今日都幾多人同埋可以近窗邊所以有啲熱🥵第一樣就黎左腸粉，點知個皮厚到乜咁，仲要唔係熱😂好彩，其他要蒸既食物都熱既，片皮鴨就不過不欠啦，一塊皮就包一塊鴨皮一條蔥一條瓜咁囉，不過無一樣野食完系特別好食，唯一好小小系甜品既棗皇糕同咖啡千層糕。以酒店食物整體黎講其實都幾失望，服務態度還可以吧，見啲人話可以唔知食幾多次，我就一次夠了😁呢個價錢又真係食好小小既酒樓點心應該係無難度既🤭

絕對唔會有下一次😅如果唔係朋友見網上有任食仲話做優惠試吓都唔會食坦白講，仲差過普通酒樓。。。啫喱似藥水味片皮鴨細塊到。。。唔知有無食到支裝飲品冇晒又唔refill黑名單😌

海雲天做緊片皮鴨小菜點心放題買二送一，朋友話想食，又即管試試佢。紅磡 Harbour Grand 話自己五星，佢個酒店大堂同中菜廳海雲天睇落都係金碧輝煌，不過好睇唔一定好食。本身對長和系酒店冇乜好感，之前住過幾間佢旗下嘅酒店，無論係住宿定餐飲都硬係覺得佢孤孤寒寒甩甩漏漏咁，喺啲唔明顯嘅地方慳啲減啲博人唔覺，一樣半樣或者俾佢偷到雞，但樣樣都偷加加埋埋就好擇使。因為呢個優惠係要經 KKDay 去買，去到 reception 個疑似 captain 叫我 show 個 QR code 俾佢掃，咁就真係考起我，你知啦，年紀大咗對科技係有啲手足無措。我打開個 inbox 望吓，KKDay sent 咗好幾個 email 過嚟，都唔知邊個先係。逐個開嚟睇吓又唔見，俾部機阿 captain 睇佢好似仲濛查查過我。搞一大輪，好彩個肥妹仔侍應帶完枱返嚟，佢兩吓手勢就搞掂。我當堂鬆一口氣，望望後面，原來已經聚集咗一條人龍。嗱，唔關我事㗎，唔好鬧我。雖然間餐廳有一邊落地大玻璃無敵大海景，但我哋就無緣坐近窗嘅位。唔緊要啦，食嘢啫，都係講番啲嘢飲嘢食。嘢飲方面，佢有罐裝啤酒汽水，亦有利賓納同鮮榨橙汁嘅 disp