海雲天

营业中

休息中

今日同爹哋媽咪去飲茶！❤️❤️ 係網上平台 預訂嘅90分鐘點心放題！今次嚟到九龍海逸君悅酒店，點解想訂呢一來係想去同佢地飲茶，二來想睇海景， 三來想任食點心🤣🤣啱啱好滿足我三個願望😜我哋預訂咗下晝2:30 ，去到時間啱啱好，已經有好多人等緊🙈 其實之前同佢地講過有海景，佢哋話有冇海景都無所謂🤣🤣 不過佢哋兩老好少出街，想佢哋都享受一下！輪到我哋了，跟住我就同侍應講想要window seat，侍應話冇晒啦😭(之前試過打去問，職員都有講過話先到先得嘅)然後安排咗普通嘅中間嗰啲位，爸爸媽媽話冇所謂，心諗算啦，未坐之際嗰位侍應話你係咪想要窗口位，嗰邊有張枱執緊不過你要等一等，我心入邊即刻好開心！♥️好感謝嗰位侍應😘 爸爸媽媽開頭話冇所謂，但爸爸見到個海景位之後都wa咗一聲! 因為真係光猛好多！你知老人家係鍾意光啲😛然後就狂影相🤣🤣 但係媽媽冇乜反應🤣🤣佢呢度係QR code入單，部份點心係要逐件叫嘅，例如燒賣蝦餃春卷果一類，第一轉叫咗53件&份 😂😂嘢食都好快到！另外有三樣係每人一份嘅！蜜汁火方，鮑魚撻，椰皇燕窩燉鮮奶，呢三樣都好食喎！尤其係個燉鮮奶😋奶黃流沙包，個包黑色上面再畫咗金色望落去非常高貴

服務質素差到極點，食材一般，完全沒有酒店的水準👎🏻👎🏻👎🏻，將價錢就貨物不如唔好做，咁樣就不是一送一啦，人多唔夠分仲要一碗变半碗，酒店經理仲要話只係水嚟嘅啫俾多啲你冇所謂，簡直不知所謂嘅答案😡😡😡，蟹都未食完就繼續上餸

除蒸點外，其他點心沒有突出的。那個咸菜豬肚湯最差，咸菜和豬肚完全淡而無味，另外還是不熱的。流沙包最好味，黑金蝦餃也是正。蝦餃燒賣也不錯。環境十分好，服務質素就仍需提升，聽到鄰檯客人與侍應員有所爭執。

今時今日只可以香港消費，雲海天一間5星酒店特式蟹宴，抱住興奮心情而去，可惜絕對係失望而回。菜式系多款嘅，不過絕對吾精緻，價錢係平嘅，不過吾係正價比。蟹其實只要靚，應該一定吾會太差，可惜無蟹味，肉係淋嘅。其他菜式，絕對吾會令人有記憶，無賣相，無特色，上菜係同其他枱一齊上，效率其高，可惜一片混亂，隔離枱大閘蟹餐嘅蟹肉小籠包，吾覺意俾我食埋，可憐係，我吾覺著數左囉🤣呢餐食完，係會令人很失落，好想去食過一餐好嘅蟹雲海天是否名過其實呢？我本人覺得絕對係

今天老婆生日，到來了海雲天試了一下，點心放題下午茶kkday賣緊$158一位(未計茶錢加一)，早來了大半小時，排到了海景位(落地玻璃)門票值了，點心先來的是鮑魚酥(定食每人一件)，餡靚皮鬆脆夠熱美味，不失為一個最佳的opening impact，跟著來的牛肉腸粉就因不夠熱稍失色了，但後來的咸水角及黄金凉瓜熱辣辣味道恰到好處取回不少分數，此外普通蝦餃(餡爽彈)、山竹牛肉(檸香)、口水雞(味濃)、醬王鳳爪(入味)、上湯鮮竹卷(清新)、椒鹽豆腐粒(皮脆內軟)則是没有令人失望的水準之作，夠熱及味道給人留有好印象，水準平平的包括黑金蝦餃(定食每人一件)、黑金流沙包、叉燒飽、燒賣、潮州粉粿、東蔭功魚疍蘿蔔、雷沙湯丸、鮮果沙律、天婦羅茄子及雜菌干燒伊麵。最後結尾是椰王燕窩燉疍白，少甜香滑(齒夾留香)內子很喜歡多吃了我的份兒。整餐總評我給性價比中上，始終酒店大酒樓市場中此屬低廉價格(考慮到景觀陳設佳、極衛生、座/枱舒寬、高質服務)，店子人手十分充裕出菜算齊快，怕上火的朋友還可以充壺菊花茶(普通茶位收費)，兩人吃下午茶埋單$398飽到可省掉一頓晚餐呢！

早一晚訂了星期五海雲天水11時點心放題， 在官網預訂時註明想要窗邊位，黃埔d出口2分鐘左右，11時到達已坐滿9成多。原來坐位按先到先入，再以窗邊位安排入座，酒店空調充足，服務合格，上菜速度約10分鐘，機乎沒漏單。沒qr code入單，味道大都合格，沒大驚喜，讓人失望是茶不行。口水雞：還好沒雪味有淡淡酒香，辣度連bb辣都沒有，適合不能吃辣的人青瓜：還好鮑魚撻：送的但很不錯，比想像好味，鮑魚有趙口夠入味，撻也鬆化。沙律春捲：這個千萬不要試 ，夠熱只是餡奇少像吃炸皮而已咸一角：值得一試 已encore 蒸腸粉：牛和素都不錯 ，沒想像像的厚皮只是不夠薄素餃比想像好菇味濃皮薄精瑩土豆絲略嫌切太幼沒咬口，味道不錯已encore 燒賣正正常常炒腸粉 涼的而且味不太夠雞腳 沒雪味但也沒甚麼味牛肉 不錯 沒疏打粉味又不會過熟鮮竹卷 伴湯及菜一般吧炸雞翼夠熱和脆但不會比kfc好 沒甚麼味炸茄子 有驚喜已encore 炸豆腐 不要點 超淡又過大份量太超過湯茶 是白菜淡湯還可以不錯吃紅豆沙馬豆糕黑糖糕 正常合格燉奶好味可惜只送不賣如用kkday訂會更有價惠

Harbour grand 9月份推出了點心放題，見到158$ 任食40多種美食，便來去了海雲天和點心一決高下。一夠鐘，我們便拿起點心紙 點點點心儀的點心，來一一介紹：先來是個鮑魚撻，鹹撻不是平時會食開既食物，不過味道不錯，幾特別。流沙奶黃包：包身黑色配以金漆，內裡一打開，黃金流沙缺堤而瀉口水雞： 雞鮮嫩滑 ，口水汁野味可以令人食到流口水。蝦餃和腸粉：皮薄餡靚又夠滑椒鹽炸豆腐：味道淡了一點，多點椒鹽會更好胡椒豬肚湯：可以一小碗上，不會喝完太飽，喝了內熱由胃散到全身，能燃燒努力食放題的鬥志。黃金苦瓜：苦瓜的甘能平衡黃金的膩，好菜色👍燒賣：水準到位椒鹽炸茄子：外脆內軟，非常好味最後椰皇燕窩燉奶是送的，令這一餐劃上完美的句號。😁

中午book左12：45分，準時黎到唔使等！上網站買既coupon，任食90分鐘，另收加一同茶錢，一人除返開都係200落樓。之前食過其他酒樓既任食點心，比較之下依度既賣點係：食物質素環境有海境枱之間闊落人手好夠落單後上菜既速度合理仲要有送黑金流沙包同蝦餃同埋椰皇燉蛋白燕窩食到飽飽滿足落樓！ 正！p.s. 之前食其他既任食點心，成日話即叫即蒸，90分鐘其實只係食到兩輪，仲要價錢同依間差唔多，又冇海景…所以依度真心正！有下次！

因疫情在家太久，所以老遠去黃埔試下。酒店門口正進行工程，要客人轉了多個彎位才到酒店門口，建議大家由海邊行去酒店門口比較方便。如需坐無敵大海景位，必須早來取籌，因店是根據籌號次序入座，由窗邊一路派入門口位置。款式唔算太多，但味道都算ok...還可一件件叫，這點極之讚賞。流沙包必食，蒸的點心好味，但茶水不夠熱，沒有平時水滾茶靚的感覺。附送的鮑魚撻好味，但燕窩燉奶就食到尾都唔覺有燕窩，其他小食比較吸引。

限聚令稍稍放寬，就約朋友一起試試這個期等待已久嘅蟹之約會。既然在酒店內嘅中菜餐廳，想必唔會太差，又買一送一，所以懷住好大期望。去到，靠窗只剩細枱，照要啦，點知...全個套餐有八道菜，幾乎九成九嘅客人都是訂咗這個套餐，所以廚房可以大手做，好快咁上菜。不過，就無顧及客人嘅需要。上一度菜未食完，就硬上第二度菜，好似要做到大排檔咁壯觀壯觀。忍唔住開口叫停，侍應才將這幾碟餸硬塞俾另一張枱嘅客人。唉！可惜，隔咗兩三度菜，又推滿張枱。可能因為廚房出菜速度“太快”，普遍食物溫度唔夠熱，只有黑椒炒蟹及蟹肉湯餃除外。另外，蟹肉伊麵完全無蟹肉，無蟹味，只能算是蠔油伊麵。整個用餐體驗，味道ok，若再注意食物溫度及上菜要顧及客人進食速度，以買一送一價是個唔錯嘅選擇。

呢間位於黃埔海逸君綽酒店嘅中菜廳早前推出點心放題。中秋前夕諗住同屋企人嚟試試。但去到見到放題款式普通，我哋食量又冇咁大🤣最後散叫咗啲點心同小炒。黑金流沙包 $48因為見有人話點心放題叫呢個係唔流沙嘅，但竟然意外地流沙同埋奶黃香濃👍🏻椒鹽豆腐粒 $58外脆內軟，唔會太鹹，正常水準。野菌茄子煲 HK$168係白茄子嚟，幾腍身。本身expect有幾種菇同其他配菜，結果成個煲好齋同淡口。糖醋小排骨 $78同我想像中嘅好唔同，與其話糖醋，我覺得更似話梅味🤨肥瘦肉分佈唔太平均，睇嚟來貨麻麻。蜜汁叉燒腸粉 $52腸粉皮厚，好普通。咕嚕雞球 $198見到個價錢都幾有期望，結果見到賣相已經失望。比想像中細份超多，嚴格嚟講係雞塊唔係雞球🤢粉漿過多，雞肉太乾冇咩肉汁🥴得罪講句唔值呢個價錢。一品錦繡窩米 $238侍應好快手分咗個窩米，所以冇影到相😅上湯米粉夠曬腍身，配料有鮮蝦、帶子、花菇，鮮味滲入米粉好清甜👍🏻冰燒五層腩仔 $128十幾蚊一小舊嚟講都幾貴🤭但質素總算對得住個價錢。外皮好香脆，腩肉肥瘦適中又保留到肉汁，口感鬆軟唔油膩😋暫時食過最好味嘅燒腩仔🤤🤤亦係呢餐最有驚喜嘅！酒樓一邊係落地玻璃對住海景🌊可惜

好評多過壞評的海雲天，人人都話一位難求，今日我兩老終於見識到了！點心大多係暖至凍的，流沙奶黃包唔流沙，叉燒包係爛開的，炒面鹹到暈，牛肉有陣行味，珍珠雞無餡，好多點心等左半個鐘以上至到，到時都係唔熱的。至於茶水，無人得閒幫你加水，惟有自己加水，但D水都唔多熱。每次服務員送點心來我都好怕佢個衫袖同件衫腳掂到我地D食物。只有每人一個的燕窩椰皇燉鮮奶算不錯，其它都無多OK。之前我以為D人負評有點過份，我而家知道點解佢地咁講了！

90分鐘點心放題 $168， 茶$23 ，+10%180度大海景， 環境舒適。早啲去攞位就可以坐到窗邊位，可惜遲咗少少。每位送蜜汁火方，鮑魚撻， 椰王燕窩燉鮮奶炸物失色，例：雞翼，豆腐 完全無咸味，咸水角，鮮蝦筒好正，做到鮮脆口感，熱辣辣👍蒸點心👍👍👍新鮮熱辣，蝦餃燒賣都好好食，蝦味好足。 素餃，鮮竹卷，黑金流沙包😋😋😋一口咬落去，真係勁爆汁。小食：黃金涼瓜，蓮藕條...👍甜品：so far so good 擂沙湯丸，黑糖蜂巢糕，椰汁紅豆糕，蜜糖脆脆，綠豆沙Overall 👍👍👍(3/5)

$168 下午茶點心放題～ +茶錢 + 1 大約$210/位假期嚟左呢度食點心放題 幾個禮拜前book位呀 好爆好full 去到2:30未夠已經全部都係人 原來都仲要拎飛等叫入座 想坐到有海景位真係要2:00前到達大約有4x樣點心 都試左成30樣 😋佢最好係可以一粒一粒一份份咁叫 每樣可以試少少 不過唔係樣樣都咁好食 食物質素中等啦🤔佢每人送一個鮑魚撻 但個撻唔夠脆 淋左嘅 個鮑魚就唔錯 仲有每人一份蜜汁火方 用塊包夾住嚟食 係得意嘅 不過唔好食唔係特別有驚喜 不過好滿足好飽 特別一提 呢度d呀姐服務態度好差 問佢有無醬點野食 佢話都調左味啦 唔洗點野ga .我心諗： 夠味唔洗問你拎醬點啦

有日經過位於紅磡黃埔海逸君綽酒店《海雲天》睇到下午2點半後任食九十分鐘每位138元各款任點點心，於是提早打電話去Book 位，再約咗一家人去食，侍應非常好，安排我們坐在窗口有無敵海景，一邊欣賞海景，食物也特別好味。疫情期間做特價但仍保持酒店應有水準級，每位奉送一件花膠蟹肉灌湯餃，花膠size 厚度都不錯，瑤柱湯鮮甜，灌湯餃皮簿，還有黑金燕窩蝦🦐餃，加左墨魚汁做的蝦餃皮，鮮蝦彈牙，和一份原隻鮑魚珍珠雞🐔，只係這三樣點心已物有所值，其他點心任食任點⋯同其他洒樓都有的點心例如蝦餃，蟹籽燒賣，鳳爪，排骨，腐皮卷，腸粉都好有質素，亦除了點心，還有其他小食，包括蜜糖雞翼，日式豆腐，擔擔麵，炒粉炒麵等。喜歡飲🍵茶的可以前往嘗試，望住大海景啖下午茶真系好舒服！