海雲天

营业中

休息中

限聚令稍稍放寬，就約朋友一起試試這個期等待已久嘅蟹之約會。既然在酒店內嘅中菜餐廳，想必唔會太差，又買一送一，所以懷住好大期望。去到，靠窗只剩細枱，照要啦，點知...全個套餐有八道菜，幾乎九成九嘅客人都是訂咗這個套餐，所以廚房可以大手做，好快咁上菜。不過，就無顧及客人嘅需要。上一度菜未食完，就硬上第二度菜，好似要做到大排檔咁壯觀壯觀。忍唔住開口叫停，侍應才將這幾碟餸硬塞俾另一張枱嘅客人。唉！可惜，隔咗兩三度菜，又推滿張枱。可能因為廚房出菜速度“太快”，普遍食物溫度唔夠熱，只有黑椒炒蟹及蟹肉湯餃除外。另外，蟹肉伊麵完全無蟹肉，無蟹味，只能算是蠔油伊麵。整個用餐體驗，味道ok，若再注意食物溫度及上菜要顧及客人進食速度，以買一送一價是個唔錯嘅選擇。