海記合桃坊甜品 (已結業)

天氣又開始涼，涼涼地食冰凍既甜品別有一番滋味 芒果雪花冰見menu有椰子味，芝麻味，芒果味。椰子味同芒果味唔係成日有得食，就食芒果味啦。冰既份量比糖百府少 不過多左其他配料如鮮芒果，椰汁河粉，綠茶粉圓。睇落顏色好靚。冰既芒果味好濃，糖百府既芒果雪花冰係好淡味既。椰汁河粉出奇地唔甜，溝合左芒果冰同芒果醬一齊食正好 女朋友仲好開心咁話有椰汁河粉加芒果肉等同食埋芒果腸粉呢 店內環境清潔，唔太迫，會再來食。

食左一餐唔開心飯, 本來想到這兒醫下心情...不過對我來說, 這裏還差一點點...叫了一個腐竹意米糖水($10), 不夠意米我覺得是正常的, 吃到很多腐竹片, 但糖水底太稀了...... 個人認為腐竹糖水的糖水底要有一定濃度才算合格, 但這個扣了很多分...友人叫了一個杏仁糊($13), 比起之前在某些糖水舖食開的稀很多, 味道好像是沖粉的......Anyway, 價錢不貴, 姐姐禮貌亦不錯~ 希望食品質素有改善啦~

原本想搵太子開果間糖百府, 點知好似都搵唔到,所以我地就去左聯合附近既一間甜品店, 宜家真係好多店都有做棉花冰, 此店都唔例外,所以我地叫左椰子雪花冰另外一個芒果涼粉...估唔到此店既椰子冰都幾夠椰子味, ..相信都係真係用椰子真材實料,不過相比糖百府更係後者既雪花冰做得更出色更滑啦.至於個芒果涼粉就一般, 有時來此店幫襯都係覺得附近無咩甜品店才來.

無意中去左海記, 又無意中order綿綿冰我都係第一次食綿綿冰, 比想像中好食呢!有可能海記主打糊類甜品, 芝麻糊味的綿綿冰好好味!!芝麻味香唔假, 甜度ok!好似食緊凍芝麻糊咁, 但冇咁漏同飽, 係light 的凍芝麻糊!綿綿冰都好滑, 真係好好味呢!但d配料真係好差 係得涼粉比較好, 其他都好難食尤其係蜜紅豆, 好硬又唔甜, 紅豆蓉會好好多!鮮果就得果兩件, 好求其的兩件哈蜜瓜 我食都無食...25蚊個都ok! 份量適中但如果d配料好d就好啦....*****如果我再想食芝麻綿綿冰我都會encore係海記!because佢始終有賣開芝麻糊, 應該會有保證!!

因為行經這店，又見有綿綿冰食，於是入去試試。現時食綿綿冰的店鋪開到週圍都有，好多甜品店都人做我做，但你願意做也不等於你做得好，又或是熱潮過後，一樣難以生存。好似這間甜品店，原本是沒有做綿綿冰，可能見是今季潮食，所以又學人賣，我所謂的學人賣是他眞的是在學習中，我完全不見得他做得好。芝麻綿綿冰 $25先講價錢與份量完全合理。冰底芝麻味，見到顏色都好似偏淡，入口味道都一樣是好淡芝麻味道、和非常甜配料是沒有得自選，已經 Set 好了，配料有紅花豆，這個配料原本是有，但沒有通知下轉換了梅子蒟蒻而梅子蒟蒻有小量梅子味、但太甜水晶絲賣相不太好、似是無味道涼粉是比較正常的另外會配上每日不同的鮮果、蜜瓜2舊、都OK我本人認為是欠缺水準的食品，也不會給他第2次機會完全不明，如果有心做為何不做好點呢？？？莫非以為客人不識得去分好食與難食單單這條街都最少有3間有這類甜品賣，其中仲有出名好食的糖百府，眞是比下去了。

1行4人食甜品，每人叫一樣，我食的係合桃糊燉蛋，真係正到爆，合桃糊夠滑，好重味道，唔會太淡！另外係燉蛋又係好食，滑滑的！有個朋友叫了一客杏仁茶，都食好重杏仁味道！但冷氣太大，吹得好辛苦！

平時係呢到食開中式糖水多因為足料,估唔到咁快已經趕上潮流...有新登場---雪花冰 緊係要第一時間試下先啦! 今次叫o左個芒果雪花冰價錢都係$25,賣相好吸引同門口個"Banner" 張相差不多 芒果雪花冰裡面有西瓜..腸粉..類似珍珠物體(好爽口)..當然唔少得芒果仲加埋芒果汁淋係面..味道都唔錯 食完雪花冰心都涼哂,好o岩而家天氣食

A big group of us after dinner, all ordered our individual desserts here, ranging from dessert soups to my Mango dessert.芒果腸粉 - The mangoes weren't even fresh, also pre-soaked too much in syrup. The exterior surface of 腸粉 was ultra hard and completely tasteless. It was around $20 and all I got out of it was a bit of coldness from the refrigeration!Others ordered around 3-4 various types of desserts which were all below-average.Everyone left thinking we've just be conned. Its not the worst we've

由佐敦雞公煲開始，一直掃至太子海記合桃坊，行程來得即興，感覺就像正在玩 treasure hunt 似的一直找 checkpoint，本是想去糖百府的，但門外人流多得相信要等上一句鐘以上，還是去海記吧。我沒有新花款，又是一客熱燉奶，幸味道相當不錯，質地滑溜入口奶味十足而不騷，最重要是夠熱辣辣，質素可媲美義順、澳牛之列，肚內盡是滿足。友人分別點了芒果西米露及芝麻糊，評語好壞參半。餐牌中最特別的可算是雲呢拿法式燉蛋 ($22) 及抹茶法式燉蛋 ($20)，賣相相當像樣，絕不比高級西餐廳做得差，其中雲呢拿法式燉蛋內含有大量雲呢拿籽，算是用料十足，而抹茶味道的 creme brulee 則可以做得更香濃一點，試了一口感覺跟抹茶鮮奶的確有幾分似呢。吃罷甜品，眾人都已經紛紛舉手投降，那想到食友開心意猶未盡，更走到附近新開的大玩來杯青蘋果烏龍茶，唯時至今日茶評仍不見影，難道石沉大海了嗎？

食完抵食壽司後, 要食點熱野暖下胃 海記每日都有一款特價糖水, 都係賣八蚊至十蚊, 好抵食 今日係南瓜露 $12, 仲有紅豆沙 8 蚊, 咁抵梗係每樣都要啦 於是堂食了紅豆沙 , 首先溫度是十級熱, 味道是七分貨, 價錢只是八分錢, 都可以一試 南瓜露明天番叮: 太重椰汁味, 過多西米, 南瓜味很淡, 都幾難食

坐底被佢地牆上的報導吸引, 都估佢地係以合核為號召, 所以叫了1. 合桃糊 - 好滑不過無咩合桃味.2. 合桃糊燉奶 -奶味不足睇曬牆上既報導才知原來唔可剩叫合桃糊, 應該要MIX埋其他既糖水食會好D, 因為食得多會對身體(男士)唔好.

2/5(六) 9pm吃罷意興闌珊的"馬拉盞",味蕾若有所失,沿著西洋菜南街,找點甜吃.阿梁將慣訪的"石磨坊"拒諸門外,而自己則心癢欲嘗惡評如潮的"海記".來了碗合桃露燉奶$19;燉奶可以沒啥味道,指的是奶香及甜度;合桃露則毫無合桃香之餘,更甜的髮指,不吐不快的合桃露燉奶!

一路冇為意開咗間糖水舖响呢度，不經意見到，當然要試下啦！以合桃作賣點，我自然揀合桃糊，太太就揀咗紅豆沙蕃薯糖水。紅豆沙好味、好棉，蕃薯又甜又淋，意外驚喜之作。合桃糊味道唔夠濃，不過就勝在唔會太甜太膩。而且好滑，質地好過唔少名店喇。每碗都係$13蚊，價錢唔算貴。味道又算好，應該會再嚟嘅！

時間已到11點,,係食宵夜糖水既好時機!諗住去旺角老友記食糖水,,但太多人冇哂位>c<”所以就千里迢迢行到泥太子,,睇下有咩糖水好食~被我發現左呢間叫海記既糖水店~見到門牌d糖水價錢幾平,,而且人流都幾多,,我想應該會唔錯,,所以走入去試食糖水~選左個全店最平既腐竹薏米糖水食~果然冇去錯地方!因為個腐竹薏米糖水好正!腐竹煮到溶哂,,好香腐竹味!仲有一片片既腐竹係面頭,,很滑溜!薏米都好軟熟~而且糖水又不太甜,,幾好食!10蚊一碗,,抵!下次再泥食下其他糖水先~

只有自己一人在閒逛則以既來之,則安之的心態進來這店點了一客芒果涼粉($18)芒果涼粉:芒果的份量很多,有原隻開半的份量芒果亦不見酸,頗甜相反涼粉沒甚味道,沒有甜味,亦沒有苦味涼粉的硬度亦比較硬最後芒果全清,涼粉則餘下了不少