海記合桃坊甜品 (已結業)

9月30日, 食完沙田雞粥出番嚟, 呀菲呢個黑洞胃又要食甜品! 繼續綠豆沙癮… 上次試過好好味嘅大良八記~ 今次就試下隔離平 $1 嘅海記啦!:::海帶香草綠豆沙 (凍) ::: $14呢個綠豆沙同一般嘅綠豆沙差唔多~ 都係d綠豆同海帶沉晒底, 要攪下佢先撈番埋一齊. 味道頗甜~ 不過就唔算好沙, 同埋我唔係太鍾意d 海帶係一片片咁… 雖然佢平大良八記 $1 , 但質素一定無得比! 佢其實都唔係好差~ 都叫合格嘅… 但如果食下次食綠豆沙我就會寧願翻兜大良八記了~

女孩子總有幾日特別想吃甜野,今日做完gym後甜癮起,諗起呢間沙沙芝麻糊賣相好似幾吸引,就來試試佢啦沙沙芝麻糊"沙沙"即是合桃碎,我喜歡合桃(補腦呀ma,食多d可能聰明d呢,哈哈),撈埋之後令到芝麻糊很有咬口,兩者相處都算融合,幾夾啊!而芝麻糊滑就幾滑,但唔夠香同濃,如果無左"沙沙"就真係十個一般囉....平平地貪過癮的可以一試呢!

是日晚上吃過豚王，來過太子買電器，又是口痕時間。和老婆都想吃個甜品，記得此街有數間甜品鋪，未吃過或沒吃過其連鎖的，應該就只有這一間海記。打正旗號賣合桃糊，正如餐牌所講，招牌甜品都是「糊」。留意到有一樣叫沙沙XX糊，細看之下，才知道「沙沙」即係合桃碎粒，用來增加糊的香味及口感。沙沙合桃糊即係合桃糊加合桃粒，沙沙芝麻糊即係芝麻糊加合桃粒，但杏仁糊則沒有沙沙版，可能味道不夾吧。最後叫了一個沙沙合桃糊和一個養顏杏仁糊。沙沙合桃糊的確幾有特色，印象中應該係第一次食，應是自家發明吧。糊很杰，沒偷工減料。合桃糊本身夠滑，「沙沙」加左入糊很過癮，但因為合桃本身味道不是很重，糊味道也不算很香，相比之下，杏仁糊是比較出色的。養顏杏仁糊的杏仁味很香，有時飲杏仁糊會覺得有ｄ苦，暫時呢度就無呢個問題，而且感覺比合桃糊磨得滑，唔知關唔關後者加左「沙沙」事呢?店子貼了不少杏仁、合桃、芝麻的養生功效，其中一樣更是和男性能力扯上關係，是不是如此神效，留待各位去驗証吧。

I've had a craving for a thicker type of almond wu for a while since the ones I've had at Honeymoon Dessert are quite watery in texture and this one hit the spot. It came out nice and hot and the fragrance of almonds was pleasant. Really yummy.

這間是這條街的甜品鋪中一間中式西式的甜品也品嘗到的選擇。本身比較喜歡桑寄生蓮子茶及腐竹雞蛋糖水，這兩款中式的糖水是這間才有。當然佢都有乜冰物冰，我個人不喜歡那些甜品，還是喜愛中式的多一點。腐竹雞蛋糖水好好味，甜度適中，飲完唔覺得漏，仲想飲多碗。腐竹好溶，當吃雞蛋時可以溶合得好好，簡直將腐竹同雞蛋同糖水溶化成另一種好好味既甜品！抵讚。桑寄生蓮子茶也不錯，好清，唔會點甜，本身唔太愛甜點既人吃這味甜品就像吃過好清新既蓮子水一樣，唔會覺得佢算係甜品類，但佢當然係甜的啦！價錢方面，腐竹雞蛋18蚊，桑寄生16蚊，唔係平，0係深水埗甜品鋪或者只賣緊每樣12蚊，不過呢度係旺角，或者無得比較，況且佢兩樣都好食，都好過價錢平但唔好食啦！呢度甜品我真的好喜歡！

在始創中心附近逛街,突然想吃糖水,見到有大良八記,海記合桃坊,最後還是選了後者(看見大良XX沒有人光顧)貪心的我又想吃芝麻糊和合桃糊,所以最後點了芝麻糊+合桃糊。吃過之後才後悔,芝麻糊的味道太濃了,蓋過了合桃的味道,完全吃不出合核味,下次還是叫淨芝麻糊好了。還好芝麻糊入口滑溜,芝麻也很香,沒有讓這碗糖水報銷。見不少人也叫了大良燉鮮奶,難道很好吃?? 於是encore多一碗大良燉鮮奶。趁熱吃的燉奶口感不錯,十分滑。不過稍為奶味過於淡,個人還是喜歡義順出品的燉奶多一點!!整體來說,食物一般,可以接受。但卻沒有再來的必要。

杏仁糊賣相的確不錯，可是味道卻我真杏仁香味欠佳，糊狀的糖水卻不是糊狀較為稀甜度中度不會很甜的糖水到底算不算糖水本來是借一碗糖水來沖啖剛才吃了辣味食物可是這碗不甜的杏仁糊卻幫不了忙價錢就十份便宜便宜貨就要接受材料不夠豐富了雖然只是外賣自取，但見店內的座位不算舒服的座位而是晚上 9:30 卻有不少客人吃甜品部份甜品特價

晚餐後路過這裡，隨意走了進來，店裡環境寬敞整潔，點了芝麻糊和杏仁糊，要凍的。芝麻糊好香，有濃烈芝麻味，杏仁糊當然亦有香香杏仁味，味道清新，不太甜，味道剛好，又滑，我們還兩種溝在一起吃，這裡果然出名糊類甜品，下次應該試試招牌合桃糊。

當天同友人行街, 天氣好熱而又口痕, 路過該店覺得都幾企理整潔, 於是入去食小小嘢, 順便休息下. 雖然款式都算多, 因為想食有"趙"頭同涼快的, 所以叫了楊枝金露.味道不過不失, 材料多, 凍冰冰, 食後飽肚之餘仲好涼快.

與朋友行街，行到攰攰地，去了海記合桃坊食糖水。呢頭咁多間糖水舖，點解要選擇呢間。原因係比呢間招牌甜品吸引了...呢間最出名的甜品就係沙沙合桃糊係合桃糊上再加上一些炒香了的合桃碎，感覺超正。最重要係合桃糊夠滑，而且很香合桃味。

5月15日（星期六）晚，吃完點心，我和女友行了一會才去吃甜品，行過這店好像未來過，於是就來試試。女友要沙沙芝麻糊，我就要芝麻糊+合桃糊。所謂的「沙沙」其實是合桃碎，加了合桃碎的芝麻糊，的確較有口感，芝麻糊亦香濃幼滑，不錯；我最初看見這個芝麻糊+合桃糊的照片還以為是太極糊，但原來食物照片真的祇供參考，當我的甜品送來時，真的令我有點震驚，賣相和相實在太大出入了！味道方面，芝麻糊混和了合桃糊後，若非刻意去試清楚芝麻糊和合桃糊個別的味道，整體味道難以分辨，幸好在僅有的合桃糊還能嚐到其味道，雖然味道不算得上很濃厚，但總算吃得出是用料十足。

吃了一餐頗味精的晚餐後, 血拚後砸來個甜品盡下興 一唸就到海記, 因為我喜歡係全統的糖水芝麻糊燉奶 : 奶味香濃而且夠滑溜, 芝麻糊也香口極濃, 好味道,個人相信食多點這類甜品, 皮膚一定會滑溜的 合桃糊燉奶 : 朋友食 是日這兩款也特價 $20 甜魔上身加追: 綠豆沙 $12 凍的綠豆沙真令人有退貨的意途 一碗杰如糊仔的樣子 而味道也不夠甜 真有點難食 抱著甜魔宗旨是不浪費甜品下幹掉了它

食完壽司之後, 同男友分道揚鑣, 諗住行去奇趣買光酥餅, 跟住無端端諗起朋友介紹呢度D糊, 就算飽飽地都試下, 下晝4點幾入到幾得2~3枱客, 靜靜地咁, 跟住就越黎越多人.想食芝麻糊, 又想食合桃糊, 所以就叫左個2溝喇, 碗糊黎到未溝匀前先分別試下先, 芝麻糊有淡淡芝麻味, 合桃就清D, 但2樣都好滑, 唔太杰唔太稀, 岩岩好, 已經好耐冇食過咁好ge糊, 最重要係唔太甜, 最怕有時食糊食到尾時, 會漏到不其然打個冷震, 呢度完全冇呢個問題, 食完過左一陣, 個口仲有陣芝麻香!見佢有款沙沙芝麻糊, 有芝麻粒, 合桃都有沙沙版, 原來仲有隻腰果糊 ,不過要星期日先有, 下次試下先!

在附近食過晚飯，心思思想食甜品，在一左（義順牛奶公司）一右（大良八記）兩間有名店舖中間選了這間海記合桃坊吃甜品。其實初頭叫沙沙合桃糊的時候都只係見佢有d特色，所以先在眾多XX糊甜品中選了這款來吃，原來這間店舖 的名稱就係海記合桃坊，而唔係普普通通的海記甜品，今次誤打誤撞又揀正佢的招牌甜品喎。所謂「沙沙」，原來係在合桃糊上加上碎合桃粒以增加口感和香味。這碗沙沙合桃糊味道不太甜，雖然稍為稀了點，不過都算幾對自己的口味，太甜、太稠反而太膩呢！那些碎合桃粒加在合桃糊中的確帶來一點化學作用，增加了呷在口中滑滑的合桃糊的質感，不錯！這店子地方頗寬敞，坐得都幾舒服，合桃糊也算幾好味，下次可以再來呢！

呢間甜品店其實經過左好多次，但次次都過門不入，因為每次經過既時候都已經食飽飽，通常都話下次先黎食啦，所以就次次都無食到。今日經過見到佢寫住腰果糊特價$12，就興沖沖咁問媽咪入唔入去食下呀，跟住佢都話好，就兩個人入左去食啦。我地叫左一碗腰果糊，一碗沙沙合桃糊，佢話沙沙既意思即係會落D合桃粒落去增加口感喎。兩碗野黎到顏色差唔多咁，不過兩碗其實都算唔錯啦講真。腰果糊幾稠身下，一D都唔會係好稀既感覺。唔覺得佢係溝左野，應該係真材實料的，因為食落口都算香同滑。媽咪加左D合桃粒落去話仲香合桃味好突出。沙沙合桃糊反而味道淡左少少，佢又唔係稀，不過感覺就如果再濃味會好D。連埋D合桃粒一齊食口感幾得意，都唔算太差啦。埋單$28，偶然食下都唔錯呀，佢仲有好多其他甜品，我見佢都有D客人幫襯，下次可以再試下。