海記合桃坊甜品 (已結業)

呢間甜品店其實經過左好多次，但次次都過門不入，因為每次經過既時候都已經食飽飽，通常都話下次先黎食啦，所以就次次都無食到。今日經過見到佢寫住腰果糊特價$12，就興沖沖咁問媽咪入唔入去食下呀，跟住佢都話好，就兩個人入左去食啦。我地叫左一碗腰果糊，一碗沙沙合桃糊，佢話沙沙既意思即係會落D合桃粒落去增加口感喎。兩碗野黎到顏色差唔多咁，不過兩碗其實都算唔錯啦講真。腰果糊幾稠身下，一D都唔會係好稀既感覺。唔覺得佢係溝左野，應該係真材實料的，因為食落口都算香同滑。媽咪加左D合桃粒落去話仲香合桃味好突出。沙沙合桃糊反而味道淡左少少，佢又唔係稀，不過感覺就如果再濃味會好D。連埋D合桃粒一齊食口感幾得意，都唔算太差啦。埋單$28，偶然食下都唔錯呀，佢仲有好多其他甜品，我見佢都有D客人幫襯，下次可以再試下。