海記合桃坊甜品 (已結業)

紫薯芋圓咁受歡迎，連傳統糖水店都加入戰團，真係估佢唔到😂一碗甜品一次過出現三種紫色既食物，好吸引我😍紫薯蓉芋圓配香芋雪樂冰💜($34)，紫薯蓉味道天然不太甜，一大球好真材實料，質地黏實，三種顏色既係紫薯圓、紅薯圓同芋圓，口感煙韌略硬，不過味道比較淡食唔出分別🙈反而香芋冰較出色，有芋頭既清甜香味😋

今天中午約了表妹到旺角逛街，食飯和閒聊。由中午逛到日落西山，感覺雙腿已不是屬於自己。早前經過太子，知道附近有間海記合桃坊甜品，已經很想試試。今次有表妹作伴，於是便到這裡一嚐。店內裝横簡約，座位數目約8-10張。打開餐牌，色彩繽紛的甜品令人目不暇給，考慮了一會後，就選擇了以下甜品。先上枱的是芒果腸粉。黃白色的組合，充滿夏日清新的感覺。腸粉白滑皮薄，包裹著大大塊的芒果肉，入口順滑，令人滿足。芒果顏色金黃，新鮮，甜中帶微酸。腸粉表面淋上芒果汁，濃郁香甜，令人回味。接著是鮮芒雪樂冰豆腐花。甜品分上、下兩層。上層一邊是芒果綿冰，一邊是新鮮芒果粒。下層則是豆腐花。芒果綿冰質地幼細，入口即融。芒果粒鮮甜，芒果味在口中擴散。而雪白的豆腐花滑溜，充滿豆香而不太甜，與綿冰和芒果粒搭配著吃，口感豐富。本來想試多一款甜品，因表妹要趕著回家，就依依不捨告別了。第一次光顧，覺得其甜品味道比其他店出色，水果亦很新鮮。下次再來，定要試試店舖招牌甜品。

旺角食完飯 好想食芋頭糖水 朋友介紹呢間芋圓 本身無乜期望 因為香港好少整得好食既芋圓(之前試過幾間都麻麻地)點知呢間有驚喜點左芋圓豆腐花同芋圓西米露芋圓好煙un呀!配上地瓜圓好yummy!!!豆腐花都好滑有豆味^^價錢又ok平!!!值得一試!

早前在Instagram看到一幅放滿紫薯芋圓的糖水照片，賣相極為吸引，立即勾起小妹對台灣芋圓的情意結，於是馬上搜尋餐廳位置並列入自己心中的wishing list。剛好這天和朋友在太子食飯，可惜前頓飯未能令人滿意，恰巧又想起這間糖水舖又正正只有兩街之隔，也不理上一餐飯還未落隔，決定和朋友柴娃娃去吃個甜品。晚上八點，照道理大多數人還徘徊在晚餐正餐的時段，偏偏在這間甜水舖卻迫滿客人、座無虛席，恰巧有客人埋單走人，我和朋友才勉勉強強塞入餐廳最後兩個位置。進來只為一個目的，就是為吃紫薯芋圓。餐版中特別有一張A4size的膠片印上各款紫薯芋圓的手工系列，包括由紫薯芋圓配搭的蕃薯糖水、西米露、涼粉、星冰樂和紅豆沙，價錢只是$28-$34蚊不等，定價合理。結果我和朋友二人都選擇了紫薯蓉芋圓西米露($28)。紫薯蓉芋圓西米露($28)賣相和當初在instagram所看到的照片完全一樣，並無花假，絕不是人們口中常說的「圖片只供參考，一切以實物為準」。全自家人手制的紫薯黃薯芋圓，一碗起碼有20-30粒，三味全部味道真實天然、一啲都唔假，咬落去煙韌有嚼頭。每粒都如波子般有層糖漿包住，晶瑩剔透，顏色艷麗，不過

我們星期日大約五點經過，不用等位，一家人便入去試試，三個人共點了四款甜品。紫薯蓉芋圓豆腐花熱辣辣的豆腐花加上三種味道的芋圓，芋圓很依韌，口感很好，而且份量很多，上面再有很濃很香甜的紫薯蓉，很好味。芒果腸粉腸粉皮做得很薄很滑，椰汁味道很濃郁，包著很大條很粗的新鮮芒果，而且芒果很香甜，加上芒果醬汁很好吃，做得很出色，非常適合芒果迷。沙沙合桃糊合桃糊入口幼滑，甜度和濃稠度都很適中，上面加上很多炒得很香的合桃碎，很有創意。榴蓮龍眼雪樂冰吃到雪樂冰是很假的榴槤味，只有少少榴槤肉，幸好旁邊的龍眼肉和白珍珠都還算幾好味。這是唯一令我們失望的甜品。

近排海記合桃坊甜品新推出紫薯系列，紫薯系列仲配搭芋圓，咁吸引梗係要黎試下。紫薯系列有豆腐花丶西米露，番薯糖水丶涼粉底。我揀左紫薯蓉芋圓西米露，西米露味道偏淡可能因為唔係椰汁底，只有少少椰漿加左。紫薯蓉味道唔算好濃，不過口感ok~ 整體偏失望，因為紫薯味冇想像中濃。另外仲叫左個紅豆燉鮮奶，反而有D驚喜，幾滑，紅豆夠甜同林。環境氣氛： ★★★☆☆食物質素： ★★★☆☆服務態度： ★★★☆☆

之前係fb睇過介紹紫薯芋圓既糖水鋪，已經好想食，我超鐘意食芋圓，又紫薯比較少！就專登出去食！我叫左個紫薯蓉芋圓西米露～$28蚊都幾抵啵～芋圓份量多，QQ地好鐘意既佢既口感～芋薯蓉味道濃，撈埋豌野變左紫色！椰汁味唔夠濃～多返少少比較好～整碗糖水比想像差d～專登去食就會少少失望呢到人手唔夠，得一個阿姐收錢落單！叫好耐先寫野，收錢都要等！

作為一個紫薯愛好者，當然想食勻無休止的紫薯美食。最近從朋友口中得知海記合桃坊有推出紫薯系列甜品，毫不猶豫相約吃貨朋友前往。抵達後，門前擠滿排外賣及堂食的人！紫薯系列有不同配搭的六款甜品！不過豆腐花、蕃薯糖水及雪果冰均售罄。紫薯香芋頭西米露 - 份量足料！紫薯蓉沉浸在西米露上，整體看落色彩繽紛。深紫色是紫薯圓，淺紫色是芋圓，淺黃色是紅薯圓，質感呈軟稔煙韌。紫薯蓉味道濃郁天然，食落又軟綿綿易入口，不錯！朋友點的涼粉，賣相十分吸睛！紫薯蓉大大球很堅挺地呈現出來～涼粉質感爽實有咬口，伴有椰汁點綴，不會顯得太乾寡！

途經附近，想起最近介紹的紫薯芋圓糖水舖，二話不說，即刻去，但舖頭位置已經更改了，十字路口的向左走向右走，同一條街，相反方向就是了。從前經朋友介紹已經吃過，之後也吃過數次，價錢不貴，新式中式糖水也有，現在還有興起的紫薯及芋圓去到門口有2~3枱客人等位，不過大家也吃得很快，數分鐘就能入座。我們2人，當然也要和別人搭枱，現今香港寸金呎土，很難找到不用搭枱的糖水舖吧一來到，整碗也很紫色，紫薯蓉有淡淡的紫薯味，豆腐花也不會太甜，雖不算很滑，但仍不錯，這裡的芋圓是我喜歡的，真的吃到小粒的芋頭，口感也有，大小也適中，很有咬感，不過如果可以大粒多一點點就完美了。整碗加起來真的很不錯，重點是可以熱食一向就很喜歡這裡的蕃薯糖水，因為真的很夠薑薑水+芋圓就會吃不到芋圓的味道，只有口感，但因為喜歡薑水的感覺，所以也不錯了

海記向來多人食係人都知，呢排出左紫薯糖水更加多人食，當然包括我啦😆就咁望四款有紫薯蓉甜品都相當吸引，不過呢排冇食過涼粉，所以唔使30秒已經決定食椰汁 紫薯蓉芋圓涼粉。艷紫色既紫薯蓉冇過重既糖香氣，反而食到紫薯既清甜，冇落糖水全係天然味道。芋頭圓口感鬆軟，地瓜圓食起黎咬到蕃薯既纖維，比起好多食店更有味道，紫薯圓飽滿濃郁，極度滋味。涼粉滑嫩微甜，齋食已經好有味道，配上椰汁非常融合，但唔會太甜膩。朋友呢個紫薯蓉芋圓西米露都唔錯，西米露口感冰涼，椰汁香醇順口。

朋友睇到有報導話海記紫薯芋圓好吸引所以連晚餐都未食就走左去食糖水先去到時候大概8點半到 已經有十幾人等緊位等左10分鐘左右就入得但準備叫最出名既紫薯芋圓時入左坐先話紫薯無晒 蕃薯又無晒但當時真係太餓所以都是但叫左3樣野食芋圓芋泥豆腐花 / 椰皇燉奶 / 腰果糊 總數 : $81芋圓芋泥豆腐花 : 芋圓都算黏韌 但豆花無咩豆味 好水 芋泥一般 無咩特別椰皇燉奶 : 三樣之中最讚 可能因為熱騰騰既關係 甜度剛剛好 另有燉海底椰腰果糊 : 揀無可揀既選擇 個人覺得熱品比凍優勝 食到係有腰果味 糊身都係可接受既滑不過總括印象都唔太好-無主題食品要入坐後先知 目睹成桌人因為無紫薯走晒-服務員服務態度欠佳 落單等好耐

係咪一有人氣就可以忘記咗自己產品既質素星期一8.30pm,發現原來e 家d 人唔洗食飯就食甜品,排咗15分鐘左右先有位，一路等其間已經知道紅豆沙,蕃薯糖水都已經買晒（心諗有無咁誇張！）係門口成個大banner都係近期最hit 既紫薯乜乜,其中只有兩款係有紫薯容係面所以就叫咗其中一款>>紫薯芋圓豆腐花點知嚟到。。。。。紫薯容無咗得芋圓豆腐花。。。。。。其實無咪係落單時出聲囉,仲要扮晒野上咗抬先問廚房係咪無紫薯容。。。。好啦，算啦，食啦，所有顏色既芋圓都係無味既,豆腐花都係好普通既,埋單$28,唔值，更唔值排隊嚟,唔值任何既吹噓,因為e 間食店已經唔將確保質素e 一環放係第一位,只顧收錢。。

之前有幾日涼咗，我同朋友食完飯之後去食甜品，但唔想食雪糕喇，所以今次就去食其他甜品。  紫薯控嘅我，就睇中呢間新派中式甜品店嘅新產品——紫薯甜品系列！ 新出嘅紫薯系列甜品有好多款，如紫薯芋圓蕃薯糖水、紅豆沙、西米露、豆腐花，或者配香芋雪樂冰同埋涼粉。蕃薯糖水、紅豆沙同豆腐花可以揀熱。 我同朋友都揀咗紫薯蓉芋圓豆腐花，因為想食熱嘢。 當晚都幾多人，食物都等咗好一陣先嚟到，暖暖哋。  呢碗紫薯蓉芋圓豆腐花都幾多料，除咗中間大大嚿紫薯蓉之外，仲有三種顏色嘅芋圓同豆腐花。 紫薯蓉好足料，而且紫薯味好濃，入口細滑，但又唔覺加咗奶或者忌廉，證明係真係攪到將紫薯變成蓉！中間食到少少紫薯粒，即係真材實料啦！  芋圓有三種，分別係紫薯圓、黃薯圓同芋圓。三種都幾好味，口感幾Q彈，甜度都適中。如果真係要挑剔，就係芋頭圓無其他２款咁煙靭。 豆腐花無加糖水都已經甜甜哋，入口都幾滑。 我嘅焦點都係放喺紫薯身上，所以其他都覺得OK～紫薯控不妨去試下丫～

呢期紫薯嘅產品越黎愈放肆！就連海記都要推出紫薯系列甜品，有得配西米露，涼粉，紅豆沙，番薯...💜試咗豆腐花不過不失都幾滑身~湯底帶有小小甜味🙂芋圓嘅數目都幾多，口感煙軔Q彈而且芋圓嘅薯味都算系濃😉不過最令人suprice嘅一定系紫薯蓉😄香甜嘅紫薯打得綿綿的，入口幼滑而且味道一啲都吾假，好天然😊紫薯控 仲等？真系要去試下啦

今日行下行下去左太子 女朋友想食甜品 跟住去左食個草莓黑珍珠冰真係好吾錯，入面食得出有士多啤梨果肉個榴蓮冰冰底略嫌奶味過重，但係龍眼肉好夾個冰既回味值得再返泥食，價錢都吾貴