海記合桃坊甜品 (已結業)

海記向來多人食係人都知，呢排出左紫薯糖水更加多人食，當然包括我啦😆就咁望四款有紫薯蓉甜品都相當吸引，不過呢排冇食過涼粉，所以唔使30秒已經決定食椰汁 紫薯蓉芋圓涼粉。艷紫色既紫薯蓉冇過重既糖香氣，反而食到紫薯既清甜，冇落糖水全係天然味道。芋頭圓口感鬆軟，地瓜圓食起黎咬到蕃薯既纖維，比起好多食店更有味道，紫薯圓飽滿濃郁，極度滋味。涼粉滑嫩微甜，齋食已經好有味道，配上椰汁非常融合，但唔會太甜膩。朋友呢個紫薯蓉芋圓西米露都唔錯，西米露口感冰涼，椰汁香醇順口。