海膽仔

营业中

休息中

聽到海膽仔個名就知係一間用海膽做主題的日本餐廳，餐廳用海膽做出多種特色的海膽菜式，刺身、丼飯等美食另外仲會提供生蠔、壽司、串燒、天婦羅、小食、麵食等，選擇非常多，總會有一款岩你心水餐廳裝修充滿日本小店風味，而且仲有兩層堂食位置，就算暫時仲未去到日本各大魚生市場用膳，都可以比大家回味一番店鋪的前半部另設零售區，如果住得不遠，仲可以外賣各式新鮮刺身、生蠔、丼飯等美食返屋企大吃一餐食物方面 :韓國海膽 : 海膽原盒奉上，鮮甜濃郁，配上特意波波飯及紫菜，可以用紫菜包住一小排的海膽進食，非常滋味倍化帶子吞海膽 : 外面用紫菜包著大大粒肥美又厚身帶子剌身，切開一半夾住鮮甜濃郁的海膽，口感有層次，鮮上加鮮日本令和之怪物 及 法國吉拉多蠔 : 岩手縣手掌般大的蠔稱為「令和之怪物」牛奶般嫩滑鮮甜的味道，帶有濃厚蠔味，Gillardeau No.2 肥美香甜且帶淡淡的榛果香，味道細膩有層次海膽三色丼 : 丼飯會跟沙律及足料麵豉湯，用上鮮味韓國海膽、卜卜脆三文魚籽及芝麻洋蔥碎吞拿魚蓉，仲可以用紫菜包住酸度適中的米醋飯及鮮味韓國海膽，非常美味三文魚大蝦帶子丼 : 丼飯會跟沙律及足料麵豉湯，配上大大隻牡丹蝦、大

新蒲崗有驚喜丼飯！！話說呢間bookmark咗勁耐 終於有日去鑽石山可以一試不過其實都唔近地鐵站叫咗幾樣野試海膽丼 $168叫得海膽仔應該係對海膽有信心先咁改名無理由唔叫海膽😂？但叫完真係對得住個名 份量唔孤寒 海膽好鮮甜！！！真係好surprise！強烈建議叫海膽三色丼 $138其實呢個都唔差 海膽keep住正 拖羅蓉好肥美 撈飯一流倍化帶子吞海膽 $98呢個睇圖覺得正 黎到都覺得正不過食落口就純粹覺得ok好食冇乜太大驚喜 紫菜都唔脆 呢個可以唔嗌但overall 成間鋪都好高質🥺冇食到伏嘢Ps一個禮拜之後已經再去過😂相信去開鑽石山如果唔攰都會去食

⭐️海膽仔⭐️📍:新蒲崗衍慶街新蒲崗大廈地下Q號舖⏰:12:00pm-10:00pm呢一間日本餐廳已經係我第二次回訪 價錢同食物質素成正比 新鮮之餘份量又多 大件夾抵食！成餐飯都好滿意🙈餐廳主打海膽 仲有刺身、壽司、炸身、丼飯、串燒等 除咗餐牌上嘅選擇 門口位置仲放咗兩個雪櫃 可以自己揀生蠔、刺身同海膽🙈 亦都有甜品提供！餐廳極具日式風格🎏門口已經好吸引 好多燈籠🏮裏面嘅座位都坐得闊落 好乾淨 成個環境好舒服！🥠倍化帶子吞海膽 💰98呢款真係每次過到嚟都必叫 兩大粒極厚既海膽 再用紫菜包住巨大粒既帶子 再包住加拿大海膽 帶子鮮甜大粒 肥美厚身 口感鮮滑 海膽極鮮甜 無腥味 口感濃郁 質感柔滑 一啖咬落去 帶子微爽滑稔 加上海膽柔嫩的口感 很有層次 鮮味十足！🦆鵝肝多士- 💰48入口即溶 好香口 鵝肝大塊厚肉 油脂感滿滿 不過麵包底就比較淋 所以上枱要快啲食🥰🐣鹽燒雞翼- 💰28雞翼厚肉飽滿 好香脆 鹹香味十足！🍣三文魚腩刺身(八切)-💰88好厚切新鮮 除咗三文魚腩之外仲有三文魚選擇 價錢都唔貴！🐥炸雞軟骨 💰38份量好多 炸到脆卜卜 再配埋沙律醬同檸檬 好惹味！🐟鰻魚炒飯 💰128一上枱見

🌊啖啖海膽丼170蚊有找？.新蒲崗不嬲多隱藏正嘢就好多人知。喺一條街市麵包舖林立嘅街道有一間唔起眼嘅水產舖，而好少人知原來佢有堂食🤐.1️⃣海膽丼（$168）如圖所示，飯面頭有一大pat海膽，再加一細板海膽插住，再加少少三文魚籽點綴，份量十足。海膽首先完全無腥味，而且係creamy帶有少少流質，味道濃烈鮮甜有啲海水味（唔係腥味），就咁食可能會太濃，所以配飯/紫菜食就啱啱好！.2️⃣倍化帶子吞海膽（$98）簡單嚟講就係紫菜帶子海膽三文治🥪雖然紫菜淋咗，但帶子有輕微炙燒過，搭夠返紫菜淋嘅落差。帶子厚肉飽滿鮮甜，而重點都係海膽！份量同樣多到夾唔晒，唧咗少少出嚟。.3️⃣日本令和怪物蠔（$68/隻）欣賞佢個位係筋位已經幫你挑到離晒殼，一叉就係，唔使再又剷又盛剷到爛晒/飛埋落枱🦪size有成隻手掌咁大！蠔身肥美飽滿，食咁兩隻完全唔落檸檬茄汁辣椒汁都完全夠味新鮮唔腥！好滿足🤤.4️⃣牛舌、五花腩、鰻魚串燒（$28/串）牛舌都幾厚切，邊邊燒到脆口，牛味濃而唔韌，灑埋辣粉，正🐮五花腩辣粉相對上就重手咗，不過因為五花腩無乜肥膏同易咬開搭救返🐷鰻魚都ok嘅，無乜骨，但嫌醬少咗啲同size細咗啲！.性價比：🌕🌕🌕🌕🌘美味度

雖然成日搭車經過新蒲崗🚌但咁耐以黎都未行過入去睇🫠今次特登出去新蒲崗行下💃🏻咁都俾我發現到好野🥰仲要係大部份香港人既家鄉野✈️日本菜🇯🇵~•~•~•~•~•~•~•~•~•~•~•~•~•~•~•~•~•~•~• 🔸必食推介🔸▪倍化帶子呑海膽 ($98)帶子勁大粒又厚身🤌🏻中間仲要夾住海膽🧡鮮甜 + 鮮甜 = 超鮮甜🤭.▪海膽凍豆腐 ($68)應該係我食過最豪華既豆腐🤍表面鋪上幾舊鮮甜既海膽🧡(滿到有舊仔跌左落黎🫢)豆腐🤍唔係絹豆腐滑滑個種，係結實少少🤏🏻，不過又未去到硬身🙅🏻‍♀️但豆香味好出😝.🔸季節限定🔸▪黑松露鮪魚他他沙律 ($88)個𝐝黑色點點就係黑松露啦🖤見唔見到好多🤩，用沙律醋更開胃🤓鮪魚片片都好厚身🤌🏻底既沙律菜🥗唔係單一種，仲有蕃茄仔🍅. ▪️甲羅燒 配法包𝟐件 ($68)蟹蓋入面有鵪鶉蛋🥚店員會俾隻匙更仔你🥄自己攪勻入面既蟹膏 · 蟹肉· 蔥花……🥣一路搞蟹香🦀味係咁衝上黎👃🏻勁濃稠😳食落唔會好鹹🤓𝟐塊法包🥖烘得超脆✨.▪日本令和の怪物 · 生蠔 ($68/隻)𝐒𝐢𝐳𝐞有手掌咁上下大✋🏻生蠔🦪新鮮即開💫蠔肉🦪夠肥美厚身，滑滑🧏🏻‍♀️唔會🙅🏻‍♀️有個種好重既金屬味🔱店員仲主

新蒲崗隱藏左呢間美味日本野。入面裝潢好靚，有日本風情。海膽丼 ＄168大大啖食海膽，食極都仲有，仲要非常香，果然係海膽仔。黎呢到一定要叫海膽。海膽三色丼 ＄138海膽又有，拖羅又好鮮味，岩哂咩都想試下既朋友仔。軟殼蟹手卷 ＄28一咬落去就爆哂蟹膏，非常香脆，令我好難忘。燒茄子 ＄48自家製蒜蓉醬好好味，令我味蕾為之一振，一定要試下。唐揚炸雞 ＄38一共有五件，好香脆，調味好好。三文魚鰭 ＄28鮮嫩多汁。明太子雞翅 ＄28呢味經典之作，整得唔錯。

之前幫襯「海膽仔」係買過一次熱食外賣，發覺半個鐘後先品嚐都仲keep到好味，眼尾見堂食都叫做有十張2人枱咁上下，而且想試吓佢啲海膽係咪咁正。二人枱就真係偏迫偏細，仲要旁邊一定放盒飯子筷頂住啲空間；凳就算舒服不過凳下冇籃放大袋，枱與枱通道較窄。嗌咗個「S3海膽丼」，三文魚籽下面嗰撮海膽就冇餐牌嗰堆咁大撮，魚籽亦得幾粒，紫菜亦只得3片，唔會包得哂入面接近兩大碗嘅飯量。至少都做到幾新鮮，每瓣海膽似小舌頭般完整有緻，飯面海膽食落就幾鮮幾清甜，到食到一版嗰堆海膽，唔知係咪另一品種喇，發覺係另一種味道，海鮮羶味勁好多，海膽味亦厚重啲，令我諗起馬糞海膽陣徐，配埋正常攻鼻正常辣嘅wasabi，比較上留記憶啲。另外嘅「K7汁燒雞扒丼」飯多雞扒件數多，仲要跟埋幾好味嘅麵豉湯同沙律，夠哂飽，都係六十蚊左右算抵食。

是咁的，當日我地二個女仔， 諗住近近哋屋企附近試下呢一間嘢， 見openrice上面都幾多like， 又有活魚刺身， 平時我哋都經常食日本料理。。。 我哋係想今次試得好日後會包房一大班人去食。一坐低，屬於酒鬼嘅我哋， 第一時間係叫酒， 當我哋問到侍應（ 應該係比較話得事嗰個） 我哋話叫一支1.8L sake， 佢第一時間嘅反應就係 （嘩1.8？） 我立即笑住話可唔可以呀， 佢話當然冇問題啦兩個人， 佢自己同朋友平時都係咁樣。。。到問到活魚嘅時候， 昨日太多人客啦淨返兩條， 一條係淡味魚我哋唔啱， 另外一條池魚王佢話我哋兩個食唔曬。。咁好啦我哋散嗌其他啦。。生蠔同海膽係正常質素嘅。。其他散嗌嘅刺身當然係唔ok啦（ 所以我都費事影）咁我哋兩個女仔一直喺度傾計啦。。 到大約五點零嘅時候， 我見到待應攞我哋張單埋黎， 我望一望免收咗加一服務費。 我都無太理會隔咗一陣大約六點零鐘， 侍應收咗本身嗰張單， 再出另一張單畀我哋， 我見有收返服務費當然我覺得收服務費唔係一個問題， 但我都好奇問一問（ 嗰個好似話得事嘅侍應）點解剛才嗰張單免咗服務費而家呢一張單又要收嘅佢答我，因為我哋坐得太耐喇，所以我要

$138 就有哂貴嘅食材丼,唔怪之得係新蒲崗餐廳排列頭幾位！唔好以為價錢平就將貨就價,除食材新鮮外,亦見賣相有花過心思！尤其是海膽用木板上,真係為打咭以設😁除海膽味甜外,三文魚籽粒粒飽滿,拖羅蓉肥美,嚟這裡唔食這個丼真係會後悔！午市定食有包沙律同麵豉湯,麵豉湯不是普通貨,料非常多,真係見到餐廳用心去維持食物質素！同行人叫咗叉燒拉麵,兼用優惠價追加帶子刺身同吉列生蠔！相比丼的話,拉麵就有少少比下去,唔係話唔好味,係丼做得十分出色啫！帶子非常鮮甜,唔似係冰鮮雪藏貨👍🏻👍🏻吉列蠔：炸粉唔厚,蠔亦唔會炸到乾身！再叫熔岩海膽魚餅,唔好睇佢烏卒卒嘅外表,入面包住流心嘅海膽,真係好食到不得了最後試埋個海膽豆腐,豆腐好香黃豆味同滑,完全唔同“百x”嘅質素,海膽就係味濃嘅加拿大膽,真係絕配！餐廳仲免收加一添,所以係同區食日本菜的話,海膽仔已經係我不二之選了

壽司定食 (配麵豉湯+沙律)($128) 2.5/10前菜個麵豉湯係死咸麵豉湯，沙律正常發揮。見到壽司嘅樣就知大部份壽司都唔掂檔，除咗香蔥吞拿魚同三文魚籽壽司比較正常啲之外，其他全部都係雪味/冇魚味，連海膽同三文魚都係伏🥶 第一啖食蝦同帶子真係中哂大伏，完全唔鮮甜，好恐怖🥲 同埋佢個壽司飯都唔好食，勁似劣質泥膠，又漲又痴又冇醋味，完全係衰過五X嵐Level嘅質素💩三文魚大蝦帶子丼 (配麵豉湯+沙律)($88) 6.5/10呢個丼飯正常過壽司定食好多，粒帶子、三文魚、同蝦都新鮮，起碼冇定食咁伏。不過個飯一樣都係咁奇怪🥴Extra comment🖍•本身想叫海膽丼，點知佢話冇得叫，去到海膽仔冇得食海膽okok，但叫壽司定食又有海膽，點知就伏到坐直升機🚁

🍭海膽仔🍭屯馬開通真的很興奮🎶新蒲崗有好多好西等你發掘🎵😝而間以海膽做主題既餐廳, 係新蒲崗係出曬名🔥平❗️靚❗️正❗️▶️海膽丼 ($168 包沙律+味噌湯)👍🏻👍🏻👍🏻來海膽仔梗係要試佢既海膽啦😍唔同時令會用唔同既海膽~ 今次我食既係加拿大海膽😄入口甘甜❗️超級creamy❗️完全唔腥❗️😋而個丼飯有半盒海膽, 仲要超大隻❗️仲配埋沙律同湯, 超抵食😆😆▶️汁燒雞肉丼 ($58 包沙律+味噌湯) 👍🏻👍🏻除左海膽同刺身, 仲有熟食既丼飯揀~而個汁燒雞肉丼雞肉又大份又嫩滑😛 平靚正👍🏻真心抵食❗️食材新鮮, 性價比高~ 💯❗️😍評分: ⭐️⭐️⭐️⭐️⭐️

📍海膽仔 (新蒲崗)雖然而家禁堂食，但係鍾意食但係鍾意食日本野、魚生既竹我，都係忍唔住走去都係都係忍唔住黎食番餐好既。不過入到黎見到其實好多人都係外賣拎走，其實下次都可以考慮吓外賣。🍱 海膽三色井 配 沙律 海鮮湯 ($138)一送上枱，外貌真係要俾個一百分。師傅將啲三文魚籽、吞拿魚蓉、海膽排位排到到好澎湃，打卡一流。海膽鮮甜，絕對冇奇怪嘅腥味苦味，入口相當creamy。配上三文魚籽、吞拿魚蓉，就更加鮮甜又口感十足。整體來講，分量十足，食完超飽，好滿足。🍣 中拖羅壽司 ($88)仲有啲唔夠喉，就變咗最鍾意食嘅中拖羅，肥美鮮甜，相當厚實，好食。🍸 水蜜桃味汁 ($22) 日本嘅嘢飲通常都幾好飲，呢支水蜜桃汁就正正常常啦。📍新蒲崗衍慶街2-32號新蒲崗大廈地下Q號舖

📎炸南瓜天婦羅上枱嘅時候熱辣辣，外皮鬆脆得來唔會太油膩，南瓜軟糯香甜，唔錯🤤📎三文魚腩壽司三文魚腩好香魚油味，配搭埋壽司飯啱啱好📎海膽軍艦嗰日海膽軍艦做緊特價試咗兩件🙈海膽非常新鮮，以呢個價錢都唔錯，帶輕微甜味唔會腥😛另外套餐亦都有另一款海膽壽司，味道再甜少少，質感上亦都相對比較creamy📎牡丹蝦壽司牡丹蝦好新鮮，而且超級大隻🙆🏻‍♀️黑頭裏面嘅膏都幾鮮甜📎吞拿魚蓉壽司吞拿魚份量非常慷慨😂入口都好重油脂嘅香味🤤

🤑 三文魚大蝦帶子丼 $88🤑 雙重三文魚丼 $78🤑 加拿大海膽 $248🤑 三文魚腩手卷 $18 ———————————————星期六晚family night同屋企人試日本料理🥰上網睇review好似唔錯 決定試下 再share我嘅review比大家😊舖頭望落好細 得幾張枱 但原來有樓上位置 唔算好full當然最好 可以先打去book位 咁就萬無一失🤣🌟 三文魚大蝦帶子丼 $88 🌟所有刺身都大大舊 低於$100嘅情況下 完全驚喜🙈三文魚切到好厚 尚算新鮮 好滑好香三文魚油香味😋大蝦都對得住個名 相當足料👍🏻帶子大大粒 好厚實😚好多飯 食完超飽 好滿足😆🌟 雙重三文魚丼 $78 🌟係三文魚+火灸三文魚飯🤣刺身同樣厚實 啖啖肉 好吸引😋🌟 加拿大海膽 $248 🌟有得揀 加拿大/墨西哥/韓國 嘅海膽 問左職員意見後 我地揀左濃味啲嘅 加拿大海膽食完覺得唔係好重味🧐重點係 好腥😣唔係想像中咁好食 有啲失望 可能下次試其他款式嘅海膽🧐🌟 三文魚腩手卷 $18 🌟街舖價錢 高級質素😍冇諗過咁平嘅三文魚腩手卷可以咁正！三文魚腩超厚 非常香 有少少入口即溶嘅感覺😚性價比超高😊————————

今日專登都去咗呢一間餐廳度試吓，之前有朋友食過話好好食，所以都忍唔住走過去食飯叫咗一個黑豚肉眼定食！大大份嘅定食都只係$98 ，絕對係超值！而且呢度嘅黑豚豬肉真係好好食！豬肉非常之嫩！估唔到黑豚肉係咁滑的！而且入口嘅時候真係好林，再加埋珍珠米！配合得天衣無縫！一間好正嘅外賣小店