海膽仔

营业中

休息中

今日放假經過新蒲崗搵食 見到海膽仔openrice上面係新蒲崗有最多好評就去試下雖然下晝4點 但都full左 即使下張檯到我地 都要等大約15-20分鐘先入得遲來過我地既情侶就留低電話等店員通知食物黑松露火炙油甘魚丼油甘魚同飯嘅份量唔成比例 碗飯就好大碗 啲油甘魚切成粒狀 好疏落咁鋪喺飯上面 少得可憐正常火炙應該輕輕用噴槍炙燒生魚表面 引出更豐富的魚油但係我呢碗丼飯嘅火炙 由張相都可以見到 某幾舊魚嘅表面燒到焦黑色整體火炙完之後 好似煮熟咗啲油甘魚咁至少五六成熟唔似食緊魚生飯日本左岸蠔 & 法國Gillardeau蠔法國號好細隻但係勝在夠爽口鮮甜日本蠔大隻好多 咬落去好creamy 不過我prefer質感爽口嘅蠔多啲令人失望嘅係佢咁大隻 同埋貴法國蠔$20但係只係食到海水既鹹味 一啲都唔鮮甜入座混亂其實唔關我地事 但為下一對入座既情侶抱打不平事源後面二人枱客人結帳埋單 店員就打電話叫排喺我哋後面對情侶返嚟入座嗰張二人枱隔離張四人枱本身坐咗個四人家庭就係呢個時候呢個家庭突然無啦啦多咗兩位成員入嚟餐廳仲搶先嗰對情侶坐咗嗰張啱啱空出嚟嘅二人枱店員亦都冇阻止所以嗰對情侶返嚟嘅時候就已經冇位呢件

新蒲崗海膽控必愛的日本料理小店💕✨餐廳以海膽為賣點，有不同產地的海膽選擇，更有時令生蠔，還有多款魚生壽司，當然不少得丼飯、熱食，串燒、燒物等等，多麼的豐富！《海膽丼》$168以定食形式的海膽丼，親民價的豪華選擇，海膽份量滿滿，更以木板盛裝著亮麗的海膽，定食更配有沙律和麵豉湯。《倍化帶子吞海膽》$98/2隻超巨大的厚身帶子，中間夾著濃香美味的海膽，表面更以脆口紫菜包裹著，不論是賣相，還是味道，也是十分滿足，啖啖肉的口感更是令人興奮！《壽司定食》$128以定食形式的壽司，包括有：海膽、三文魚子、蔥吞拿魚蓉、赤蝦、三文魚、𩶘魚、帶子、吞拿魚和卷物，共有十一件，相當抵吃！定食更配有沙律和麵豉湯。《花之戀系列》$26-$38餐廳設有多款特色的花之戀，每款也想吃呢！是此點了兩件，大大件，啖啖肉，滿足感大！-黑松露玫瑰花之戀$38-明太子花之戀$26那件黑松露玫瑰花之戀相當特別，是以吞拿魚為主角，外層是吞拿魚，最頂也是吞拿魚蓉，好吃！總結：以海膽為主打的親民日式餐廳。

餐廳：海膽仔 地區：新蒲崗地址：新蒲崗衍慶街2-32號新蒲崗大廈地下Q號舖日期：18/10/2022時間：20:00人數：2人 等位：0 mins 價錢： ＄458咁啱喺IG見到呢間評價唔錯👍仲見到佢哋有額外售賣直送海膽同刺身都想睇吓有冇得執好嘢😁我哋分別嗌海膽三色丼（$138）、牛柳粒鍋定食（$98），壽司亦嗌幾款有帶子壽司（$28）、明太子沙律軍艦（$16）、火炙芝士三文魚壽司（$24）同鰻魚芝士卷（$36），小食方面嗌左唐揚炸雞（$38）同牛肉薯餅（$38），加一後總共$458。⭐️海膽三色丼⭐️配有沙律,麵豉湯，拖羅蓉、海膽同三文魚籽裝到滿滿一碗，充滿視覺享受！🤩海膽鮮甜之餘😚，又感受到拖羅蓉嘅脂香，幾款口感混為一體大滿足😋⭐️牛柳粒鍋定食⭐️牛柳粒煎香至表面金黃，大約煎到七、八成內裏軟腍，真係啖啖嫩滑骰仔牛，加上洋蔥、青紅椒同日本蛋黃配搭，旋風式食曬😂如鍋具再熱啲令飯底成飯焦就更加香😆⭐️帶子壽司⭐️帶子好抵食👍$28有2件，又厚肉又滑嫩鮮甜😍⭐️明太子沙律軍艦⭐️明太子加埋酸甜嘅沙律醬，開胃又好食😊⭐️火炙芝士三文魚壽司⭐️灸燒更為香口，滿口濃郁芝士味，三文魚入口肥美香嫩，極為幸福☺️⭐️鰻魚芝士

朋友推介呢間日本居酒屋，首先要講生蠔真係勁新鮮、肉質肥美不特止、無海水味，真係無介紹錯👍辣味三文魚丼：魚生新鮮秘製牛舌丼：炆得好腍西京燒銀鱈魚定食：煎得香氣四溢每個餐都跟和風沙律及麵豉湯

今日去新蒲崗做工放飯時間同同事去試吓呢間海膽仔我選了海膽丼友人就點了鰻魚飯另外點選了幾款壽司和小食試試海膽丼醋飯相當大碗味道鮮甜而旦份量亦可以海膽也算大件非常果腹鰻魚飯份量很多但味道不及魚生和海膽壽司算是大件中拖羅壽司未有明顯的油脂分布但也夠新鮮入口帶點融化感三文魚籽軍艦魚籽爽脆晶瑩亦都新鮮大粒芝士蟹籽軍艦粒粒蟹籽大粒新鮮有咬口小食是章魚丸燒和燒菠蘿章魚燒略為粉口燒菠蘿鮮甜好吃整體水準ok可以一試

呢間居酒屋食唔係鬧市，質素高！而且價錢相對比較低！性價比高高高！店舖細細地，非常有日本風味。倍化帶子吞海膽帶子厚身到不行了，超級鮮甜，加上新鮮海膽，食完想真係想encore ！牛舌串除咗本身食材靚，燒嘅功夫都好出式。牛舌爽好淋，咬落去有少少爆汁嘅感覺，超juicy !牛舌上面灑上少少鹽，非常鹹香！銀雪魚西京燒魚皮燒得脆脆地，魚肉好爽好實好新鮮，推介！熔岩海膽魚餅呢個好特別，第一次食。鮮甜彈牙嘅魚餅入面夾住海膽蓉，一咬開啲鮮甜海膽爆曬出嚟！食過番尋味！松葉蟹雙重丼足料蟹丼！松葉蟹膏份量唔少，加上好多蟹肉！食刺身最緊要都係新鮮！除咗新鮮之外都係新鮮！

位於新蒲崗呢一間日本餐廳—海膽仔！喺區內因為佢哋嘅食物質素同埋好抵食而出名，之前已經幫襯過一次，今次相隔差唔多一年再次到訪😆🙌🏻睇吓佢哋嘅食物質素而家如何～倍化帶子吞海膽 $98通常餐廳如果有呢個菜式我都會試🤣因為自己本身好鍾意食帶子，配埋海膽真係好食又奢侈😋一啖食晒，海鮮嘅鮮甜味擁晒出嚟！刺身定食配壽司飯 $128價錢一樣好抵食，但刺身嘅種類都好多，份量都唔少，再配埋壽司飯真係好滿足！☺️辣味三文魚丼飯 $68定食只要要加$5至$10就可以有梳打汽水呢啲選擇👍🏻海膽軍艦 $58松葉蟹膏軍艦 $38香蔥拖羅蓉軍艦 $28火炙三文魚 $16帶子壽司 $28呢個價錢全部都係兩件，所以真係唔算貴！之前已經食過一次就唔超詳細介紹啦🤣質素一樣唔錯😛最緊要好抵食真係好吸引🙌🏻

附近啲餐廳大部份已經閂左，餐廳門面燈光明亮，好易搵到。一入餐廳感覺好似入左日本居酒屋，睇落細細間，原來有兩層，唔算好少位。餐廳唔算好大，但好多食物選擇，有一大個生蠔櫃，好多酒，menu選擇都好多。海膽三色丼 $138三色分別係指海膽、吞拿魚蓉同三文魚籽，一開始睇想見到好大碗驚食唔曬，好彩最後都食得曬無浪費食物。海膽顏色鮮豔，望落好新鮮，以平價就食到咁多海膽絕對超值。松葉蟹雙重丼 $128尼個丼飯唔止雙重，似四重多啲，有大量蟹肉、蟹膏、蟹棒，仲有啲蟹籽，份量夠撈曬成完飯，啖啖都食到蟹肉好滿足😋三文魚腩壽司 $16平平地就食到三文魚腩壽司，好抵食帶子吞海膽 $98帶子超大粒😮，一夾起海膽就跌出黎，建議用匙羹食，口感爽甜，同海膽一齊食幾夾。油甘魚腩 $68雖然係魚腩位，但唔會太過肥膩。

海膽仔😍😍個人覺得性價比極高既日本野🤭🤭唯一有挑剔既就係位置唔算好就腳，係新蒲崗😵不過而家涼涼地，由鑽石山地鐵站行過去都係10分鐘左右。。話說佢啲刺身同海膽真係好鬼抵食！全部都係日本直送海膽，但幾十蚊起就有交易。。🥢海膽3色丼 $138跟飯附贈味噌湯。海膽+吞拿魚蓉+三文魚籽，新鮮又大碗，海膽味濃，真係食完一啖又一啖。。🥢燒油甘魚鮫 $68餐廳食過最平既燒油甘魚鮫，一定係呢度，燒完既油甘魚一啲腥味都無，加左少少鹽，鮮味十足。。🥢炸雞軟骨 $38大碟抵食，炸得香脆。。🥢炸蝦蟹子卷 $36100分推薦，炸蝦🍤夠脆，放左份卷物仍然keep到。。🥢牛油果軟殼蟹卷 $38牛油果+軟殼蟹好無敵既組合，卷物整得好食。。🥢唐揚炸雞 5件 $38炸雞皮略嫌厚咗少少，但係味道搭救，香脆夠滑。。🥢串燒豬腩肉$28 / 串燒雞皮$12串燒勁好食！好推薦！燒到岩岩好，又香炭火味。。啤酒Orion只係 $28！好抵飲呀！勁滿足既一餐，好好好抵食！

雖然依加日本通咗關 但係去日本都唔係咁易但係如果想食返日本味就可以嚟依間海膽仔試吓之前都試過啦，但係主要都係食丼飯比較多 今次就試吓其他日本餸佢嘅店嘅環境都好有日本嘅元素門口仲一個雪櫃入邊有啲海膽啊，魚腩可以買返去屋企食講返啲嘢食，今次就叫咗一碟刺身咁就散叫咗八件嘅三文魚刺身同埋帶子另外仲叫咗兩隻赤蝦全部都好鮮甜，同埋好口肉嗰啲三文魚跟住叫咗一底加拿大海膽$248佢同Menu圖嗰個樣係一樣嘅大大碟，仲要有六大嚿白飯 可以連埋紫菜加飯同海膽食大大嚿一啖食落肚 10分爽快另外再叫咗四舊鰻魚芝士卷鰻魚同芝士味好出同埋係冇骨冇筋最後梗係要食埋我每次必嚟都要點嘅明太子雞翼 一樣又係又熱又脆好爽口

平日經開新浦崗都見到好多人排隊，今日一試終於知道點解！果然性價比超高😆 海膽迷千祈唔好錯過！⭐️倍化海膽吞帶子 $98黎到海膽仔緊係要叫海膽！大大粒既帶子包住海膽，肥美又鮮甜，口感一流😋有入口即溶既感覺！兩隻唔夠喉啊😂⭐️ 海膽三色丼定食 $138無論係吞拿魚蓉定三文魚籽，都係超級鮮甜。當然唔少得海膽，用左兩款唔同既海膽，好有心思，味道濃郁而且鮮甜，一定無揀錯！😋😋定食配埋沙律同味噌湯，份量十足！⭐️三文魚鵝肝帶子丼定食 $138呢個定食係月替定食，本月限定，三文魚同帶子一概鮮甜濃郁😍，但鵝肝略淡一點，缺乏鵝肝應有creamy既感覺。⭐️甲羅燒配多士呢個係大愛推介❤️❤️！滿滿既蟹膏配多士原來係咁正！😋值得再去多一次😋海膽仔 (新蒲崗)新蒲崗衍慶街2-32號新蒲崗大廈地下Q號舖

前幾日經過新蒲崗見到呢間好多人推薦嘅海膽仔，就叫咗刺身定食試下。餐廳叫海膽仔，除咗有海膽，仲多刺身、壽司、串燒、拉麵、丼飯等等，同朋友一齊share就啱晒。😆 倍化帶子吞海膽 $98呢個係一定要食！帶子有我一半手掌咁大粒，包住滿滿嘅海膽，兩者都好鮮甜，海膽creamy唔腥，好食😋😋 刺身定食 $128呢個刺身定食性價比好高🤣🤣每款刺身都有2件，有三文魚腩、吞拿魚、油甘魚、北寄貝、牡丹蝦、希靈魚同帆立貝。😛 三文魚腩好厚切，牡丹蝦有兩大隻好鮮甜，一個人食完會好飽，兩個人share都得🤣🤣 呢個定食仲配沙律同麵豉湯，食完好滿足。 

📍海膽仔 (新蒲崗)👩🏻偶爾帶屋企人食日本嘢，揀咗間價錢唔算貴嘅💛黃店。雖然叫做「海膽仔」，但熟食都幾好味㗎。✨軟殼蟹手卷$28軟殼蟹炸得酥脆香口，料多飯少，紫菜仲係脆。✨原隻日本魷魚筒$98✨魷魚鬚$18汁燒魷魚筒同鹽燒魷魚鬚各有各好味😋。幾鐘意佢哋燒得夠香口，唔止燒熟咁簡單。✨燒菠蘿$18香甜多汁，好啱解膩。✨喜知次一夜干$98喜知次魚味濃郁，煎得幾香，可惜魚油唔夠多。✨雞軟骨$38味道鹹香，爽脆又唔會太油膩。📍海膽仔 (新蒲崗)新蒲崗衍慶街2-32號新蒲崗大廈地下Q號舖

日式和風🎎味道濃烈嘅餐廳，內部裝潢似居酒屋，擺設好有心思，門口有新鮮當造嘅海鮮任君選擇，而且有好靚嘅日本酒甕牆，作為影相背景一流。⚜️海膽丼🍚、沙律🥗、麵豉湯🥣沙律用料豐富；麵豉湯足料美味。海膽丼內有好多片海膽，非常新鮮同肥美，而且好CREAMY，唔會有腥味，配上珍珠醋飯一啖接一啖好上癮。⚜️三文魚壽司🍣、芝士蟹籽軍艦、牛油果軟殼蟹卷🥑三文魚壽司油脂分佈平均，好鮮甜；芝士蟹籽軍艦紫菜同蟹籽都好爽脆，芝士醬味道調得剛好唔會有膩感；牛油果軟殼蟹卷清爽嘅牛油果配上微脆肉厚嘅軟殼蟹，完美中和炸物嘅油膩感。⚜️牛舌串🐃、魷魚鬚串🐙、雞皮串🐣牛舌表皮焦香內芯軟嫩，牛味濃厚；魷魚鬚爽口唔韌；雞皮炸得乾脆，完全去除油膩感。⚜️甲羅燒配法包🦀蟹膏綿密濃郁，份量十足，冇過度調味，完全食出蟹本來嘅鮮味，塗滿脆法包口感恰到好處。⚜️喜知次一夜干🐟表皮煎得稍為焦脆，肉質細嫩，鹹度得宜，非常鮮美。

📍海膽仔 (新蒲崗)新蒲崗衍慶街2-32號新蒲崗大廈地下Q號舖———————————————海膽三色丼(💰: 138 hkd) 呢個丼飯絕對色香味俱全💯🤩 顏色配搭起來鮮艷吸引，味道新鮮，而且份量十足，用料絕對無吝嗇，基本上啖啖都有餸!! 三色丼有海膽、吞拿魚蓉同埋三文魚籽，一次過滿足晒三個願望🥰❤️ 海膽新鮮甘甜，入口即融而且口感軟滑creamy，完全冇腥味，獨自一口氣食曬都完全唔覺膩😙 三文魚籽亦很出色，鮮甜而且唔腥，每碗仲要落咗好多呢~ 吞拿魚蓉我就覺得係正常水準，未到驚為天人但係都好新鮮✨最後，紫菜同壽司飯都好好食，紫菜脆口唔會林晒，珍珠米有咬口，醋同飯嘅比例恰到好處，值得一讚🍚👍🏻 仲送埋沙律同麵鼓湯添，包你食到飽一飽～總括來講，海膽仔係性價比好高嘅一間餐廳😍 咁嘅價錢食到如此質素，絕對會推介俾大家同埋encore‼️ 唯一就係位置隔涉咗少少，要從黃大仙地鐵站步行大約10分鐘路程，不過為咗呢碗高質丼飯絕對值得呀😋整體評分 (6個🐽為滿分)味道：🐽🐽🐽🐽🐽🐽抵食：🐽🐽🐽🐽🐽🐽環境：🐽🐽🐽🐽🐽服務：🐽🐽🐽🐽🐽P.S. 一入餐廳門口位置係外賣專售區，有多款時令生蠔、刺身、海膽等供客人購