海膽仔

每個禮拜去新蒲崗上堂都會揾下有咩好嘢食，今次比我揾到間好有驚喜嘅日本菜！雖然佢叫海膽仔，除咗靚海膽，呢度其實仲有多款時令刺身、特色菜同新鮮直送生蠔！餐廳分上下兩層，比較多枱同密，但中間都會有隔板，等大家食得安心又放心！


海膽三色丼（$138）有滿滿呑拿魚蓉加上三文魚籽，主角海膽鮮甜美味，可以就甘食，又或者用香脆紫菜包住，撈埋魚蓉魚籽食，鮮味十足，每啖都感受到又甜又滑嘅口感！

海膽三色丼

$138

芝士海膽大蝦炒麵（$98）本月限定菜式，一上枱就聞到好香芝士味，口感creamy加上淡淡海膽鮮味，麵嘅口感比較軟身。另外每款定食都包沙律同味噌湯，夠曬豐富！

芝士海膽大蝦炒麵

$98

三文魚香芒加州卷（$38）加州卷上面舖上鮮美三文魚、香甜滑溜芒果同沙律醬，清新又易入口，大人細路都一定會鐘意！

三文魚香芒加州卷

$38

熔岩海膽魚餅（$38）特別嘅海膽料理，一咬入面嘅海膽醬會爆出嚟，外面墨魚餅幾彈牙。

一口芝士（$38）炸到酥脆拉絲，送汽水或者酒都好爽！


燒物就叫咗雞肉棒串（$18）、牛舌串（$28）、翠肉瓜串（$16）、燒菠蘿（$18），個人最鍾意係多汁翠肉瓜同清甜無渣嘅燒菠蘿！

呢度仲有可以黎買外賣，可以將超大隻嘅令和之怪物帶返屋企！