海老名沾麵

营业中

休息中

因為上兩星期同老公去完日本, 好掛住日本o既拉麵...所以上網搵到呢間, 覺得未食過沾麵都可以去試試~ 因為老公遲放工, 所以我去拎定位...我走入店內, 有個, 亦係唯一一個女侍應問我幾多位, 我答"兩位"...佢話要等等, 要人齊先入得同而家冇位, 因為出面熱, 所以我o係店面門口等...侍應語氣不太友善地叫我出面等, 同比左張紙我剔野食...我當時覺得佢可能不嬲都係咁講野(串串共), 咁我照o係門外等...到我老公黎...準備入之際...店內有人出...侍應又叫我地讓開通道比人出...其實我地唔算企得好出, 道門係可以再開大d ...咁唔緊要...始終係通道...都要讓人出先有得入。等位期間, 侍應都有比紙我後面o既情侶, 有問佢地係咪第一次食...但佢冇問我地...因為已經落左單, 我地坐企左幾分鐘就有得食啦...我叫左海老麵豉沾麵, 老公叫海老醬油沾麵。基本上每款沾麵都配兩片薄燒叉燒同一隻糖心蛋, 仲有一款紫菜+脆米o既小食~ 侍應冇了解過我地識唔識食之下, 我地都識得睇枱面上o既教學~ 味道方面, 我覺得麵豉汁配櫻花蝦味道好夾, 加埋蝦醋味道更特出, 醬油就唔太特別...麵

之前黎食過蝦沾面雖然太咸但都好食夠味，但呢個限量十碗既海膽沾面真係極差，冇海膽味但腥，似腥既蛋花湯你話死唔死。啲類似雞肉既肉有啲香料品 唔夾囉 好angry ya . 面質太硬因為係凍面。

陪朋友黎食，第一次試，要左最平既蝦汁醬油沾麵。個麵一黎到我已經有最壞打算，因為本身我唔太鍾意粗身麵，奈何沾麵係粗既。。。沾麵既食法係將麵浸入濃湯黎食，所以麵同湯係分開上既。一黎試左啖湯，蝦乾魚乾熬出黎好濃。。。濃味到我覺得有點苦添而且湯本身雖然用小石鍋裝住，但唔係好夠熱仲見佢係粗麵諗住用熱湯浸林少少黎食。。但可惜唔夠熱浸極都唔林。。鍾意食粗麵既人可能會鍾意，因為麵身粗同較韌，好有咬口。但本人唔太鍾意。沾麵係一個新嘗試，但好唔岩我，所以食一次就夠了那

成日見到好多人排隊等，以為好嘢，前幾日同老婆去試下，点知一係吾試，一試就出事，完全吾正宗的拉麵，麵又硬，湯又咸，d湯用包裝料做，好超難食的拉麵，吾知点解可以賣到一百蚊一碗。

柑太今日事忙四圍走，肥柑接佢時，已經身在深水埗，她提議食日本野，更主動搜尋一下附近有甚麼好吃的日菜，最後找到一間吃沾麵的但位置卻在長沙灣附近的海老名。本著一試無妨，便跟著她去試試。首先是店面，如果沒有地址的話，相信很多人會看漏眼，因為只是一個很簡單，很簡單的裝潢，連那塊門前布擋都毫不起眼，而地點更是在商場的橫街，沒有燈箱，沒有人排隊。當走近找開門入內時，店員從店內走出，詢問我們多少人，便著我們在旁等候，我探首一看，發覺店內已坐滿食客，而店內的位子大約只有十個，看來要等一段頗長的時間。在等候期間，店員三番四次開門觀看排隊人數，可惜在我們等候的首十五分鐘，一直都只是有我和柑太二人在等，到差不多最後五分鐘時，才開始有人跟尾。我想你既然擔心幫襯的人數，不如盡心服侍店內的客人罷。等了二十分鐘才可以入座，坐好後略略一看，發覺店內的裝潢模仿車站拉麵小店的風格，以地方小，簡單，快捷地吃完便走的感覺。職人們很忙碌地弄拉麵，我們點了拉麵，便等待上菜。他們有限定版的海膽沾麵，可惜已經售罄。調味的醬料也和蝦有關，希望不要蓋過麵和湯的味道。意思不明....上菜了，這個是味噌這個是蕃茄麵條略粗，而湯上看到一層厚厚

夜晚8:30黎到，問佢做唔做到又黑口黑面叫我等等，排左15分鐘先同我講收鋪做唔到，連張餐牌紙都比埋我，有無心做生意牙？好生意都唔係咁做牙，睇下你地幾時做衰自己。

$128 一碗嘅每日限定海膽沾麵，全場最貴。唔好講好唔好食，但一入去見到大大罐家x牌雞粉已唔開胃。食完麵按指示加清湯再飲，點知...竟然俾我見到佢一更一更雞粉放入去refill d 湯。以為已經看到最差，點知...個cfu攞個blender出來攪野，個壺度有隻疑似死強仔，佢一手飛佢走，洗都唔洗個壺。唔會再去佢條line其他麵檔。

本身比較不喜歡在香港吃沾麵，因為總覺味道太濃。通常都偏愛拉麵。但海老名這一間的蕃茄湯底沾麵味道清新，有蝦的香味之外還有淡淡的蕃茄酸味，立即開胃很多，加上少少米通在湯上，脆脆地，女仔應該都喜歡。男朋友選的是最普通口味，醬油，我對比一下之後就覺得不夠特別了。

是日到長沙灣政府合署辦完事，就諗起附近有間拉麵好多人食但未食過，開gps一搵，行十幾分鐘就到，雖然烈日當兇，為左食好西，曝曬下都要啦！可能真係太熱太曬，行到去搵左陣(M記太搶眼，佢係M記左邊，仲要灰牆灰門口，我以為真係得幅牆), 好似d BB咁，無哂胃口…但又唔捨得走…因為時間早左，12點開門，11點50分已到，仲可以企多陣再諗。到步時已有一家人在等食，無聊的聊起點樣捉小精靈，講講吓等到12點08分麵鋪開門，都係入左去食。等既時候，姐姐俾左2張紙我地揀，有限定的海膽沾麵同冷麵，對冷麵十二分有興趣，但因第1次食一定要食基本麵先既原則，最後都係揀左海老醬油沾麵，因為仲係無胃口，奇蹟地點左少麵。一開門已坐滿客人，入面好少位，得10個位度，但有3個師傅煮麵。隔離客人點了冷麵，師傅說多工序要等耐d, 最後真係等好耐下，想食又唔等得既朋友唔好挑戰自己耐性。10分鐘度麵上枱，一向愛吃濃味豚骨麵，睇咁睇顏色覺得有返咁上下咸，外在攞滿分，睇到都想食！湯同麵都好熱，加我個人都好熱，湯仲用燒熱左既石頭窩熱住上，熱喊。睇樣似咸，食落竟然係淡口(同豚骨沾麵相比) 雖然蝦味好濃，但湯係稀，比較似一般水質，唔會似豚

拉麵達人 - Meter Chan, 年前所打造的拉麵/ 沾麵王國, 早已拜訪過了隱家沾麵和混亂拉麵, 今次輪到海老名沾麵。同樣隱身於長沙灣, 近深水埗舊區的美居商場中, 就在老麥隔離, 不熟路的會有點難找。 灰色水泥牆身, 一塊白色掛布, 一盞簡單吊燈, 平實的外表其實於舊區中顯得很突出。平面化了的海蝦圖案, 黑色的印於白布上, 連店舖名字也沒有, 喜歡這低調。每日只營業6個小時:12-3, 6-9。 這種態度能抵禦強悍的租金嗎?!慣性地要排隊, 遇上開飯時間, 等待總免不了, 而且還排上半個鐘, 天氣熱到溶, 確實難耐, 幸好隔離的老麥, 人們進取時所引出一度涼氣, 簡直是綠洲! 店內L型的吧檯設計, 只有十一,二個坐位, 空間較為狹窄, 但總比隱家坐汽水箱來得舒服。定期供應的麵食只有三款選擇: 蝦汁醬油沾麵($78), 蝦汁味噌沾麵 ($88)和蝦汁蕃茄沾麵 ($98)。 而今期的期間限定是蔥華冷麵和每日10碗的海膽沾麵。 雖說限定, 但對兩者都沒興趣, 唯有選回基本: 醬油沾麵和味噌沾麵。追加的項目也是離不開叉燒, 玉子, 櫻花蝦和麵條等。水, 是自助的, 像迴轉壽司般, 不過

平日都好少會去長沙灣搵食，上openrice見呢間沾面好多人like, 又有篇講到係食勻全港咁濟而呢間係最好食，所以即刻去試下。佢係m記隔離，門口好細冇大招牌，唔細心留意真係見唔到佢。入到去位置唔多，枱面有貼住詳細食沾面方法，我地叫左櫻花蝦醬油味$78 &櫻花蝦蕃茄味$98，雖然齋聽好蕃茄味好似怪怪地，但難得黎到就試下多d味，另外仲有款係味噌味，但一直都唔好味噌所以一開始已剔走選擇，今次仲加左櫻花蝦做配料。期待已久的沾面終於到賣相不錯但2款都好油，有一大層油在面，第一下食時 沾得唔夠底真的只食到油油淡淡的味，蕃茄味比醬油味濃郁，而且有淡淡的蕃茄味。食完面，枱面指示可叫店員加入清湯，再拎起碗大口大口飲。但真心見到咁油真係冇咩胃口飲落去，不過都叫左店員加d湯試下，飲左一口，實在太重口味，又油又味精濃，放棄了

四圍去尋覓在哪裡可以吃到令人稱心滿意的沾麵。在本地有沾麵供應的舖子，十居其九我都已光顧過了 (只差一至兩間由於地方太遠的關係所以就未去，但我想假以時日後我一定會抽時間去食)....吃過一系列的沾麵店後來個總結，小弟還是認為這裡的出品是最出色的....這裡的門外長期都會出現一條人龍。故此我每一次來吃時，都會揀選在平日中午剛開舖的時間去，從而避開可能出現的等位人潮....今天早了十分鐘到，在我之前已有兩個人站著....運氣還不算太差呢....在準備入座之際，女侍者便向各人派落單紙....咦，發現了一件新產物，竟是一道限量只有十份的海膽沾麵，正式是夠曬新奇有趣。而對於我這海膽迷來講就更是萬勿錯過....點了麵後不久，廚師便端來一堆小小的炸粒及紫菜。炸粒及紫菜同皆夠脆卜卜，十分適合下酒 (但可惜今天沒有酒癮，不想在白天底下宣飲)....好了，uni沾麵卒之登場....一睇到那海膽沾湯黃澄澄的又杰又稠，就知道其用料之足。用湯匙去撈時更看到大量未溶在湯的海膽，可見uni量之多以至湯呈現了飽和的狀態....可以預計得到，湯味是如何的鮮甜，呷進口只覺滿嘴都是來自海水的甜而一點也不腥....這裡的麵條一

有些少神秘既沾麵店，有次路過都見到呢間唔知食乜既店， 唔覺門口有名同餐牌， 係openrice 見到， 都有好多好評 ,所以都走黎試下， 未夠7 點已經排左4個人 ,企多陣 就開始多人， 等左一陣好快有位。3 款麵 + 限定麵， 我都係選擇最基本試試。麵係我最like既粗麵條，但咬落略為硬左少少，可以軟少少彈牙就最好。湯底起初只食到面層油，都算好有蝦味，食到最後加返d湯飲，反而更易入口，湯都算唔錯。肉我就反而麻麻，唔係入口即溶，如果可以换，我想换多隻半熟蛋。半熟蛋ok好味，但似唔入味既蛋，再留心就更加好，食物整體都算ok .唯一唔好就係食物放係高枱由客人自己攞 麵唔係問題 但湯有d危險，因廚師枱面同食客枱面略高

自上次去大板狂食團中品嚐了沾麵後, 才知道比湯麵更滋味, 濃郁蝦湯配彈牙靚麵, 不能不愛上!  回到香港搵了幾間較多好評既來回味一番.  今次去長沙灣區既海老名, 傳聞湯頭是用上大量櫻花蝦.  我都頗熟長沙灣這帶, 但找這小店卻令我花了時間, 實在唔講唔知位於麥噹噹轉角位這幅灰色石牆, 沒有招牌, 門面只有一塊印有蝦既白色掛布, 就是食店, 通常外表低調, 內裡都是有料到. 隔離是小食店, 我還以為在排隊的人是等小食, 為免要排太久我在還未開店前已到逹, 但已經有隊型啦. 幸好, 我還在10名之內, 可以食首輪.小店真很小, 只有13個座位. 店員帶位從位置1開始, 一坐下大家埋頭填菜單, 獨沽一味蝦汁沾麵, 但可以揀醬油$78 / 味噌$88 / 蕃茄$98, 3個湯底; 更可以追加麵, 叉燒, 蛋, 櫻花蝦, 荀, 紫菜......... 另外, 還有每日限定10碗既海膽沾麵, 今次初嚐都係從原味開始較好.店主夠細心, 怕客人不懂食沾麵而浪費了廚師一番心血, 所以枱上貼了食法教學.開房式廚房跟日本一樣, 師傅就在你面前烹煮, 沾麵吸引之處是麵質彈牙, 所以必需掌握麵條份量及時間,

位於長沙灣的海老名，貫徹日式麵店的風格。門面不甚起眼，很容易就走過了。店內只有十多個座位，呈L形的一排靠吧檯坐，所以能看到師傅們認真做麵的態度。但空間感真的很狹窄。這裡主打蝦汁沾麵，分別有醬油、味噌、和蕃茄三種口味選擇。檯上提供幾款調味料自行添加，也有說明書講解沾麵的正宗食法。<蝦汁醬油沾麵>落單後店員先送上一碗櫻花蝦小食，而麵條和湯底是分開呈上的。麵條溫度微暖，質感較粗及硬身，咬落煙韌有嚼勁。湯底則散發著濃郁的蝦香味，表面有一層蝦油，配料已包括有兩片火炙叉燒、溏心蛋、和大量櫻花蝦，鮮味十足，但略嫌偏鹹。美中不足湯底並沒有用熱鍋保持溫度，吃到一半時已變涼了。另把麵條吃光後可叫店員加添熱水，中和鹹度，這樣便可品嚐湯底的精華了。