海老名沾麵

营业中

休息中

每次來到長沙灣上堂也會到的一間沾麵店，每次來到都會記掛住它的香濃蝦湯，每次來到這不起眼的店面也覺得非常隱世店內三款味道有︰蝦汁醬油、蝦汁味噌及蝦汁番茄沾麵今次再嚐開胃的番茄湯底，微酸中帶甜味，而讓我經常記得海老名的沾麵的主要原因，就是這裡的麵條口感圓滑，份量十足，非常掛湯。店員先奉上紫菜及炸粉粒作為配菜，自己慣常的食法就是將紫菜及炸粉粒留到最後加湯湯內材料有數隻櫻花蝦、一隻流心半熟蛋、腩肉叉燒，筍條、蕃茄及蔥粒流心半熟蛋濃香美味非常吸睛，腩肉叉燒肥美香口，濃湯味道非常滿意。留到最後加湯環節，加上紫菜及炸粉粒，既有紫菜香又有炸粉粒咬口的蝦雞湯，每幽也被我完全喝清!👅美味: ⭐️⭐️⭐️⭐️⭐️/5✨環境: ⭐️⭐️⭐️⭐/5💫回頭: ⭐️⭐️⭐️⭐️⭐️/5💡性價: ⭐️⭐️⭐️⭐️/5💆‍♂️服務: ⭐️⭐️⭐️⭐️/5

收藏左好耐終於一嘗，位置都幾易認，係間M記隔離，不過無門面無店名，所以有點難搵！8點15去到排左30分鐘，一心唸住滿懷期待，點知一入到去果位待應EE啲服務態度差到呢！可能佢地就收店既關係，門面細佢撞黎撞去，好急咁收拾，仲將水壺既水倒左落我先生到，都無講唔好意思！然後每個沾麵都會有個竹藤筲箕放塊紫菜同炸物，因為佢地店面太細，我就將竹藤筲箕放入拉麵碗內，點知最神奇既事係果位待應EE”zip”左我一聲，一臉不滿意。原來他們的竹藤筲箕係唔會洗，直接收起就放埋，omg,好不衛生啊，大家都有口水掂過竹藤筲箕，佢竟然唔洗！我唸我下次不會再去

呢間位於長沙灣嘅隱世小店，對於愛好日本沾麵嘅朋友，一定要黎試一試。本人其實一路只會鍾意食拉麵，原因係之前食過幾次沾麵，都冇乜好感，但係呢一間小店完全改變左我對沾麵嘅睇法！櫻花蝦蕃茄沾麵 (5/5)呢個簡直係ICHIBAN! 湯底好濃郁，好有櫻花蝦嘅味道，然後番茄中的酸溜溜令我好有開胃嘅感覺，而且唔似之前食嘅嗰啲咁只係有油膩的感覺。值得一讚嘅係你食到咁上下，店員會主動問你需唔需要加湯，因為好多時我哋沾沾下嘅時候，會好快食到冇晒湯。水準同埋服務都值得一讚，希望小店不久嘅將來可以擴大，令到排隊嘅時間節省！

🦐長沙灣蝦味極濃 蝦汁沾麵🍜其實幾年前經過已經想食 但好次無咩緣分🤔有次特登去到佢無開落咗場😐有次夜晚8點幾去又last order咗🤭今次1點去食終於食到 仲要咁啱唔洗排隊✌🏻佢店面好細得10個位左右 門面都好低調唔起眼但一入門口已經好大陣蝦味🦐好！香！阿！成間店得3款麵揀🦐蝦汁醬油、蝦汁味噌同🍅蝦汁番茄沾麵全部都包咗2片叉燒同一隻半熟玉子🥚麵質係有咬口幾煙韌都幾掛汁 份量都幾多 係熱麵嚟🦐蝦汁醬油沾麵$79食落係重醬油味 有微微辣味同蝦味🌶唔會好單調 湯比起味噌沾麵稀身d湯入面有櫻花蝦同筍 櫻花蝦都幾多同大隻隻半熟玉子係我心目中超級完美😍🥚半流心狀態唔會過熟 味道剛好唔會無味再加埋啲脆脆落湯一齊食 多咗好多唔同口感👍🏻🦐蝦汁味噌沾麵$89我揀呢個味嘅原因係店員話呢個濃味d真係濃味過醬油好多 同埋個人覺得蝦味濃過醬油湯!!🤤🤤湯汁都比較濃稠 比較掛湯叉燒有2片薄薄地都幾淋 肥瘦適中 但無網上睇到咁大塊 細細地2塊同埋我食得慢 個湯到後期已經唔夠熱不過蝦味真係好香好濃 推介大家試味噌味下次去應該會試埋蕃茄味-📍海老名沾麵 Ebina Tsukemen長沙灣元州街213號美居中心20號舖

放假周圍去，總要找地方一家人吃飯。傳統的餐廳吃到厭，在open rice看到格局正宗的沾麵，就鴐著車找來了。店子的位置是有點偏，可能一般是服務街坊比較多，筆者一家走進去，還有點不知如何點餐，幸好店員很細心地前來了講解，每份麵都付上了叉燒、樱花蝦以及半隻半熟蛋等，只需要點沾麵的濃湯味道，然後有需要就追加配料。筆者覺得蝦汁與蕃茄味較搭，所以選了蝦汁蕃茄沾麵，孩子的爸選了蝦汁醬油沾麵，然後為孩子加了個替玉。等待是上了紫菜等，亦為孩子預備了一份淨紫菜。店內細心地介紹了食法。筆者亦第一時間把醬料拌勻，店子拉麵很有咬口，筆者喜歡這裹的麵，配合蝦汁蕃茄味道果然很搭，蝦汁蕃茄味濃厚，酸甜鮮味都恰到好處，筆者反而覺得加湯後喝時味道太淡。腩肉似乎是另外煮的，味道偏淡，算是一個敗筆，其他方面都很搭，濃香味美。親子小貼士：店員看到孩子，主動地提供了白紙讓孩子用點食品的筆畫畫，餐廳亦為孩子預備了一份淨紫菜（沒有炸物），非常貼心。

無名隱世小店呢個名真係完全貼切呢間鋪頭，因為佢連招牌都無，但每日都有人龍排隊。入面只有約十二個吧枱位置，而且好窄。沾麵質地適中又掛到湯，湯底夠熱味道唔會咸，好香蝦味。但比較油。久唔久食一次覺得好野味。值得推介

今次想係屋企附近搵一啲日本菜試吓，又好耐冇食過拉麵，搵吓搵吓就見到呢一間小本經營嘅沾麵店，就慢慢係屋企行過去試吓。其實間鋪唔係難搵，雖然鋪面係簡單設計，但依然隱藏唔到佢好食嘅沾麵。我八點去嘅時候咁岩冇人排隊，啱啱好成間舖full 咗，so lucky。佢嘅Menu唔係好多選擇，得三款沾麵，包括蝦汁醬油，蝦汁味噌同蝦汁番茄沾麵。因此我同我男朋友就試咗味噌同蕃茄味。首先一讚係佢嘅店員雖然得一個做店面，但都好好服務。師傅就近距離喺counter對面煮麵同燒叉燒。佢個湯底做得好濃郁，蕃茄湯底就比較酸，我個人就比較鍾意味噌湯底。個沾麵都好彈牙，配料就有半熟蛋，叉燒，筍，粟米，紫菜，都好豐富。今次又發掘左一間新嘅小店啦。

尼度既3款沾麵都係圍繞住蝦汁所以就係湯底既分別今次港豬同boyboy就一人試左一個分別係醬油同味噌^^^這是味噌^^^這是醬油味噌係會比醬油濃味既,而且本身仲會跟好多樣吊味既食物,,有尼個特製既烏賊炸玉架,,冇咩味,不過加埋一齊就真係幾好咬口,,多左層次,,仲有大愛既玉子添呀~~麵條硬身d既加上個湯就不得了啦,,湯都算dd油既,,最後仲可以加上高湯飲埋個尾水,,而且特別既係佢仲有2種好小見到既醬料可以加,,分別係櫻花蝦醋同山葵Lemon Wasabi Sauce,,可以略略加dd吊味咁個蝦味就會仲出d添👅💦

十分難食，同行友人只食到半碗就放棄。面既質地極差，一食就會知係批發入口既鴨蛋面，唔係正宗日式拉面。面既梘水味極重，沒有去乾淨就上碟沾面本身應是冷面，但呢個既係熱面沾面汁太稀，做唔到掛身，所以點完汁，面都係冇味的所謂叉燒，其實只係一片五花腩，好薄果隻，無味的糖心蛋是流出來的半熟蛋，帶苦味服務極差，店員會單手一野掉係你面前，同澳牛差不多，坐位唔舒服，好逼唔會再幫襯

very good noodle restaurnt in Sheung Sha Wan, the soup is nice and the,noodle as well. but need to wait for a while for table around 15~20 min

今日同幾位朋友過嚟深水埗食飯，唔知食咩好之時，當然又係食返我最喜愛嘅拉麵啦。見呢間拉麵係OpenRice好似都幾高分，晚上7點幾8點嘅時間，原先以為要排隊，但係最尾只係排咗大約10分鐘到就已經可以入去。地方唔算大，不過唔迫，而且環境都幾似日本嘅拉麵鋪咁。呢度有三款沾麵湯底選擇，有味噌、醬油同蕃茄，全部都配有蝦汁。而沾麵全部都已經配有蝦米，蔥花，味筍，叉燒，紫菜同半熟蛋。枱面有教應該點食沾麵。我今日點左味噌沾麵，湯底好香蝦味，雖然佢話係蝦汁，不過我覺得似係蝦油多啲，好香濃，所以反而唔係好食得出味噌味。我覺得個湯底略嫌有少少油膩，雖然唔算係好鹹，但食得耐嘅時候就會覺得好滯。我覺得加蝦醋會香d鮮味d。調味料至於個麵，見到師傅好heart咁樣去整，每一碗都有過一過水。我覺得個面比較硬身少少，麵線比較粗身。我最喜愛反而係個叉燒，火焰但又唔會乾身，好有叉燒味好正👍🏻每碗麵都有磅下幾重。

深水埗隱世沾麵店，住左咁耐先黎食第一次，真係有啲過意唔去😂雖然隱世但長期有人排隊😂，店鋪唔大，有如日本拉麵小店，食品只圍著蝦汁，夠尊一，而且價錢平民，性價比高😉今次食左蝦汁味噌沾麵同蝦汁醬油沾麵其實兩個湯汁好似，都係濃味怪之選，不過味噌口味有層次啲，有味增既香味；而醬油口味反而普通，只係有醬油既濃味，唔夠味噌既香口。沾麵掛湯度高，麵質彈牙，叉燒係用火燒🔥溏心蛋原隻上，流心蛋黃好好呀😋會返轉頭食😋😋😋

因為大少想食麵🍜所以排成十個都照等☺️大約二十分鐘就入坐，同好多拉麵店一樣鋪面細，都係坐簡單木櫈，但店內就有水同熱茶供應！而且仲有紙巾，十分貼心💗暫時有三個口味，到四月中會有多個蠔麵☺️雖然兩個好似樣但分別係蕃茄同味噌🤤湯低好濃郁😍我覺得蕃茄湯會帶出蝦味多彈啲，而味噌就簡單啲😘各自各精彩，食到最後可以再加湯，飲埋佢，我就鐘意加埋啲脆米，一邊食一邊飲湯好期待佢個蠔湯啊😊😊希望下次黎就食到啦🤤

經過這店很多次，食飯時間總有長龍在門口排隊，門口無店名，一個小小的門口，但門口裝潢一睇就知係食早本野，因為去過日本就會見到好多呢類小店星期六的晚上趁條龍未係好長又唔太肚餓就排下隊，不經不覺都差不多排左接近40分鐘，店員會先到門外問幾位並派點餐紙，基本上都係食幾款沾面，店員會溫馨提示如果排排下唔排都同佢地講聲，因為師傅會因應門外人龍開始準備量面入到去，其實店內位置只有十幾個，所以排隊要有耐心入到去睇住師傅量面，煮面，燒肉，都是一種享受，面當然好食，有濃郁既蝦湯價錢唔算貴，真係心機錢，鍾意食沾麵既真係要去一試，感受一下小店風味

早前去混亂拉麵，店員話老闆兼日本達人Meter於同區又開多間新拉麵店，據講是以北海道和東京火紅的蝦湯拉麵店「一幻」為藍本，於是一開張即走去試試。門面超低調，很易走甩眼，店子細細，清一色吧枱，只得10個座位，很有東京拉麵店熱鬧氣氛。店子主打蝦汁沾麵，全店只有蝦汁醬油、蝦味噌同蝦汁番茄 3 款沾麵，甫進店已聞到好重蝦味，店員說每日用20斤蝦煲賣100碗，門口貼了張紙說賣晒會早關門。每碗麵都有一隻半熟蛋和兩片叉燒，叉燒有驚喜，成個碗咁大，上枱時配料都被湯汁遮住，質地香嫩可口，上面有脆脆的櫻花蝦。蝦湯汁蝦味好鮮，味道頗濃，麵條偏向煙韌，頗掛汁。另試了蝦汁番茄沾麵，蝦湯底加上番茄蓉，想不到番茄的甜酸跟蝦味好夾，口味更清新，枱面附有自家製山葵汁、昆布蝦汁及七味粉，加了少許檸檬Wasabi汁下蝦湯食，多添一份清新酸味，最適合夏天吃。由於店子座位少，第二次星期六來，已經要排隊了，排第七個大約等2分鐘左右，有心吃早點來。