海老名沾麵

营业中

休息中

蝦汁醬油沾麵（$82）之前本身包咗一隻糖心蛋、兩塊叉燒，仲有一碟海苔配脆脆粒。叉燒係屬於肥身嗰隻，海苔脆脆沾咗湯好好食！拉麵麵質比較煙靭有咬口，有提供芥末檸檬汁或者櫻花蝦醋可以加落個湯度。湯中不足嘅係湯底唔係好夠熱，如果再熱啲會再好食啲。Btw 要細心啲睇，如果唔係可以Miss咗呢間舖頭，因為佢哋係冇招牌🤣

-我個人好鍾意蝦湯麵，而海老名就係長期人氣蝦湯拉麵，就連陳奕迅都係座上客，所以我都慕名試試，店面招牌都有啲難搵，前菜係紫菜同脆米蝦汁醬油沾麵個麵就幾掛湯，有叉燒、溏心蛋、櫻花蝦同筍，蝦味超濃郁偏油，鍾意濃湯必選見到店入面大大隻字寫住牡蠣之怪物，又係一日限量五碗就叫埋啦，瀨戶內嘅日本生蠔，食落口啲蠔都係好鮮甜，湯都係鮮甜蠔味再有啲味噌咁、有剪碎咗嘅蠔，幾鍾意-。《蝦汁醬油沾麵》 | $82。《生蠔拉麵》 | $128-👅【海老名沾麵 Ebina Tsukemen】📍長沙灣元州街213號美居中心地下20號舖📍銅鑼灣謝斐道482號兆安廣場1樓🕑星期一至日 12:00 - 15:00 17:15 - 21:00

今日與朋友都好想食拉麵，結果嚟咗長沙灣呢間小店～本身對嗰邊唔係好熟悉，結果都兜咗幾個圈先搵到佢個門口🤣餐廳門面好低調，小店座位超少，好好彩啱有位唔使等🙆🏻‍♀佢哋個Menu亦都相當精簡，只係賣三款沾麵同埋一款拉麵～其實我哋想食沾麵，但店員同我哋講可以試下「牡蠣之怪」生蠔拉麵，俾佢吸引咗🤣。碗麵未嚟到嘅時候就上咗個小食，都幾特別，係紫菜同脆米🤣感覺都幾得意。拉麵一嚟到，個賣相好靚，仲傳嚟好新鮮嘅蠔味🦪食落口啲蠔都係好鮮甜，加埋啲京蔥又加咗啲口感，溏心蛋都合格🤗，湯底帶有麵豉味嘅海鮮湯，都唔錯嘅，但食到後面開始有少少鹹，最啱我口味嘅係啲拉麵，個麵質是我喜歡嘅感覺，已經加咗麵，但好像都仲想食喔！雖然條路好窄，都會經常出入嚟但店員態度都好好。我覺得今次呢個拉麵好好味，但下次真係想試吓佢嘅沾麵喇🤣

同朋友當晚7點去到，排隊用咗約35分鐘🥺由於係馬路邊，附近有好多人食煙🚬要忍一忍…🎌環境餐廳只有約10個位，走廊比較逼夾行入去有機會要坐低咗嘅客人讓一讓🙏🏼咁啱我坐到最入面嘅位面前係一個凹位，所以好近咁對住廚房🔪仲有個唔知裝住乜嘢嘅黑色大膠袋喺我面前加上枱面同櫈有啲油油地，感覺有點兒那個…🥹🍜食物上沾麵前會有一個小菜 : 天婦羅脆脆米配紫菜當係手卷咁樣食就可以🤓個紫菜好好食！！🦐 蝦汁味噌沾麵 ($92)沾麵嘅配料有兩片叉燒，糖心蛋，櫻花蝦，筍🧡麵嘅份量都足夠，有成180g😋麵條比較粗身，彈牙，有口感，可以掛汁！蝦湯一入口蝦味十分濃郁😳好夠味👍🏼不過食到一半，我咁重口味嘅人都會覺得鹹叉燒呢個配角有點遜色🐖食到有啲啲苦味🙈糖心蛋唔算好入味🥚不過都係流心嘅💛但櫻花蝦，同埋筍就昇華咗個湯汁！💗食完之後，店員仲會加鰹魚湯落沾麵汁度當湯飲好滿足！整體嚟講係好食嘅👅只係到中期會開始覺得太鹹🍅 蝦汁蕃茄沾麵 ($99)朋友本來想食廣島蠔拉麵但賣晒🥲最後佢叫咗呢個😌朋友對櫻花蝦麻麻，但都覺得個櫻花蝦味好香！有好大pat茄汁喺面🥫一樣有叉燒，櫻花蝦等配料🦐成個湯比起蝦味增湯fresh好多！！食到一半唔會

見到openrice 高評價， 於是帶埋家人走去一試， 每碗都$82起…..只係拉面， 唔包飲品入面只有10 個座位左右好彩今日去到唔使訂位叫左蝦汁蕃茄沾面 同生蠔拉面每碗面入面有包含1只蛋， 2片薄切叉燒因為唔知有叉燒， 加了$18 多2片（共有4片）個湯汁好鬼咸……叉燒係薄切既，蛋就係少少味既糖心旦， 可能店鋪較細職員見你食完， 就馬上收起碗碟，搞到你都唔好意思再留下， 真係…唔會再去幫襯甘既價錢， 只係食到勁咸， 不值得一去

第二次終於排左10分鐘就有位了🥰這次我又去試了那碗蝦汁蕃茄沾麵，真係好好味！第一次食的時候已經被它的味道吸引，今次再來，果然冇失望。一端上來，香氣撲鼻而來，蕃茄的鮮甜味和蝦汁的鮮味完美融合，令人立刻想開動。麵條煮得剛剛好，筋道的口感搭配上那濃郁的湯汁，真係好享受。每一口都能感受到海鮮的鮮香，還有蕃茄的酸甜，讓人越食越想食。店員亦都好細心，會主動遞上紙巾！好有人情味。 總的來說，這碗蝦汁蕃茄沾麵真係值得再來！

其實以前呢都食過好幾次㗎啦每次都食蝦汁蕃茄沾麵，由佢開店冇耐食到今時今日，價錢一直都冇變不過最近呢兩次食呢真係感覺質素越嚟越差同埋就嗰個味道就真係冇以前咁好個湯第一唔夠熱！同埋個味呢都同以前唔同感覺味精重咗好多同埋真係個湯係嚟到係凍咗咁樣！因為我唔知係同以前嘅整法唔一樣？定係點樣？以前係可能好快落晒啲料先再落湯！但係而家我見到嗰個唔知師傅定係職員？就落晒個湯先再落其他嘢食咁就其實會搞到個湯凍晒可能啲先後次序搞錯咗搞到個味道真係唔同以前！以前熱奶奶嚟到就覺得好正啊，因為其實啲麵已經係將個麵放落個湯度再食咁樣就唔會好燙到個口嘅，但係而家感覺上呢就係凍咗再擺落口就好似食緊一個冷麵囉，但係其實佢係沾麵嚟嘛！

🍜蝦汁味噌沾麵 $92 (9/10)面有180gram，都幾大份，比較粗身有口感，都幾掛汁，蝦湯非常之濃郁，好重嘅蝦味帶少少嘅味噌香，好食好唔錯！入邊仲有啲櫻花蝦溏心蛋筍，同埋兩片叉燒！糖心蛋有留心效果，不過蛋味唔算好濃，叉燒就正正常常唔會太嚡口肥膩！食完之後仲可以加啲鰹魚湯落去飲埋個湯都幾唔錯嘅！推薦指數: 9/10除咗要排隊，因為要等20分鐘先食到拉麵之外，其他都OK，大家如果趕時間就唔好等了😂

中午嘅營業時間都比較繁忙，有好多次行過都見到好多人排隊冇機會試。有一日終於早少少到，見到有一個位就即刻入咗去試。第一次去就試咗佢哋嘅招牌海老醬油沾麵，湯底融合咗醬油同埋海老嘅鮮味，幾平衡沒有蓋過彼此嘅味道。而麵條比較硬身，叉燒都中規中矩。整體嚟講都算可以，但就沒有特別令我難忘嘅特點。我明白沾麵嘅味道通常都會比較重，但係對我嚟講都是比較鹹，返到屋企都少不免要飲多啲水去沖淡。 可能因為我叫咗個醬油味道，佢哋有個蕃茄味可能會偏酸比較好。

呢間拉麵店聽聞已經開咗好耐，佢主要係做蝦汁沾麵，但係佢有分醬油、味噌或者蕃茄！另外聽講，仲有一日限量五碗嘅生蠔拉麵(牡蠣🦪之怪物)我就不嬲唔食蠔嘅😆所以對我無影響，不過另一半就好想試，所以我哋都提早咗到，佢晚市5:15開門，我哋5:00到，前面已經有三個人排緊隊🫣好彩有早小小👍🏻想食到生蠔拉麵(牡蠣🦪之怪物)嘅人可能要早小小到！上拉麵前佢哋會先上一碟天婦羅碎+海苔，將啲海苔包住天婦羅碎一齊食，個感覺都幾得意😆首先係生蠔拉麵(牡蠣🦪之怪物)先上枱，我有試到個湯底，係好清甜🫶🏻我唔食蠔嘅人都完全接受到👍🏻不過蠔我就真係唔敢試…不過另一半話個蠔好似金蠔嘅感覺，好正！而且湯底有一啲佢剪咗嘅蠔碎係度，係good㗎！而我就叫左蝦汁味噌沾麵，佢個湯係濃郁嘅，但係就唔會好似平時嘅沾麵咁鹹，好香蝦味！而佢拉麵係彈牙，是我鍾意嘅口感❤️佢入面會有叉燒、溏心蛋、櫻花蝦同筍乾，都算非常豐富，不過個湯略嫌有啲唔夠熱。另外佢有提供櫻花蝦醋同山葵汁俾客人可以轉換下口，我有試過，都幾得意🤪

聽聞這家拉麵店已久，終於有時間一試！點了最經典的蝦汁醬油湯沾麵，店員很好的提醒我生蠔拉麵剩最後一碗，但我不太愛吃生蠔，所以先不考慮。上拉麵前先上了天婦羅碎碎陪海苔，非常有趣的食法。拉麵非常彈牙，是我喜歡的口感，蝦汁非常濃郁，濃厚到麵條沾一下，就掛滿了湯汁。一開頭我還怕沾麵會寡淡無味，看來我的擔心很多餘。叉燒沒有另外加量已經非常夠食，好有溏心蛋和大量櫻花蝦在沾麵汁裡，口感非常豐富。店員非常熱情的介紹如果吃膩了可以加櫻花蝦醋改變一下口味，果然口感更清爽。我也試了加檸檬汁，非常合我的口味！最後，吃碗麵後店員加了一點熱水在餘下的汁裏，變成一碗蝦湯，一點也不浪費這麼足料的湯汁。拉麵份量非常大，一個女生吃的話會有點太飽，如果有平價一點的女生份量版會更理想。

海老名沾麵🍜🦐一間好隱蔽的沾麵小店，其實佢就係麥當勞隔離💬，大家搵路唔好俾地址fake左行左入大廈商店街。其實間舖座位不多，夜晚去到等左15分鐘就有得食。款式主要係以蝦🦐沾麵為主，再加配不同調味選擇（有原味 醬油 味噌 番茄）。還有一款人氣牡蠣拉麵🦪（不過當日以售罄），下次有機會再試試。今次叫左味噌海老沾麵，配料已經包括兩片叉燒 一顆溏心蛋 櫻花蝦😋。 湯頭配搭味噌，味道非常濃厚，配沾麵十分合適，掛湯能力一流🤌🏻。麵質粗身，有口感的（但是對於我“軟面黨”來說，偏硬了點）😌。幾欣賞紫菜搭配脆脆再點湯呢個吃法，保留到口感至於有叫新奇。店家都有提供櫻花蝦醋，食到中途，可以試加入沾麵中，可以減少油膩感和令湯底變得清新。食到最後，再加上熱清湯入沾麵湯，飲返兩啖蝦湯prefect ending👅。份量對於女子來說真啲有點多，有180g沾麵，如果有份量選擇就可以避免浪費。湯碗的保溫可以再進步點，一半是湯底就開始變溫，食麵本人是比較喜歡熱辣辣的湯底♨️。整體感覺舒服，經過深水埗又想食沾麵就可以試試🍜。

今日13:30順道經過海老名竟然比我食到最後一碗「牡蠣之怪」咁耐冇食，水準仍然保持到👍👍湯底鮮味、四隻蠔生熟恰到好處面底略硬彈牙有咬口，唔算掛湯醬油蛋流心，略嫌鹹了一點我最欣賞的地方是食到最後一啖麵湯仍是熱的👍👍否則湯凍了喝起來會變得比較膩

今次去深水埗朋友細佬帶我哋搵食，一陣子無行過深水埗，呢度多咗好多特色小店進駐，呢日我哋就食咗一間沾麵店。小店門口位唔特出，就咁行過極之容易會Miss out，想去食嘅朋友要留意。麵店主打蝦湯湍占麵，三款湯底都係以蝦為煮，包括蝦湯醬油味、蝦湯味噌同蝦湯蕃茄，另外亦有限量供應嘅廣島蠔湯麵，店主話每日限量5碗，想試的話12:00就要去食飯啦！一行三人我哋叫咗蝦湯醬油同味噌味，叫好之後就會上一碟紫菜，上面有啲好似天婦羅嘅脆脆，店主話包住好似手卷咁食就ok。對於非常愛好脆脆嘅我嚟講，係超讚的口味！之後重點就當然係沾麵！首先出場係麵，麵夠粗，每一個位置都可以掛上湯汁，而家夠軟糯唔會太硬太淋，好食！湯汁真係無話可說，一送上已經見到碗麵面泛出蝦油，一啖呷入口即刻有蝦味湧出，應該用咗好多蝦頭煮湯，加上湯汁入面有櫻花蝦，成件事同蝦有更加大嘅關聯。食完麵之後，店家會為客人湯汁加入清湯，俾客人品味一下湯嘅鮮味，加入湯之後飲用又有另一番風味。

Meter Chan旗下的日式食肆中, 海老名的原始狀態算是keep得最久的, 主打醫院時蝦味沾麵, 和在香港已經走向連鎖的一幼比較較有風味. 在沾麵湯上加上櫻花蝦乾, 味道濃而不鹹, 鮮味為主軸的情況下, 配搭上味噌和醬油, 前者較甜, 後者鮮味再多一點, 兩者中間也品嚐到些微辣勁, 味道層次豐富. 沾麵湯身不會太杰, 容易平均地沾在麵身. 麵身夠闊, 口感煙韌, 有兩個小心思值得表揚, 第一是叉燒以炙燒腩片製成, 微微焦香而又保持到肉質嫩滑, 第二也是我覺得更加重要的, 是治麵上碗前多餘的水份充分地撇乾, 這不但保持到麵身的乾爽, 也不會因為餘下的水份令沾麵湯汁而被弱化.