海潮食堂

营业中

休息中

又係茶記系列，下午茶就最啱啦！海潮食堂好多人排隊，建議就唔好放工時間去。1️⃣蔥花蛋治烘底🥪 $26 因為我係外賣㗎啦，食完先知佢比少咗塊我呀😭😭😭！本身有三份變咗而家嘅兩份😢 佢係由薄多士+牛油+蔥花蛋+薄多士拼湊而成。咬落去外脆內軟，我覺得佢加多咗少少鹽，加上蔥花蛋嘅蔥花量比較多，令到成個蛋治偏鹹🤭不過蔥花仲保留着好爽囗，真係幾難得。蛋🍳都算幾嫩滑，不過蛋香味就被蔥花味濃蓋着。牛油呢就查咗去薄多士🍞上面，不過我覺得都係比蔥花嘅味道掩蓋。雖然佢比少咗塊我，但係佢算好足料。麵包呢就係脆口嘅，厚多士加上薄多士就幾特別，不過就有啲厚身。🙆🏻‍♀️美味指數:6.23/10💡整體來講，呢間小店算係好足料，出咗名都唔會偷工減料，同埋好少地方有得食呢種蛋治。不妨試一次!

聽同事說觀塘工業區中有一小店，非常出名蔥花蛋治，趁星期六有空，一於同太太出觀塘試試這名物。食店名海潮食堂，在成業街中，食堂門口有點隱蔽，入口好易錯過。此食堂屬小店格局，室內面積算少。二人點了出名的蔥花蛋治及牛腩蝦條煎米粉。蔥花蛋治果然名不虛傳，蛋及蔥花份量非常足，蛋治亦烘底，烘得非常香脆，加上適量牛油，水準不俗。牛腩煎米粉煎得香口，牛腩炆得非常腍，亦加了適量牛筋，味道帶點麻辣。可能由於個人口味關係，始終覺得牛腩非常鹹。總括來說，蔥花蛋治食得過。

話說這間茶記真的很不顯眼，門口完全沒有招牌/餐牌，餓底在附近徘徊了好一陣子才找到😅到達時已快到午餐時間，茶記內人頭湧湧，店員熱情地安排餓底入座。其實餓底這天已吃了超豐富的早餐還未餓，只是難得這個時間在附近，就把握機會來試這個馳名蔥花蛋治。蛋治的麵包烘到外脆內少少軟，還切開了一邊塗牛油，這個設計比較少見，應該是比較花功夫的緣故吧！切開三條長條也很方便進食，是貼心的設計。蛋夠滑，蔥花香，簡單的食材最能體驗出廚師的心思，難怪這麼多人來幫襯！

1️⃣魔鬼奶油多 $26呢個薄多士加上鬆軟的奶油包嘅配合，外脆內軟，唯一嘅缺點係唔夠熱🥴阿華田粉滿佈多士上面，再點下d煉奶去食，夠哂邪惡😈阿華田嘅味道都好濃郁，不過真係有d甜🙈配凍檸茶中和翻就好d啦！🙆🏻‍♀️美味指數:7.23/102️⃣蔥花蛋治烘底🥪 $26 佢係由薄多士+牛油+蔥花蛋+薄多士拼湊而成。咬落去外脆內軟，今次冇偏醎，而且夠哂熱辣辣🔥，蔥花蛋嘅蔥花量一如既往比較多。不過蔥花仲保留着好爽囗，真係幾難得。蛋🍳都算幾嫩滑，蛋香味冇被蔥花味蓋過，兩個互相配合得岩岩好。牛油呢就查咗去薄多士🍞上面。麵包呢就係脆口嘅，厚多士加上薄多士就幾夾。🙆🏻‍♀️美味指數:7.25/103️⃣酥炸墨魚丸及蒜蓉干煎豬扒撈公仔麵 (小辣) $43🥢酥炸墨魚丸呢個墨魚丸有驚喜，墨魚嘅味道超濃郁!而且有少少辣味配埋就更加香口惹味。🥢蒜蓉干煎豬扒蒜蓉香味好重，干煎豬扒都好有咬勁，唔會太靭太乾。🥢撈公仔麵略嫌唔夠熱，不過係幾入味，公仔麵都好彈牙，煮得岩岩好🙆🏻‍♀️美味指數:7.12/10💡整體來講，呢間小店係同區來講就偏貴，不過勝在夠特別

我只可以話呢個係令人嘆為觀止嘅平民食物😭蔥花蛋治係一樣好基本嘅菜式,好多茶餐廳都會有,但要將一樣咁普通嘅食物做到與眾不同,令人印象咁深刻真係唔簡單😱真係要放底個服字！.🔹蔥花蛋治 $26味道:🔅🔅🔅🔅蔥嘅比例好多令到蔥香味非常突出,蛋都炒得好滑👍我食嗰part牛油較薄所以唔會太重油膩感🧀底面2塊烘脆左嘅超落多士夾住中間嘅滑蛋同普通厚方包將外脆內軟嘅口感提到極致😆如果要挑剔嘅話只可以話蔥味太勁有少少搶咗蛋香味..健康指數: 🔅好食還好食,但真係幾邪惡😈炒蛋應該用咗唔少油,再加埋層牛油真係一唔小心食多咗就出事🤣但唔時食下就好了哈哈..賣相:🔅🔅🔅

今日要到附近工業大廈取貨，諗起好耐都冇食過海潮，就入去食今日既午餐。同平時一樣勁多人，不過我一人好易搵位。老闆幫手落單，推介左手撕雞五香肉丁麻辣通粉～因爲我唔食五香肉丁，所以老闆就轉左豬皮比我～我好鐘意撈肉丁，不過豬皮就太多汁，有點咸。

今日出開觀塘個邊做野，經過海潮就醒起之前食過牛腩蝦條煎米粉味道幾好。咁啱個肚又夠鐘要食下午茶，就鼠左入去偷下懶啦由於今日個LUNCH食得幾飽下，所以今次淨係叫個餐廳皇牌 - 蔥花蛋治蛋治經過烘底，再係兩面底部開多一邊搽上厚厚牛油，真係極之邪惡麵包烘得啱啱好不至於太燶，配上牛油香氣，熱辣辣咁食，邊有唔好食既理由？蔥花蛋份量頗厚，香蔥佔領左雞蛋7成位置，都搞唔清楚邊個先係主角啦之前有朋友食過嫌炒蛋太熟，今次我黎食就剛好係我喜歡既生熟程度，帶有少少蛋汁唔會太生。蔥花令蛋治增添不少香氣，餐廳所用既蔥花亦沒有辛辣味，淨係呢點已經好高分！仲要一份有四件，食完真係飽住走

香港茶餐廳多的是，但論創意情度呢間都算數一數二！多款自家製嘅食品賣相邪惡，非常吸引。🤤.三個人嚟食，叫到一枱都係野食，好治癒，好變態！首先一人一杯齋啡可樂🥤（$14），當咖啡因遇上咖啡因☕️，原來會咁夾，每一啖，你都會同時品嚐到澀同甜，出奇地好飲。.蔥花蛋治烘底🥪（$26）- 好香嘅蔥花味，烘底後熱辣辣，建議一上即食。.牛腩蝦條煎米粉🍳（$46）- 牛腩非常有驚喜，肉質軟腍，少少辣，好野味；米粉夾住蛋一齊煎，味道可以，不過如果再煎耐少少就夠好。.魔鬼奶油多🍞（$46）- 絕對可以俘虜一眾女士，煉奶牛油加可可粉，魔鬼化身，非常好味。

留意左好耐既餐廳，終於有機會一試。🍴蔥花蛋治烘底 hkd26蔥花蛋治烘得好香脆，而且好夠厚夠香蔥味，最特別係多士仲界開夾多層牛油，令到多士更加香，更有層次，真係必食！🍴魔鬼奶油多 hkd26多士一樣烘得香脆，一半灑上阿華田粉及砂糖，一半沾上煉奶，多士中間更夾住牛油，真係夠哂魔鬼😈雖然好食，但愈食愈甜！🍴椒鹽燒賣 hkd12炸燒賣外脆內軟，最正係落辣椒油外仲落左花椒油，好正！🍴手撕雞五香肉丁撈通粉 hkd48份量十足，但手撕雞唔係手撕，係雞件。通粉撈上麻辣汁再加上五香肉丁，食多幾啖就覺得好鹹。整體上蔥花蛋治同椒鹽燒賣真係值得一試！

【觀塘工廈老店】海潮食堂除左蔥花蛋治吸引到唔少街外客，佢嘅邪惡西多士都深得民心！男朋友比較鍾意鹹嘅蔥花蛋治，我就比較鍾意甜既阿華田西多 ，你睇佢個面撒滿阿華田粉，中間又夾住幾層薄薄嘅牛油，份量又啱啱好，有4小件，唔會太heavy，價錢仲好合理添！好彩我呢個路痴有願意陪我周圍去嘅男朋友做我嘅美食地圖！🤗下次要帶我黎食牛腩蝦條煎米粉 同埋 椒鹽燒賣 ！

【觀塘工廈老店】海潮食堂基本上係專為該區打工仔而設，所以唔好期望環境座位十分舒適，呢度吸引在獨特既食物同老闆親民貼地既服務！睇左張相先，三文治有n咁多層好鬆化！呢度既 #蔥花蛋治 吸引到唔少街外客！蛋又香又滑，蔥花令口感層次提升，麵包烘得脆脆，麵包邊仲好有心機咁搽左浸薄薄既牛油！鹹香甜完美結合！一個人嗌一碟既話份量岩岩好，想試多d野就要同朋友一齊share!!! 價錢都係廿零蚊，真係超高性價比！#食出層層好味道 #🙀 #好鬆化呀 #海潮食堂 #觀塘工廈飯堂 #工廈搵食 #多士 #厚蛋治 #牛油多士 #相機食先 #吃貨 #食評 #香港美食 #食好西

同完yoga，同為食老師去食個快lunch。佢介紹既時候話呢間茶餐廳啲野食特別好得意，原來係我之前想帶fiancé 食但又收左個間海潮！本來我叫左個蔥花蛋治烘底，老師叫左個奄列餐，點知疑似老闆既叔叔話：又係奄列咁悶！介紹你食手撕雞撈通啦！既然佢推介就試下！我話要熱檸水，佢又話：試下熱薑蜜啦好無？跟住又介紹老師飲西柚梳打鹹檸桔。薑蜜真係俾左幾片薑我，無乜味，要拮下先有啲味，如果佢本身拍爛佢就更好，啲味會出好多，宜家都係菜蜜既味主導左。蔥花蛋治烘底做得好好，真係烘到好脆，唔係求祈烘兩下就上碟，有誠意👍🏻勁香蔥味，令到單調既蛋治變得好有生氣！青蔥既味道好fresh🌿麵包有一邊搽左厚厚一層牛油，好香滑。用左三塊包夾埋，上下兩層用左薄多士，中間用左厚多士間開牛油同蔥花蛋兩邊，食落有唔同層次既口感。手撕雞撈通原來唔帶至有雞，重有五香肉丁，我地都覺得餸多過通粉🤣🤣俾餸俾得好闊佬！撈通睇落好辣咁，但只係有微微既麻辣香味，唔麻唔辣，絕對唔會食到流晒汗流晒鼻水。手撕雞其實都唔係手撕😂係細細件既雞件，唔會好肥好多脂肪，大部分都係瘦👍🏻啱我呢啲怕肥膏既人。雞上面重勁多香蔥，撈埋一齊食好好食，有啲似食燒味鋪啲蔥

今日返工聽同事講觀塘返工附近有間隱世茶記，仲有d特別野食，咁放lunch就去試下，環境唔大，所以叫左外賣，就叫左個蔥蛋治+手斯雞五香肉丁麻辣通粉，地方唔係好大，環境係好舊式嗰隻，但老闆好好傾，好nice,老闆話最好係堂食，不過冇辦法，lunch time太多人，拎到返公司，一打開，好香蔥蛋味，由於係厚多士，多士中間特登介開夾多塊牛油，令個層次升級，再黎食個通粉，手斯雞就正常，五香肉丁就係罐頭嗰d,但一讚既係麻辣通粉，通粉軟硬適中。但總括黎講，價錢有d貴

蔥花蛋治烘底 $26 🥪=薄多士+牛油+厚多士+蔥花蛋+薄多士外層薄多士烘到金黃，搭配無烘過既厚多士同蔥花蛋，口感外脆內軟、層次豐富。蔥花蛋加入大量爽脆蔥花，蔥味濃郁；蛋尚算嫩滑，保留到部份蛋汁，但邊位較乾；可以做得再嫩滑啲🍳蛋香未算好濃，加入蔥花後香氣提升。牛油塗係薄多士上面，個人認為牛油香氣比蔥花蛋掩蓋。因為蔥花蛋份量十足，每咬一啖都有蛋嗶出黎，夾埋一齊食，多士存在感偏低。Btw千其唔好睇少個蛋治，食兩塊已經飽左抵讚：Order後即製，食物新鮮，拎上手仲熱辣辣嫁越簡單既食材越難整得出色，無可否認小店之用心但就個人口味而言，味道未算十分驚艷，經過可以一試，無須特登造訪。牛腩蝦條煎米粉 $46 米粉加左蛋一齊煎，好似塊蛋餅咁煎到金黃、夠乾身。淨食米粉會食到蛋香牛腩炆得夠淋夠入味，牛筋煮到帶黏口膠質，又不失咬口蘿蔔淋甜。生蒜、辣椒令牛腩牛筋變得更惹味可惜整體偏鹹、較重口味蝦條好鹹、好油，加埋啲仲更重口味貼心位牛腩同煎米粉分開上，唔怕米粉變淋

平常比較少機會來觀塘。這次來到，當然要到隱秘的觀塘人飯堂嚐一下馳名的蛋治🤤出口真的比較不起眼，我們也差點走過頭。🍽蔥花蛋治烘底我叫了一份蔥花蛋治烘底，一上來就聞到漫溢的蔥香味。蛋並不是其他店舖滑蛋治的口感，比較像烘蛋餅。外面有一點焦香，裡面卻保持著滑蛋的口感，加上毫不吝嗇的蔥花，簡直是最佳拍檔👍🏻另一塊加上一大片牛油，一咬下去出來麵包脆脆的口感，同時還有牛油的油香加上蔥油融入蛋液的味道，真的要吃過才知道🤤