海潮食堂

营业中

休息中

知道呢間茶記好耐，一直都冇留意正確位置。今日有機會路過觀塘工業區，特意嚟試下。叫咗出名嘅 "蔥花蛋治烘底" ，好香好味道😍。即叫即整，烘底治一啲都唔淋身。本來想叫 "啡走小甜" ，老細話你鍾意飲咖啡我介紹你一款 "冰啡樂"，即係咖啡溝可樂。聽落幾得意🤔，一於試下。新奇，好特別嘅配合，不妨再試。呢間嘢好多配搭同外面嘅茶記有啲唔同，下次有機會一定試下其他款式。P. S. 同老細傾咗兩句，又眼見佢同夥記勤力 做清潔，搞衛生，值得一讚👍！

海潮食堂必味招牌蔥花多士，好香蔥花味配蛋無得輸，蝦卷牛腩蛋煎米粉，蝦卷彈牙牛腩濃味軟軟牛筋入味蘿蔔，最後麻辣味手撕雞通粉好大份量，仲有好多不同種類麵同餸配搭自己任君選擇

平日lunch time 比較人多，好彩我食飯時間自由，所以通常二點後去食，首選牛腩魚片米線，有時無胃口吃葱花蛋治多士底，加杯咸桔西柚汽水一流👍🏽👍🏽唔夠可以食椒鹽炸燒買都唔錯㗎，魔鬼多士有分厚和薄翠多士，多士上面➕上可可粉及練奶沙糖，是老闆的精心傑作！喜歡吃麵的朋友，豬紅，冬菇，蘿蔔都好入味，飲品方面，有可樂溝咖啡，及老闆自制每年新年桔仔做咸桔仔味，生姜蜜，大大片生姜加菜蜜，冬天我的至愛，每次飲完喉及心都好舒服，女士們的推薦飲品

依間外表唔起眼食堂其實係觀塘區內其中一間人氣店。✨..葱花蛋多士($25) 葱花份量頗多，食落鹹香，比普通蛋治多了份惹味。其實平時我唔太喜歡食香葱，不過食完一件之後一食即上癮🤩真係好食好食好好食👍🏻牛腩蝦條煎米粉 ($45)煎米粉配料為牛腩和蝦卷，牛腩另上的，每塊都好厚身😋燘得好淋同夠入味👍🏻牛筋好重骨膠原🤩正! 個汁微辣好惹味🤤如果蘿蔔更淋會更好!而煎米粉真係心思，加入雞蛋，多了一份蛋香，唔好睇少一份米粉，其實都幾飽肚。所以記得要Share 黎食🤗

去到時剛好有位。我地坐底後就開始多人，　出面都幾長龍。。。叫左個蔥花蛋治，　真係好多蔥，但Ｄ蔥唔算好香，　如果用Ｄ靚ＧＥ蔥就ＰＥＲＦＥＣＴ，蛋夠厚，　又半熟，　唔會熟哂變硬，幾好，入面有牛油，　香口Ｄ。但比我想像中細份。另外叫左個秘製醬汁撈麵＋火腿奄列，　火腿奄列好大份，　抵食，撈麵個醬係幾特別，少少辣，　唔知咩醬黎。另有２條炸魚卷，大大條，但凍左。期間老細同附近ＧＥ熟客好好傾，仲主動介紹懷舊野飲俾佢地，好似好ＮＩＣＥ，幾中意佢ＧＥ態度同服務

Retrospective report 朋友話帶我去食間出名的工廠區食堂話成日要排隊所以晨咁早就去到，唔使排隊格局係逼逼地的工廠區茶餐廳老闆好好人，人唔多佢仲有時間推介野食佢有普通野食，但一場黎到就會試特色野，呢個米粉係最有特色的野，剪米粉好特別，點一點腩汁，覺得幾香幾特別，不過唔知做乜個腩汁辣嘅，仲要唔係一般的辣，小弟唔食得辣家麻..........唔知有冇得走辣佢仲有其他特色野，人多的話就可以樣樣試啲整體來講啲嘢食未去到好好食，但唔算貴所以值得試下

係觀塘番工，突然有一日發覺呢間平時完全唔起眼ge茶餐廳大排長龍，睇番d介紹先知原來佢個蔥花蛋治好出名自問對蔥無特別鍾意或者討厭，見咁出名就決定試下個招牌蔥花蛋治，一食落去，呢舊厚得過分ge蛋治真係好鬼香蔥味蛋1d都唔老，而且兩面都烘左底，再加上係方包薄薄介開一層放牛油，真係又香又好食呢個蛋治完全令我對蔥改觀，無諗過蔥都可以咁好食對女仔黎講，食完一份已經飽到食唔落其他野喇食完之後仲成日回味佢ge味道，下次再試第2款先

自從我上次，在旺角光顧過有名的電影場景茶餐廳「鴻X冰廳餅店」，還試食過「鴻X冰廳餅店」的沒有蔥花「蛋治飛邊烘底」，以及食店沒有採用酥皮餅底，反而用上了曲奇餅底的蛋撻之後，一直很想再食烘底雞蛋三文治。結果我在中午，於觀塘「基督教聯合醫院」探望仍然留院就醫的老豆之後，就立刻坐專綫小巴，返回觀塘的「裕民坊」。「裕民坊」雖然仍在重建，但是觀塘的大型購物商場跟工廠區始終如一，隨處都是工人文員。不過我對於在工廠大廈裡面食堂，跟食店進行拍攝的手法，自從在荔枝角台灣知名食堂餐廳「程X長台灣美食」，知道「程X長」極度抗拒食客拍照之後，就開始對在工廠食堂裡面拍照，有了畏懼之心。原因其實很簡單，被食店的店員、侍應，甚至是經理店主粗暴阻止拍照，在大庭廣眾之下大聲喝止，甚至被強行搶奪手機相機刪相，肯定不是大部分食客都能接受的事。所以我今次中午在「基督教聯合醫院」探完病之後，在觀塘工廠區裡面尋找目標食店「海潮食堂」的過程期間，我一直都盤算應該如何應對臨場的情況。結果我一去到觀塘工廠食店「海潮食堂」，發現「海潮食堂」幾乎全場爆滿，還需要在店外街道上等候座位的時候，我心裡面仍然有，好像學生時代在學校等候考試的忐忑不安

呢間食堂之前已經有媒體介紹過店主的 🍞特色超薄奶油多 $11又薄又脆 加上溫熱的多士烘到半溶掉的牛油😛聽落已經好吸引😆店主好親民 好主動同客人溝通仲熱心推介啱你心水胃口的小食—————————————————✨蔥花蛋治烘底 $25 (4/5)睇落已經快要迫爆碟一個女仔下午茶食實夠飽送到臉前已經聞到好香的蔥同蛋味‼️絕對唔係便利店得條邊有餡的三文治咬落啖啖厚實的蔥花蛋加上烘底的麵包夾層中再有一層厚薄適中的牛油唔會太油膩但又好配合到蔥花蛋的香氣🤤的確無得頂 回頭率達90%😋實不相瞞 我唔夠兩星期又返去食多次😆.✨魔鬼奶油多 $25 (3.5/5)牛油和烘底多士有幾完美融合不用多講加上美祿粉和砂糖的配搭甜得黎又有層次 係幾種不同的甜味🍯仲食到一粒粒糖粉慢慢係脷尖溶化有種回味童年的感覺 ⁎⁍̴̛ᴗ⁍̴̛⁎十分有趣的奶油多！如果嗜甜的你 不妨一試 果然不失魔鬼之名 😈—————————————————食堂本來只供大廈員工食用店舖正門面向停車場內後門則向大街 但不便掛上招牌大家想食好西要花點時間找尋了😌

呢間唔起眼既小店, 今日Lunch唔知食乜, 就行咗入去試吓, 睇吓咩黎. 一入去, 係間好小既舖, 大約30個人. 我地3人都係咁岩見到有位先坐到入去咋. 見後面枱位小姐食緊個撈麵幾得意, 問個侍應咩黎, 原來係牛腩撈麵, 終是叫個試吓. E~ ok wor~ 撈麵好味~ 碌得夠入味~ 個牛腩汁亦好香, 唔咸~ 應該花過功夫調制. D 牛腩亦唔un, OK~ 牛腩同個麵分別都加咗麻辣, 好正~ 加埋柸凍奶茶, 係一流既! 只係坐得唔算舒服, 室內有點混亂, 不過食物搭夠~ 價錢比普通茶記貴，麻辣要加$2，不過我地都表示滿意! 

知道有呢間食堂好耐雖然住呢區 但時間唔岩一直冇試過今次十點幾黎到終於夾岩時間早餐比想像中大份，睇仔煎得岩岩好通粉係扭紋嘅蔥花蛋多士係重點面包烘到脆口，蔥花十足，入口啖啖蔥香，鐘意食蔥嘅一定唔可以錯過！

今日去左觀塘工廠區揾食👍🏻之前睇過報導已經好想去試終於今日得閒葱花蛋治烘底好味道無得輸牛腩蝦條煎米粉好脆👍🏻👍🏻👍🏻勁推薦你地食蘿蔔無根無渣牛腩都好夠味

在觀塘打滾了十幾年，我都對這店走漏了眼，可見其癮閉。無招牌，門面我一直以為是某飯堂的後門。店內很少但座位十分窄。我看看餐牌叫了招牌經典的牛腩蝦條煎米粉。最特色當然是米粉，有旦汁一起煎像奄列。但問題是，米粉有點粗不夠幼細，旦煎不香口。蝦條平凡，不過不失，不會是有新鮮彈牙有蝦鮮味的那種。至於牛腩，味很濃，質地有些「鞋」但還算可以。店內很窄但有些油煙味，走的時候身上索了很厚的味。可能帶了一些期望來，失望也不少。

今日去咗觀塘搵朋友，佢話帶我去搵好嘢食，原來是一間坐落在工業大廈的食堂，一間觀塘區的人氣食堂。「海潮食堂」門口極不顯眼，若不是朋友帶路，相信要花多些時間才能找到它的位置。內裏座位不是太多，且頗狹窄，但老闆和員工態度和善，沒有給人趕著落單的感覺，牆上掛滿餐牌，食物款式多，「選擇恐懼症」又出現了，最後點了一碟「葱油手撕雞菜飯」，因為我是超喜歡吃葱油的。「葱油手撕雞菜飯」葱油多，惹味鹹香，沒有吃到草青味，亦不會太多油，雞肉大大件，正確來說應該是去了骨的雞件，不是平常吃的手撕雞絲，份量很多，菜飯有一大碗，菜量亦足，配合鹹香的葱油一起吃，一口接著一口，味道一絕。最後，溫馨提示，如果食量不大的話，記著要跟老闆說聲「少飯」，因為真係「抵食夾大份」，雖然我撐破肚皮，但還剩下少半碟，感覺有點罪過，超不好意思呢！

基本上 每要唔同地方開會/上堂 我都會早45分鐘去嘆個早餐先 今日到要觀塘開會 早幾日又有專頁介紹觀塘出位食肆 就決定光臨海潮食堂啦雖然觀塘我都幾熟 但由於佢冇門牌既關係 我都要問人先敢100%確認 （下次補影返個門口比大家）由於即叫即整 都等左一陣 但就黎左杯奶茶比你嘆住先 然後 香噴噴既香蔥蛋治就出場啦！嘩 一心咬落去 真係超滿足 蔥味濃 蛋又香 重要熱辣辣 重有邪惡既一層牛油 不得了啦 以後去觀開會 一定要再黎食你 一客3件 一個女仔既早餐份量絕對冇問題 好期待下個月既開會😍