海潮食堂

营业中

休息中

手撕雞蔥油飯正原本係配菜飯的但我轉返左白飯 手撕雞好滑仲試左冰啡樂 呢個有驚喜👍🏼不過中午時間黎要等位 不過都好快就入到去。下次想試埋烘底蔥蛋治 做下午茶 應該唔錯～

留意左這一間食堂好耐， 終於有機會來潮聖一下， 食堂細細要排隊是理所當然的。                                          熱辣辣天氣排了約十分鐘就可以入得去， 內裡真是好迫、好迫下。 落單只有老闆一位， 客人千奇唔好分開落單， 如要落第二次單要等好鬼耐。 不過上菜時間唔慢， $26、 凍奶茶先上枱 多士烘得十分脆口， 蔥花炒蛋相當厚身， 質感十足。 一啖咬落去蔥花味好搶，突出；蛋味也香 。但好可惜整份多士只有微溫，肯定不是即點即做的。凍奶茶， 茶味香，滑度還差一點點。 第二次落單的多士也送上，自創 $26賣相很特別,  多士上灑滿阿華田粉， 內裡夾上牛油和煉奶， 超邪惡。 老闆唸頭多，可以將一般茶餐廳食物變成不一樣， 令客人感到有新鮮感， 同時感到另一份 。 

• 手撕雞五香肉丁麻辣撈烏冬🥢•💵Price: $48🍴Food: 4/5❤️-今次黎到海潮食堂終於唔係淨係食多士，呢個招牌菜手撕雞五香肉丁本身係配撈通粉，但係比我發現左原來撈烏冬都一樣咁好食😋雖然手撕雞其實唔係手撕既，係細雞件黎，但都好好食，雞肉夠嫩滑。面頭一大堆濃郁嘅蔥蓉，加埋麻麻辣辣嘅撈烏冬，香濃得黎又唔會太咸，見到相都想再食🤤• 魔鬼奶油多🧞‍♀️ •💵Price: $26🍴Food: 4/5❤️-上次食完個薄多士已經覺得好好食，今次呢個厚版就更加正🤤外層兩邊多士依舊烘得鬆脆，然後中間竟然有三層既牛油阿🤭🤭🤭再淋上香滑奶油同阿華田粉，真係十分邪惡！唔怪得要叫魔鬼奶油多😈-

是日觀塘遊行前想搵間快靚正餐廳先醫一醫肚, 上openrice一search就搵到依間正評多到爆啲海潮食堂, 果真名不虛存。蔥花蛋治蛋與蔥花不是重點, 麵包才是重點, 兩邊用很薄很薄的麵包烘底查上牛油, 有一邊再加上一塊厚方包令到食落口感好有層次, 又鬆軟又有脆口, 中層厚麵包還有把蛋汁吸入麵包的工用, 絶對好吃。牛腩煎米粉米粉煎得脆口, 有蛋香, 牛腩炆得淋身入味有點辣好吃整體而言物有所價, 觀塘友必食。

平時Lunch Time行過見到排晒隊好多人，一直想試下，奈何Lunch時間有限，無時間排隊。唯有朝早早d去食啦，好彩早餐時間唔洗等位，而且都坐得幾鬆動。先點左個早餐係番茄肉碎公仔麵，但因為見到好多人都叫蔥花蛋治，所以忍唔住叫埋蛋治。食物上檯時，先見到番茄肉碎公仔麵好大碗，其實淨係食完碗麵之後應該都會好飽，雖然話係肉碎，但其實係肉丸，加埋d番茄碎，飲落好貨真價實既茄湯。另外個蔥花蛋治既蛋都好足料，烘蛋既面包內層好鬆軟，外面好卜卜脆，堂食最高!!一朝早食完呢餐，其實下晝都可以唔洗食晏，個蔥花蛋治真係好好好好食，雖然只係得，不過真係對得起依個價錢，但係外賣唔會唔會局到唔夠脆，感覺都係預時間堂食比較好。

第一次聽海潮呢個名係朋友喺IG見到之後話我知🤣睇埋圖我即刻過：Gogogo!!!!!咁啱約左朋友去觀塘游水😎點可以放過食海潮既機會😌.喺Apm行過去途中 仲遇到啱啱食完海潮既親友證明真係堅😍.等左15分鐘左右就入座了入面都坐得幾迫 但係迫迫地都幾開心啊😃.一坐低見到餐牌 都搵左一陣個撈通喺邊😂我地2個人 叫左撈通 魔鬼多 椒鹽燒賣 凍檸茶2杯 埋單$116.嘅手撕雞五香肉丁麻辣撈通 （唔係好記得exactly 個名 反正都係前後幾樣倒轉😂）雞肉絕對唔係鞋烚烚既雞胸 係脾嚟🤤嫩幼唔鞋口 蔥油+麻辣已經好夠味仲有五香肉丁既咬口 加通粉既彈性口感好豐富 一啖食到幾個質感（如果唔想咁咸可以試下叫少蔥油 下次我會試下😂）.不嬲都好鍾意食多士西多類既我呢個面包令我感嘆佢哄到好脆 但同時又有面包既軟熟牛油份量適中 唔會食到成口都係油琴日食完今日已經想再食 點解星期日唔開😭.後加左個椒鹽燒賣兩條女好似三日冇食過嘢咁食完前面嗰兩樣罰都仲係覺得未夠喉見到有個小食就決定叫埋試下😚喺街邊小食檔通常都淨係食到普通炸燒賣呢個炸燒賣炸得好香脆 但係食落口都唔會成舊都係油加埋椒鹽同埋辣椒油完全係bonus 味道.總括

星期六黎到海潮食堂離遠就見到長長嘅人龍門口冇遮陰地方確實係又曬又熱好彩都唔係等左好耐排左十至十五分鐘左右姐姐就安排我地入座裡面嘅枱非常密就黎侍應哥哥上菜都要左攝右攝一d比較靠牆嘅枱要考其他食客幫手遞野食入去我就係為左呢個蔥花滑蛋三文治黎!!!麵包削薄左三文治size係finger size黎起上黎食好方便極多蔥花, 啖啖都好香嘅牛油味非常推介足料到食完即刻飽飽地之後黎呢個每枱都叫嘅手撕雞五香肉丁撈通從來冇諗過可以有呢個組合但我就麻麻呢碟蔥油太多五香肉丁亦太多全部濃味嘅野撞埋一齊我搵唔到呢碟係想突出咩味道而雞亦都唔係真係手撕嘅雞但整體黎講 配搭都好有創意再黎係呢個蝦條煎米粉配牛腩蝦條係童年嘅味道煎米粉比較油膩未有外脆內軟嘅感覺牛腩亦都係比較油膩最推介係蔥花滑蛋三文治會為佢再黎

就係因為男朋友send咗條YouTube片俾我睇係衛詩雅介紹呢一間隱世小店，住左觀塘咁耐我都未食過，於是就決定趁我而家失業鬼咁得閒 ，隨時可以weekday去食個飯 。Anyway點都要就男朋友，佢都要返工嘅⋯⋯唯有都係lunch Time黎同人逼下啦 ，真係排晒隊㗎，不過好彩都唔係等左好耐。雖然都係迫迫地㗎喇，不過食晏時間係咁上下啦。其實睇完條片心目中已經諗定想食啲咩㗎啦一嚟就叫左個五香肉丁手撕雞撈通粉。再叫咗個阿華田多士仲有就係招牌葱花蛋多士 ！佢嘅特色飲品冰啡樂都要試吓嘅。先來個撈通粉：平時只會食到撈麵或者燴通粉，呢個撈通粉佢嘅汁有啲啲麻辣嘅味道再加埋佢嘅肉丁同埋蔥油手撕雞 造成左一碟鴛鴦味嘅撈通粉 ，好味。不過男朋友話有啲辣之後嘅阿華田多士：佢嘅多士全部都做到好薄身㗎，加咗啲兒時嘅阿華田粉係上面再加啲煉奶咁就造成左一樣出邊冇得食嘅特色多士啦至於佢嘅招牌葱花炒蛋多士：果然係招牌，實得黎又滑嘅炒旦，唔會炒得過咗火，再加埋啲葱粒 好香喔！冰啡樂：係完全冇諗過可以咁樣飲嘅。其實只係簡單咁樣將ice coffee加可樂，點知出嚟嘅味道可以咁夾㗎喎，啱晒我呢啲飲唔到齋啡怕佢苦嘅人，加咗可樂

通常我呢就有一個喜好，就係平日既時候，lunch time男朋友無得陪我，我就會自己一個搭車去搵野食～ 初初自己一個獨食都幾尷尬，但慢慢就慣咗啦～-今次就決定自己一個去海潮！因為平時等男朋友放工呢到已經閂門！點知咁岩朋友搵我食飯，可以試多幾樣！yeahhhhh-【沙嗲定咖喱豬扒菜飯】呢個汁呢，我記得老闆講過係用兩隻汁溝埋既，豬扒炸得金香酥脆，好味！-【牛腩蝦條煎米粉】呢個無得輸啦！個牛腩好好味，好香既蒜香，入面既牛腩好淋好入味，牛筋仲係入口即融！！而佢個味係比較鹹，同個煎米粉夾埋就岩岩好，煎米粉夠脆夠乾身，好味道！-【魔鬼奶油多】好正呀呢個又係，細個既時候都好中宜整呢個阿華田奶油多，當然無呢個咁用心啦，邪惡，仲帶點童年回憶！正！-總結，係觀塘返工既人真係好幸福呀！而我，係觀塘又多一間餐廳可以食啦！

上次來海潮食堂是因慕名而來, 為的是那傳說中的葱花蛋治烘底。今次再來, 是為了要重溫那誘人的味道。葱花蛋治烘底 $26葱花蛋治烘底 $26 (1月版本)葱花蛋治烘底, 相對於上次光顧, 有以下分別:1) 由2件變3件2) 葱花少了點3) 牛油沒那麼厚視覺上感覺遜色了, 相信是分配上的問題, 份量應該沒變, 重要的是味道依然誘人。蛋炒得香滑, 充滿葱花香氣, 麵包烘得香脆, 整體來說, 仍可俘虜我的心, 心思思時再光顧, 絕對不是問題。

見到很多人介紹既一間工廈食堂-海潮食堂，所以過黎朝聖一下！位置比較隱蔽，位於工業大廈既地下，但並不是傳統的工廠大廈飯堂，而係越來越少既冰室界局的茶餐廳！以往出名既冰室或者茶餐廳都會有自己招牌野食，例如撈丁，西多士，蛋牛治等等。而海潮食堂都唔例外，海潮既招牌食品就係-蔥花蛋治烘底，蔥花蛋治係所有人黎海潮都係必點既食品！蔥花蛋治烘底傳統既雞蛋三文治食得多，今次食蔥花蛋治感覺新穎，蔥花與雞蛋味道出奇地配合，但蔥花蛋治的精華係牛油味濃郁，食落口，牛油味好香。如果大食既朋友，可能要每人分別叫一個黎食，因為一碟只有三少塊，如果兩個人食，每人都係最多食一塊，會感覺意猶未盡。如果純粹抱住想嘗試既心態，咁叫一個都足夠！凍啡可藥見到老板誠意推介既飲品，咁當然試下凍啡可樂，顧名思義，就係凍黑咖啡加可樂，以往都係試過凍檸樂，未試過凍啡樂。凍啡樂，就等於將苦既黑咖啡混合甜的可樂，飲落口，會先甜後苦，味道特別，有苦有甜，同人生一樣！

海潮食堂］觀塘工廠區隱世茶記，有點出色的簿治👻？有點特別，有點想意不到的感覺🤤..🍴蔥花厚蛋治$26呢個蛋治並唔係兩塊三文治夾個厚蛋咁簡單😲佢係底面烘脆左咗兩塊超薄多士夾住一層牛油。細心啲就睇到一塊麵包一層牛油再一塊麵包再到厚蛋再到麵包😂😆。葱都幾強但搶咗小小蛋嘅味道。但整體真的唔錯!..🍴超薄奶油多 $12哇。佢係阿華田粉加煉奶再加兩塊超薄奶油多。食出嚟嘅味道真係唔識得形容淨係想講好味😆..🍴椒鹽燒賣 $12/7燒賣炸得幾香脆唔會好油未到就冇太大突破啦🥰🍴凍啡加可樂 +14$跟餐真係未飲過係一杯甜嘅凍齋啡溝可樂😂不能形容的感覺。我諗唔鍾意飲咖啡嘅人會覺得佢係一杯苦茶味😂。淨係覺得呢一杯野咖啡因超級強😂.

終於黎到海潮啦🤤🤤🤤我鍾意食包又鍾意食蛋！！所以佢既蔥花蛋治見到相已經心心眼😍同朋友係附近工廈食完晏，行左陣就要食啲下午茶喇😌門口非常唔顯眼！好似連招牌名都無，要問保安叔叔先知道，真係誇張喎😆😆黎到緊係要食佢既招牌啦😂另外老闆？員工？仲介紹我地食超薄奶油多😋唔洗幾分鐘就有野食啦！首先講一講個蔥花蛋治烘底🤤🤤🤤半溶牛油，蔥花炒蛋又炒得香，個包烘左底微脆微暖，好咸咸香香，非常好味呀！！😍😍至於超薄奶油多，面頭灑滿阿華田粉😆唔算好甜，味道都幾好，但我地一致認為都係蔥花蛋治出色，真係好喜歡果隻咸香味呀🤤

• 葱花蛋治烘底🥪 •💵Price: $26🍴Food: 4/5❤️-呢間位於觀塘既一間隱蔽工廠食堂，門口連招牌都無，但又吸引左唔少人黎食佢啲招牌三文治同多士！🥪雖然只係一間細細嘅工廠食堂，真係估唔到佢嘅三文治又幾花心思同工夫，首先佢加左葱花落蛋度炒，令到平時普通既烘底蛋治多左陣陣既葱香味！而且就咁睇唔覺眼，但原來份蛋治係分左三層，兩面外層既麵包係先切成薄塊再烘，食落好薄脆！個餡就一邊係葱香四溢既葱花炒滑蛋，另一邊係厚厚既一層牛油😱雖然好邪惡，但食完好滿足阿！🤤-• 超薄奶油多🥪 •💵Price: $12🍴Food: 5/5❤️-如果鐘意食奶油多既朋友仔就一定唔好錯過呢款超薄奶油多🤤咪見佢上面得少少煉奶，但其實魔鬼在細節當中😈即使咁薄既烘多士其實都分左兩層，係脆薄既麵包中間就已經搽滿哂誘人既煉奶🤩然後面層再撒滿阿華田朱古力粉，一齊食好夾，完全唔會太甜，太正喇！下次一於試佢個厚版既奶油多😋

我為了試這家店的名物，來了這家店兩次。第一次，因為去附近辦事，自己一個來試了蔥花蛋三文治。第二次和朋友一起來，試了魔鬼奶油多及牛腩蝦條煎米粉。想不到這間充滿馬蘭勞氣息小小的工廠食堂，會有創意料理。蔥花蛋三文治，雖然簡單普通，但雞蛋及蔥的份量很足，雞蛋保持應該有的濕潤。魔鬼奶油多，吃起來應該有朱古力粉、牛油、糖及煉奶。因為最後食，所以已經凍左。不過味道不算太甜，所以很快可以吃光。這家店的三文治和多士很有趣，為了吃起來厚一點，會再加上薄薄的一片麵包。牛腩蝦條煎米粉，我是因為那碗牛腩上有厚厚的蒜才想試牛腩有一點點辣，吃起來比想像之中油，配上雞蛋包起來的煎米粉，比想像之中ok。蝦條吃起來就像火鍋的丸。如果蒜再多一點就更好。食物非常邪惡，食光之後，相信又要運動。老闆及員工的態度非常比想像之中好，很友善。可能有環境的反差，服務態度和食物都比想像之中好創意同態度係不論環境，希望依家小店能夠keep住