海安咖啡室 (已結業)

見幾有懷舊情懷，一心入黎食。點知早餐選擇不多，但可以理解，因為是老店的原故。整個早餐，腿通沒有特別，餐包亦然。KC兄講得對，廿蚊個早餐，吃來只是順手拿來的東西，略嫌貴了一點，只是優皮時才進來飲咖啡吧。

星期五，一朝醒來肚空空的，先醒起原來昨晚只吃了一碟沙律、一碗腐竹糖水及好多啤酒。朝早要去上環，順手找間茶餐廳吃個豐富一點的早餐。都幾耐無幫襯過呢度，又來吃吃睇下係米差了。八點左右人已不少，例牌有幾盤別處交來的麵包放在店中間，坐在紅色直角卡位，感覺仍是那樣的老式港式茶記。早餐得一款，是腿通加油包，可以加四蚊轉油多或菠蘿油，就要了油多，同杯茶走。腿通很簡單，兩塊長方形火腿加略硬的通粉，老實講，以茶記通粉來就是一般，至少可以花多少功夫切下火腿絲，又或是通粉可以煮腍少少；油多薄薄的，當然不能與勝香園的相比；杯茶走水準還可以保持，算是挽回一些點數分。埋單二十蚊，煎蛋都無隻，唔算平。離開時再想起，其實以前都是吃這樣的東西，不過可能現在時代進步，出面早餐已做得又豐富又好又多花款，相比這裡十年如一日的，當然是給比下去了。

完全同意嘉文仔! 我本人就甚至覺得此茶餐廳係撥入難食一類.但係當然我唔想佢執啦, 話晒戰前o既茶記係執淨呢間.另, o的大紅色實木傢俱超型~ 其實我好想知可唔可以借個景o黎影下styling 相呢?hee. hee.

杯茶唔係特別正....麵包仲要係硬既....d 阿伯做野又慢得過份兼有點失憶~~~

牛奶麥皮正......見住佢成支鮮奶倒落去即刻煮.....好比心機煮..係我食過最好味的牛奶麥皮

奶茶不錯....食物跟普通茶餐廳差不多.....不過最吸引係隻大貓...好得意的

海安已經好耐喇,可能係我年齡几倍咁老~唔知係咪食開有感情,普通一碗麵都食得好開心~最開心係佢地有養貓咪~有時食食聽到貓叫,睇下chair下面就有一箱小貓,好得意,唔知而家仲有冇最鐘意食雞扒麵同奶茶~0係到食野,唔單止對食物有好感,對間餐廳都有好感,有感情~

呢度的外表已經直接話俾大家知佢好有歷史：高高的樓底，不修邊幅的天花，掛在高處的吊扇，兩邊紅色木製的直角椅，中間的六人圓檯，仲有果個飽歷風霜的汽水雪櫃，永不索水的餐紙巾，坐在這裡絕對能帶你返番幾十年前的時光。老實講，呢度的食選擇不多，都係多士及三文治，餐肉、雞蛋、腸仔、米/麵/通/意的組合，味道不是太突出。尤其是麵包蛋糕，下午一時佢來到已經覺得不很新鮮，可能是別處交來的源故吧！咖啡奶茶都唔錯，有一般茶檔水準，行過入來坐低嘆杯熱奶茶，聽伙記同客人吹水，都唔錯。熱奶茶或熱咖啡9蚊杯，可以一試。

有時d 雜誌可能係d 繕稿，<br />又話d 菠蘿飽就算唔係新鮮出爐，<br />都又脆又好食。<br />所以一心來食出名的菠蘿飽，<br />嘩！「把鬼」好難食，又實又硬，<br />似格夜的。<br />

D座椅好有特色，全紅色木椅，食物雖然選擇不多，但都是在懷舊茶餐廳裹最想食o既食物