海安咖啡室 (已結業)

每間茶記做既公司治都有o的唔同，各具特色。如上圖，呢度正路既蛋、火腿同餐肉都有，最特色就係有o的叉燒。舊叉燒絕對帶起哂成份三文治，由於中式叉燒經過燒烤處理，肉味突出，香口非常，配搭西方之文治，絕對出色過唔少不倫不類之fusion菜式。值得一提既，就係o個杯唔使錢，而食客又多數拎去洗刀叉既茶，原來係好有茶味既，下次請大家珍惜食物，唔好o徙左佢。

六月十三日(星期五)今日都幾大雨呀早上!仲諗又有可能好似上個星期咁去唔到上環食TIM!好彩到左lunch時候都唔係好大雨!搭叮叮去,都要行一陣先到!而o個邊成條街都好似帶左我地去番6-7十年代咁!!由門面到入面都好懷舊!而侍應都係d伯伯~!成個感覺好relaxed~好悠閒咁!唔錯,終於可以脫離人來人往,步伐急促既中環喇!!佢地個menu都好耐~佢地選擇唔多有公仔麵同埋米粉仲有通粉!我地叫左兩個义燒炒蛋通粉: 幾大碗!通粉比較大粒!而义燒都幾好食!炒蛋好有屋企既感覺!仲叫凍奶茶,冇錯,奶唔係多,但係又好香滑最後食埋西多,老公仔話要食架!!!!!都幾好食架!!!不過冇花生醬o係入面~中意懷舊冰室既朋友可以一試~!

在附近上班,見那麼多食評,又好似幾食咁.所以一試.中午飯在這裏食了腸仔火腿通粉及一杯熱奶茶,盛惠31元.都算幾貴如想飽肚,這裏並不適合.尤其男生.因在其他茶餐食,叫飯餐,未必要30元仲有杯嘢飲.通粉甚普通,湯底雖不是好似水咁無味,但亦沒什麼味道,只比水有點兒咸味. 但要兩拾 (收錢阿怕咁叫),覺得幾貴 (有些地方, $20 有個飯及一杯飲品)杯奶茶也一般,比大家樂好d,有d香,但不十分覺得是絲襪咁滑.可能叫面會好過通粉.其他人多數叫面或三文治.這裡主要食環境,如喜歡懷舊,可以一試.

既然行到呢度，點可能唔行多幾步，去呢度試一杯忌廉溝鮮奶？其實知道呢度既原因係因為一本明報出版社既書，結果一直對呢度好有憧憬，希望點都試一次。女侍拎左一支忌廉同鮮奶俾我，可能我唔識溝既關係啦，結果，味道勁怪。但係唔影響我對呢度既觀感，有機會的話，我都希望@呢度食返個常餐。=]

由於食舖坐落係我公司附近, 中午時段, 如果無咩胃口食飯, 我同同事會間中去幫襯, 每次我都會嗌蛋牛通粉(有兩隻煎蛋) ($18)+ 熱奶茶(奶及茶量適中)($10), 最近去黎, 好似加左價, 食物水準都過得去, 但價錢都唔平, 由於佢地無套餐, 通常要拆開嗌, 只是食粉面雖然價錢頗貴, 但發覺好多OL 同埋西裝友都鐘意去果度吹下水, 話時話, 因為舊式舖樓底比較高, 我地坐係入面就唔覺得焗速, 而且食舖近海傍位置, 當風吹入黎都幾舒服, 好似咩壓力都無晒. 我個人認為都好以值得一試, 感受下懷舊Feel......

每次坐西隧巴士也經過門前,一直都很想嘗試這間有歷史的冰室,這個週末終於成事! 一踏入門口,兩邊火紅的卡位最吸引目光,選了最後的一卡來坐,望望上面的吊扇,旁邊的卡位和後面的大招牌,同行朋友也說很有特色,很喜歡這種悠閒感覺。肚子餓得咕嚕咕嚕,以為這裡是慢工出細貨,所以快快跟伯伯點了煎西多士、公司三文治、叉燒蛋麵、凍鴛鴦和凍檸樂,怎知也不需特很久。朋友的凍檸樂用上大支的樽裝可樂,任你多口渴也一定足夠! 自己的凍鴛鴦咖啡味較重,奶茶份量應該較少,所以味道有點不太清楚,咖啡是頗香的,只是甜度較高,就算冰粒溶化後仍然很甜,下次會記著要"少甜"了。煎西多士上桌時香氣十足,厚厚的炸麵包份量不少,外型帶點隨意,我喜歡!!麵包中間夾著花生醬,味道當然不錯,最高興是吃到脆脆的蛋漿和麵包,兩個高矮肥瘦的女子吃得不亦樂乎,管什麼卡路里。叉燒蛋麵那個橙色膠碗不就是中學時代在小食部吃湯麵早餐時所用那款嗎?對自己來說是相當有親切感!!麵條用上自己喜歡的福麵,味道香香的已引到口水直流,加上時間把握一流,麵條煮得半透明有彈性,很好吃的一碗福麵。 叉燒雖然用上瘦瘦的貨色,但一點也不韌還覺得有點點蜜味,蠻好吃的!煎反蛋雖然有

之前在看建築學會發上網的資料, 見到這被介紹的咖啡室, 說是香江小島上最古老的茶餐廳之一, 至今已開業約56年, 對它的興趣隨之大大攀升.甫坐下便點了杯熱奶茶, 這快是指定動作了, 總覺得要試一間茶記冰室的出品質素, 奶茶豆冰是其中一個指標. 奶茶不算出色, 喝至尾聲更有種用水沖淡了的感覺. 一杯奶茶賣著十一大元...很貴呢...那個紙包蛋糕卻是個很可愛的東西, 很大個, 上面那層啡色的面層, 吃著...有種在吃紙的感覺...不過, 也不要緊了, 此次拜訪, 志在看看經歷了56年的茶記冰室是如何而已. 印象最深刻的, 要算是那放在收銀櫃位的算盤了.或者, 下次再試試它其他的出品吧

前排去同男友食左牛通($18)同五香肉丁蛋面($20)好味wor牛肉無咩"lar"過，而且好入味連肉丁都好好味，好食過出面gor d唔"un"之餘都好夠味通粉和公仔面都煮得好有水準呢度，絕對唔係只靠懷舊環境取勝的，食物的質素也絕對值得肯定!

朋友上次搭巴士見到呢度後留意0左好耐, 今日食完煲仔飯帶了我0黎「飲杯茶食個包」.叫了杯熱鴛鴦, 加個蛋撻, 認真麻甩... 好少飲熱鴦, 呢度的奶茶咖啡50:50, 幾香幾好飲, 不過純粹個人口味, 下次我會叫「多奶」; 蛋撻係曲奇皮, 唔係新鮮出爐, 凍冰冰仲有少少「倒汗水」, 蛋漿唔太甜, 無乜蛋香, 曲奇皮幾鬆脆. 味道一般啦.朋友的奶茶就茶多過奶, 不過佢幾欣賞, 無所謂啦.環境好「冰室」, 好乾淨又舒服, 諗起細個時成日去食西多士飲凍奶茶的九龍城「洞天冰室」! 招呼都唔錯, 阿叔阿伯們幾nice.好0野, 又多個地方飲0下0野hea 0下了, 下次要試試佢d 公司治同其他鹹食-- 我0地逗留的30 分鐘內, keep 住聞到有人食「福字」(?) 公仔麵, 好香呀!

先前看到很多人說這裡的公司治不俗,今天下午專程到訪這間55年老店...一行二人共點了：1份叉燒蛋公仔麵1份煎西多士1份公司三文治1杯凍奶茶1杯凍檸茶共$69公仔麵是很正常水平的公仔麵, 也許及不上其他老餐廳的水準...之後叫了一件西多士, 即叫即製, 非常新鮮熱烘烘! 糖漿是很「杰」很夠甜的糖漿!幸好在吃過西多士後仍感嘴饞, 才想起要一試公司治...一試... 嘩!! 「真係好爆炸」, 好味到不得了...沒有蕃茄的公司治, 卻有足料非常的蛋、餐肉、火腿和叉燒，還有恰到好處的焊方包皮...簡直是一邊吃一邊讚嘆呢!!而且咖啡室的員工又友善又勤力, 配上懷舊的古風, 真感多重享受...有一位伯伯在我們吃別笑笑的期間, 很辛勞的慢慢抹著玻璃桌面, 非常令人敬佩! 我不期然用手輕摸自己的桌面, 完全感不到「lak tat」...結帳時, 還和老伯伯聊了兩句, 一起照了幾張相片...很滿足, 很愉快...店很好,食物很好,人很好.

呢間老牌冰室，屹立於西環海旁，應該都有三四十年啩...慕名而至。特登避開繁忙嘅食飯時侯，可以慢慢嘆...落單阿姐及老闆非常友善及有禮，印象大佳...一貫老冰室嘅style --- 吊扇、舊式卡位、印有只得七位數字嘅電話號碼嘅餐牌....鄰座有一pair鬼位係度飲奶茶吹水，跟住臨走時見到另一外籍人仕嚟買外賣，估唔到鬼佬都識貨wor...先叫杯奶茶。質感夠滑且無澀味，有水準....要叫件公司治先夠飽。跟時下茶記不同，餡裏面竟然有原件义燒，可惜唔係半肥瘦嘅...麵包烘得香脆，加埋煎過嘅午餐肉及蛋，味道不錯...正想俾笑臉之際，忽然食到一咲鹹味。望一望，應該係來自件雞蛋嘅。相信係攪蛋時鹽撈得唔勻循...當堂食味大減....唉...晚節不保

再到海安，落單的大姐和水吧老伯居然認得我，尤其是大姐，非常熱情。我仍是叫了熱奶茶，不過這次配了腿蛋治烘底。喜歡海安的多士，不會太乾身，但又不是不脆。當然，火腿和炒蛋都是即叫即做，保證熱辣。這裡做的不像澳洲牛奶那樣豐厚，但是雞蛋火路剛好，不會煎得老，還跟方包的面積差不多，所以每一啖都可以食到火腿和雞蛋。這樣又是另一種的享受。店雖然是老，但發覺並不是特別便宜，因爲除了早餐，其他時間都是散叫，腿蛋麵是$17,熱飲要$10，若果再加一件多士，那就輕易過三十元了。午飯時間，全園滿座，能屹立這麽多年，也有道理，薑還是越老越辣。

五十五年的老店，老闆還健在，還在店裏打點一切，夥計卻已換了多轉，畢竟已是半個世紀的光景。咖啡室供應的食品很簡單，三文治、即食麵、港式西餅麵包、冷熱飲品，僅此而已。木製卡位，有單邊，有一櫈兩邊可坐，櫈邊和枱腳的綫條，令我想起art deco 的設計。枱一邊是入牆的，老夥計說這些傢私，就連獨立的圓枱，都是當年訂做，全都是入榫，沒有一口釘。驚嘆之時，我的奶茶和公司治也到了。奶茶淡了些，但是那份公司治卻真的不錯。不是一般的數層四小份那樣的公司治，這裡的就只有兩塊烘底方包，要讚的卻是有那即叫即煎的叉燒炒蛋壓陣，再加薄火腿和餐肉，那是從火爐出來的新鮮熱辣，不是微波爐返熱的溫溫吞吞。其實，真才實料，不取巧，簡單- 才是不平凡。

和女友，每週一次的懷舊之旅，本週到了海安。點了熱奶茶、杏仁奶露和蝴蝶酥。食物和飲品，水準都不俗，但來到這裡，真的有點醉翁之意不在酒的感覺。最觸動人心的，是小店的古風。

Second visitlunch 再次光臨海安今次正式嘆一餐, lunch時間, 店來坐了不少於上環上班人士. 老中青三代都有.食物以公仔麵, 三文治同西餅為主, 雖然選擇不多, 但眼見兩位敬業樂業的老伯伯, 何敢說不足來了一碗鮮牛蛋公仔麵同叉燒蛋公仔麵. 幾十年煮麵經驗, 一入口已經知一流.每人一咖啡, 每人一蛋撻, 每人30蚊每人一個笑, 我俾多一分, 一定會再去