海安咖啡室 (已結業)

呢間老牌冰室，屹立於西環海旁，應該都有三四十年啩...慕名而至。特登避開繁忙嘅食飯時侯，可以慢慢嘆...落單阿姐及老闆非常友善及有禮，印象大佳...一貫老冰室嘅style --- 吊扇、舊式卡位、印有只得七位數字嘅電話號碼嘅餐牌....鄰座有一pair鬼位係度飲奶茶吹水，跟住臨走時見到另一外籍人仕嚟買外賣，估唔到鬼佬都識貨wor...先叫杯奶茶。質感夠滑且無澀味，有水準....要叫件公司治先夠飽。跟時下茶記不同，餡裏面竟然有原件义燒，可惜唔係半肥瘦嘅...麵包烘得香脆，加埋煎過嘅午餐肉及蛋，味道不錯...正想俾笑臉之際，忽然食到一咲鹹味。望一望，應該係來自件雞蛋嘅。相信係攪蛋時鹽撈得唔勻循...當堂食味大減....唉...晚節不保