海天花園酒家

营业中

休息中

做冬一家人專程入到三聖村食海鮮，揀海天花園酒家係見到都幾大無咁迫，同買完海鮮入去好方便，記住係街市買完先入去俾佢加工呀推薦花螺一定要辣酒煮，辣度岩岩好，唔會死辣又唔鹹，個湯底仲唔太油膩聖子皇真係隻隻都筷子咁長，爽口彈牙，好新鮮瀨尿蝦啲肉好彈牙唔會走肉同霉，加上大量避風塘既蒜，夾埋食真係無得頂，最重要係全部都有膏架😍😍😍要值得一提既係蝴蝶蜆，好厚肉，佢既鮮味唔同一般既蜆，油鹽水都唔會搶走蜆既味道，反而啲粉絲吸收晒啲鮮味仲更加好食😋

沒有來呢度差不多一年多了，是日大雪，雖然天氣凍但陽光普照，呢度好適合駕車來飲茶，星期六放假十二點剛好有位，不用等。呢度推介的生滾鹹鷄粥，粥底好綿滑，鷄肉都好嫩，配點冬菜，口感非常。懷舊的上湯潮洲粉果，有韮皇的上湯另上的，粉果外面的皮又熱又脆，饀料有蝦夠爽，怕熱氣的可浸一下上湯，再吃都可以嘅。豉汁蒸魚雲，肉好滑吸收咗豉汁香味，份量十足。炸乳鴿，太燶了，肉質好乾好鞋，有點失望。豉汁蒸鳳爪及蝦餃，蝦餃皮厚咗少少，鳳爪夠冧，色澤差少少。錦鹵雲吞，汁好酸，又唔夠味道，雲吞唔脆。豬腳薑醋，有兩隻鷄蛋，但浸得未夠入未，未夠奈，薑夠辣，甜醋稀咗少少。生竹牛肉球無食過，賣相麻麻，似鯪魚球多啲。煎薄餅，唔夠脆，油膩咗啲。炸魷魚鬚，睇落好似炸薯條，賣相吸引，但一咬下去就硬咗少少。牛肉腸粉，賣相幾好，目測應該好食的，因為好飽無食過。蘿蔔絲餅，好驚喜，芝麻餅皮好脆口，熱騰騰的蘿蔔絲，非常好味😋😋👍🏻👍🏻。

友人介紹去三聖邨食海鮮。 香港近人政治撕裂讓人心煩，很久沒出來吃飯走走。 趁明天選舉前度的片刻安寧，便乘機出來「飯聚」。去趁這類海鮮街如鯉魚門、流浮山、三聖邨，其實除酒家外，邊間買海鮮亦非常重要。 友人介紹在關財記買，生猛不呃秤。 上的士同司機吹水，他也說是。我們只有3人，在關財記買海鮮如下：1、海星斑一條一斤重 $2402、琵琶蝦大大只2只共1斤13両 $500(280/斤)3、重皮蟹賣剩一只, 唯有加只奄仔, $90/只共$1804、哥仔話台山蠔蠔味重些不是時時有, 1條$1205、雜魚蝦貝湯包, 條魚好大條札札跳, 免費送嘅哥仔大慨15歲, 應該是幫屋企手, 都好熟同手快, 共$1000, 佢話平咗比我朋友介紹這間海天，佢講明係貴過其他，只因環境好坐些，廚房烹調工夫亦可接受。的士司機亦說海天比出面貴10-20%，佢自己就推介冬菇亭興記。 但我還是選了海天，這個年紀，想坐得舒服些。 海鮮只要新鮮，簡單煮法，是不會難吃的。上到酒家，安排煮法如下：1、清蒸海星斑2、上湯焗琵琶蝦煎米粉底3、油鹽焗重皮奄仔蟹4、薑蔥焗台山蠔5、雜魚蜆蝦湯6、加點了碟上湯浸豆苗1、豉油太咸，嘥咗我條

今早接左主子收工, 同佢落左三聖村飲早茶, 我地9點到, 都好少人, 坐低左就好優閒地嘆下茶叫野食, 叫左菠蘿叉燒盞, 細細粒但熱辣辣, 好香口, 我推介, 之後就仲有鮮蝦菜苗餃, 呢度既餃比出面酒樓大粒, 料好足, 香煎芋頭糕, 好少酒樓煎都咁香脆, 咬落去仲好脆, 真正做到外脆內軟, 讚, 最後就係安蝦咸水角, 個皮好好味, 甜甜地, 脆中有咬口, 配上內裡的餡料, 好滿足, 每樣點心都係3件, 我其實每樣食一件都已經好滿足, 順帶一提, 雖然點心紙唔多大中小點, 但閒日黎飲茶, 大中小點都係小點計, 埋單差不多150蚊, 海景飲茶都算合理

中秋節一家大小專程到三聖邨食海鮮，揀海天因為地方大坐得無咁「迫夾」。自己喺出面海鮮檔買咗6樣海鮮(海鮮價錢不包括在消費內)，另外加咗兩碟菜同一款肉：上湯龍蝦伊麵果皮蒸澳洲鮑魚蒜蓉粉絲蒸蟶子清蒸雙躉鹽焗奄仔蟹豉汁炒細蟶子蒜蓉西蘭花雜菜煲叉燒海鮮做得唔錯，保留到鮮味，鹽焗奄仔蟹同豉汁炒細蟶子做得最好，豉汁惹味，個個食到😋😋😋叉燒同菜味道亦幾好，服務都算唔錯，特別係大時大節多客，侍應都肯跟進，只係可能客多上菜較慢，前後食咗成兩個鐘，希望將來有改善。

山長水遠入到屯門，這間酒樓必定要去，雖然位置不是很就腳，但是點心和質素也物有所值，叫了數樣點心魚肉釀尖椒：一疊有五隻，已經教外邊酒樓數量買多，而且豉汁味超濃郁，魚肉也有咬口，質素非常之高，口感也十分良好豉油王煎腸粉：豉油味濃郁，腸粉雖然不是很滑，但有腸粉味，一大碟，份量十足來這裏王牌推介欖菜蒸魚雲：這個有少少失望，因為第一口吃下去發現與有點腥，但是慢慢再吃其他是， 10分入味，而且魚很滑，不過需留意魚的新鮮度叉燒：來這裏必須常常叉燒，因為是王牌推介，叉燒佑林又入味這裏的點心通常都是大大份，而且茶滾點心夠熱，性價比很高，而且可以買海鮮到這裏煮，如入開屯門，這裏是十分推介的酒樓

昨天食了一餐非常高質素的海鮮餐，本人非常推介辣酒煮花螺，辣度啱啱好，而且湯底不是太油膩，另外值得一讚的更是豉椒炒蜆，味道非常濃郁，而且蜆肉非常鮮味，一點沙也沒有！椒鹽賴尿蝦非常好味，很大隻及鮮甜，椒鹽出來也不會太乾身！

老婆屋企人鍾意黎飲茶，因為好食，佢舅父有車又好人，次次都做柴可夫，如果唔係都冇咩機會黎飲茶。叫左好多點心，影左幾款特別出色同好食，燒賣唔使講，加塊鮑片，味道唔會好左好多，但你都覺得貴得有價值。叉燒酥係另外一款必叫既點心，皮簿好食。腸粉冇影到，但超多料，勁飽滿，唔知係咪太多料，腸粉皮略嫌太厚。最大驚喜係竟然仲有炒銀針粉食，講真，今時今日要買銀針粉都唔係咁易，仲要有酒樓廚房肯炒，點可以唔叫黎試試呢?賣相正常冇驚喜，睇個色諗住可能唔夠味，食落又唔係喎，好好食喎，可以encore。食完過隔離沙灘行下玩下，一個寫意既週末下午~

一諗起食海鮮我就會諗起屯門嘅三聖村，三聖村裹我就會諗起海天花園酒家!每次食海鮮我地都會首先喺三成村嘅海鮮檔選擇一些新鮮的海鮮,然後再喺酒樓嗰度加工!🤗🤗今次亦唔例外我地揀菜一間記著忠仔既嘅海鮮檔買海鮮，D海鮮好新鮮 而且海鮮的款式有好多選擇! 我地揀左一條三斤重向石斑，一只大龍蝦，一啲扇貝同一啲大聖子 .老闆娘好好見我地買唔得海鮮，之後叫我家寶貝隨便選擇花甲，可以拿得幾多送幾多!🥰🥰 我哋喺首先係海鮮酒家整一個龍蝦伊面，龍蝦好新鮮嘅肉好爽口彈牙再加上的濃郁嘅芝士灑在喺伊面上，成個買相好靚,超好食呀!😋😋😋 我地食整著個蒜蒸扇貝，粒粒扇貝有成五蚊銀咁大粒，蒜香味把整個扇貝嘅鮮味帶出左來~ 謝謝聖子真係有筷子咁長，手指公咁粗，又爽口彈牙,好味到唔停得口😋😋😋其他花甲炒魚片都好好食，值得推介

美食是好吃单服务很差。 出菜也慢一直说来了半个小时都还在等。服务生没有一个人来看看有什么可以帮忙。可是隔壁桌叫就很快， 一看原来他们是有开酒， 是不是有开酒钱可以拿?

1）懷舊的上湯水餃🥟，皮脆但饀料多粉，無咩料。2）豬腳薑一般，薑不夠辣，汁稀咗少少。3）蒸魚頭雲，肉好滑，好味。👍🏻👍🏻👍🏻4）鹹鷄粥，有配冬菜，粥底綿滑，雞肉好味。👍🏻👍🏻👍🏻5）錦鹵雲吞，又一懷舊中式小食、酸甜適中、炸雲吞皮好脆，好開胃。👍🏻👍🏻👍🏻6）軟芝麻糯米糍，煙韌度適中，好香黑芝麻味。👍🏻👍🏻👍🏻7）山竹牛肉球配喼汁，將牛肉的鮮味提升，好味。👍🏻👍🏻👍🏻8）炸糭賣相吸引，可惜太飽了吃不下，朋友打包回家吃，唔知好吃與否。9）薄餅皮脆，完全不油膩，香葱撲鼻。👍🏻👍🏻10）蝦餃蝦好爽口，餃皮厚薄適中，蝦算大粒，好味道。👍🏻👍🏻😋

媽媽60歲生日當然別無選擇地去吃海鮮因我忘記book位心儀的酒店已滿座我和妹妹決定去「海天」咁多年食海鮮都無一家人來這裡吃只是有位朋友結婚在這裡擺酒才到過這酒樓海鮮在三聖漁巿場相熟店鋪買吃了多年、很放心質素多謝老闆埋單但我喜歡這裡不嘈吵枱與枱有少少距離不會太迫食物上枱時間預得剛好我們一行八人點了叉燒吃好像很有名氣的叉燒當然食完無咩特別吃過天龍輕大的叉燒實在找不到另一間更好味😂😂😂😂😂😂😂海鮮煮功好出色特別係清蒸紅瓜子時間剛好配上特別的豉油味我很滿意象拔蚌切得夠薄其實刀功係好影響食物入口的感覺切出來比我想像的大碟鹽局奄仔蟹勁爆膏！我不愛吃膏蟹蟹魔如我最愛吃奄仔蟹勁鮮甜我極愛拆蟹肉整隻蟹都又肥又多膏椒鹽賴尿蝦全都有膏、炸得剛好墨魚刺身好彩好彩無食過配上wasibi醬油超級爽甜豉油皇蝦美中不足是沒有買花竹蝦老公說有龍蝦不用買大花竹蝦但味道真係差很遠🐷上湯龍蝦米粉底嘩。。個米粉好好味！龍蝦肉超彈牙最後吃了壽包美滿的生飯媽媽超滿意埋單$21xx海鮮$4200開心⭐️⭐️⭐️⭐️⭐️

今日同fd去屯門三聖海天花園酒家, 呢到是要自行在樓下的海鮮舖頭，買完再拎去俾人加工, 坐得舒服，樓下海鮮檔種類選擇多 , 薑蔥炒蠔材料新鮮, 炭燒义燒帶甜肉汁好好味, 蝦肉鮮甜刺身, 龍蝦比例好好，正呀，不過服務員明顯不足！有好多時都要等好耐！不過不失，可以再去！

地點： 方便易搵，坐得舒服，樓下海鮮檔種類選擇多，價錢相宜，老實唔呃秤，係面前簡d靚既俾你，死左既就羅走，絕對貨真價實服務： 招呼好，有笑容，有禮貌，食物：材料新鮮所以點整都唔差，最大驚喜係1.) 薑蔥炒膏蟹，蟹膏多到爆瀉成碟都係，薑蔥入味，2.) 豉油王花竹蝦，大隻爽甜，味道剛好唔太鹹，3.) 椒鹽瀨尿蝦，蝦肉鮮甜但椒鹽味道略淡，4.) 砵酒焗生蠔，蠔肉火候剛好但酒味唔夠，5.) 蒜蓉粉絲蒸聖子，蒸過火位，食落銀，6.) 果皮蒸南非鮑魚，爽脆但無鮑魚味，7.) 辣酒煮花螺，辣味淡， 螺肉鮮嫩，火候控制好，唔會銀再加幾味小菜，1.) 咕嚕肉脆身，汁醬甜酸剛好，2.) 核桃牛仔粒，淋滑，最驚喜係配料茄子，拉完油，夠入味，唔會淋到一pat野總結：食海鮮不二之選地方，材料新鮮有保証，價錢相宜，個人覺得一定好過西貢/流浮山，

今日同一家人專程黎屯門食海鮮之前一路都黎開依間食慣咗會起附近海鮮店買自己想食嘅海鮮然後攞上酒樓俾錢佢地煮黎食仲可以自己選擇想每碟點煮 要咩汁之後再計返煮工錢同另加材料👇🏻1. 芝士焗龍蝦伊麵龍蝦厚肉 配芝士好味 不過芝士伊麵易‘漏’2. 蒜茸蒸貴妃蚌3. 薑蔥焗本地生蠔4. 油泡班肉配西蘭花啲班肉煮得好香 啲魚好新鮮又有啲彈牙 不過成碟野鹹咗同油咗少少5. 豉油炒聖子6. 即點嘅招牌托地叉燒啲叉燒唔算多肥膏 夠淋 好有蜜汁味 好食👍🏻好滿足🤤黎得食海鮮預咗貴但係咁嘅水準真係值一年間中黎食幾餐慶祝吓都幾開心因為平日甚少機會食😋令每一次都好特別同寶貴