海天花園酒家

营业中

休息中

很多人說三聖吃海鮮很貴, 但我想是看你怎麼選. 我這次連買海鮮和加工, 茶錢等, $400/人. (不過海鮮的量不算多, 每樣一點, 剛好)我去過幾次三聖吃海鮮, 左逛右逛還是到了同一家買海鮮, 每一次質數都很好, 所以也有信心介紹一下"榮利海鮮"~ 而加工酒家, 我之前是去另一家的, 但朋友介紹海天, 也試試新的!星期天中午一點多到, 餐廳坐滿滿的. 還好等了十五分鐘左右就有桌子. 環境不錯, 很光亮, 坐窗邊會有海境. 服務帶位的禮貌差一點, 送菜的都很好. ⚜鹽焗奄仔蟹🦀家裡很難弄, 鹽焗原汁原味, 蟹用鹽焗的確很好! 奄仔蟹每隻都很多膏, 肉也甜. 鹽不會太鹹, 就是剛好!⚜ 蒜蓉蒸聖子超鮮甜, 可惜老了一點點. 蒜蓉粉絲都多, 豉油略鹹.⚜ 脆皮芝士焗龍蝦🦞因為未試過試一下. 上面的脆皮夾著片裝芝士，用來調味還好, 但和龍蝦一起吃會太搶味. 龍蝦本身不算很甜, 但肉質很好.⚜椒鹽鮑魚也是試新口味. 但椒鹽和鮑魚感覺很獨立..簡單說, 不太配. 但椒鹽和鮑魚分別都好吃⚜蜜汁叉燒 $180🐖很貴的一碟叉燒. 但本身的豬肉超香, 肉很軟多汁! 蜜汁的調味也出色, 甜得來不會膩!⚜時

大老遠黎屯門黃金海岸渡假，梗係去附近三聖村食個海鮮餐，點知….中伏，難食。1. 加工煮既海鮮，水準之下，浪費佐新鮮既海鮮。2. 上菜海鮮已經凍哂，擺入口都冇鮮味、冇溫度，正常新鮮海鮮有鮮味，點解可以煮到好似冰鮮海鮮咁既味。3. 加工費仲貴過D海鮮，有單有真相4. D服務員冇服務，冇記性，樓面都冇人要招呼，我地坐房冇人理。乳鴿4隻白灼蝦象拔蚌刺身上湯龍蝦伊麵粉絲扇貝油鹽水花甲豉汁蟶子龍蝦海鮮粥例湯以後都唔會再黎食5位大人，每位連海鮮$714.00除咗個刺身之外，其他因為煮得個賣相太差都唔想影相。

今日約左兩個朋友去三聖食海鮮，佢地住元朗，我就天水圍，夠哂方便。搭西鐵，到屯門站轉505輕鐵，三聖站落車行一陣就到。去發記買左三隻南非鮑、九隻花竹、三隻北寄貝，一共$500加工就去海天，坐得舒服啲，加上今日星期二，冇乜人上一樓坐低，叫左香片滾水，講低點煮海鮮，再叫左個上湯菜心、廚皇炒飯第一樣上豉油王花竹，香噴噴，豉油香撲鼻，隻隻炸得卜卜脆，連殼食正到痺第二樣係清蒸南非鮑，蒸得啱啱好，最重要鮑魚夠新鮮，鮮味到不行，入口彈牙無比第三樣蒜蓉粉絲蒸北寄貝，又係好新鮮，個粉絲吸哂個汁，好好味，個貝又鮮味上湯菜心同炒飯都正常，個炒飯好多料，但個脆米略嫌多餘，脆脆口感配落炒飯唔多夾

復活節假期第4天同朋友去海天飲茶，超難食。 XO醬蘿蔔糕，全部是面粉，錦鹵雲吞又係全是粉，中間又唔熟，朋友家既姐姐整得仲好食，上湯煎粉果，一樣，又係全是粉， 超失望呀。

海天真係令我返咗轉頭好多次平時叫嚟叫去都係嗰幾味今次想試吓新嘅🙈我先講咗我覺得好食嘅先亦都係我每次嚟都會叫嘅 當然海鮮我係喺出面啲海鮮當買入去加工嘅海天整嘅豉油王蝦碌真係好好食 豉油味好足夠但係又唔會太鹹蝦都炸得好脆豉椒炒蜆今次唔知點解冇我上次食嘅咁惹味但係都唔會太差 亦都係味道唔會太淡嘅好味椒鹽瀨尿蝦基本上係每次都會食嘅 佢哋加工嘅椒鹽係好好味嘅上面啲椒鹽粒粒亦都好多我係會用啲椒鹽粒你撈飯嘅😂係時候講吓啲失望㗎啦平時買花螺都係白灼 其實我喺度諗白灼駛乜出酒樓食啫咁你試吓佢個辣酒煮花螺囉點知真係衰左 係完全冇辣味冇鹹味係得啲少少鹹同少少辣嘅湯咁樣浸住 😅😅😅真係以後都係嗌返平時食開嗰啲就算 試新野通常都賴嘢😂😂😂

2021-2 -20 －剛好政府放寬咗食肆晚市堂食，和家人出嚟食飯。本來高興興的，不過因一位唔老實嘅男經理，而搞到這餐飯有D掃興。事緣我哋買左隻龍蝦，要上湯伊底，等左好耐，遲遲都未上，而我見到對面枱遲過我哋入座，反而上了一碟上湯龍蝦，我見到佢哋對住碟龍蝦不停影相，之後，叫左經理嚟話佢哋叫了芝士牛油底，這碟唔係佢哋。這班酒樓經理才恍然大悟原來放錯左枱，這刻，我知道這碟應是我哋嘅。嗰個男經理捧番碟嘢經過我哋面前入番廚房，過了5分鐘，由另一邊若無其事捧番同一碟嘢上我哋張枱，我就火都嚟啦.....問佢碟嘢係唔係頭先對面嗰碟，點知佢又食左誠實豆沙包話"係''，人客冇食過，冇問題，但我話我有問題。因對面人客冇帶口罩影相，我哋又有老人家，我不收貨，經理話幫我買過隻龍蝦補數。我好彩發現到姐，如果唔係………，大家可以想像得到!利申，食物質素ok，保持水準!

對一間食肆來説，能夠保持食物水凖是很重要的。海天花園酒家可算是其中之一，我與家人一年才來兩至三次，但每次都食得開心。今天與老公放假，他提議入來食lunch，梗係舉腳贊成。海天在屯門三聖村，獨立式房子，樓高三層，地下入口有一錦鯉池。不知是否受疫情影響，不開地下，全部集中一樓。點心紙無乜大改變，也有炒粉麵飯。我們叫了4個點心加一個咸雞粥。最先上枱的是菠蘿叉燒盞（$21.8）。這個菠蘿义燒盞雖然細細個，酥皮做得夠厚，香甜鬆脆，餡料有好多义燒及燒汁，好好味！😋😋😋高湯鮮竹卷（$21.8）是將傳統鮮竹卷先煎香，再放回充滿韭黃的上湯。鮮竹卷有豐富餡料，豬肉丶冬菇丶蝦⋯等，填得漲卜卜的。加埋一半煎脆的及一半浸軟的腐皮，多重口感，味道獨特而吸引，Yummy! 👍🏻👍🏻👍🏻蟲草花蒸棉花雞（$35）也是水凖之作。雞肉厚身而滑溜，食落有鮮甜雞味。花菇又厚又大，加埋吸晒汁的厚魚肚及蟲草花，是我食過最好食的棉花雞之一。😍😍😍豉汁排骨蒸腸粉（$39）也是出色之作，以前是陳村粉做底，現在改了腸粉。它的腸粉不是最薄，但滑溜，加咗排骨肉味及豆豉汁，好味。排骨是少骨多肉，帶少少肥，肉質鮮嫩，食落軟滑多汁，一流。😋😋😋本來

成班舊同學每年一次嘅敘舊，佢哋話想食海鮮，我安排咗係三聖邨「海天」呢度食海鮮，因為「海天」口碑都唔錯。係三聖邨食海鮮在交通上較方便，流程同西貢，流浮山一樣，一入到村就見到一排海鮮檔，而且生猛游水種類豐富🦞🦐🐟，選海鮮時已經大家已經很興奮開心。然後自攜海鮮去酒樓，請廚師烹調。我哋有：陳皮蒸鮮鮑魚、象拔蚌刺身、白灼海蝦、清蒸海班及芝士龍蝦伊麵底。海鮮新鮮，加上廚師烹煮海鮮時間掌控得十分好，好味。最為欣賞嘅係芝士龍蝦伊麵底🦞，我哋買咗最好味嘅澳洲龍蝦，濃厚芝士汁掛滿龍蝦肉，啖啖肉，又惹味又彈牙；仲有陳皮蒸鮮鮑魚，同學笑說有鮑魚食，好像特別豪氣🤣，廚師烹調鮑魚時間掌控得十分好，鮑魚十分彈牙鮮甜。我哋仲係酒樓點咗燒鵝一隻，大大隻新鮮出爐，皮脆肉香的燒鵝，個個食到舔舔脷😋。每道菜一上怡，大家都嘩嘩聲，然後就暴風式咁食晒，哈哈😆，加理啤酒汽水，每位盛為$650，大家都食得好開心，好滿足。

呢一間係屯門幾有名嘅海鮮酒家， 最大嘅特色係有靚靚海景睇， 咁當然食環境自然價錢會貴啲， 我認為係偏貴㗎， 不過水準都還ok， A - 。啲蝦餃皮係比較薄， 唔會咬落去好鬼死硬， 另外燒賣上面有一塊薄薄嘅鮑片， 雖然唔係啲乜嘢好特別嘅創新， 但都呼應咗佢海景海鮮呢個主題。 特別推介係味菜牛柳絲炒麵， 都真係幾好食， 炒麵炸得好香脆， 加埋三色椒切絲洋蔥， 個汁甜甜地辣辣地， 好嘢未。 最後食咗320蚊四樣餸， 包括兩碟炒嘢同埋兩籠點心。

今日帶左男朋友爸媽去三聖食海鮮竟然係佢地第一次黎三聖之前佢地都有去西貢 鯉魚門食 希望三聖無令佢地失望啦 因為我不停話價錢好合理又好食一黎到三聖 當然去揀海鮮先啦 去左發記買之前黎左幾次 都係呢檔買 都覺得幾好 唔會呃人我今次黎既主要目的 係為左瀨尿蝦 老闆見我地4個人 話買2隻大 開邊就夠晒啦之後仲買左4隻大扇貝 一人一隻 2隻中size 琵琶蝦 原來男朋友爸媽又係未食過 當然要試下啦最後仲買左啲花甲Total 4款海鮮 $1040一到左 吩咐完啲海鮮點煮 mark好數量 就等食啦餐前小食竟然係雞腳 正呀 一啲都唔硬 又入味男朋友媽媽想食燒鵝 叫左個例牌 4個人食岩岩好 算係大碟 鵝肉夠 有鵝油 但唔係油膩個汁又夠味 皮都算脆 😋😋第一款海鮮 就上左個蒜蓉粉絲蒸扇貝大家都覺得好好食 個蒜係金銀蒜呀😋😋😋粉絲又吸晒啲蒜味 扇貝又蒸得岩岩好海鮮除左要新鮮 時間既控制都要岩岩好一蒸耐左 就會浪費晒下一道 就係我最期待既瀨尿蝦新鮮既海鮮 清蒸係最好食 最原汁原味但瀨尿蝦識食 一定係椒鹽賴尿蝦 真係最夾既食法可惜 我最期待既野 令我失望左一上枱 見到個蝦身咁油 就知岀事了正常應該要乾身啲食落

今次係響疫症下限制4人食飯，返工食飯時段去海天同兩個同事飲茶，可以去到海天飲茶都幾開心架，因為好耐之前食過，都覺得景又好、野食又唔錯，都幾鐘意食，最緊要係食得出新鮮我地都叫左好多碟，包括有竹炭小籠包(其實特別係個外表黑色，不過都做到湯包效果)、竹炭流心奶黃包(味道唔錯，最開心係做到流心效果，因為有d酒樓送到上檯時，其實已經無左流心，只係得個蛋黃響入面)、棉花雞(又一足料之選，係有好多魚肚架，仲有配埋冬蟲草)、露筍魚腐卷(唔係好記得個名)、排骨腸粉、紫菜蝦卷、素粉果、XO醬煎蘿蔔糕、鳳爪、上湯浸時蔬、黑松露菇包(個外樣做得好有趣，好似冬菇個外皮，食落味道好豐富又足料)，大約好似係叫左咁多，我都唔係太記得，因為一黎到都係掛住食，無逐樣逐樣影相係簡單影左個合照，除左係肚餓關係，仲因為每款野食都好大份，我地3個人都食唔灑，仲要係超級滿足呀

今日同豬先生山長水遠去屯門食飯行街，突然唸起三聖有得食海鮮，即刻搭車去三聖。朋友推介我地食海天，隔離有好多間海鮮檔比客人買海鮮加工。海天本身冇提供海鮮，一定要自己買上去。我地買左聖子，鮑魚，東星斑同一袋魚煲雜魚湯。海天既服務質素好好，成個環境唔錯。我地叫左蒜蓉蒸聖子，果皮蒸鮑魚，清蒸東星斑同魚湯，全部豬先生發板。講左魚湯先，好鮮甜，而且好大煲，夠四至五人分，絕對係100分佳作，必飲！其他海鮮加工都好有水準，好足料，條魚蒸得岩岩好，唔會過火，聖子爽口彈牙。大食既豬先生叫左個白飯，我就岩岩好，想入屯門食海鮮不妨試試衣間。

今天專程到海天吃晚飯，平日都是吃海鮮的，今次就想轉一轉口味，試試他們的小菜是否有水準。🍲大澳蝦糕唐生菜煲生菜爽脆，配上蝦膏的香味，很好吃。🍲蜜汁叉燒叉燒是厚切的，帶有少少的肥肉，比例好，叉燒汁有蜜糖的味道，肉質也10分好，是一道不錯的錯。🍲紐西蘭帶子賽螃蟹賽螃蟹一般很少有帶子。這個賽螃蟹拌著陳醋一起吃，好味。紐西蘭的帶子爽口彈牙，但甜味略為不足。🍲荷香紅糟蒸鮮魚柳很特別的一道菜，加有金針木耳等一起蒸，紅糟配上魚柳，魚柳鮮味，而且沒有骨，是怕魚刺的朋友不錯的選擇。這裏的小菜味道不錯，而且價錢不貴。

正所謂一年容易又新年🤣，又嚟到食團年飯嘅日子，今年又呢到海天食團年飯🍲，我哋一早預先一個星期已經訂咗位🤫，因為根據以往嘅經驗，團年飯嘅日子如果唔訂位就冇得食😜，今日我哋買咗幾樣海鮮，包括有一大扎蟶子、十隻鮑魚、一條東星斑、一桶桶蠔、十隻大蝦(一隻手板咁長)，仲有十隻大扇貝🤑🤑，雖然今晚人比較多，但係海天嘅品質我哋從來冇失望過🤩，無論色香味，各方面都做得好好，另外可以推薦嘅，係佢哋嘅燒鵝🦢，皮燒得好脆 肉嘅口感亦都好好🤪，不過我建議大家平日嚟食，因為根據以往經驗，平日嘅品質會更好😉😉

冬至飯全家總動員去食海鮮🦞今次我哋買咗海鮮去加工，上菜速度都算快，同埋佢哋嘅瑤柱蛋白炒飯好好食，餐廳仲有代客泊車，附近仲有好多海鮮譜可以買海鮮去加工，我覺得值得推介一家人去食