海天花園酒家

营业中

休息中

一直喺屯門元朗食飯都冇介紹過食海鮮，今次適逢朋友嘅生日一行六人過嚟三聖邨食海鮮，講到三聖邨老字號得來又夠出名嘅莫過於今次幫襯既「海天花園酒家」，海天花園酒家之所以名號咁大，係因為佢喺2008年嘅華爾街日報得到獎項，而且多年來多位達官貴人都係依間酒家嘅賓客。 先講講地理環境，喺三聖邨食飯非常適合揸車人士，有三個露天停車場一個有蓋停車場，亦好容易搵到價錢相宜嘅代客泊車服務，又或者你唔係揸車嘅人士，依度就近輕鐵站巴士站或者係紅色小巴一樣去到附近。 今次介紹嘅三聖邨食海鮮有別於其他地方食海鮮，依度食海鮮必須要喺下面嘅海鮮檔攤選取心儀嘅海鮮，然後攞去任何一間餐廳做加工，因為海鮮檔攤同餐廳係冇任何關係，而餐廳都唔會設有任何養海鮮嘅設備，所以應該唔會偷龍轉鳳。 今次飯局嘅首要係要去海鮮檔買平靚正既海鮮，根據朋友介紹，有免費泊車嘅攤檔，海鮮售價一般比較貴，至於去邊間會比較新鮮比較平就真係唔同人有唔同嘅心得。 我哋去咗一間店面比較舊嘅老字號選購完心頭所好，就帶着一袋二袋行上海天花園酒家，因為一早訂咗枱關係我哋好快可以就坐，侍應問完我哋

要數大件夾抵食的平民王牌午市茶，個人推介就非海天莫屬。價錢單價，海天不一定最平，但每碟食物的份量，的確是幾可稱霸的。個人至愛：每次必點的是沙薑鮮雞腳。外面一般製作雞腳/鳳爪都是用雪藏的，但這裏註明沙薑雞腳是用鮮雞腳。雖然我沒有真的去考究，是否每一隻都是鮮雞腳，但的確每一次吃的時候，雞腳都沒有雪藏味，配上滿滿的薑葱實在是好吃。拖地叉燒是海天另外一個皇牌。這次沒有叫上原條的叉燒，只是點了一個叉燒瀨；這裏最令人滿足的地方是，不單只叉燒好吃，瀨粉也很好吃，吸湯而不爛，很大碗，令人感到滿足。韭菜豬紅是用煲仔上的，以往味道很不錯。但今次在點的時候，味道淡了亦略咸。可能這個菜式真的要撞彩才好吃🤷‍♀️生滾咸雞粥亦是必點之選。當然如果很怕肥膩的話，實在不應點這個生滾鹹雞粥，因為 生滾粥的香味就是從雞油而來。滾粥啲雞亦很嫩，一點也不嚡。本人本來不算太喜愛煎薄撐，但是小小孩很喜歡這個。海天的咸薄撐煎得很香口，但葱味不是太多。愛葱之人可能會失望一點😌煲仔飯是我們今次的新嘗試。因為冬天來了，很想試下這裏的煲仔飯。煲仔飯的北菇滑雞都很嫩口，亦有很多飯焦；但相比街外的小店，這裏的火候還算是文火一點，欠缺了炭香煲仔飯

公司活動完咗搞慶功宴，去左食海鮮既天堂：三聖邨👍🏻 之前已經黎過一次，好平又搞得好食✌🏻 但泊車就難咗少少，所以揸車就麻煩啲🙈 我地先到海天花園酒家拎左位，再落去街檔揀海鮮✌🏻 呢度呢海鮮都好新鮮，不過就小心俾人呃秤～ 我地叫左好多款，俾左錢，佢就派人拎上去整🤣 最好食既一定係鹽焗蟹，瀨尿蝦同蟶子啦🤣 我唔記得全名啦，但佢蟹既肉好鮮甜好香，好足料，蟹膏好多，流哂岀黎！ 瀨尿蝦就又大又入味，有少少辣，但整得好滋味，好食👍🏻 蟶子係我最愛，好難整，但整得恰到好處，唔會太韌，唔會好腥👍🏻👍🏻 好正！啲汁入哂蟶子，送飯食一流😍

一圍11人，想食海鮮，就浩浩蕩蕩咁去咗海天。但周末去嘅話，一定要訂位！萬一揸車去想泊佢哋嘅停車場，就更加要6點就到！否則6點15分可能已經爆滿！喺海鮮街好似同D有殻嘅海鮮有仇咁，揀呀買呀。除咗要買新鮮、更加要買時令！一邊買，又可以同檔主問吓意見，用乜嘢方法烹調，正！11人買咗$3,400料。海天煮8個海鮮嘅加工費，再加叉燒、燒腩仔、另3個小菜，埋單$2,900。個個都食飽飽！好滿足！如果俾5、6百蚊去食自助餐，其實用呢個價錢食海鮮，可能更精彩！

今天下午與老公見天氣OK，不如去濕地公園走走。由於出發時間已十二點幾，我們先去屯門「海天花園酒家」祭祭五臟廟，然後再出發。如果自己揸車，從這裡出發，不用半小時便可到達濕地。這裡的裝修簡潔，枱與枱之間不會太迫，我們被安排坐窗邊角落，旁有大窗，十分舒服。同大部分酒樓一樣，上茶時會同小食一齊上，是炸魚花生，可惜炸魚一點也不脆，雖然不咸，但味道普通👎🏻。茶反而是靚茶葉，很香醇，冲泡幾次也不會苦澀。點心選擇很多，亦有午市特價粉麵。為咗可以試多D點心，我們決定不食炒粉麵（$68），雖然這個價錢很吸引。1）菠蘿义燒盞:（$26）：一見已經流口水😋，它那厚厚的菠蘿酥皮面，十分之香口惹味。加上餡料十足的义燒和鬆脆餠底，入口香濃的义燒味和鬆脆口感，絕對是必食之選👍🏻👍🏻👍🏻。2）高湯鮮竹卷（$19.8）：平時食的鮮竹卷都是蠔油芡，「海天」用清甜的高湯，加上韮黃菜，不單止外觀更美，更能食到鮮竹卷本來的味道。鮮竹卷的腐皮又薄又滑，帶有腐竹香味。內裏的豬肉絲丶紅蘿蔔絲丶冬菇絲等等，既足料又勻稱，食落清甜而不滯，反映師傅功力，是又抵食又好食的佳作😋😋😋。3）海天燒賣（即鮑魚燒賣）（$37）：同上面2個點心比，這個

黎親三聖都係食海鮮，但今日就去海天食下點心飲早茶。由於三聖海鮮愈黎愈多遊客黎，多左人識，搵位都要靠彩數。海天點心不比晚市海鮮失色，大部份的點心都食得出廚師的功架同用心。XO 醬蘿蔔榚比坊間一般的乾身及香酥，大概是廚師先將蘿蔔榚炸脆，再加上XO醬爆炒，有如避風塘炒蟹的做法。友人讚不絕口。海天名物「拖地叉燒」更是必點。在中環區工作，已嘗過不少著名中菜館的叉燒，惟海天的叉燒仍佔我心中的一席位。肥瘦均勻，外皮焦脆，淋上麥芽糖汁，恰到好處。一口白飯，一口叉燒，甘香的豬油在口中散發開來。哈！高興！菠蘿叉燒盒有驚喜。認知中的菠蘿叉燒盒，以為是與菠蘿叉燒餐飽是同一族群。（見識少，哈）點估到呢個叉燒盒外皮鬆化，帶點甜，加上咸咸香香的叉燒醬。咦？幾夾WOR。最後以麻蓉軟糍作結，可能人生中試過太多「伏味濃」的軟糍，呢碟軟糍外皮軟滑不死甜，黑芝麻蓉香氣足。啊！很滿足。

由大堂攞位阿姐至到部長經理全部一律冇禮貌到極點，俾錢仲要受佢哋氣，價錢又唔係特別平，冇必要幫襯呢間，以後不會再來，食到一肚氣，埋單俾錢時連多謝都冇聲，香港有d咁嘅服務真係影響晒香港形象

屋企人生日，慶祝生日就緊係要食好D而屋企人就至愛食海鮮的我們就選擇左去屯門三聖海天花園酒家！呢到是要自行在樓下的海鮮舖頭，買完再拎去俾人加工的！D食材就一定新鮮到爆清蒸海蝦，好有鮮味，口感不錯！叉燒，肥瘦豐富腴兼備，邊位有些燒焦，入口鬆化而帶點蜜甜的肉汁！燒腩仔，脆卜卜，不肥不瘦勁好味最後要叫左兩碟無得輸蒜蓉粉絲大扇貝，扇貝手掌🖐️咁大隻新鮮爽口，粉絲份量勁多，勁入味清蒸龍躉，肉質嫩滑，魚味鮮甜！蟹飯啖啖肉，勁多蟹膏，再加上糯米飯簡直絕配琵琶豆腐，之前食過好好味，但今次失晒水準！失望屋企人生日，又點少得壽包！壽包好像拳頭咁大！入面仲有蓮蓉蛋黃！好好味

冷氣不足，要求職員開大冷氣，但態度惡劣，不肯安排加風扇，語帶恐嚇。一心想同屋企人假期開心飲餐茶，但最後不歡而散。點心價錢不算便宜，而且不太特別。勸各位唔好黎，費時食到一吐氣。

芝士焗龍蝦。本身只係想食一個特別菜式所以黎海天。點知足足100分鐘先至上到菜。其實一早已經食晒其他菜式再等了半小時先至見到我哋最想食的主菜。當其時氣憤不得已。沒有打包更加沒有食便離開了。

今晚四人原本想訂xx 名門 不過沒位。 記得這間最大個招牌 打去試訂好彩 有位 ～ 平時去開 關xx 買海鮮 但今次見沒琵琶蝦 所以改了去發x ！ 買了琵琶蝦、蟶子、 瀨尿蝦 三款芝士脆焗琵琶蝦、 豉汁炒蟶子炒米底、 䒱瀨尿蝦 、招牌义燒 及薑汁芥蘭 。 厚切义燒都算滑！ 但又不算特別~ 蟶子炒米 不錯 炒米香口蟶子 夾口 正瀨尿蝦沒什麼特別只是䒱 可能现在是人工養 殖 唔多彈牙！ 芝士脆焗琵琶蝦 很好 脆粉適中 香口 薑汁芥蘭不會太油 幾好吃過三間芝士脆焗這間見工夫值得再去食呢個菜。 煮功費也合理

去到屯門搵食 有咩理由唔去三聖邨既海天花園酒家尋覓高質既海鮮呢😍身為一個海鮮愛好者 黎到海鮮酒家絕對唔少得花蛤 扇貝同鮑魚啦🍴豉椒炒花蛤 淨係聞落去都feel到佢個種鑊氣 食落去 簡直抵受唔到要食第二粒既衝動😭粉絲蒸扇貝 唔單只個扇貝有味 連啲粉絲都入晒味 一啖食得肚真係回味無窮😵至於薑蔥炒鮑魚 佢係無花無假完隻鮑魚炒 食落去唔會太硬 個質地岩岩好 加埋薑蔥吊一吊味 成件事即刻昇華左❗呢間海鮮酒家既水準 一定唔會比西貢既海鮮差好多 值得大家慕名而去試一試

一行6人叫左9個餸，樣樣都好食，好滿足！大廚煮得好，無一樣令人失望。服務方面就個別人士啦，有d ok，有d就無咩表情，d 野要叫兩次先黎，但overall 都可以接受既。埋單$2000蚊，未計買海鮮既錢，其實唔知算唔算貴🤔條象拔蚌切得好靚，刀功一流

小䱽有幸獲邀到林總的晚上聚餐，一於由土瓜灣乘坐超過兩小時的車程，到了屯門三聖邨旁的海天花園酒家共嚐當地時令海鮮。鯉魚門、西貢、屯門三個地方都是嘗海鮮的最佳聖地，皆因物流速度迅速，海鮮一般都空運抵港，保證新鮮。姜蔥炒肉蟹豉油皇煎封深海海蝦豉汁炒蟶子香濃雞湯燉翅乳豬全體清蒸東星斑酥炸一口砵酒蠔酸甜黑豚柳高湯娃娃菜客人可在附近街市選購或自備海鮮，然後讓海天酒家的廚市烹調，客人亦可選擇自己喜歡的烹調方式及配料，能做到humanisation 的就是如此。

收費：120000味道：平均值服務：極差 35分鐘連頭盤一共上左4味野 其中15分鐘無人收拾唔要嘅碗碗碟碟 浪住客人食陽台的西北風 期間服務人員來回數十次 若無其事的無理會 直至出聲要求先有所行動 上菜速度極慢 收費如此昂貴 服務質素未能達到應有水準令人極其失望會否番食： 自己煮好過 金玉其外 敗絮其中 鍾意食環境的人士可以考慮 我就死都唔會再黎