浪人日本料理 (已結業)

早排收到張傳單，知道呢度開左間日本菜，見佢張傳單咁靚，又唔係好遠，就決定要黎試下！同事好nice咁幫我地訂左位，但係一黎到，個Host好似好奇怪我地話book左位咁。講左一陣之後，佢叫我地等等，等既時候我地周圍望下，見佢啲裝修都幾靚，門口有個流水石牆既擺設，入面接待處既位置個度好寬敞，幾乎可以擺多1至2張4人枱。等左10至15分鐘左右，終於有位了(其實係咪冇mark低book左枱呢？)。入到入面，裝修好別緻，好寬敞，坐得都好舒服。睇睇Menu，啲野食相幾靚，價錢都唔算平平均100至130蚊一個午餐，我地帶住傳單，有杯野飲送，同埋9折優惠(其實最後免左加1服務費)，我今餐叫左咖喱吉列豬扒飯加杯錫蘭檸檬茶。首先黎既係杯餐飲，錫蘭檸檬茶，其實冇咩特別，幾乎可以話係淡啲既維他倒落杯飲。之後我既咖喱吉豬飯到喇，同Menu相真係差唔多，唔似出面有啲餐廳簡直係欺騙觀眾。佢個套餐入面有跟沙律，面豉湯，冷盤小食同醃黃瓜。但前面所有野都唔係主角，焦點絕對係我個咖喱飯度！先試試個咖喱汁，味道唔差，但同食慣既日式咖喱有少少唔同，平時日式咖喱多數係甜甜地配細細粒既紅蘿蔔同薯仔，呢度既唔甜，有啲似係港式咖喱，咸味

E小姐食過後推介畀肥柑，肥柑決定同肥柑太去食個lunch，12點40分去到，雖未到好人山人海，但係就傳出震耳欲聾既小朋友叫囂聲，之後又見幾個細路係度走黎走去，唔知仲以為黎左遊樂場，好在餐廳裝潢幾靚，而無論坐位、氣氛亦好有日式料理既風格。肥柑夫婦二人睇左餐牌後再選擇左壽司定食($148)同埋豚生羌燒定食($108)，太太唔食三文魚，同侍應講左之後，佢叫廚房換左八爪魚壽司。定食有沙律、前菜(辣螺肉)、麵豉湯、烏冬加壽司(三文魚<變左八爪魚、帶子、海鰻、魷魚、腐皮、太卷、鱆紅、油甘魚)沙律以柚子汁伴生菜、車厘茄等，易入口之餘仲好開胃，而值得讚係佢地將車厘茄切開，方便客人食用，呢樣野出面好多料理都唔會做，反映佢地有為客人設想。前菜既螺肉配粒粒青瓜，兩者配搭非常巧妙，螺肉煙韌彈牙，而青瓜粒爽脆多汁，食落層次分明，每啖都有新鮮感。麵豉湯算足料、蔥花、腐皮絲、豆腐及昆布，以唔濃味既白麵豉開出一個易入口，後調唔強既湯，飲完之後，唔係留有太多味係口腔，方便之後食主菜。主菜壽司用料新鮮、雖然用料大路，但每款都非常新鮮，海產既自然鮮味無需要用太多醬油配合就可以自行突出，可見店舖買食材反面下過功夫。可

上星期某日，在灣仔行人天橋拎了一張四四方方的單張。一看，原來是一間叫「浪人日本料理」的新店。是日，原約了好友飯聚，惜其因病請假，未能走約。小妹慘被放鴿子，只好一個人出去搵食。在茫茫然不知去哪時，想起了浪人，孤家寡人的小妹就一個人去嚐新了。浪人日本料理位於人氣長期鼎盛的新高麗苑韓國餐廳對面，相比起後者的門庭若市，新開張的浪人顯得有點兒冷清了。或許，甫見到浪人高貴有格調的門面裝潢，灣仔錙銖必較的上班一族望而生畏，未敢貿然進去用餐了。小妹約十二點半去到時，時間尚早，店內空無一人，又是四圍影相的大好時機了,Yeah﹗小妹蠻喜歡浪人以淺色系實木為主調的裝潢佈置，予人簡樸自然，實而不華之感。 浪人樓底高，空間也頗大，靠窗口位置，望向駱克道，是一排排六人座的軟氈卡座；中間至近開放式廚房的地方則擺有兩人、四人或六人的枱凳。枱與枱之間頗為闊落，毫無擠迫之感。小妹雖隻身前往，侍應也毫不怠慢，且安排於窗口卡座就座，太棒了﹗﹗靠牆角的一側，有一大幅禾稻的凹凸油畫，綠意盎然，營造出親親大自然之感。午市有最貴的兩款浪人推介$188；六款其他系列由$88-$98，除主菜外，包前菜、味噌湯和沙律；以及十二款精選系列，