影片
更多
2014-07-03
3448 浏览
E小姐食過後推介畀肥柑，肥柑決定同肥柑太去食個lunch，12點40分去到，雖未到好人山人海，但係就傳出震耳欲聾既小朋友叫囂聲，之後又見幾個細路係度走黎走去，唔知仲以為黎左遊樂場，好在餐廳裝潢幾靚，而無論坐位、氣氛亦好有日式料理既風格。肥柑夫婦二人睇左餐牌後再選擇左壽司定食($148)同埋豚生羌燒定食($108)，太太唔食三文魚，同侍應講左之後，佢叫廚房換左八爪魚壽司。定食有沙律、前菜(辣螺肉)、麵豉湯、烏冬加壽司(三文魚<變左八爪魚、帶子、海鰻、魷魚、腐皮、太卷、鱆紅、油甘魚)沙律以柚子汁伴生菜、車厘茄等，易入口之餘仲好開胃，而值得讚係佢地將車厘茄切開，方便客人食用，呢樣野出面好多料理都唔會做，反映佢地有為客人設想。前菜既螺肉配粒粒青瓜，兩者配搭非常巧妙，螺肉煙韌彈牙，而青瓜粒爽脆多汁，食落層次分明，每啖都有新鮮感。麵豉湯算足料、蔥花、腐皮絲、豆腐及昆布，以唔濃味既白麵豉開出一個易入口，後調唔強既湯，飲完之後，唔係留有太多味係口腔，方便之後食主菜。主菜壽司用料新鮮、雖然用料大路，但每款都非常新鮮，海產既自然鮮味無需要用太多醬油配合就可以自行突出，可見店舖買食材反面下過功夫。可
肥柑夫婦二人睇左餐牌後再選擇左壽司定食($148)同埋豚生羌燒定食($108)，太太唔食三文魚，同侍應講左之後，佢叫廚房換左八爪魚壽司。
定食有沙律、前菜(辣螺肉)、麵豉湯、烏冬加壽司(三文魚<變左八爪魚、帶子、海鰻、魷魚、腐皮、太卷、鱆紅、油甘魚)沙律以柚子汁伴生菜、車厘茄等，易入口之餘仲好開胃，而值得讚係佢地將車厘茄切開，方便客人食用，呢樣野出面好多料理都唔會做，反映佢地有為客人設想。
前菜既螺肉配粒粒青瓜，兩者配搭非常巧妙，螺肉煙韌彈牙，而青瓜粒爽脆多汁，食落層次分明，每啖都有新鮮感。
麵豉湯算足料、蔥花、腐皮絲、豆腐及昆布，以唔濃味既白麵豉開出一個易入口，後調唔強既湯，飲完之後，唔係留有太多味係口腔，方便之後食主菜。
主菜壽司用料新鮮、雖然用料大路，但每款都非常新鮮，海產既自然鮮味無需要用太多醬油配合就可以自行突出，可見店舖買食材反面下過功夫。
可惜壽司下既飯就破壞晒成個定食，將之前一切得黎既分數都付諸東流。
首先個壽司飯係暖既，飯未放涼就已經用黎做壽司，飯既餘溫令魚生變暖影響左味道；其次，飯既黏性不足，筷子一夾起，很快便會散開，細心觀看飯團，看到飯粒與飯粒之間沒有緊密黏在一起，原因可能有三，一是飯本身的質素不佳，二是煮熟的飯從鍋內拿出放涼時，沒有加添醋，三是扼壽司師傅的手勢不佳；而肥柑與肥柑太二人從壽司飯中缺少了醋味一點，暫時判斷是第二點吧。但無論如何，這個飯已經將之前的分數輸突，希望佢地可以集中去改善一下。
到本人既豚肉生羌飯，前菜、麵豉湯等配菜大同小異，主菜的燒豚肉分量非常多，我食完整個飯後，仍然有數塊豚肉未吃，保守估計它較其他坊間店舖的份量多三十巴仙。
豚肉配的醬汁很多，但沒有因為醬汁多而影響了味道，豚肉放入口中嘴嚼，先嘗過醬汁的甜味，牙齒咬爛豚肉後，肉汁的鮮味便走出來，而且豚肉嫩滑唔老，幾啖之後已經咬到爛晒，在齒夾留香之時，食幾啖飯，真係享受黎架。
做定食既白飯就少左少少黏性同飯香味，不過呢樣就無壽司飯果個問題咁嚴重。
此外，餐廳現在有優惠，午飯定食有飲品送，咁我地就叫左柑桔檸檬，味道比較甜，但分量都夠。
整體黎講，呢餐午飯係好食既，但作為有要求既食家黎講，浪人仍有地方需要改進，當中侍應質素仍有待改善，我地旁既幾名OL一樣係叫左壽司定食，但係等左幾個字都未黎，好明顯係漏單，而我亦見有叫左天婦羅定食既人，要侍應畀到天婦羅汁佢地，呢D本來就應該係個餐上既時候連埋，唔應該要個客叫你補畀佢。
题外话/补充资料：
後來知道原來老細自己招呼朋友黎度開P，大量鬼殺咁嘈既聲音搞到有D客人都頂唔順要求換位，作為食肆老細，招待親朋戚友自然無問題，不過午市時候，以商業客打工仔為主既餐廳搞呢樣野，對客人黎真係令佢地幾唔舒服，希望店舖要明白，招呼朋友隨時都可以，但令客人覺得你呢度坐得唔舒服就未必會再幫襯。
(以上食记乃用户个人意见 , 并不代表OpenRice之观点。)
张贴
