浪人日本料理 (已結業)

星期五的午飯時份，京城大廈三樓的喜來稀肉有十多人在等位，我們唯有轉戰下一層的浪人日本料理。午餐價格由$75起，選擇有拉麵、烏冬、魚生飯、燒物、壽司等。最便宜的午餐加一後已經要$82.5，價格相比同區相近檔次的日本餐廳略高。是日我的選擇牛肉烏冬 ($75)，還有包括前菜、沙律及飲品。前菜的生菜配上酸汁，味道太酸。中華沙律口感不太清爽，味道偏淡。牛肉以近似越南生牛肉河的生度上枱，有少量血水滲出。它本身的味道不足也偏瘦，肉質也談不上理想。烏冬煮得偏硬身。在三十多度的高溫下，湯的熱度也不足，於是牛肉吃到最後仍是半生熟。服務方面也不太理想，單是加茶也叫了很多次才有店員回應，連結賬也等了近十分鐘。總括而言，這間餐廳無論食物味道、服務及衛生均每況愈下，反之價格愈來愈進取，不推介啊！

向來最鐘意食日本野既我，每年都要去日本一次食餐飽 事關香港無咩日本餐廳可以用正常價錢食到日本質素既刺身...而係日本，普通一個刺身飯已經令我回味無窮因為係灣仔做野既關係，呢間餐廳係我地既飯堂咁濟 試過佢既午市定食咁多次，今晚決定帶埋屋企人試試佢晚上既日本放題由於太肚餓既關係，無逐一影相 刺身十分新鮮之餘，仲有魚生既鮮甜味。所以我不停encore，食刺身已經食飽 唯獨是貝類同象拔蚌既刺身唔係好新鮮，陣味有少少奇怪。所以試左幾片就無再encore 了熟食方面，以炒牛柳粒最令我印象深刻 炒得好香之餘，又夠淋，一啲都唔會太乾，連嘴刁既媽咪都食唔停口今餐家人好滿意，我都好開心 可以放工一家人周圍搵下好野食，返工都有動力啲

星期五晚每位$328+10%服務費 選擇少 坐低左先話未有酒牌 只有無酒精飲品提供 飲品只包一杯 第二杯開始要收費 叫野飲又話無 叫野食又話無 呢個價錢咁既質數真係唔會再有下次 唯一好處只係無限任食時間

今日黎到上樓嘅浪人，午市定食連飲品$78起另收加一。我揀咗其中一個最平嘅自家製义燒拉麵定食。前菜味道一般。不過個沙律酸汁幾開胃。义燒拉麵有3塊义燒、半隻蛋、竹筍等。材料屬於中上水平。义燒都幾腍，肥瘦度都可以接受。職員有主動加茶。整體黎講可以再去，但性價比唔算高。

炎炎夏日要食得清淡，來到評語不錯的浪人試試午市日式定食，我們倆位女士點了一客三色刺身丼($105)和一客鰻魚定食($115)，定食附送飲品一杯，我倆都點了開胃消暑的橙汁。定食附有麵豉湯、中華沙律和沙律，看上以乎普通的食物，入口方知是誠意之作，麵豉湯的味道和配料很有日本地道的風味，雜菜沙律用上新鮮蔬菜並配以紫蘇味沙律汁，比經常吃到的日本料理店採用芝麻沙律醬更特別和清新開胃，三色刺身丼有肥美的厚切三文魚，鮮甜的帆立貝和甜蝦和三件，每樣材料入口都鮮甜無比。鰻魚飯須要等一段時間，估計是即點即做，照燒汁的味道很香濃，燒得微微焦香的表皮和照燒汁簡直是完美的配搭，吃罷這兩個看來份量小小的定食，心靈和肚腹都感到相當滿足，我認為午市這倆個定食的質素絶對能反映這是一間有誠意的食店，值得回頭。

放題的好處是一個價錢吃到過百款食物 但缺點是限時 一般只有2小時限制！！所以今次試試這間浪人！它完全沒有時間限制！晚市只有一輪！ 識食當然先食刺身 刺身的水準完全可以foreseen 到其他食物的質素 刺身排列整齊 海鮮富有光澤 整體味道:甜蝦味道鮮甜 蝦肉爽口 美中不足它沒有特大甜蝦可以選擇三文魚肥美 有脂肪的三文魚才是皇道 吃下才會在口中回甘帶子鮮甜  能食到貝殼類特有的海鮮味道

本十五十六吾知食日本定韓國嘢的時候！就俾呢個浪人吸引了而決定食日本定食！午市套餐：選擇不算太多但好像每一樣都幾吸引套餐可以免費有一杯＄8的飲品,吾夠食仲可以追加小食同刺身！百歲定食我呢個貪心又大食的人就揀左百歳定食刺身：甜蝦鮮甜又大隻、帶子原粒上好滿足呀！三文魚腩都係厚切肥美又甘香！吉列蝦：新鮮炸熟辣辣又吾會油自家豚肉煮：味道有D似東坡肉餸飯一流沙律：日式醬汁甜甜酸酸好開胃同埋呢餐甘豐富點都要有菜中和一下！呢個餐仲有一件朱古力蛋糕送我大食都夠飽飽鰻魚定食：相比之下份量少D但鰻魚份量多有大半條鰻魚肥美又香口套餐包括了沙律、味噌湯、白飯其實都是夠飽的味噌湯有驚喜足料又不會過鹹！店員笑容夠又有禮貌！因同行有小朋友店員都有主動關心要不要給予餐具同碗浪人晚市是做放題的下次一定要來試試！

星期五約朋友出去食lunch，因為臨時約，所以無book位，想食日本野，就黎浪人碰一碰運氣。好彩一點黎到個時，餐廳都有位，唔使等。呢到都有幾多lunch set揀，上至刺身壽司，下至拉麵烏冬，咩都有，想食豪d又得，慳d都得。滑蛋豬排飯 (4/5分）Lunch set有齊蔬菜沙律、麵豉湯同中華沙律，同埋杯野飲（呢杯係蜂蜜綠茶），都算抵食豬排好大塊，當然唔係好多肉汁，但唔會太鞋，加上滑蛋，有d汁，都唔錯自製叉燒拉麵 (4/5分）拉麵set都有中華沙律、蔬菜沙律同野飲（柑桔檸檬汁）個拉麵當然唔係拉麵專門店既級數啦，呢個係香港食到既普通拉麵。個湯都算濃味同好味，叉燒唔肥，都幾入味，不過就鞋鞋地，個滷蛋好好食，好入味。牛肉烏冬 （4/5分）烏冬都有中華沙律、蔬菜沙律同野飲D牛肉一黎到係生既，不過個湯會仲熱整番熟d牛肉，都幾好食，有好多配菜。不過就普通左少少。另外，個烏冬煮得太稔，唔好食個lunch set都唔錯，個蔬菜沙律有柚子汁，菜都算新鮮，都幾開胃。前菜、加個飯/麵，又有杯野飲飲下，都幾滿足。

去過其他日本放題，大喜屋，石澗，呢間係我食過最唔好的一間日本放題，星期六我屋企慶祝人生日，想俾多少少錢(週未，$328一個人，仲未加一服務费)揾間唔限時間，不分時段放題，可以唔洗咁趕慢慢食，點知呢間浪人放題漏單非常嚴重，我同隔離張枱啲人都成晚不停咁吹單叫待應快啲黎，嗰經理幾好EQ咁，吹既佢都冇乜返應咁，係咁話黎緊，我六點半到，十點鍾已經叫last order，但呢間放題漏單非常嚴重，佢地個廚房咁本係做唔切至於食物方面：刺身都可以講幾新鮮既，但冇乜選擇，都只係得三文魚，油甘魚，甜蝦咁，其他剌身可以唔洗提，因為叫咗第一輪試咗唔好食唔會再叫，炸物同燒物非常普通冇乜特別，其他熟食唔乜印象，記著每個人只能叫一杯飲品同一客甜品(例如普通雪榚，係冇haagen dazs既)，之後再叫要俾錢結論：呢間灣仔浪人放題唔會再返食冇下次，我都係食返啲限時段既放題，雖然佢地分時段限時間好趕咁，佢地廚房起碼真係可以做到冇乜漏單，係咁黎，唔洗等，仲要食物多選擇，雪糕甜品飲品任食任飲，如果你話我係打手，咁你放假可以黎呢間灣仔浪人放題試吓就知

一坐下便馬上點刺身，刺身十分十分肥厚而且新鮮，肥美的三文魚、吞牙魚、北寄貝和帶子鮮甜度高而且滑不溜口。串燒種類繁多，有香甜的小紫薯，彈牙美味的牛舌，還有香脆的芝麻雞翼，食物質素絕對是物超所值。

上星期五同朋友慶祝生日，朋友之前食過覺得好得，所以今次再encore，全場入座率約有8成，放題嚟講屬中價，選擇不算多，但質素好上菜快絶對值得一試。刺身約有十款，其中甜蝦及油甘魚最推介，甜蝦鮮甜大隻，而油甘魚食到魚油香，而其他如三文魚、帶子、北寄貝都OK，食得出唔係低價貨。炸物方面，脆漿做得出色，而最鍾意食炸蠔、蝦天婦羅、炸雞翼同炸芝士餅，全部上枱都熱辣辣，香脆可口。串燒方面，我極力推介燒牛舌，腍中帶爽，牛舌掌控最高境界；脆玉瓜又香又脆又多汁，唔好既我都試咗兩粒；而其他選擇有雞軟骨、雞腎、茄子、車厘茄、飯糰等等。一品料理我就推介鐵板牛柳粒，剛好7-8成熟，好腍細細粒方便食；跟住仲有黃金帶子，帶子配上沙律醬，燒到金黃色，好香口。小食方面，朋友們最鍾意蕃薯脆片同甜蕃薯，仲有蟹子沙律。甜品方面，只推介柚子味雪糕，柚子得嚟又唔會過甜。後記：如果有5-6個人，訂位時可要求坐卡位，好似有少少私人空間感。

今個星期不斷試"新"食店, 其實d店唔係新, 只不過係自己係灣仔多年路過多但未曾幫襯過. 是日又跟另一班同事出去食飯. 呢度樓上樓下都幫襯唔少. 但浪人係第一次. 每次係樓下等電梯望到價錢都嚇到唔敢黎. 但人生總要不斷嘗試. 一行數人, 大家都叫左不同的食品, 等我介紹下先.牛肉定食. $78 算係Menu中最平宜的一個定食. 有湯, 有飯, 有沙律, 有飲品. 而且個飯唔細, 好夠飽, 食個位同事讚口不絕話好味, 重話咁的價錢真係好抵... 親子魚生定食, 忘記左個價錢. 親子的原因係因為吞拿魚加魚子. 同個牛肉定食一樣. 要有的都有. 看材料還不懶. 都算係每口飯都有餸落肚. 壽司定食. 除左八件壽司外,還有一碗烏冬. 食的同事大滿足... 好吧... 好戲在後頭...終於到我吃的出場. 三色魚生定食. $105.同上面一樣定食要有的都有齊. 而三色就係蝦, 三文魚跟凡立貝. 天... 我最愛的凡立貝好鮮甜. 蝦亦都好新鮮. 係個三文魚感覺味道啖左少少. 唔夠鮮味. 給我"拆骨"後的樣貌, 飯裡也有芝麻. 絕不馬虎. 這個沙律也是我想讚的一環. 份量好足夠. 而且材料新鮮. 講下個

近年雖然越來越少吃放題，但其實心裡面還是埋藏著熱愛放題的因子。在搜尋中環浪人日本料理的同時，發現了它位於灣仔主打放題的分店，品質看似甚優，便忍不住要和女友來一試。 餐廳位於駱克道京城大廈的二樓，位置頗為方便，但大廈入口處擺放著另一酒家的招牌，幾乎令我們誤會而錯過了。乘坐電梯來到二樓，往右轉便是浪人日本料理，而旁邊的則是新高麗苑。餐廳的門口處十分空曠，即使要在外等候也不會覺得侷促。而且餐廳的門面設計十分精緻優雅，題有「浪人」的招牌和「營業中」的門牌很有特色，餐廳更於門口旁邊放上假石和水池作裝飾，別具心思。 為了營造節日氣氛，餐廳也不忘於門上掛上Merry Christmas的裝飾，並在餐廳入口處擺放了一棵吊滿掛飾的聖誕樹，讓人倍感溫馨。 座位方面，餐桌不算特別寬敞，要是像我們那樣剛好坐二人桌的話，食物很容易就多得沒有地方擺放。可幸的是，座椅都配上了皮套，所以坐得比較舒適。而且大部份座位都是連著卡位的，有足夠的空間擺放隨身物品，再加上每張餐桌之間的距離都比較遠，提升了不少空間感。 較特別的是餐廳同時也提供面向廚師的吧枱，讓食客可以有不一樣的放題體驗。 餐具和菜單已預先擺放在餐桌上

早前跟男朋友到訪過中環的浪人日本餐廳，一試難忘，所以我倆對其放題店也很有興趣！加上在openrice看到餐廳是不限時，又不限開始時間，很適合我們兩個吃得很慢的人。 .來到餐廳門前，已看到內外都放置了很多聖誕裝飾，門口還有一大棵聖誕樹，很喜歡充滿聖誕氣氛的餐廳，讓人心情大好！ .甫進去發現餐廳的座位及走廊很寬敞，位子之間很有空間感。在普通餐廳都很難做到，更何況是放題餐廳，實屬難得。 .餐單的餐單亦同樣有格調，以黑色皮套包著餐單。而內裏的以各分類的食物照片作分隔，容易直接打開到想要吃的那一頁，很方便。 .先從刺身開始，光看外表就可以看到刺身十分新鮮！甘海老大隻鮮甜彈牙；帆立貝竟是跟活帆立貝差不多大隻，很驚喜 ；三文魚腩油脂分布均勻，肥美鮮甜，而且是極厚切，很有口感 ；油甘魚同樣是厚切，比三文魚少了一份油脂，同樣好味 ；北寄貝及象拔蚌大隻又大片，吃下去煙韌有口感；榮螺亦同樣好吃。整盤刺身很有質素，比大部分連鎖壽司店的質素還要好，全部都選用上盛材料，鮮味無比！我們忍不住叫了好幾次！ .同來是壽司及手卷，點了芝麻鰻魚卷、灸燒芝士三文魚壽司及海膽手卷。可能是因為餐廳提供的刺身類大件

去完長洲玩 難得過開黎港島當然留係呢邊揾野食啦一路都聽朋友講 想食好野 梗係港島區啦所以今晚就黎到呢間餐廳試下啦一開始梗係瘋狂點刺身啦三文魚厚切版 wow帶子刺身大大隻的蝦 鮮甜多膏 夠大隻而其他刺身 中規中矩 ok之後就點燒物粟米 正！好甜 臨走前叫多件再食脆肉瓜 都ok 爽甜 份量ok而其他食物 味道都不錯每人一隻大鮑魚 若味道再濃更好更惹味！酒煮䙺 湯的酒味很濃 可以試飲下 不知道會否醉呢 哈哈今晚大滿足 刺身最為吸引我埋單價錢合理 最重要係呢度唔限時想同朋友坐幾耐食幾耐都得無平時食放題既壓迫感同衝忙！good 很欣賞 可以慢慢享受食物最後仲一人叫了一個甜品綠茶雪糕很重綠茶味 係好日本個隻濃其他芝士餅同朱古力餅都唔錯 份量細細 味道ok美中不足的是只提供一杯飲品第二杯需另購買 如果可以再加添就更好啦！