浜焼き (已結業)

好友從楓葉國來港，為增加見面機會，頻約吃飯，畢竟認識了三十多年，友情實在可貴，談天說地，樂在其中。這晚約她去吃浜燒，看地方環境，標榜用原產地名貴材料，是高消費場所，她頻說不應來，然而，去年和今年在加國的招呼，我和太太都甘之如飴，人生得一知己，不枉此生！清新味蕾，先吃蟹肉沙律，爽脆沙律，沾滿蟹肉，三文魚籽，飛魚籽，令人胃口大開。刺身五點，油甘，三文，劍魚，帶子，拖羅等，新鮮肥美，魚香豐富，各有特色。特上浜燒盛合，有蠔，虎蝦，鮑魚，大元貝，蟹肉蟹膏，魷魚。專人在桌上為你燒烤，先烤大元貝，漸熟而發出的香味最是誘人，愈聞愈肚餓，侍應細心為你將元貝煎開，方便進食，而我較喜歡整粒吃，口感會更好，殼中汁液也勿浪費，精華所在。生蠔來自北海道，不及歐洲貨粗壯，也略鹹。鮑魚很彈牙，不韌，有鮮鮑味，也值得吃。虎蝦最惹味，烤時香味籠罩斗室，結實肉質，好友讚賞。烤原隻魷魚，烤熟掃醬油再烤，煎圈，味道吸引，忍不到口。最後的蟹肉蟹膏，供應脆薯片盛著吃，別有一番風味。端來小炭爐，可放串燒烘熱，煙肉番茄串，車厘茄受熱後，入口一咬爆汁，連煙肉吃也很夾。而輕井澤雞肉串，雞肉烤後仍感肉嫩，也很受落。仍有胃納，點個稻庭烏冬，順

朋友慶生，選了近期大人氣的浜燒，餐廳位於熱鬧的尖沙咀廣東道，幸好是樓上餐廳，遠離一切煩囂嘈雜。
電梯門打開，店外擺設，帶著濃厚和式風格，掀開暖簾，店員親切款待，氣氛閒適自在，開放式廚房，可飽覽師傅製作花絮。
前菜上桌，炙燒平目魚邊沙律，店員極力推介這道招牌菜式，賣相悅目，份量很大，平目魚灸燒之後，滲出淡淡油香，味道鮮甜，三文魚子卜脹飽滿，牛油果口感軟綿，還有爽脆的沙律菜，配搭豐富，令人愈吃愈開胃。
特上壽司盛，有油甘魚、鯖魚、三文魚子、帶子、吞拿魚、甜蝦及海膽，還有吞拿魚小卷，非常有睇頭，最愛海膽的甘香餘韻。
特上浜燒盛合，有帆立貝、廣島蠔、海老、鮑魚及蟹肉蟹膏。燒烤由店員代勞，自己最愛帆立貝，加上清酒及醬油同燒，更能突顯其鮮味，還滲著溫潤的酒香。而廣島蠔只需輕輕一炙，再灑點清酒，即可上碟，趁熱吃下，極至水潤鮮美。蟹肉蟹膏甲多燒，將配料徐徐拌勻，燒至微微焦香，帶著甘甜的鮮味，令人回味無窮。
追加燒雞肉串，口感嫩滑的雞肉串，搭配著三款不同口味，明太子雞肉串，鹹香惹味。
紫蘇梅子，清新酸甜，味道相當醒神。
最愛柚子胡椒，入口陣陣柚子清爽香氣，細嚼後還滲出胡椒濃厚的辛辣。
浜燒大受好評，自己

今日又同3個朋友仔搵好嘢食，今次由男友人帶隊去試這間日本菜，其中主打係浜燒<灸燒平目魚邊沙律> $138平目魚有輕微灸燒過，魚面有黑松露提味，再配三文魚子跟牛油果等蔬菜<刺身八點> $738這盤用上八款不同刺身，其中秋刀魚跟拖羅新鮮帶甜，確是滿足耶，其它不過不失<雞翼串燒> $100/4隻這個由師父燒好也燒得不錯，醃得夠味，皮脆肉嫩<四款串燒> $20起分別點了牛舌、煙肉蕃茄、雞腎、雞軟骨，而串燒一樣由師父預先燒好，但上枱昤會有一個熱石爐繼續微暖住，大部分都醃得不錯，唔會過鹹，用來配酒一定好正<特上浜燒盛盒> $598 二人前二人份量包括扇貝、蝦、大蜆、鮑魚、蠔，仲有一個蟹蓋加蛋伴燒，海鮮夠新鮮，又有專人幫忙代勞，所以控制肉質得幾彈牙，尤其是扇貝是美味整體係不錯，但偏貴了一丁點跟份量有點少

係！係又再食！第二次踏入浜燒 依然充滿鮮味上次同為食姐妹食過後 今晚又再encore今次㨂左13貫壽司 多啲款食下三文魚 海膽 帆立貝 牡丹蝦 吞拿魚 鰻魚 全部都係無法拒絕嘅 三文魚顏色好靚海膽一大塊 鮮甜味濃 唯獨紫菜唔夠脆重有上次食過翻尋味嘅和牛 牛味濃又juicy. 晒上少少海鹽已經夠味燒物真係好得 今次㨂左雞翼試下除左好香炭燒味 估唔到雞肉好嫩滑一啲都唔乾 而且帶點juicy 好好味遺憾今晚無食到燒海鮮 因為友人肚子不適不過應該好快會再有第三次幫襯的

同好姊妹好耐無見，就去揀左去間日本野食懷石料理！平目魚滑身油脂厚，咬口爽口有口感，而特別喜歡牛油果沙律配上特製醬汁，菜鮮，醬汁酸酸地好開胃！田螺組合，一口既份量，清清地既味道！精緻既生魚片，帶子 ，口感鮮又夠薄，配搭鮮山葵！焼物海鮮揀左大蜆、蝦、鮑魚 ，通通都好新鮮，好彈牙！海鮮最怕有沙 ，呢間既海鮮都無 ，好乾淨！而蜆個醬汁都好鮮味！仲有我都會必叫的蟹蓋，味道唔會太咸，第一次配上薯片食都幾特別，又熱又食到脆脆感！A4日本和牛，3款不同醬汁，我比較喜歡食淋身既肉，而呢款適合喜歡有口感既朋友！

今晚去浜焼き食飯，一見到浜焼就好想食呢度除咗主打浜焼之外，仲有串燒同Omakase架，好吸引首先食個沙律先，揀咗清清哋嘅蟹肉沙律，蟹肉好足料，成個配搭都新鮮好味刺身五點，厚切嘅三文魚、吞拿魚、油甘魚鮮甜美味，厚切口感更加滿足大蔥輕井澤雞肉串、豚肉車厘茄卷，雞肉味好濃，夠Juicy，豚肉薄嫩車厘茄爆汁，好好味再加個小燒爐慢慢食都唔怕凍晒主角嚟嘞特上濱燒盛合，松葉蟹肉蟹膏、北海道帆立貝、長崎室津生蠔、花竹蝦、南非活鮑魚再加條魷魚真係好豐富呀!!即叫即劏即燒一定新鮮啦，全部都好肥美呀松葉蟹肉蟹膏，啖啖蟹肉蟹膏細緻鮮甜，大滿足

今日，朋友又約食日本嘢，一間開咗唔係好耐嘅日本餐廳，聽D朋友食過話好味道，所以約埋我一齊食。先叫咗個灸燒平目魚沙律，燒咗嘅平目魚都幾有油香，配埋三文魚籽，牛油果同新鮮嘅沙律菜，再加埋個日式醬汁，大讚好好食。跟住叫咗甜蝦壽司，又甜又大隻，最正就係，佢地件壽司飯比較細，可以食多幾件。仲有，我最愛嘅帶子壽司，肥大肉厚，好食。海膽壽司，味道新鮮，顏色金黃，入口軟淋淋，真係好鮮味。浜燒出場，先食日本魷魚，原隻魷魚放喺爐面，燒得少少乾身，唔會韌，灑埋少少海鹽同七味粉，夠曬惹味，隻魷魚真係好大，食曬之後，都真係幾飽。燒大蝦，蝦肉熟咗少少，但口感都好彈牙，好有鮮味，店員燒好之後，會幫你剝埋殻，啱曬我哋D懶人。跟住就係我最期待嘅，味噌蟹肉甲羅燒，蟹膏好多，連埋蟹肉攪勻一齊燒，一路燒一路聽到卜卜聲，香味一路傳出離，話咁快就食得，即刻將蟹肉放喺薯片面一齊食，又香又脆又鮮。食完燒海鮮，朋友係蕃薯迷，又叫咗燒番薯，薄薄地，燒得乾乾地，又有少少煙韌，朋友當然讚口不絕。再叫埋個飯後甜品，柚子雪芭，夠晒冰凍，食完成個人都爽晒。仲有一讚嘅係，呢度原來有個陽臺室外座位 ，已經約定朋友等天氣涼返D，再離食番餐，坐喺室外一邊

食新鮮海鮮，以往較多喺同一班死佬入屯門三聖，即買、即煮，食材夠晒揀手新鮮。今晚同表哥嚟到「浜焼き」，同樣以新鮮海鮮即燒為賣點嘅浜焼，加上以其他時令食材入饌，做出唔同嘅日本菜式，好期待嘅一晚歡樂今宵。門面已裝修得好有特色，大型清酒桶，吉祥物，多支日本清酒，更掛上「備長炭使用店」、「日本產米使用店」，可見店方晌用料、做法要求嘅執著。入到店內，地方唔大，一派典型日式小店格局，內裡更掛滿日本海產店嘅旗布，蠻有氣氛。主要設有4或6人枱，而枱嘅面積亦較大、較寬敞。每枱已擺放咗一個專用火爐、清酒、醬油，喺作為席前浜燒之用。既然喺浜焼店，海鮮自然喺主力嘅食材之一，門口左邊就放有一個三層魚缸養住啲靚海鮮，因為日日返貨，唔會儲太多。因為海鮮都喺外國入口靚貨，正所謂一分錢就一分貨，所以，晌度消費就要有心理準備喺唔便宜。啡色喺主餐牌，製作沉實精簡，內裡圖片唔多，主要以文字表達各道菜式。按次序大概分類為前菜、揚物、丼、一口料理、刺身、壽司、浜燒、備長炭燒物、Omakase。唔單止門面，廚房頂上都擺滿唔少清酒，而黑色餐牌就喺酒餐牌，日本清酒多達近30款，仲有紅白餐酒、香檳、啤酒、生啤，好此道嘅朋友可以飲過不奕樂乎

炙燒平目魚邊沙津 $138好食指數: 8/10抵食指數: 7/10平目魚邊肥美 用火炙燒之後 油香更濃生菜夠爽脆 配搭牛油果 洋蔥同蕃茄仔仲加左黑松露醬 增加香味魚籽係個口 卜卜卜咁爆開 非常過癮海鹽加上柚子醋 鹹甜酸味道非常調和刺身五點盛合 $468好食指數: 8/10抵食指數: 6/10帆立貝好大隻 又鮮甜呑拿魚雖然唔夠肥 但入口即溶三文魚充滿油香 好肥美另外劍魚腩同油甘魚都好新鮮 完全無腥味唯一問題就係貴左d 每款刺身各有三件食靚野果然係要付出代價特上浜燒盛合(二人前) $598好食指數: 8/10抵食指數: 7/10海鮮點食先最好食？緊係用最簡單嘅方法今佢鮮味除左刺身 就心然係浜燒😆帆立貝大大粒 好新鮮原條魷魚表面燒得乾脆 入面仲係彈牙生蠔燒好後仲食到啖啖海水味文蛤夠大隻鮮甜 又多汁海老燒好後 會為客人剪開 食得好方便蟹肉拆哂岀黎 加上蟹膏同蛋黃撈埋燒食個時放上薯片食 膽固醇萬歲另外值得一讚就係店員好勤力每食完一樣都會為客人換碟 服務唔錯👍🏻備長炭燒物(輕井澤雞肉串$36 雞腎$22 牛舌$42)好食指數: 8/10抵食指數: 7/10呢間鋪頭標榜以備長炭黎燒 確係少炭屎而且用

所謂浜焼便是從海裡即捕各類海產魚鮮，上水後便就地在海旁烤炙起來的烹調手法。其美味之關鍵，必然乃是食材一定要夠鮮，不然一切都是枉然....在這間位處於尖咀商廈樓上的浜焼店，要營造一個海邊即捕即燒的環境當然不大可能。不過其選材及用料之新鮮，倒是一樁事實來的....甫入門口，就看到了好幾個魚缸，裡頭放有不少仍然精神奕奕生生猛猛的海鮮。要成為一所合格的浜焼店，這種配套是一定要有....同樣地作為一間燒海鮮店，檯上有一個燒烤爐亦是例行要具備的....未來戲肉之前，先來個沙律作前奏....在新鮮爽脆翠綠的羅馬生菜以及艷紅小蕃茄的襯托下，上面堆滿了一絲絲鮮甜的新鮮拆蟹肉和咬下去卜卜作響且毫不見腥氣的ikura。以這樣高水平的salad來作前奏，實在妙極....侍者走過來問要不要來點東西喝。翻翻drink menu，赫然發現有兩款讓我吸睛的新事物...正常口味的可樂就從小便喝到大，但有櫻花及綠茶味的您又飲過未 ? 我自己就見識比較淺薄，之前聞所未聞....喝一口，感覺倒是普通，喝不到所謂的櫻花及綠茶味，味道實是和常飲的coke沒有太大分別。請恕小弟的舌頭愚昧了....再來的是好幾款大路刺身。三文、油甘

餐廳由門口至室內的裝潢，佈置，都花了心思，設計充滿和風。店面不大，另設室外位置。秋風陣陣的日子，坐在室外也不錯。店內放有魚缸，但午市不吃浜燒，吃定食。選擇幾多，豐儉由人，由親子丼至刺身都有。錦壽司定食配迷你稻庭烏冬盤子放得滿滿的，加上壽司色彩繽紛，狀甚豐富。沙律新鮮爽脆，簡單地以日式芝麻醬調味，帶來清新的開始。茶碗蒸，相當水漾，入口融化，上湯惹味，蛋亦清香。內有少少乾的冬菇、一大件，入口散開一絲絲的蟹肉、爽口的蝦和嫩而有咬口的雞肉，十分足料。麵豉湯幾清，味不太濃，內有海帶、豆腐，還有一隻又大又肥又甜的蜆。有嚼勁的銀魚仔，慢慢咀嚼之下，十分香口。壽司賣相十分精緻，份量可以。三文魚特別新鮮，入口軟嫩，看上去脂肪比例不算多，入口卻滲出又香又細膩的油脂，有驚喜。薄切的油甘魚微爽，略嫌鮮味不夠突出。壽司飯偏濕，入口並沒有散成一粒粒，醋味亦不偏淡，以這價錢的日本菜來說，稍為失色。吞拿魚卷沒甚特別，魚鮮不重，壽司飯變了主角。海膽魷魚軍艦的魷魚味很濃，海膽無論口感還是味道都被完全蓋過。吞拿魚雖然沒有叫人陶醉的油香，但比大眾趨之若騖的拖羅，多一份魚鮮。滑溜溜的稻庭烏冬，條條軟韌又彈牙，以醬油湯加蔥花、海

筆者喜愛吃海鮮，亦愛吃日本菜，日本浜燒順理成章成為筆者的寵兒。食友 M 知道筆者喜好，介紹了一間新開的浜燒店供筆者品味。 浜焼き開業於熙來攘往的廣東道，在流尚店的一隅，旺中帶靜。店內裝潢平實，和風直幡掛滿牆上。作為浜燒專門店，每張餐桌上均擺放了一個專用火爐，大家也屏息靜氣靜待開爐一刻。 明火燒烤或多或少也帶來點點「熱氣」，正式開始前還是先品嚐一兩道涼菜「打打底」。蟹肉沙律用上鮮爽的田園菜蔬作基底，再拌上鮮甜蟹肉及彈牙蟹籽，最後以香口胡麻醬汁添味，是一道簡單而可口的沙律頭盤。刺身壽司是日本料理不可或缺的一員，筆者也藉這客五點刺身盛合一試餐廳食材的鮮度。相比以壽司刺身作主打的鮨店，餐廳的刺身製作明顯比較平實。五款刺身分別有帆立貝、三文魚、劍魚腩、吞拿魚及油甘魚，各有三件，選材普遍挑選近腩位置，食感相對肥美，賣相新鮮富光澤。 帆立貝是筆者喜愛的刺身款式，雖然不是用上巨型厚身的珍寶帆立貝，但也無阻爽甜味道的發揮。 三文魚是最平凡的刺身，甜鮮味道理想，質感軟腍。劍魚腩擁有特別的食感，既有豐富的脂香，又有結實的口感。 吞拿魚脂質含量雖不及劍魚腩，但已遠比赤身部份軟嫩味濃。 踏入秋冬時節是油甘魚的當