浜滝

营业中

休息中

無意間經過九龍城見到有間日本小店，見門面個menu價錢幾實惠，而且風大雨大所以無慮即決入左去由於唔太餓既關係，今次我無叫到拉麵！但見差唔多台台都有碗拉麵！睇黎下次要黎翻卓拉麵了海膽菠菜~款色配搭好新穎，將海膽同埋菠菜放上麵包上！麵包香脆帶微暖！海膽味道亦幾甘香！菠菜幾樕無渣！3者為1幾特別味道吸引呢火灸平目魚邊~一卷一光成條皮帶咁！色澤油潤~燒過既關係d魚油係咁滲出黎！睇見都鮮味入口好樕滑味道較淡所以加左d wasabi!! 感覺正好多螢光魷魚漬~魷魚色澤通透！好新鮮~魷魚帶點滑溜！加左d青葱做toping~夾埋一齊食感覺好柔和帶鮮味！沒腥腥既感覺叫左3隻九洲細蠔同一隻XL宫崎生蠔，2者都好鮮！但更推薦食後者~因為蠔肉更厚更多肉！入口口感更滿足~味道好creamy!! 唔太咸~食得過呢

九龍城食肆好多，多數都係泰國野同埋打邊爐，日本嘢就好少見，今日經過九龍城，原本想食泰國嘢，突然見到間日本餐廳，門面個賣相都唔錯，仲有拉麵食，就一於入去食啦除咗拉麵之外，都有幾款我想食，我就點左個究極海老味噌拉麵，另外仲點左帆立貝同埋燒車厘茄,首先碗拉面黎到，嘩好震撼! 好似d溫泉咁,呀泡呀泡呀咁, 原來里面有碗熱石，係全靠佢可以keep住個溫度，食到最後一啖嘅時候佢啲仲係keep住咁熱嘅湯幾濃，好有蝦味，面幾好食，夠q彈，蝦幾入味，肉夠實，溜心蛋好甜又滑,之後就食咗個車厘茄燒，車厘茄畀煙肉包住，又香又juicy，有層次👍

曾經在這家餐廳用膳 , 味道不錯 , 某日再次路過 , 何不再次幫襯 ....Set Lunch Menu ~ 午市套餐 , 除主食外還包括沙律及一罐汽水 ~自家製黑蒜拉麵 $ 78端來時熱力強勁 , 黑蒜油的蒜香 香氣四溢 , 湯底濃稠味道濃郁而不膩 , 膠質頗重 , 富層次感 , 鹹度適中, 油份亦不算多 , 配料有 荀、叉燒、流心蛋 ~既曲且直的麵條 , 粗幼適中 , 沒鹼水味 , 掛湯力一般 , 咬下Q韌而富彈性 ~叉燒肉味夠濃 , 既入味又軟腍 , 一口咬下 , 百般滋味在心頭 ~圓形火山石現真身 , 熱力實在迫人 ....除午餐外 , 還單點了一碟 吞拿魚他他 $ 68吞拿魚他他 , 肉質軟綿鮮嫩 , 口感一流 , 味道鮮美豐腴 ~本篇完 ~

睇完電視推介，就無睇食評就黎試~個麵真係似公仔麵，有熱石既湯都唔覺熱，唔使攤唔使吹就可以入到口，我只能話係暖；我地4個人嗌左4碗一樣既麵，但居然咸度會有唔同，有碗係咸到無辦法食到……隻蛋……我自己整既都比佢專業！總括，失望，無下次！

本身都系幫襯開尖沙咀兩大拉面.但尋晚忽然想試新野知道九龍城有新拉麵開左.所以去試下.(其實老公去到已經極力反對)甘一場去到.唔理照食啦我地order左一個黑蒜拉麵.一個普通嗰隻拉麵普通嗰隻.個湯完全唔掂我講反我碗黑蒜先.個湯都幾咸.而且個麵好少熱石唔熱.唔知舊熱石有乜作用叉燒好瘦.似肥牛片多dd麵似公仔麵.系黃麵.唔彈牙88蚊碗.其實有好多選擇好食過佢難食都唔緊要.我覺得.因為都系一次但點解要上黎寫劣平系因為我同我老公食完都肚痛我今朝屙左3次.尋晚都無食其他野我仲要系孕婦.怕左我勸大家都系唔好食

睇完CCTVB城寨風雲後, 約左老友去九龍城行下, 感受下, 雖然見唔到煎pan BB 同胡定欣, 但係就見到好多泰國店, 日本水果店, 潮州打冷食店等, 多國多文化特式店鋪。行到攰, 就去揾食, 行行下見到間似食拉面的店鋪, 老友話想食日本野, 就一於去食。坐落真係有啲餓, 急不及待叫碗熱石拉面。黑蒜油, 第一次認識既係出前一丁面的其中一隻味, 之後就係一連串既黑蒜熱潮轟炸, 除了公仔面外, 其他的黑蒜產品都唔太喜歡, 但老友話想試, 就一於奉陪。面端上時味道香溢，只看賣相超吸引。面條生熟度剛好, 煙, 而且十分掛湯, 湯唔太傑身, 味道恰好, 唔會過咸, 叉燒片夠薄, 無咁膩, 最正係温泉蛋, 蛋白都唔會煮到好熟, 淋淋地, 連埋香滑蛋黃一起食, 似乎身處於天堂。食完面後看到一塊黑色的東西, 原來就是「熱石」, 為防拉面及其湯容易變冷, 第一次這樣食, 感覺新奇。一碗拉面唔多夠喉, 來多個炸雞, 炸漿夠薄身而且香脆, 有少許調味, 一啲都唔寡, 但這炸雞就比韓式炸雞油少許, 而雞肉又超滑, 所以容易入口, 就算食飽拉面, 都很快KO完2件雞。看到牆上draft beer既廣告, 非

朋友相約吃飯, 忙着湊B的我拋下一句食: 邊度食你地話事啦, 沒有再參與討論, 最後收到通知是九龍城...這次可算玩大了...對於深居簡出的元朗人來說去九龍城先是一頭霧水, 該什樣去呢? 定過神來, 想想也不難去, 反正很久沒去過, 決定約會之日早一點自己先去附近逛逛泰國店, 看看有沒新奇的食材買回家, 順通吃飯. 九龍城就如一個大井字, 什麼店子也不難找, 從以到這裡必定是吃泰菜, 後來變了火鍋, 今次破格一點, 友人選了吃日本菜, 來了這小店浜淹. 本以為是什麼和式居酒屋, 來到門前發覺更像日本的清吧. 小小的店子, 放的不是和式木枱凳或榻榻米墊, 反而是酒吧式的高身圓枱和高凳. 另一排面向牆的座位, 很隨意的設計, 感覺更像日本地道的小酒館, 下班後應酬消閒喝清酒的地方. 食物方面以料理居和小食居多, 整理不出分類來, 海鮮和和牛還佔比較多種類. 幸好價錢並不昂貴, 可以試多幾款. 每人選了幾款, 先來有半熟吞拿魚($68) 一碟5片, 切得頗厚重, 吞拿魚並非我心儀的魚生類別, 刺身吃法一般被我所唾棄(Toro當然另作別論!) 但用料理方式加入調味再微微火炙後, 吞拿魚可

屋企人(包括我),好鍾意食清心丸，有次咁啱講起，朋友就話一齊出九龍城買。 買完想去福佬村道食豆腐花。 食完見到附近有間居酒屋幾吸引就book左晚上食。 牆上有寫上一啲食物，例如蠔，海葡萄等。 但打開menu 見到熱石拉麵幾特别，究竟咩係來的。 原來係咩來的, 無啦啦有舊石響碗麵呢？ 其實舊石係用嚟熱住碗麵，碗麵唔洗咁快凍。 朋友點左究極海老味噌拉麵，成碗麵充斥住蝦味，有啲似新加坡蝦面，咸味適中，湯夠濃郁，啱我地啲重口味人之餘仲唔會得個咸字，香味撲鼻。 面內的糖心蛋都做得很好, 半熟的狀態, 蛋黃邊位係小小熟, 起沙的, 裡面就呈溶溶地的流心感, 很香, 不由自主地每人叫多隻。 九州生蠔 如果去蠔吧自助餐同一般餐廳, 都只會食到法國, 澳州, 美國, 紐西蘭等蠔, 很少機會食到亞洲既蠔, 今次有呢度有九州蠔, 一於試下, 本來都諗住以試的心態叫了2雙, 點知實在超乎想像, 蠔味極濃, 肉質算爽而且厚,係海水味唔重, 只係少少咸, 而店都細心地放了點粗鹽在蠔的底部, 唔會令蠔搖恍, 令蠔在送來時蠔內的水倒掉而流失, 因為太好味, 叫多左幾隻。 燒明太子 明太子本身都好味,

福佬村道有家小店，就在Tony Wong旁，細小的門口以白色招牌成功吸引注意，去買蛋糕前先吃個午飯。店內一律高桌，有L字型的吧枱和幾個面牆的座位，獨行或三五知己都可以。除了午市套餐的三款拉麵和豚肉丼，黑板上的菜式更吸引。店員見我放下午餐餐牌，眼光一直停留在黑板上，給我送上晚市餐牌，有較多款拉麵、兩頁小食和酒類。沙律跟餐的沙律，生菜、粟米伴日式芝麻醬，有幾絲洋蔥帶來的香，沒甚特別，旨在開胃，準備吃拉麵。烏龍茶跟餐飲品可選可樂、雪碧或烏龍茶。螢光魷魚五隻螢光魷魚，整齊排列，清楚見到魷魚的全身。魷魚下是蘿蔔蓉，上面放了蔥。一拼放入口，沒有預期的鹹。蘿蔔蓉的味頗重，咀嚼之下，魷魚柔和的鮮才慢慢散發，跟蔥的草青混在一起。蘿蔔雖然清新，但都幾搶，奇怪地又沒有蓋過魷魚的鮮。魷魚滑溜溜，帶點隱約的爽脆。每次吃都醃得鹹鹹的，這是吃過最淡卻最鮮的螢光魷魚。炸小海老見幾得意點了一份，但淡淡的小蝦，似乎適合佐酒，慢慢吃，慢慢談。即使加了檸檬汁、沾了鹽，小蝦炸得多脆，帶少少鮮，仍然覺得偏淡，加上午餐時間有限，始終無法吃完。自家製黑蒜拉麵友人的黑蒜拉麵，深啡黑色的湯底幾清澈，不似豚王的實色。極辛地獄拉麵餐牌用紅色

今次同朋友周圍走去左KLWN  city  一間日式拉麵店到試下新野－浜滝.以下就係我地order 左既食物！海老味噌拉麵－＄108忌廉蟹肉薯餅－＄58燒金目鯛－＄78燒明太子－＄68XL宮崎生蠔－＄234大原紫蘇梅酒－＄108首先上桌既係大原紫蘇梅酒，呢款酒酒味教淡，但有輕輕果香果甜都好適合女仔一路傾計一路品嚐啊！淺紛紅既顏色令人見到都覺得有青春既感覺啊！注意注意： 呢款仲係標明京都大原產紫蘇使用添！質量有保證啊： ）等左十分鐘左右，忌廉肉薯餅率先出場！其實肉眼都會見到好足料，而且食落外皮薄而脆，唯蟹味差小小，而且質地教實。燒金目鯛都到場啦！提提大家呢種魚燒起上黎肉質會比較實同較硬，呢樣係魚質問題喔！呢次既燒金目鯛其實食先上黎佐酒幾唔錯嫁！金目鯛既咸香味會食落口一陣再慢慢滲入然後散發係口中。好適合一路傾計一路食既小食啊！（唔好睇佢個樣好可怕啦，佐酒良伴啊！）接住黎既就係燒明太子！廚師仲好細心咁為明太子附上白蘿蔔蓉，蔥同紫菜！呢種配搭雖然係日本係常見，但香港呢種樣樣都計到盡既飲食環境已經買小見小啦～明太子質地比金目鯛魚肉質地更實，但鮮味會較強烈而且餘韻十足！而廚師會搭配白蘿蔔蓉、蔥同紫

九龍城除左泰味濃，亦有好多其他美食，就好似這間浜滝店內有6-7張桌，空間都唔會窄，令人感覺舒適。打開menu以拉麵做先鋒，其後有送酒的小食，燒物，仲有生蠔只係$38隻，肥美鮮甜，我覺得價錢算合理。最後仲有好多不同的日本佳釀，如果有班賞酒友，這度係個放工消遣的好去處。肥美生蠔自家製黑蒜拉麵--湯味濃郁，黑蒜香但偏油，配叉燒，玉子，筍，紫菜。。回味每碗拉麵都有火石喺湯入面，就算食得慢，湯都唔會變凍自家製玉子叉燒丼，簡單4塊叉燒，紫菜絲，飯的份量較多。近鏡睇到嗎？精髓在於呢粒溫泉玉子，整穿蛋黃再拌飯，加d醬油，但我始終中意拉麵多d。芥末牛油果蝦，感覺上沙律醬比例太多，但味道不錯，旁邊的餅反而好好食有點搶了風頭，真係有衝動想追加。最後鹿兒島和牛，可能廚房發生問題，我們足足等左45分鐘有多，先上菜，雖然心情有所影響，但味道都不錯，牛味夠烤味同單一胡椒味都平衡得宜

中秋節收早，就帶爸爸媽媽去食日本拉麵～佢地受左我既薰陶之下，都愛上了食日本菜，哈哈！這間光猛招牌的就是浜滝，走到九龍城福佬村道近街尾就會見到它的踪影～想不到中秋節都好多人反傳統，鍾意黎食日本菜～去到時店內都坐滿八成了，幸好剛好有位，不用等位！先來看看菜單它們主要有五款拉麵及其他特色小食，也有是日推介！生啤（HK$45）爸爸就點了杯生啤，還是第一次飲日本生啤的，啤酒夠凍，有麥香味，不太濃，不錯！自家製黑蒜拉麵（HK$88）剛煮起的熱騰騰拉麵，黑蒜有好高的營養價值，所以就一於試下～湯底味道適中，唔咸又唔淡，但沒有好濃厚的黑蒜味，但唔太油膩，唔會食到成口油，讚！上面就有兩片薄薄的叉燒、荀菜、半熟蛋及蔥花，還有一小塊黑蒜～黑蒜可以就咁食，或者浸落湯底食，不過我選擇就咁食，好香不似一般的熟蒜般！而叉燒肉質嫩滑易咬！而拉麵份量亦都足夠，軟硬適中，好有口感！極辛地獄拉麵（HK$108）這碗是能吃辣的爸爸點叫，我也試了幾口～因為怕太辣關係，點菜時可以叫它小辣，立眼一看，成碗湯底呈橙紅色，感覺好似好辣，但嘗一口湯底又可接受的辣度（我只能吃小辣）而拉面仲有兩件餃子、荀菜、半熟蛋、蔥花及紫菜～餃子薄皮餡料多

今日來到九龍城區，吃的不是泰國菜，而是日本料理。間間泰國菜都座無虛席，我就特別點去光顧日本餐廳。餐廳以木製家具為主，營造日本風味濃郁的感覺。究極海老味噌拉麵。拉麵湯底香濃清甜，豬骨湯底濃而不咸，，當中加入左海老味噌汁，入口蝦香濃厚，入口陣陣鮮甜。上面鋪上大量櫻花蝦，旁邊的鮮蝦大大隻肉嫩爽口，溏心蛋略微過熟，溏心效果不高但蛋味香濃突出，粟米和筍的份量也不少。湯中有一塊熱石，保持湯的溫度，非常細心。日本九洲生蠔。體型比宮崎細小，日本生蠔味道比較淡口，沒有海水的咸香，卻有陣陣清甜味，蠔身爽嫩不黏口，味道頗是驚喜。螢光魷魚。賣相頗是新鮮的魷魚，我鼓起勇氣一試，我就吃不停口。魷魚鮮嫩不嚡口，入口爽身不黏口，鮮甜味道不會太濟太膩。一口一隻口感豐富彈牙，第一次試味道非常滋味。秘製炸雞。大大一隻炸雞，雞肉肉嫩多汁，炸粉非常薄醃得咸香豐富，沾上小小檸檬汁更加驚喜，酸甜味道增加雞肉的鮮味。

湯：油+油，冇香味麵：似公仔麵，亦唔彈牙肉：豬肉似切片煲湯豬肉，無口感且無味道蛋：sap 蛋？？可以講句我業餘喺屋企煮都好食好多，我喺日本臺灣北美都從來冇食過一碗咁冇誠意嘅"拉麵"，隻蛋蛋黃唔係半生熟不特止，蛋白都係水汪汪！請問四個完素都可以咁差，重加舊熱石喺入面做乜？先做好基本功，再攪其他花招，生意當然唔易做，但係至少要知道自己做緊乜，如果真係主打拉麵，就先做好碗拉麵，唔係猛咁sell酒同生蠔魚生。

呢間鋪頭由開張到宜家，拉麵嘅水準仍然係無進步。最後真係逼不得已要寫一篇食評。-開張嘅時候我試過一次，嗰陣時拉麵好細碗，麵嘅份量得正常嘅一半，理所當然湯都係得一半。麵質方面，之前有評論話似公仔麵，呢個都唔多講，因為喺間鋪頭食野嘅時候，見到佢用咩麵。-另外，點解要加一舊熱石？唔係湯唔夠熱，而係掩飾份量少，可以用黎頂起啲麵。另外，講下個豬骨湯，得個咸字，豬骨味無乜。或者啱啱開張，所有野都有待改善，所以我都向店員反映咗，佢地都同我講下次再黎食嗰陣會有改善。不過，都有一啲地方係好嘅，起碼佢地會入不同嘅食物，例如白子，我之前都有order過。呢D食物就唔俾評論，因為無乜技巧可言。-事隔幾個月之後嘅今日，我見到媒體上有介紹，openrice上又有咁多好評，我滿心疑問左好耐，唔通佢地真係有進步？定係marketing做得好呢？一於少理，去試下先。-寫到呢一度，我覺得都係重覆返上面寫緊嘅野，因為真係食唔出有咩改善。-總結: 九龍城嘅食肆有多啲選擇，我係支持嘅！但係唔係呢一區無乜野就開乜野。雖然係會有優勢，但仍請多多改善食物素質。