活

营业中

休息中

同男朋友睇完戲，見到隔離有間Cafe，望一望門口都好多人去食，好住一個試吓冇壞嘅心態去排隊⭐️慢煮西班牙有機黑毛豬薯蓉我自己都幾鍾意食黑毛豬，見到餐牌上面寫住有機，問返先知原來啲豬豬係食啲有機飼料，肉質都比較彈，唔會油膩。果然入口啱啱好，唔會過軟帶少少脆⭐️法國無激素烤雞個烤雞份量唔係好大，估佢唔到個黑松露味都幾重，仲有啲薯蓉，食完都好飽肚㗎。不過如果薯蓉可以少啲，個烤雞多一件成件事就完美喇⭐️楊枝甘露沙冰呢杯沙冰，根本就係一個甜品仲要大大杯，再加埋支雪條兩個人一齊食啱啱好，楊枝甘露打咗做沙冰，仲以為會好淡，點知真材實料，食到好飽下次睇完戲都會再嚟，個環境幾舒服啲嘢食好大件，質素又好

我朋友book咗枱同我食生日飯慶祝，訂咗間環境唔錯嘅餐廳，食飽飽之後我哋兩個去staycation玩返一晚。避風塘比目魚薯蓉😋😋😋個避風塘口味既魚好嘢味，面頭重鋪咗啲蒜片，啲配菜有烤過，個魚比我想像中入面，少少辣，令人好易入口慢煮西班牙有機黑毛豬薯蓉😋😋😋😋個有機黑毛豬用慢煮嘅方法，最後可能有稍為煎一下，外脆內軟，仲保存到肉汁添！ ！我朋友就喜歡個薯蓉，喜歡佢有少少薯仔粒粒喺入邊慢煮雞胸沙律溫泉蛋😋😋😋最後叫咗個沙律清清腸胃，啲菜同埋蕃茄芒果十分之新鮮，撈埋個溫泉蛋，成個口感升華咗唔少，似乎係日本蛋，因為蛋味好濃

估唔到戲院隔離開咗間咁大嘅Cafe，佔地大，佢有分兩邊一邊係寵物有善歡迎帶寵物，另外一邊普通位，成個裝修都係偏向淺色，有啲木調白色為主，都幾適合女仔過嚟影相。必食！蜂蜜黃金雞翼🍗🍯🐝有蛋黃包裹住炸號嘅雞翼，呢個組合真係冇得輸，加上有少少蜂蜜吊一吊味，呢個雞翼可以一個人食兩碟避風塘比目魚薯蓉🥔🐟仲有叫咗個魚，魚皮煎得香脆可口，但係肉質一啲都唔乾，魚肉食得出仲係滑身，配合埋下低啲薯蓉，竟然係用咗避風塘口味，好有香港特色，估唔到港式配西餐咁夾如果10分滿分，我覺得間餐廳值8分，嘢食同環境都好滿意

之前跑步經過見到有間落地玻璃餐廳，又驚有主人帶寵物入去。今日終於有時間去試一試呢一間餐廳，入到去好大間勁光猛！👍慢煮雞胸沙律溫泉蛋 9/10我見到呢一個沙律高蛋白低脂，即刻叫黎試吓，雞胸肉煮到啱啱好仲有汁，另外有藜麥蕃茄芒果同埋沙律菜，全部都好新鮮，夠晒膳食纖維。👍冷泡伯爵茶叫咗一個冷泡茶，茶味好濃，凍冰冰好消暑，啱晒食完飯飲番杯消化下呢個餐廳環境又大有寵物有善，其實見到餐單有好多特色嘢飲，下次要帶埋啲姊妹過嚟食同埋打卡

今日同男朋友行街  但天氣好熱 🥵行左一陣就想搵個地方hea下  真係熱到完全唔想離開個商場, 行行下見到呢間餐廳幾有格調 就決定入去試試我地一共叫兩個主食 一個係蜆肉意粉 （男朋友食既） 另一個係雞胸沙律 🥬🥗野飲方面 叫左兩個咖啡 蜂巢dirty  同埋青瓜 Latte!!野食方面中規中矩 我覺得沙律好岩女仔食👍🏻👍🏻 沙律唔係淨係得菜 好足料, 野飲就真係好有驚喜 😍 估唔到青瓜原來可以配咖啡 好fresh ！！！！另外個杯係蜂巢dirty（幫男朋友點）  除左個名好得意  個擺盤都好得意, 食左一啖仔「蜂巢」 甜甜地 夾埋咖啡都ok！ 😺😺

星期日family day 既中午 我同老公帶埋阿女一齊出嚟搵野食，老公就想搵餐廳食，最緊要有得免費泊車，阿女就想肚餓，想食飽飽（或者根本食厭咗我煮嘅嘢😂😂），我呢，就係唔想煮嘢食🤪想休息下享受下，咁啱見到呢間餐廳環境都唔錯，符合晒我哋一家三口嘅要求 就決定入去試吓😄😄一入到去 見到個環境咁靚 阿女就話要影相影相📸乜你唔係好肚餓架咩😅 我梗係叫佢要叫左野食先啦！佢即刻就叫左蜂蜜黃金雞翼加個楊枝甘露沙冰😂我就揀左忌廉雞胸蒜蓉意粉，老公叫左慢煮西班牙有機黑毛豬薯蓉加杯黑墨。點解我唔叫野飲？因為阿媽我一早就知道阿女一定飲唔晒，😏結果個衰女真係飲兩啖，就嘈住話要去影相😂😂講返味道先，野食份量都幾大份，1家3口都夠食，蜂蜜黃金雞翼有5件，都大大件，阿女食左2件就話飽，剩返又係比我同老公包底，雞翼炸到好香脆，配埋蜂蜜同埋鹹蛋黃醬，真係好惹味！個慢煮有機黑毛豬肉質好結實 好入味，忌廉雞胸蒜蓉意粉d汁好夠，每條意粉都有忌廉蒜蓉汁，好食！楊枝甘露沙冰都有驚喜，好似飲緊一個甜品咁，好fresh !! 😋之後梗係要老公幫我同阿女影返幾張打卡相啦😘😘阿女仲好開心到唔想走！呢間餐廳真心唔錯，嘢食又高質環境又舒適

去到北角匯，搵到呢間叫【活 LITM】嘅餐廳～分開左外賣區同堂食區，帶住毛孩既喺外賣區享活即可🐶～典型cafe 菜式，揀左軟殼蟹意大利飯同大蝦泡菜意粉，lunch set 都幾抵食👍🏻，有埋沙律/西柚果菜。自己可以另外加飲品，我地就揀左cold brew coffee & 焙茶鮮奶意粉煮得剛剛好🥰，爽滑，而且拌左泡菜辣汁好惹味，大蝦彈牙～好夠汁同入味🦐🦐意大利飯口感又係剛剛好，有咬口得黎唔硬，軟殼蟹新鮮炸好，好creamy 🦀值得一讚既仲有呢度既職員，個個都好有愛心，係真正中意同關心毛孩，💛💛💛！

北角街坊第2次來LITM食好西喇😛😛強烈推介避風塘比目魚配薯蓉真系冇得輸‼️‼️我fd子點左個炸雞窩夫 話貪距夠衝突🙈甜的窩夫點楓糖漿 又可以食鹹的炸雞喎試左一啖 味道吾差既😂不過我覺得距果個要88蚊 吾算好抵食炸雞得一舊 加隻蛋 不過下午茶來講刀夠食～我果個系避風塘比目魚配薯蓉 168蚊但份量真心大大份嫁 兩個人食刀夠‼️分享畀fd 子開心些牙😬😬連距都話好好味牙❗其實食完果兩個餐 我地已經好飽但系吾叫嘢飲好似刀系爭d甘～再叫多杯latte  42蚊 一齊飲‼️ ☕個拉花勁令囉🙈 簡直有啲吾捨得飲😂對學生來講 個價錢算系有少少貴但系配埋個甘靚既環境 又可以打卡 間吾中食一餐刀OK喇🥳‼️

已經是第二次到訪「活」cafe,第一次到來時,先被漂亮又典雅的裝潢吸引,再被美味的美食驚艷到,忍不住再次回訪。😊這次我和朋友坐在落地玻璃窗旁邊的座位,採光極佳,又不會太曬,飽覽整個海景,環境闊落,坐得舒服,享受美食同時享受美景,真是人生一大樂事,🥰當我看着途人慢跑的時候,食物已緩緩送上, 避風塘比目魚薯蓉,個人覺得已是餐廳的王牌餐點,食物水準維持跟上次一樣,用料實在,入口啖啖肉,而慢煮雞胸沙律溫泉蛋同樣大份,驚喜十足。再配上色彩鮮艷的Blue Lemonade,為味蕾增添一點新鮮感,最後來一壺熱茶,入口順滑,不苦澀,結束這一天美食之旅。😍再次到訪主要原因是我很喜歡這邊的環境,在餐廳用膳不會感到焗促,充滿空間感,和朋友靜靜聊天也不怕被旁邊的人聽到,正正可以為生活繁忙的香港人,留一天作喘息😉

係ig見到中同帶狗狗嚟過，即刻問佢拎個地址，同男朋友帶埋我2隻狗狗嚟，佢地一嚟到就勁興奮，狂搖尾🤣🤣🤣🤣我同男朋友就點咗慢煮西班牙有機黑毛豬薯蓉同避風塘比目魚薯蓉，擺盤有心意，味道亦好鮮美，2款都係水準之上，睇下我2隻毛小孩望住d野食咁開心，又肯望鏡頭就知道好味啦！😙今次寫呢個食評，其實真係好想讚一讚呢間Cafe，好多Cafe都唔俾帶貓狗入去，呢間唔單止歡迎帶毛孩，仲設計左好多打卡位俾我同狗狗一齊影靚相🐶🐶店員送餐時，會叫我小心抱住狗狗，以免狗狗太興奮，掂到d野食，整親佢地，呢個位已經睇得出呢間餐廳係真係對寵物好友善同埋好貼心❤️❤️❤️！下次一定會再帶狗狗來！

難得疫情回溫，梗係要好好珍惜可以晚市堂食既日子，今次同男朋友去左呢間cafe，裝修都幾靚，完全符合可以打卡嘅條件😂叫咗一個龍蝦汁軟殼蟹意大利飯同白酒蒜片橄欖油蜆肉意粉，個軟殼蟹有2大舊，吸哂d龍蝦味，幾好食😋個蜆肉意粉味道都唔錯，份量好大份，算係睇得又食得😎哈哈另外叫咗個焦糖脆脆，都幾甜，焦糖幾脆口，口感都幾得意，冷泡伯爵茶，就係一般嘅伯爵茶味，都ok😊喺OpenRice訂位仲有全單8折，晚餐嚟講，2個人埋單300幾蚊真係幾抵食，又大份，又好味，下次可以再嚟呢度拍拖☺️💋

北角算係新咗一排嘅狗餐廳 喺北角匯商場入面 起海邊放完狗去好方便有分狗專用區 同埋正常客人食用區 兩個區係分開嘅 咁就唔會騷擾到其他人🐶好寵物友善嘅係狗狗區有圍欄 唔驚狗狗走來走去人嘅Menu好多選擇 有lunch set 亦有All day Breakfast另外當然唔少得狗狗menu～▶️ 忌廉雞胸蒜蓉意粉 ($98)因為用紙兜裝住所以賣相一般🥡份量正常不過調味料落足 可以見到好多黑椒成個意粉都佈滿忌廉汁 芝士味好香濃🧀可能係用咗藍芝士基本上係carbonara汁 只係食落比較杰身 可能芝士比牛奶比例多 好食但少邪惡配料有蘑菇同洋蔥令佢更加香 同埋冇咁齋🧅雞胸肉大概有四薄片 肉質幾淋 但係乾身咗少少🤏🏻味道方面調味得幾好 芝士味配上黑椒味 唔錯唔錯🐔蒜蓉味都十分之出 雖然好似好多味道夾一齊 但係食落唔膩 同埋唔太鹹 啱啱好意粉質感都好好👍🏻覺得佢係偏硬 比較有嚼口 唔易斷開▶️ 凍西柚果茶 (跟餐)飲落第一啖好fresh 因為西柚味好出😌入面真係有一片西柚絕對啱炎炎夏日飲 清熱解渴因為叫咗少甜 所以味道唔假 唔會飲到糖漿味 感覺自然👍🏻茶味唔太濃唔苦澀🍵最好係跟餐 唔需要另外加錢 好推

身為北角人，難得北角新開咁大間嘅打卡cafe，其實都唔算新開🙈，上年年尾開咗到而家都未幫襯過，好啦，等我帶埋姊妹去試下佢！😋呢間餐廳鄰近北角碼頭，位於北角匯地下，喺A1站出口行2分鐘就去到，地點相當方便～ 加分！入到去，一大片落地玻璃窗，環境相當開揚，枱同枱之間距離都好大，好有空間感，2000呎嘅Cafe，香港真係好少有，裝修又係走簡約文青風，啱哂我呢啲文青港女嚟打卡😳再加分！餐廳係用QR code點餐，我地叫左2份lunch一齊食，忌廉雞胸蒜蓉意粉同避風塘比目魚配薯蓉，等咗一陣，嘢食就嚟到上菜都算快！加分！個忌廉同蒜蓉汁好creamy，配埋啲菇菇，真係好好味！加分！個比目魚配埋薯蓉，入口即化，加埋避風塘d炸蒜真係好惹味😆再加分！飲品方面，我地就叫左薄荷茶同埋一杯latte，味道都唔錯，不過不失🧡 總結嚟講，呢間餐廳，我覺得身為北角人一定要至少幫襯一次，因為個景實在太靚啦☺️我同姊妹都會再嚟，下次試下all day breakfast同和牛漢堡先得😝！嘻嘻！

最近開始注意飲食，不過要去到做到生酮飲食好難😫😫😫 所以自己都只係盡量試緊減澱粉或者0 澱粉既餐單 今日食呢個雞胸沙律餐真係岩晒雞胸呢排都食得好多 自己煮 黎黎去去都係個種味  呢度用慢煮方法黎整（屋企整唔到😅）  雞胸1d 都唔會乾！ 簡簡單單一碟 有蛋白質 又夠纖維  味道好好 除左菜 仲有superfood 藜麥減肥都可以食得飽 同埋好食嫁！ 想健康係唔使下下白烚嫁🥲😂Lunch set 仲唔使加錢包一個果茶（想再健康啲 可以選無糖既飲品） 😚😚

星期六既中午，同閨蜜約左呢間餐廳「活」，我地其實主要係想打卡既，一入到去，店員好nice安排左落地玻璃窗位，環境高雅又充滿文青氣息。😳望住個環境已經覺得好靚好舒服，點知啲嘢食都令我哋好驚喜！😚我哋嗌咗法國無激素烤雞黑松露薯蓉同埋避風塘比目魚薯蓉兩款一齊share，勁鍾意食薯蓉嘅女子😝真係估唔到比目魚都可以做到避風塘口味，而且係夾架喎🙈，加埋薯蓉入口即溶，個味道真係幾新鮮幾得意！另外叫咗兩杯嘢飲，Blue Lemonade ，入口清爽，打卡超靚囉😍😍 另一杯叫左蜂巢Dirty，將Expresso倒入凍奶入面，飲一啖咖啡，再咬一啖仔蜂蜜，好正🥰呢餐lunch估唔到份量都幾大份！！兩個女仔梗係食得好飽，一路食一路傾計，仲見到隔籬枱嗰對情侶帶埋狗仔一齊嚟！！🐶撩下狗仔，影下相，真係好chill 😎 下次我都要帶埋我主子一齊嚟啊！