活

营业中

休息中

前兩日睇完戲行路北角匯一期地下，見到有間Cafe個裝修好chill,我就入去食咗個飯一入門口其實佢有分兩個區，有一個區見到可以帶寵物入去，不過我自己一支公就坐低咗喺另外一個area，間餐廳裝牆身都係偏木調都幾warm啊龍蝦汁軟殼蟹意大利飯😋 嘩！嘩！嘩！第一眼睇到表示很驚訝，原隻軟殼蟹上咁有誠意🙀🙀 咬落去唔會好厚粉，加埋啲入晒龍蝦汁既意大利飯簡直一流啊🤤 好惹味～啲飯都帶啲啲咬口，唔係好硬個啲！最後叫左冷泡伯爵茶，都幾重茶味。佢好有儀式感咁用個玻璃樽裝，自己飲個陣再倒落玻璃杯度☺️個意大利飯真係令人好回味，好值得推介比朋友

響公司附近搵下有咩好西食，不過試極都差啲，唔係價錢太貴就係野食太伏，兜兜轉轉，終於比我搵到間好野啦！入到去啲侍應服務態度都唔錯，對得住個裝修，安排咗一個冷氣勁嘅位置比我，爽呀喂！我睇完meau, 叫左個忌廉雞胸蒜蓉意粉，等咗陣就送到。雖然賣相好似一般般，但原來食落係幾好味道，而且唔「漏」，cream味同蒜蓉味都夠，雞胸都嫩口juicy唔老，成件事夾埋都幾唔錯順便叫多個法國無激素烤雞，黑松露，雞嘅調味都幾好，烤得都算還可以，隻雞食落冇雪味。薯蓉都似手打唔係機整死咕咕咁。我覺得菇就一貫水準喇食完兩款重口味嘅嘢，最後都嗌多杯嘢飲先，我就叫左蜂巢dirty；因為坊間都唔多見有，飲落都覺得幾得意，都幾有新鮮感，可以encore！食晒之後，侍應都有比杯水我飲,最後我捧住個肚，又一個Happy Friday Lunch喇！

前幾日同細佬睇戲前去食啲野先，見到北角匯一期地下開左呢間活，地點都幾方便就入去試下我叫左慢煮雞胸沙律溫泉蛋，另外我細佬就叫左炸雞窩夫 🥗個雞用慢煮嘅方法真係比較以嫰唔會柴，用嚟點個溫泉蛋食都幾夾，如果可以加多少少香草調味就好完美，加埋啲蕃茄芒果，多番唔同口感 😛 又唔會太heavy🍗細佬個窩夫即刻整架，外脆內軟唔會軟淋淋，啱啱整出嚟好香🧇個炸雞上面仲有一個太陽蛋，一切開流晒落炸雞度，一啖窩夫一啖炸雞佢食都冇講過嘢。😂😂最令我驚喜嘅係杯楊枝甘露沙冰，因為熱屎辣辣又唔想食甜品呢一個楊枝甘露沙冰啱啱好。啖啖芒果肉，成杯沙冰勁滿再加一支雪條兩個人share先得一個人食太多😆微甜凍冰冰為呢個下午茶作完美句號呢度性價比高，環境又舒服下次會帶埋媽媽過嚟食晚餐

之前個同事推介公司附近北角匯一期地下既cafe好好食又抵，今日就去試下🤤🤤見到cafe都幾闊落下，見到cafe有個甜品櫃擺左啲甜品，都幾多，中意食甜品可以過黎試下第一樣上菜既係慢煮西班牙有機黑毛豬薯蓉，啲黑毛豬入口多汁，唔會乾🤭 就咁睇得兩塊，以為唔夠飽😂 仲有啲薯蓉食到小小粒粒口感，睇嚟係cafe自制第二樣叫左個法國無激素烤雞，一切開係有肉汁唔會烤得過乾，呢都係配薯蓉但多左黑松露😍😍 加埋啲配菜，男仔食都好夠飽啊😌最得我心既係杯蜂巢dirty，佢會比粒新鮮蜂巢你自己DIY杯dirty😆 啲蜜糖勁正，夾埋杯咖啡，用黎打卡岩晒😉其他地方都好少見下次要再黎cafe食甜品同埋試下其他特色野飲！😙😙

長假期同屋企人帶埋狗狗去街街放電，估唔到呢間餐廳歡迎毛孩，排一陣就有位比我地坐底，因為有帶毛孩，餐廳安排我地坐個區會番紙碟紙碗，好細心唔怕打爛整親狗狗放完電都幾餓🥺🥺 所以叫左兩個主菜同一款小食龍蝦汁軟殼蟹意大利飯🦀🦀 呢個必食啊！原隻軟殼蟹上，好大份！加濃濃既龍蝦汁煮意大利飯，成個海鮮風味出晒黎，個意大利粉係帶啲咬口，唔會煮太過軟，配合得岩岩好😝慢煮西班牙有機黑毛豬薯蓉🐖🐖個豬比足兩大舊加埋薯蓉好飽好滿足，個黑毛豬好香豬味，有少少半肥瘦一啲都唔乾😋，食得出係有心機煮👍👍蜂蜜黃金雞翼最後黃金雞翼勁邪惡😩😩令人食唔停口，又脆口又甜甜地咁，會想再叫多碟😗😗呢間餐廳勁推薦啊～三樣都好好食，份量又好足喎🤣 下次要同啲朋友一齊黎試多幾款share食

一拖二去邊好？呢排去匀曬啲草地，就揾到呢個有得免費泊車，又有welcome 毛孩嘅餐廳食下飯。入到餐廳，見到有個area係可以打卡，仲貼咗好多唔同嘅狗狗閃卡係度（去睇下就知，點解話係閃卡📸🙈)簡單影張相，就緊住媽咪坐定定食下飯先啦！呢幾日好想食蟹，一見到餐牌上有軟殼蟹喎，都照殺啦！啲侍應姐姐又黎say 下hi ，等咗一陣就有嘢食啦！！個risotto 份量都幾多，蟹就有一整隻，炸到幾脆口，外層薄薄一層炸粉，唔係淨係得個殻㗎，蟹膏都唔少，啲米加上用龍蝦汁去煮，都幾入味，質感濃稠。你睇下毛孩佢幾渴望嘅眼神就知，碟risotto係幾咁吸引啦。食完仲去咗樓下一田行個圈先番屋企，下次再同毛孩嚟散步嘆冷氣，同睇住媽咪食好嘢啦！😆😆😆

早幾日同男朋友去左北角匯行，見到呢間餐廳門口牆身用水泥牆裝修勁靚，🤳🏼影左兩張相就順便試下呢間餐廳坐低其實都幾闊落 我地傾偈都幾舒服 又唔會太嘈太近隔離枱🥰叫左一個法國無激素烤雞🤤好有驚喜 🐥隻雞份量岩岩好，啲雞皮烤到脆脆地勁香啊！下面仲有黑松露薯蓉勁開心，啲松露都幾多好重黑松露味 配埋啖啖雞肉 勁享受～我男朋友叫左個避風塘比目魚薯蓉🫣比我偷食左1/3🤭🤭 本身我都好怕食魚 怕有骨不過成件比目魚都係無骨 估唔到避風塘口味咁香口加埋啲配菜勁夾 一啲都唔會覺得腥 吸晒啲香料 正！野飲我地就叫左一杯黑墨，咖啡味都幾濃唔會太酸 ☕️另外叫左杯Blue Lemonade，成杯淺藍色勁靚😍岩晒打卡，飲落又唔會岩岩好唔會太甜 好清爽，流完汗飲番杯岩晒呢度坐得好舒服，啲野食幾好食又唔貴，下次拍拖經過會再幫襯

本身同事唔係約食呢間，不過天公不造美（係好定唔好？🧐)落大雨，困係室內，間間都多人等位底下，就揀呢間價錢高當少少嘅餐廳，坐底快手食個靚飯。兩個人落完單，嘢食都幾快上菜，幾驚要等好耐啊，你知啦lunch time時間寶貴啊！個蜆肉意粉上先，份量都幾多，味道調味得幾好，蜆肉都鮮甜嘅，唔錯唔錯😋😋。而同事個龍蝦汁軟殻蟹意大利飯仲吸引，啲汁包住粒粒米，仲有成隻蟹上，幾香濃，可以再同啲港女同事黎食lunch，佢哋一定鍾意❤️

經過海濱花園見到店內不少客人正在用膳，想到可以大飽口福之餘還可以大飽眼福，便內進一試。與友人分享一個魚主食和一款小食，主要是淺嘗咖啡為主。比目魚柳，外皮香脆，肉質鮮嫩，加上醬汁配合，如醬汁更多，伴薯蓉便會更添風味。蜂蜜黃金雞翼更為重口味，鹹香十足，鹹甜夾雜，雞翼開半更易入口和方便一啖品嘗。咖啡方面，友人選了青瓜latte，這配搭真意想不到，極具創意，欣賞友人大膽嘗試。一試之下，清爽青瓜加上咖啡奶泡，口味獨特，有趣味。黑墨相比之下，便是一個過渡成人口味的代表。濃淡適中，帶少許苦澀，整體來說，可以用香醇滑順來形容這杯黑墨。

今次美少女聚會，被選中嘅地方就係北角匯活，貪佢夠地點夠近，食完嘢即刻開枱。唔講唔知，有間裝修咁啱打卡嘅餐廳，餐廳以西餐為主，有意粉，沙律，肉主菜，小食又有，啱晒心大心細，乜都想試嘅美少女們。叫左幾款share食，個慢煮黑毛豬唔會太肥，肉夠淋配埋醬汁，各方面都 balance得幾好，幾夾。個雞翼都好食嘅，配啲有汽飲品一流。仲有個沙律，醬汁另上，真係啱晒keep住美妙身型嘅你、你同妳。點少得用黎打卡嘅特飲呢，叫咗個冷泡伯爵茶，茶味十足夠凍，造型似足飲緊高級cocktail 咁🥃，影相呃like一流！另一款就叫咗青瓜latte 無錯啊！係青瓜🥒🥒🥒，飲落清爽，隱隱約約咁飲到啲瓜味，加落咖啡又唔會話奇怪嘅味道，如果你有飲過有汽青瓜水，咁佢就係升華版本，絕對可以一試！如果穩陣嘅，就咁叫番latte ，有拉花，影相都靚架！

今日去Hyatt 等 Check-in順道落樓下睇吓有咩食 ， 就喺酒店隔離有一間餐廳入去坐吓 見到餐廳以為酒店旗下 裝修都優雅以為比較貴餐廳 入到去先發現menu 原來咁平😱😱食物質素仲要比 好多 Cafe 相比用心❤️最鍾意就係佢哋嘅意粉 我要求少油 意粉做到好Al dente 😋仲有另外一樣個蝦多士非常之好食不過應該有限量因為我見到隔籬枱一入嚟就話要嗌蝦多士 我聽到店員同佢哋講話好彩佢哋之前打嚟留咗特登留最後一份比佢哋（今時今日嘅服務態度算係咁 ）值得一讚係餐廳員工 基本上我所有要求都有求必應 👍🏻絕對有回頭嘅一間餐廳😎

一個人係海濱散步嘅時候，被呢間餐廳個玻璃窗吸引咗，想坐低望住個景食下嘢，行番去商場正門先知，佢叫活，幾有詩意啊！簡單黎個set lunch，原來都幾多選擇，揀咗白酒蒜片橄欖油蜆肉炒意粉，食落唔油，酒味無乜，蒜味較為突出，配埋蜆肉爽甜，份量又多，意粉軟硬適中，我就偏向喜歡呢種，不會overcook。餐飲⋯⋯就揀焦糖脆脆，果然無揀錯。第一啖奶泡綿密，入口香甜，焦糖味同奶真係好夾，飲到一半，我自己就鍾意再落多半包黃糖，再攪拌均勻，間唔中飲到啲脆脆，甜甜哋，令心情都愉快。一個人都可以活得輕鬆，食得愉快嘅。

話說上次黎食咗個慢煮雞胸沙律超回味，今次自己黎搵食，又發現到好嘢👏🏻其實烤雞都可以好健康，係烤焗過程，焗晒隻雞啲肥油，所以揀咗烤雞配黑松露薯蓉，特別order咗少薯蓉得啦，隻雞黎到，啲香氣令到我流晒口水🤤就係我食緊隻脾嗰陣時，見到隔離枱碟雞翼都貌似好食，好啦！加單！！黎啦！黎啦！黎啦！同我記住佢，蜂蜜黃金雞翼，每隻雞翼都滿佈鹹蛋黃嘅咸香，再有蜂蜜為呢隻雞翼更添層次，為咗減低罪惡感，我唯有食完呢幾隻雞翼，今晚再去海濱跑多幾轉啦。🏃🏻‍♀️🏃🏽強烈推薦蜂蜜黃金雞翼🍯！！！

唔係港島人，唔熟呢邊，不過咁啱同網友第一次約見面，就當去下新地方探險。本身約咗北角匯睇戲先，然後散場嗰陣時，網友提出一齊食lunch，就揀咗眼前嘅呢間活LiTM 。係地下位置，其實去戲院嘅途中都見到佢，心諗個裝修幾日系，估唔到心靈相通咁有得去試下。坐低發現，原來咁近海濱花園，佢仲話食完去行下。菜牌都幾多菜式選擇，我就揀咗避風塘比目魚薯蓉($168)，條魚柳表面金黃煎香，無留意到佢係避風塘口味，食咗啖辣辣地，無雪味，肉質Q彈，色香味俱全。而操緊肌嘅佢就揀咗慢煮雞胸沙律🥗，都幾豐富，佢話好少沙律做到個配搭營養均衡，大贊！👍🏻👍🏻餐飲嗰度，我揀咗好耐都唔知飲咩好，對方就超快決定飲特飲，侍應就推薦我飲佢哋嘅新推出特飲楊枝甘露沙冰。杯沙杯勁得意囉，插住咗條牛奶雪條，一個價錢兩次享受啊！飲落真係似食緊楊枝甘露糖水，極推！☺️到俾錢嘅時候，個妹妹問有無網上book枱㗎，我地話無，原來六點後網上book位會有八折，唯有下次醒目啲book定位，再黎食！！係個美好嘅約會，希望下次黎，係用其他身份同對方一齊黎。😊

早排係FB嘅狗狗gp見到有歡迎狗狗嘅餐廳相，緊係跟風要黎打下卡啦，仲要係冷氣地方😌黑毛熱得，我屋企個大毛唔熱得呢😏所以二話不說，出發，Go go!🐕‍🦺🚙💨💨一去到門口，已經揾到個打卡位置，個藍天白雲彩虹 background超colourful ，帶黑毛過去，佢就擺出個咁梳乎嘅pose，笑死人咩😆😆😆，叫大毛一齊合照，個死佬又怕醜。講番野食先，當日去唔係好餓，所以淨係叫咗2杯野飲同一個🦞軟殻蟹risotto ，下午茶都好夠食，粒粒狀口感，我自己就鍾意佢夠多龍蝦汁！作為一個短短嘅打卡之行，夠晒滿足，見到同場有其他狗狗，職員都細心問使唔使分隔遠少少，睇黎佢哋對於狗狗係店都有經驗處理！大家都可以放心去打卡，報告完畢！GO GO！😬