活

营业中

休息中

呢間北角嘅餐廳bookmark 左好耐，因為好多人推介，仲要環境好靚，終於到假期啦，我就一於同男朋友一齊去試試先。我地叫左三款食物，兩個主食同一個小食，其實選擇都多嫁，好多都好吸引我地。小食就係呢個熔岩蝦球，份量一碟有4粒，雖然細細粒，但味道確實係掂，超香蝦味，又脆卜卜。跟住呢個蜆肉白酒蒜片橄欖油炒扁意粉，蜆肉大大隻，又厚肉，完全唔腥，仲有蒜香味，正呀！食埋意粉都好香蒜味！仲有呢個荷蘭大啡菇西西里意大利飯，哇！流哂口水呀我！我偷食左我男朋友勁多啖，因為個飯勁香蕃茄味，同大啡菇嘅味道好match，勁好味🙌🏻

我返工成日要周圍見客，今個星期就要入北角，見到好多人推介呢間餐廳😉見個個大讚真係好好食，我就決定要收工約埋朋友朝聖一下🥳⭐️煙三文魚牛油果醬蛋窩夫$88呢個又甜又鹹嘅窩夫又好得我歡心，窩夫鬆脆又香牛油味，而煙三文魚新鮮，只需簡單調味已經好好味，再配高營養價值嘅牛油果醬同流心嘅日本蛋，飽足感十足。⭐️熔岩蝦球$48呢個有好Q彈嘅蝦球外表，油炸後超香脆，一咬就有濃郁嘅蝦味溶出嚟。⭐️軟殼蟹龍蝦汁意大利飯$148呢個飯面頭嘅軟殼蟹大大隻，酥脆而且驚喜地好Juicy，仲要龍蝦汁鮮甜濃郁，每啖都有足料蟹肉，好好味🥹

岩岩同男朋友睇完戲，就去左戲院隔離呢間餐廳食嘢，環境設計都係偏淺色系，以白色為主，比人好舒服嘅感覺，岩哂同男朋友約會🥰我哋叫咗一個法國無激素烤雞，有成半隻嫁，都係$158幾抵喎！仲要隻燒雞賣相好吸引，係有光澤感🤩食落都係好多汁添啊！啲肉質仲要一啲都唔鞋，推介大家一定要同朋友叫個嚟share食！之後仲有叫咗一個脆炸雞翼，本身係因為俾佢嗰醬吸引咗所以叫，因為佢嗰醬係椒絲腐乳🤣，自己幾鍾意食腐乳嘅fusion菜，估唔到同雞翼又幾match！跟住就叫左個韓式辣醬椰菜花，韓式辣醬好惹味，令到本身唔係好鍾意食椰菜花嘅我都食晒成碟 ！最後呢個煙三文魚牛油果醬蛋窩夫都一如既往同其他食物一樣咁好食！因為佢個三文魚真係好新鮮好大塊，牛油果醬配蛋呢個配搭冇得輸，夾埋窩夫出奇地好食😆好食過就咁配麵包咁普通。

今日閨蜜提議行完街去呢間餐廳食嘢😋見到ig都有好多人介紹呢到，於是就一齊去試！今次都同大家分享下先~打頭陣嘅係呢個軟殼蟹龍蝦汁意大利飯，哇！個賣相已經好震撼！因為有個超大個軟殼蟹，而且龍蝦汁味道都好濃郁添。而呢個脆炸雞翼嘅小食都唔好睇少，因為外表好脆，內面又多肉汁，仲要配左好鹹香嘅椒絲腐乳醬，唔錯。仲有個煙三文魚忌廉檸檬扁意粉，呢個有新鮮嘅煙三文魚同用左忌廉檸檬汁，扁意粉口感都好好，唔會太淋又唔硬，呢個係清新之選呀！

上星期姊妹推介去咗位於北角嘅餐廳食嘢😋見OpenRice有好多人話呢到性價比好高，所以就今日去咗試吓！又真係冇令我失望🤩飲品方面我哋叫咗熱朱古力同伯爵茶，熱朱古力喺面頭仲會有兩粒大大粒嘅棉花糖😆好正！而伯爵茶飲落味道都好清香！唔會話好淡！主食方面呢個荷蘭大啡菇西西里意大利飯，意大利飯食落口感啱啱好，唔會太硬又唔會淋，而且有好濃郁嘅蕃茄醬汁味道，仲可以配埋好香嘅大啡菇一齊食！另一款紐西蘭有機青口馬來西亞叻沙扁意粉，由於佢係用咗馬來西亞喇沙嘅調味料，所以有好香嘅香料味道，超級惹味！仲要每隻青口都肥嘟嘟！最後呢個脆炸雞翼都係即叫即炸，熱辣辣，配埋椒絲腐乳醬食，好滋味

炎炎夏日都不阻我繼續食好嘢嘅決心，但係最好就搵返商場有冷氣又坐得舒服嘅地方啦，行行下見到呢間叫活LITM餐廳，就咁睇個環境又幾有靚同舒服，就決定入去試試🤪我地叫左兩個意大利飯，分別係荷蘭大啡菇西西里意大利飯同軟殼蟹龍蝦汁意大利飯，同朋友一齊share，兩個我都好鐘意❤️首先係荷蘭大啡菇西西里意大利飯，本身好鍾意食大啡菇，呢到嘅大啡菇有好香嘅菇味，而且好厚身又多汁。西西里意大利飯都好香番茄味，每啖飯都食到番茄嘅酸酸甜甜香味😆另外軟殼蟹龍蝦汁意大利飯呢個賣相更吸引，首先有個超大嘅軟殼蟹係面，而呢款嘅意大利飯係配左龍蝦汁嘅，醬汁嘅份量啱啱好，每一啖飯都有龍蝦汁嘅精華，正😋最後個小食脆炸雞翼都幾唔錯，好少見會有配椒絲腐乳醬嘅雞翼，算係幾大膽嘅嘗試。

呢間餐廳真係好岩女仔同朋友去呀💖！因為呢到環境好靚好啱女仔影相，又可以靜靜地傾下計，食物味道都好好，餐廳嘅職員服務態度好nice👍🏻哇！呢個軟殼蟹龍蝦汁意大利飯真係不得了，軟殼蟹係原隻上嫁，而且炸到好香脆，意大利飯偏濕潤，仲有好香嘅龍蝦汁味道，真係好好食😋價錢又唔算太貴，份量咁多都係$148。而呢個脆炸雞翼一開都係抱住試一試嘅心態，因為佢係配左椒絲腐乳醬，估唔到炸雞翼同腐乳味道好襯，比人一種全新嘅味道。我仲叫左一杯靚靚嘅拉花Latte，好濃香嘅咖啡☕️

呢間活LITM係我呢位北角街坊推介嘅長期飯堂，因為食物質素真係有返咁上下嫁，環境以白色為主調，雲石設計，成個感覺好文青，當我想食下好嘢獎勵下自己嘅時候就會嚟呢到啦😆今次仲帶埋朋友試下！我哋分別就揀咗兩款主食，就係紐西蘭有機青口馬來西亞叻沙扁意粉同煎比目魚配蕃茄莎莎薯蓉。兩款嘅食物賣相都好吸引。首先講咗紐西蘭有機青口馬來西亞叻沙扁意粉先，好值得一讚佢哋嘅青口隻隻都好大隻同肥美，而且食落一啲沙都冇！清洗得好乾淨，我食得好安心。仲要味道方面係完全冇腥味，雖然佢係比較重味道嘅馬來西亞喇沙，不過仍然食到青口嘅鮮味，扁意粉口感都好好👍🏻然後另一款煎比目魚都好吸引，比目魚煎到脆脆嘅外皮，而且魚肉份量有好多，仲要每一啖食落口感都好滑嫁！唔會怕唔夠飽，另外同蕃茄味都好夾😉最後呢杯熱朱古力棉花糖係女仔最鍾意❤️，突然之間好想飲甜野，為咗滿足下自己所以就叫左🥳

第一次去到呢間活 LITM嘅餐廳，身為煙三文魚控嘅我見到meau 心大心細唔知揀邊個好，就決定叫哂兩樣😋雖然都係煙三文魚個主角，但兩款有不同嘅感覺，但兩個我都一樣好鐘意同推介！第一款嘅係煙三文魚忌廉檸檬扁意粉🍝，呢個意粉嘅口感軟硬程度岩岩好，配威充滿檸檬清香的忌廉汁，大大提升了三文魚的鮮味，好出色！第二款嘅係煙三文魚牛油果醬蛋窩夫，以日本雞蛋烹調煎蛋，切開仲有啲流心嘅效果，雞蛋下配搭住一塊厚切又新鮮嘅三文魚，呢個配搭都幾夾，最底層仲有我最鍾意食嘅窩夫，窩夫外脆內軟好鬆化。最後仲叫左杯好濃嘅熱朱古力配棉花糖😋好滿足。

位於北角呢一間餐廳《活LITM》。店內環境舒適，食物選擇種類多，價錢優惠，係一間性價比唔錯嘅餐廳。呢個煙三文魚忌廉檸檬扁意粉係朋友揀嘅，佢扁意粉嘅口感硬度啱啱好，而且因為配搭左忌廉檸檬汁所以味道比人好清新感覺，食落一啲都唔會好漏。而且再擺咗一片好肥美又大塊嘅三文魚喺面，面頭再加左啲芝士粉，呢個組合真係唔會太邪惡又好好味好滿足呀！而呢個慢煮西班牙有機黑毛豬就係我揀嘅，因為我係一個食肉獸😂，冇肉食好似周身唔舒服。估唔到呢個黑毛豬都整得幾好，口感唔會太老，係煙韌有咬口嘅。我最鍾意佢係點黑醋一齊食，黑醋嘅味道同黑毛豬好襯，再食埋薯蓉！勁飽。小食方面叫咗一個熔岩蝦球，一啖一口，香脆又有好香嘅蝦味🤪見到好多人飲呢杯熱朱古力棉花糖，咁啱想飲甜野嘅我都叫埋同朋友share，有超濃郁嘅朱古力味。

男朋友住係北角，但平時好少入去搵佢，今日我放假去左搵佢，佢提議去咗呢一間餐廳食嘢🤩睇到呢一間餐廳環境好靚好岩我心意，又冇介紹錯喎！男朋友我就叫咗佢平時都成日食嘅紐西蘭有機青口 馬來西亞叻沙扁意粉，估唔到呢度都會有馬來西亞嘅叻沙🇲🇾，但係好少會配扁意粉同青口！不過又覺得呢個組合幾好食，估唔到叻沙同海鮮咁夾！唔怪得我男朋友次次都叫呢個食啦🥰而我就鍾意食啲清新口味小小嘅，所以我就叫咗一個煙三文魚忌廉檸檬扁意粉，果然忌廉檸檬味道同三文魚係最完美嘅配搭，因為清新嘅味道反而更加突顯三文魚嘅鮮味，三文魚仲要新鮮又肥美😋食完都一啲都唔會覺得膩！最後男朋友話難得我陪佢就要叫多個小食，我哋見到呢個椒絲腐乳醬脆炸雞翼好似幾特別，估唔到佢嘅雞翼大大隻，仲要炸到外脆內軟添！

咁啱同朋友喺北角行完街就一齊食個LUNCH，上OpenRice 呢間活嘅餐廳係北角匯好方便，我哋睇完啲相之後就即刻決定試一試！一黎就叫左個椒絲腐乳醬脆炸雞翼先，WOW呢個真係非常與眾不同！呢排都好興腐乳嘅菜式但係配雞翼真係第一次試，不過呢個配搭新奇得來又好好味😋然後就係我最鍾意食嘅紐西蘭有機青口馬來西亞叻沙扁意粉，雖然感覺上呢個好似唔係好難整，但係正正因為簡單，所以食材新唔新鮮一食就食得出！呢個青口食落一啲都唔腥！最後我朋友叫咗呢個荷蘭大啡菇西西里意大利飯，佢話都真係幾好食，好蕃茄味同埋大啡菇都好好食，我都試左幾啖，真係都唔錯😆

今次嚟左位於北角嘅呢間叫活嘅餐廳，裝修簡約舒服，有個超大玻璃窗所以好光猛。食物都好吸引下，今次就試左呢兩款。第一就係蜆肉白酒蒜片橄欖油炒扁意粉，價錢係$128。呢個意粉都幾推介大家試下，因為佢嘅蜆肉好厚肉又冇沙，超新鮮呀！仲要有好多蒜片爆到好香，仲有啲白酒調味，真係好鬼正🤪第二就係煎比目魚 蕃茄莎莎 薯蓉，價錢就係$158。呢個煎比目魚賣相煎至兩面金黃色，肉質已完全熟透，魚肉口感細嫩，配搭酸酸甜甜嘅蕃茄莎莎同薯蓉一齊食，唔錯唔錯！整體而言，呢間餐廳價錢合理，而且環境舒適，食物質素都唔錯，值得一試！

第一次去到北角匯，行左好耐都諗唔到食咩好，見到呢間叫活 LITM嘅餐廳，環境好似幾靚咁，所以就入左去試下😍食物嘅選擇都幾多，最後揀左以下兩款，都好推介大家試下的✨呢個煙三文魚牛油果醬蛋窩夫好好食呀😭，佢個三文魚勁大塊又厚切，超級肥美的！而且個牛油果醬好creamy 同三文魚係一齊食係無敵嫁！仲要冇個好流心嘅蛋，連個即叫即整嘅窩夫，真係好健康又美味嘅午餐！食到正餐又滿足到我想食甜品嘅心癮！另一款慢煮西班牙有機黑毛豬又係好正😭，佢會配左黑醋點嚟食，黑毛豬肉質口感煙韌，而且一咬勁多肉汁，仲要大大塊，配埋薯蓉一齊食，真係好滿足呀！

上星期姊妹推介去咗位於北角嘅餐廳食嘢😋呢到性價比好高，環境又靚，成個感覺都好舒服好悠閒！🍝紐西蘭有機青口馬來西雅叻沙扁意粉$148呢個意粉嘅叻沙好香濃，更加吊出青口嘅鮮味，仲要一啲沙都冇，幾唔錯。🍗脆炸雞翼 椒絲腐乳醬 $68呢個真係好好好好好惹味呀！雞翼炸完之後仍然可以KEEP到肉質嫩滑！而且配左個好地道嘅腐乳醬，真係比想像中出色！從來未試過呢種配搭。🥩慢煮西班牙有機黑毛豬 非一般黑醋 薯蓉$148前面兩款咁正，當然呢個黑毛豬都唔會令你失望啦！黑毛豬用左慢煮方式去烹調，所以肉質口感入口即化，仲有滿滿嘅肉汁鎖住係黑毛豬扒裏，好正！點埋黑醋食又有更一種清新嘅感覺。再飲返杯熱朱古力配棉花糖，甜絲絲嘅味道令到整天心情都更好💕