活

营业中

休息中

今天去左北角搵好朋友，佢就推介去咗呢間餐廳食飯，一齊去放鬆一下🥰環境真係幾靚～飲品方面，我地叫左杯熱朱古力棉花糖同伯爵茶，熱朱古力甜度岩岩好，朱古力味濃。而伯爵茶茶味香醇，消濟之餘又解渴。而食物方面，我叫左一個蜆肉白紐西蘭有機青口馬來西亞叻沙 扁意粉，雖然睇落細細粒蜆但粒蜆肉都唔細嫁，青口都好新鮮，而且扁意粉煮到軟硬適中，口感好好，我本身好怕食到硬既意粉，但呢個唔會！而且叻沙味十足，超級惹味！我朋友就叫左個白酒蒜片橄欖油炒扁意粉，扁意粉一樣口感岩岩好，佢呢款就用左白酒調味，而蒜片爆到好香蒜味，又唔會太油，佢都食哂成碟。

今次呢間餐廳係我同事大力推介比我，雖然係北角遠左小小，但其實位置好方便易搵，而且又幾係有好靚嘅環境同保持到高質素嘅食物水準，遠小小都值得嚟一試嘅🥳首先有一個荷蘭大啡菇西西里意大利飯，西西里意大利飯番茄味比較突出，酸酸甜甜，飯粒口感仍能保持濕潤感，唔會太硬。飯面大啡菇亦是一大重點，充滿水份之餘菇味濃郁。跟著同大家推介一個必食嘅軟殼蟹龍蝦汁意大利飯，軟殼蟹炸到脆卜卜，而且都幾多蟹肉，意大條飯嘅口感軟硬程度適中，每一粒飯都吸收到滿滿嘅龍蝦汁精華，真係一試就愛上而飲品就叫左杯TEA FOREST ，高身玻璃樽設計令到飲品更加吸引，而味道都好清新。而Latte就好香濃，仲有個好靚好別致嘅拉花添。

難得放假想揀間舒適嘅餐廳靜靜地食個lunch，成日見到呢間活嘅餐廳都幾多人去，而且個環境都幾舒服都幾靚，今次終於去左試下🥰我地叫左兩個主菜同一個小食。首先係呢個煎比目魚蕃茄莎莎薯蓉✨，比目魚煎到好香，配搭埋入口棉密嘅薯蓉，真係飽肚又好味呀！跟住就係蜆肉白酒蒜片橄欖油炒扁意粉🍝，呢個更香蒜片同白酒香味，雖然係用橄欖油炒，但扁意粉唔油，炒至乾身，一啲油膩感都冇呀！最後就叫埋脆炸雞翼，佢配左個椒絲腐乳醬，好有港式風味，估唔到腐乳醬同雞翼味道咁鬼夾，好有驚喜呀！

天氣咁熱🥵🥵就緊係行商場食下午茶咁樣過一日啦。同朋友行完樓下一田，就決定揾個位置，分享下戰利品醫下肚。😛😛😛醒起呢間白色裝修嘅活，啱晒用黎打卡啦，入到去，緊係叫杯凍飲回下氣先啦~🍹🍸🍹🍸青瓜latte🥒真係未試過，飲落爽脆嘅青瓜味又真係有，加埋凍啡唔係好甜，真係想大嗌一句，爽啊！Blue lemonade 🍋咁啱朋友著件藍色裙，襯曬色，檸檬freah的感覺夠晒醒覺！酸酸maymay，打卡必嗌！叫咗個避風塘比目魚配薯蓉，正正常常，煎得香脆，個配搭都幾夾，份量亦算大份，鍾意佢啲配菜幾多。另一份叫咗龍蝦汁軟殼蟹意大利飯，呢個高質！個飯收汁做得幾好，唔會汁還汁，飯還飯。隻蟹炸得香脆，有少少蟹膏，調味做得幾好。坐咗好耐，都無乜壓力，大家影得開心又食得盡興，good good😋👍🏻👍🏻

北角嘅街坊，大家好，又係為食食評家同大家試食啦！之前黎過飲咖啡☕️，今次就黎試下啲主食，黎個簡單食評，都係個句，個人口味喜好為主，啱唔啱食試過先知！今次評下慢煮西班牙有機黑毛豬薯蓉$148味道: ⭐️⭐️⭐️⭐️⭐️擺盤: ⭐️⭐️⭐️⭐️⭐️性價比：⭐️⭐️⭐️⭐️黑毛豬切件上，係橫切面都睇到有肉汁流出，食落嫩口，食得出真係慢煮而成。避風塘比目魚薯蓉$158味道: ⭐️⭐️⭐️⭐️⭐️擺盤: ⭐️⭐️⭐️⭐️性價比：⭐️⭐️⭐️⭐️呢個有驚喜嘅，仲諗住笑佢會唔會整到好似中餐咁，又出奇地用炸蒜小辣椒去烹調條魚係夾嘅，魚肉有彈性無雪味，外皮脆身香口，推呢個！餐廳整體感覺輕鬆，黎得！

最近呢年真係食左好多farewell飯 不過我都衷心祝福朋友們既 畢竟可以選擇自己既生活都係好事, 食farewell飯唔可以hea嫁 朋友係北角人 呢排都好忙 忙住打點呢樣個樣, 作為好朋友 搵食d野既重任就交比我啦 比我search到呢間小店 （朋友話佢住北角都唔知有呢間店） 我哋一共叫咗五樣嘢 分別係慢煮西班牙有機黑毛豬薯蓉 、避風塘比目魚薯蓉、慢煮雞胸沙律溫泉蛋  楊枝甘露沙冰同埋冷泡伯爵茶 啲嘢食相當出色 我特別係欣賞佢嘅薯蓉 質感好幼滑 同時又帶啲薯粒薯粒既口感 一啖接一啖咁食😂😂😂 至於個雞胸沙律係因為朋友話好似食咗好多肉冇乜食過蔬菜喎 但雞胸咪又係肉🤣🤣🤣呢餐真係好豐富大家都食得好滿足 而且個場地好啱我哋傾偈敘舊 食完野我哋就繼續飲嘢同埋傾偈 侍應完全冇吹我哋埋單 仲主動幫我哋斟水 服務幾好….. 以後再約朋友嚟北角食飯 會再黎幫襯！

男朋友呢排操緊肌 🤭知道佢要飲食要控制得好節制 我都識做既 今日同佢出街 👫🏻👫🏻我預先睇定呢間餐廳有野岩佢食 先敢帶佢去食 唔敢阻礙到佢操肌大計今日係雞全部都係雞🐤🐣🐥叫咗 忌廉雞胸蒜蓉意粉 同埋 慢煮雞胸沙律溫泉蛋 男朋友乖乖地食雞胸沙津🌿🍀 我可以食意粉😆 對男仔黎講份量就差少少 所以佢都偷食左我dd雞胸 就係預左咁樣我先同佢一樣都叫雞胸意粉 佢自己話唔飲野 我就叫左個 冷泡伯爵茶 個茶到咗佢又話原來唔甜既佢都可以飲喎 🙄🙄anyway…… 男朋友再睇睇menu 話其他黑毛豬個d都可以食 但d薯蓉就要我幫手食喎 我話考慮下先 👻

本身係鰂魚涌返工 個邊真係無啖好食 連食個米線都要排長龍😵‍💫😵但其實前少少北角同埋太古已經多好多選擇 lol !!今日一早就拎左comp leave 做野咁辛苦要對自己好d 食好d 🤪一早已經上網爬定文搵定有咩好野食 比我搵到北角匯入面呢間「活」, 英文係living in the moment 個名有意思。。。望住個海 可以慢落黎食個tea 真係好有「活在當下」既感覺 !order一個 慢煮西班牙有機黑毛豬薯蓉 仲有一杯Blue Lemonade, 黑毛豬有兩件 個顏色好靚 慢煮到岩岩好 有d粉色粉色咁 口感幾嫩, 除左薯蓉仲配左d蔬菜 有幾條蘆筍點綴一下 仲有隻大菇飲品方面 其實都係一杯氣泡飲品 如果可以大杯d就好, 不過顏色好靚 連埋今日個天色 真係睇到都好舒服 🌅💙💙

已經數唔到戲院閂咗幾耐 好耐冇入過戲院睇戲啦 🥲睇戲之前梗係要食飽飽先 點知朋友話唔想咁早出嚟👊🏻👊🏻 但一個人都可以盡興 🤫🤫我又點會俾佢掃到我興 戲院隔離有呢間新開餐廳 （我未見過就叫做新㗎喇🤭🤭）簡簡單單叫咗一個雞胸意粉 🍗🍝仲有一杯咖啡 係青瓜latte 🥒☕意粉份量正常 唔會太大碟一個人食得晒 個忌廉汁好夠食到最後唔會覺得個粉好乾  至於杯latte 感覺好特別 我食左幾塊青瓜仔 好爽脆 😆 敢於試新嘢嘅朋友仔係值得一試  餐牌上嘅嘢飲仲有幾款都好特別 餐廳都算係一個人放空嘅好地點 下次有時間再黎試吓其他咖啡！！ 最後想講成個商場真係好方便我食完嘢睇完戲再同朋友行街全日都冇離開過😛😛😛

疫情嗰段時間真係好難捱 😢😢冇得出去行街又冇得出街食飯 而家真係要報復式消費！！ 多啲出去覓食！！ 🤤🤤自己唔係港島人 真係唔知原來北角多咗個新商場🤔 又近地鐵站 又帶嘢行同埋多嘢食 今日就試一試呢間叫 活 嘅餐廳我同朋友一行兩個女仔叫咗慢煮西班牙有機黑毛豬薯蓉 🐷（9/10）黑毛豬好好食 有時好驚食豬扒食到嗰陣豬嘅臭味 呢度完全冇……黑毛豬仲要好Juicy 🤤🤤避風塘比目魚薯蓉🐠 （7/10）平時好少食魚 朋友試完話幾香口好OK 叫我試一試 個魚唔腥 真係煎得幾香口幾好食 不過唔係好食得出避風塘味食完啲香口野忍唔住叫多咗一個蜂蜜黃金雞翼 （9.5/10） 雞翼真係好邪惡 首先係上枱嘅時候熱辣辣🔥🔥真係即叫即炸 有鹹蛋黃嘅鹹香味另外又有一啲甜甜地嘅醬中和返  😋我同朋友都係會飲啡之人 分別叫咗一個熱latte 仲有焦糖脆脆 咖啡質素中常以上☕ 見到餐單有其他特別飲品 下次可以試試 環境 （8/10） 首先係好方便 二來個場夠大 望住過海食嘢傾偈做乜都特別舒服 （餐廳仲歡迎狗狗入場 望住啲狗仔走來走去好過癮）🐩🐕🐕‍🦺🦴

店舖好光猛落地大玻璃，舒適👍🏻 午餐叫了一客黑毛豬，肉質鮮嫩，煮得啱啱好😋 店長又推介一款新推出嘅咖啡，coconut espresso，好清香清新，值得一試👍🏻

驟見店內用餐嘅客人少人咗啲，襯住唔使等位，即刻入座。胃口唔錯，慢煮雞胸意粉，蘑菇乾身量多，簡單用白汁黑椒去作調味，意粉整體感覺不會太油膩，軟硬適中。反而雞翼便與意粉，截然不同。黃金雞翼鹹香得黎香氣撲鼻，令人垂涎欲滴，不過我本身食得較清淡，呢款雞翼就較為重口味，要食啖意粉食啖雞翼咁先可以一個人完成晒4隻雞翼。最後飲埋杯有焦糖脆脆，奶泡綿密，甜蜜蜜，作為完結，滿意度十足。如果唔使排隊，一定會再光顧。臨走時，見到有圍欄，原來可以帶寵物內進用餐，下次同狗狗一齊黎！

網上睇到相同菜單，一心黎係想食炸雞窩夫同慢煮雞胸沙律，但見到隔離枱個雞翼幾正，下次再試。炸雞窩夫(4.2/5)炸雞熱辣辣仲要加隻蛋，雞炸得內有肉汁，唔乾身，窩夫有兩件跟糖漿，份量十足，大大份。個窩夫外脆內軟又厚身，有蛋香味。扣分位係太少糖漿啦，我係🐜黎，連炸雞都要點糖漿，要叫侍應再俾先夠🙊慢煮雞胸沙律 (4.5/5)實物比相仲大碗，多配菜，有蕃茄，生菜超甜，藜麥極多，仲有隻温泉蛋係中間，用蛋汁拌好，加少少醬汁就完成。雞胸又滑身，原汁原味又新鮮。整體食物質素幾好，定價合理，餐廳環境又坐得舒服，值得再黎。

約咗個保險經紀傾下份保單，我就唔係太想係麥記聞住油煙味啦，揀係樓下商場間西餐廳啦。坐得幾舒服，坐位唔會坐得太密，寧靜得黎又唔會太靜，侍應又唔會行黎行去趕你走咁，咁大家都要識做嘅，叫兩杯飲品應酬下，又估唔到，睇到餐牌都有選擇困難症，咁多得揀，最後揀咗杯店員推介嘅黑墨用黎加啲自己墨水（講笑😂😅)同杯latte 俾經紀妹妹。杯黑墨都唔係想像中咁黑啫，都幾香，一路傾一路飄散啲香味，飲落喉嚨好舒服。妹妹杯latte呢，佢話抵飲，幾大杯，高質過麥cafe啦嘛！😌😌

香港越來越多餐廳歡迎主人大同狗狗入去，而呢一間北角會地下嘅Cafe設計左一邊係寵物有善，仲精心佈置咗打卡位俾主人同寵物影相，有時唔係只係去戶外嘅，睇嚟你間Cafe好受歡迎，我見到牆身貼咗好多唔同狗狗嘅照片，仲有啲道具可以用添，下次都帶埋屋企個小朋友過嚟💓慢煮雞胸沙律溫泉蛋因為天氣都好熱呀想叫個沙律黎試，份量都好大喎！有我最鍾意嘅藜麥，仲有啲好新鮮嘅沙律菜，蕃茄等，啱晒啲需要減肥嘅女仔💗慢煮西班牙有機黑毛豬薯蓉我朋友叫咗個黑毛豬，個份量都唔細㗎佢差啲食唔晒。佢話個最好味，好香又唔會油膩，不過薯蓉就好一般💗黑墨 另外叫咗杯黑墨，入口好nutty係我鍾意嘅口味，又唔會酸