活

营业中

休息中

我同老公第二次嚟呢間餐廳，上次都未試晒啲菜，性價比又高所以決定再黎試其他野，果然無令我失望！🐽慢煮西班牙有機黑毛豬薯蓉我老公都係食肉獸嚟㗎啦，先叫咗個黑毛豬俾佢食，餐廳好好切開兩舊，肥瘦適中，入口啲肉味出晒嚟，啲薯蓉份量都好多㗎，兩個人食都唔會覺得太少，食得出有少少奶味，但係可接受🐤蜂蜜黃金雞翼見到隔籬枱叫咗呢一個雞翼，又叫黎試吓，炸到金黃鬆脆，有少少甜因為撈左蜂蜜同埋蛋黃，香口到呢～🐟避風塘比目魚薯蓉因為老公比較大食，最後都叫咗一個魚。呢一個避風塘口味嘅魚，其實避風塘味唔算好重手，亦唔會好辣，我比較想係食一個重口味版，呢個薯蓉同個豬薯蓉一樣⭐️楊枝甘露沙冰我老公叫咗個沙冰，又係份量巨型，可以滿足佢又想飲嘢又想食糖水嘅心⭐️青瓜latte我自己叫咗呢個青瓜latte，飲落去一啲都唔會覺得奇怪，淡淡青瓜味好Fresh, 又估佢唔到咁夾

同男朋友睇完戲覺得肚餓😚即興去咗呢間新開嘅Cafe，一入到去，環境光猛，裝修都好靚！再睇下個menu，選擇都幾多，有all day breakfast，海鮮/牛扒，都係可以選配意粉飯薯蓉果d，cafe嚟講都算多選擇！🍽有選擇困難症既我，都諗左10幾分鐘🤣 決定叫個黑松露法國香烤雞配薯蓉，加杯青瓜latte😜我男朋友就揀左忌廉雞胸蒜蓉意粉同果杯顏色好sharp既blue lemonade。鐘意食黑松露既我，上菜時聞到尋味就覺得好正，個烤雞入口幾嫩滑🍗，配埋薯蓉，味道亦算水準之上！再偷食幾啖男朋友個雞胸意粉🍝，忌廉味好濃，都幾好味，不過我都係覺得我自己嗰個黑松露烤雞好食啲，不枉我用左10幾分鐘去揀🥹至於野飲，青瓜latte，我係見佢杯野咁搞笑先揀，一杯latte上面鋪幾塊青瓜🥒，估唔到又幾夾，不過飲咗兩啖都係搶咗男朋友個杯藍色lemonade，😝用嚟打卡嘛！埋單300幾蚊，都係一般cafe價錢，多謝晒男朋友😙

食好西🍝 x 咖啡 ☕️ 😍😍😍😍一個人的me time 😌💆🏻‍♀️屬於自己o既me time 一定要食好D! 😚😚😚 之前Ig 睇到呢間餐廳 已經內心bookmark 定😎今日終於有時間黎試試 「蜜糖桂花鮮奶咖啡」 $30 （加配價）個名好似好複雜好甜咁😛 但一場黎到 都係想揀杯靚靚咖啡 飲咖啡之餘 仲可以打埋卡 📸 咖啡☕️層次好豐富個蜜糖味唔會好重 桂花🪷帶一點點fresh o既感覺 唔錯唔錯 「白酒蒜片橄欖油蜆肉炒意粉」 $108 本身都好鍾意食呢一款意粉 穩陣之選🤣🤣🤣估唔到呢個意粉o既蒜片好吊到蜆肉鮮味 D蜆都幾大隻 厚肉無沙 好新鮮🤤🤤🤤 總捨而言 呢間餐廳環境坐得好舒服 食物除咗打卡一流之外 🥰質素整體都幾好 見到menu 仲有好多野想試下次帶埋D jm 一齊再黎試下 多人d試多d野食🤤🤤🤤

屋企人同我講開咗間Cafe啲咖啡好好飲，身為咖啡控既我點可以唔過嚟試吓呢。入到門口，見到水吧啲咖啡師都好忙，瘋狂沖咖啡，成間舖頭都好香。見到佢啲咖啡機設備齊全，我自己都好想快啲試吓最後我都係決定叫番杯latte試吓先，Latte見佢哋咁專業個拉花都唔錯，啲泡泡打得好綿，咖啡飲落去唔會只係得奶味，個咖啡豆揀得都幾啱我心水。我另外見到呢度竟然有炸雞窩夫 $88，最上高有一個煎蛋，夾住個炸雞，最下低係窩夫，又咸又甜感覺都好特別睇來我又多一個可以打躉嘅好Cafe，可以成日過嚟試吓唔同口味嘅特色咖啡

今日要帶狗狗出門，好開心愈來愈多dog friendly 既餐廳 🐶🐱以前成日因為帶住狗狗 就要坐係戶外路邊位🙃 💦💦兒家可以光明正大帶埋兩隻毛孩一齊食野🤣🤣今日既主要目的唔係想食飽飽 係帶兩個主子出街街 影靚相🙊🙊所以叫咗唔係好多野避風塘比目魚薯蓉（$158）睇menu 比避風塘同比目魚呢個組合吸引左原來係有dd 炸香左既蒜片同埋辣椒係面 唔係我心目中避風塘炒蟹個種 但個味比想像中夾（香噴噴到 🐶🐶都話想食🤪🤪） 慢煮西班牙有機黑毛豬薯蓉（$148） 慢煮完既黑毛豬 個口感唔會乾同柴 入口仲有肉汁 值得推薦👍👍蜂蜜黃金雞翼（$68）最後食埋呢個炸到金黃色 又香口既雞翼呢餐真係好滿足🤣🤣影多兩張靚相就準備出去放電喇！！！ 🦮🦮

因為忽然紅日要返工既關係，公司比左日補假比我，weekday放假當然唔可以白白浪費咁岩約到個住港島朋友，佢推介呢間打卡餐廳🤳🏻本住即管去試試既心態陪佢食左個即興午餐 🤤我地兩個人，叫左龍蝦汁軟殼蟹意大利飯同埋白酒蒜片橄欖油蜆肉炒意粉 另用優惠價加左一壺冷泡伯爵茶一齊些牙 一上菜原來都幾大份。。。（同埋除左睇得，味道都幾好！朋友無推介錯😋） 個意大利飯真係煮得岩岩好，飯既軟硬度好適中，平時唔係幾食既我，都覺得好ok 蜆肉炒意粉相對就無咁特別，但勝在用料都好多，d蜆係有殼個種 都唔係hea整👍🏻👍🏻👍🏻至於個茶夠香又凍凍地，食左咁多澱粉質，飲返杯茶清清地見到d啡都幾特別。。。下次可以再黎試試

中午俾個同事拉咗出去食西餐，佢話我日日喺Office食沙律唔健康，應該跟佢出去食啲肉。我哋最後去咗北角匯地下，商場邊嘅活LITM☺️同事發板叫咗全部都係肉，話要儲肥我喎，明明我係減肥，上菜之後我流晒口水😩佢叫左慢煮西班牙有機黑毛豬薯蓉同埋蜂蜜黃金雞翼。黑毛豬切開左兩舊，唔使自己分，我自己第一次洗慢煮黑毛豬，個肉質一啲都唔乾，個豬肉面少少脆！另外個雞翼，食到我停唔到口，啲蛋黃包住個雞翼個雞翼脆卜卜，真係好邪惡啊，估唔到啲雞翼入仲有肉汁，不過食嘅時候小心啲，佢即刻整好熱。最後食咗咁多肉，都唔敢叫奶啡，我自己叫咗杯黑墨 $45，有一層泡泡喺上邊飲落好濃

第一次去北角近海邊既cafe,成間Cafe都好大間有分兩個區可以帶毛孩過嚟。下晝去嘅時候好光猛，好啱幫啲食物影相打卡。佢嘅裝修都幾有心思，右邊文青嘅水泥牆，雲石枱面同埋最重要落地玻璃，如果有位都想坐近窗環境❤️❤️❤️❤️❤️食物❤️❤️❤️❤️❤️價錢❤️❤️❤️❤️😋$86忌廉雞胸蒜蓉意粉，個意粉都幾creamy，同埋意粉冇煮過龍，個雞胸都幾滑唔鞋口，成碟意粉大大碟都唔過百抵食見到drink menu,見到好多好特別嘅咖啡，我揀咗足足10分鐘，最後決定試一試🍯蜂巢dirty，啲咖啡味濃就當然啦，見佢有粒細細粒嘅蜂巢包住啲蜜糖，真係好好玩自己忍唔住先食啖蜜糖，好夾杯咖啡啊☕️

本小姐最鍾意捐窿捐罅去搵好食嘅窩夫，估唔到今次係北角匯有新發現，附近嘅朋友都可以留意下。餐廳以西式cafe，白色雲石為主調。睇睇餐牌，食物類型以輕食，特色飲品為主。其實口味都港化咗，更貼地。蜂巢Dirty推介指數:👍🏻👍🏻👍🏻👍🏻Dirty 都係cafe 常客，今次呢杯伴隨蜂蜜同咖啡結合一齊，易入口不止，飲落淡淡蜜味，更帶出咖啡嗰股濃香。仲有舊小蜂巢，記得可以係杯邊輕壓先，壓榨每一分蜂蜜啊嘛！白酒蒜片橄欖油蜆肉炒意粉推介指數 ：👍🏻👍🏻👍🏻蜆肉意粉不過不失，蜆肉份量比預期多，擺碟幾公整，蒜片可以多番啲，酒嘅香氣都有嘅，如果個意粉可以淋番啲就啱晒我口味。炸雞窩夫推介指數：👍🏻👍🏻👍🏻重頭戲放最後，炸雞有一整件，窩夫兩件加隻煎蛋🍳，份量無美式餐廳嘅多，女孩子黎講都夠食。炸雞可以再炸得薄皮一啲，但熱辣辣上碟，都收貨。窩夫蛋味香，外脆內軟，加埋糖漿同蛋汁，都夠滿足味蕾，淨以窩夫黎計，有改善嘅空間，例如跟多啲糖漿。總結，係北角附近嘅，可以一戰。

琴日本來約左男神食飯，點知佢放左飛機。但都好近食飯時間，都係去左北角cafe醫左肚先～我坐得好近個水吧，見到啲員工沖咖啡，陣陣咖啡味令我想飲番杯！點知～一睇好多特色野飲，一眼就睇中杯楊枝甘露沙冰🍹 女仔係對啲甜嘢零抵抗力架啦🤣 好大杯啊，啲芒果大大粒啲沙冰多到就漏出黎，再醒支雪條！即刻開心番晒另外我仲叫左一碟忌廉雞胸蒜蓉意粉，既然無約得成男神唔怕食蒜蓉🤭🤭啲白汁煮得啱啱好唔會太多汁，送意粉真係一流，個雞胸肉都幾厚切，有汁唔會太乾🤤🤤間餐廳令我心情好好😛☺️又坐得舒服最緊要啲嘢飲好好飲，下次再嚟試吓其他。

💁🏽‍♀️💁🏽‍♀️早兩日放早行過有間Cafe叫活，見之前未試過就排咗陣隊試吓啲西餐。呢間cafe真係好多特色野飲☕️🍷🥤令人好想試，叫到隔離枱食飯成個軟殼上我即刻叫左龍蝦汁軟殼蟹意大利飯個擺盤真係好霸氣🦀我忍住即刻影相po Ig,個軟殼蟹炸得岩岩好又唔會油淋淋，拍晒成隻無問題，啲意大利飯軟硬岩岩好，吸晒啲汁，都幾重龍蝦🦞味個日未飲咖啡，咖啡癮起☕️叫左蜜糖桂花鮮奶咖啡 $45。個拉花好靚，啲泡泡好綿，唔會影完相就散晒👍👍 有淡淡桂花香同埋有蜜糖入面，糖都唔洗落唔會死甜下次想拉埋其他同事過黎試吓，地方都幾就腳

本身係一個無肉不歡嘅人，而家越來越多資訊都話緊俾我哋聽，可以嘅話嘗試食少啲牛，食多少少菜同白肉。努力戒牛未能素食，所以今次試吓食黑毛豬🐷，叫咗慢煮西班牙有機黑毛豬薯蓉🥔🥘其實要將豬得好食一啲都唔容易，因為始終牛有牛味，但係豬嘅味可能就係得肉味，所以烹調嘅過程其實一啲都唔簡單，所以如果間餐廳煮得好食，真係要比個👍🏻👍🏻個Chef。食落口都真係幾嫩口，同埋原來豬唔係剩係得肉味，聽人講如果豬食得多果實，執豬煮出嚟嘅味道都會唔同，唔係原來唔係全熟都得（阿媽教嘅野⋯😅😅😅）配菜方面都唔係hea，食得出係新鮮，新鮮嘅話就簡單煮都好食，間餐廳嘅買手都叻，或者供應商都搵到好新鮮嘅蔬果🥦🌽🥕🍆至於點解會叫炸雞窩夫呢⋯⋯我都唔知點解😶‍🌫️😶‍🌫️😶‍🌫️，係我隔離嗰個想叫，以為會好大件事，點不知又無想像中咁worse…😂😂😂😂喜歡微甜，所以當見到以下組合就即刻心心眼😍😍😍，叫多杯蜜糖桂花鮮奶咖啡 $45，兩份share飲，你一啖我一啖，要叫兩杯添啊！！

我份人好鍾意試新野，所以每當見到一啲新嘅組合(而且聽落唔伏)出現嘅時候，都會好想試一試。結果今日比我遇到佢哋，而且結果係我完全意料之外⋯⋯⋯⋯🤫🤭🤫🤭🤫🤭🤫第一位候選佳麗係蝦兵蟹將⋯唔係，係龍蝦汁同軟殼蟹，仲要加埋risotto。個龍蝦汁令我聯想起某間響油麻地食龍蝦湯嘅嘅餐廳（係一樣好味😋😚😋😚），軟殼蟹好明顯係分開炸，上碟嘅時候仍然係脆口，意大利飯好唔好食就見仁見智，但出奇地幾夾我嘅口味🤨🤨🤨第二樣嘢就係炸雞同窩夫，可能你會問，鹹同甜嘅嘢點可以撈埋一齊。但事實話俾我聽，原來只要有創意，既然賴尿蝦同牛丸都可以溝埋，炸雞同窩夫一樣得。炸雞比平時食到嘅冇咁咸，窩夫亦冇想像中咁甜，加埋隻蛋，意外地係有少少好味道（利申：個人口味而已🙈🙈）下次再去試吓Menu上嘅其他嘢先🤓🤓🤓

裝修簡約舒服又光猛。一班年輕的店員服務殷勤，有heart。第一次試這餐廳，感覺良好😊 食物有驚喜，有質素👍🏻 這次食飯是為朋友慶祝生日，我們叫了一個新推出的甜品加上生日牌，店員為我們播放生日歌，又一齊唱，非常熱鬧😍

我覺得每張相係獨一無二嘅回憶，所以每去一個地方，我都會同老友(即係我隻狗)影相📸️留念，製造更多嘅回憶夏日炎炎，無意中同我老友行到去呢間cafe, 第一眼就見到呢個photo wall 裡面有好多主人同寵物嘅合照，有大狗細狗仲有貓咪🐶🐱🐈，真係好正😍🥰見到入邊都有狗，我又膽粗粗問吓係咪可以比狗入，店員話歡迎光臨嘅時候，我老友即刻響鋪內狂奔（其他狗狗都吠咗佢兩聲😜😜)我本身都唔算話好肚餓，麻麻哋肉醬意粉，所以就淨係叫咗個白酒蒜片橄欖油蜆肉炒意粉🍝。落單之後，上菜速度都算幾快。同Cafe好慢嘅感覺有啲唔同呢，抵讚。我老友其實都唔算好為食，但係唔知點解當佢聞到碟意粉，佢都係咁哄埋黎（想吃😋），店員都好鍾意貓狗，會主動撩佢玩，我老友都好快唔記得咗我🥲🥲最後想講嘅係，希望香港多啲貓狗友善餐廳，最緊要係室內都有，因為天時暑熱坐戶外，真係好鬼熱㗎🥵🥵