活

营业中

休息中

今日收工同同事食晚飯，見間「活」近近地公司，於是我地就入去試啦！結果係一試就愛上💕首先環境好乾淨同坐得好舒服👍擺設亦好精巧同elegant，令食飯成件事變得好高貴同好優雅😌我地嗌左個煎比目魚蕃茄莎莎薯蓉，好食到不得了！比目魚厚身有光澤，煎得香脆，入口散發出淡淡既魚油，🤤配合埋個蕃茄莎莎，非常清新開胃，而個薯蓉亦充滿奶香，好creamy，幾樣野一齊夾埋食非常好味😋而荷蘭大啡菇西西里意大利飯亦好好食😋飯煮到半生熟，口感粒粒分明，菇味濃郁，配埋個蕃茄醬汁一齊煮，同樣令人非常開胃！我地食完一啖又一啖！至於飲品方面，伯爵茶香味芬芳，而Latte充滿奶香順滑，仲有個好靚既心心係上面🤍

前兩日睇完戲行路北角匯一期地下，見到有間Cafe個裝修好chill，我就入去食咗個飯。一入門口其實佢有分兩個區，有一個區見到可以帶寵物入去，不過我自己一支公就坐低咗喺另外一個area，間餐廳裝牆身都係偏木調都幾warm啊！馬來西亞叻沙扁意粉成個麵都好juicy🥰🥰，食落啖啖嘅叻沙味，好開胃，中意食咖哩嘅朋友可以一試。👍👍而煙三文魚牛油果醬蛋窩夫🧇用嘅係流心蛋，一切開，蛋汁就比窩夫吸曬，窩夫配上三文魚🍣食，咸甜參半，中間帶有蛋味，推薦！點多個炸日本蠔，皮薄，蠔🦪都唔細粒，好滿足。食左咁多肉，來杯伯爵茶🫖剛好解膩。呢度性價比高，環境又舒服下次會帶埋媽媽過嚟食晚餐。🤩🤩

平時成日都搵邊度有靚嘅cafe可以打卡，上網睇相見到依間cafe風格好大方簡單，嘢食個樣同擺盤都幾精美，就book定枱去試一試💓💓🇰🇷韓式辣醬椰菜花$68原來辣醬配椰菜花都幾夾，韓式辣醬甜甜辣辣，椰菜花爽脆新鮮，配搭100分！🇫🇷法國無激素烤雞半隻 刁草 薯蓉$158烤雞表面金黃焦脆，未食已經流口水🤤雞肉肉汁豐富，烤嘅時間啱啱好，質素拍得住高級西餐廳⭐️🇳🇿紐西蘭有機青口🇲🇾馬來西亞叻沙 扁意粉$148青口肥美，叻沙甜味唔會好高，反而椰汁味較多，我自己好鍾意！扁意粉好煙韌，口感好好😍打卡又得、嘢食又得、環境又得，值得瘋狂再去嘅優質cafe🤩

想搵間靜靜地又坐得舒服嘅餐廳同fd傾計，所以就去咗北角匯嘅活cafe，之前食過幾次都覺得幾高質，有質素有保證！😊Cafe陽光好充沛，落地玻璃令到成間cafe好開揚，好適合朋友之間安安靜靜傾吓計～講返食物先，首先叫咗小食🦪脆炸日本蠔伴他他醬🦪炸蠔粉漿有調味，而且炸得通透，最啱鐘意食香口野嘅人～另外🍗法國無激素烤雞半隻刁草伴薯蓉🍗都幾有份量，大大隻雞髀好易拆肉，薯蓉幼滑，每樣配菜都做得幾好～然後喺🍝煙三文魚忌廉檸檬扁意粉🍝，因為加咗檸檬，所以味道更有層次，同外面食到嘅煙三文魚忌廉意粉好唔同，好有新鮮感～如果大家都想同朋友食飯傾計，不妨嚟呢間Cafe坐吓食吓野☺️

秋風起～又係Happy Friday，當然要同同事趁lunch time去近海旁嘅Cafe，Chill住歎杯咖啡欣賞藍天白雲☁️呢間喺北角滙嘅Cafe近北角碼頭，雲石枱加落地玻璃真係打卡一流！慢煮西班牙有機黑毛豬·非一般黑醋·薯蓉西班牙黑毛豬肉質非常腍滑，入口Juicy唔會乾柴，配上開胃黑醋、香脆炸芋絲同薯蓉，一脆一軟口感豐富，呢個價錢有兩大舊厚身黑毛豬好抵食！蜆肉·白酒·蒜片·橄欖油·炒扁意粉微辣嘅蜆肉炒意粉食落充滿酒香，辣度適中蜆肉肉厚，意粉亦好爽身彈牙。Honeycomb Dirty打卡度滿分嘅蜂巢咖啡，蜂蜜同咖啡好夾，散發天然蜜香甜味～

平時都好鍾意去唔同嘅cafe食嘢坐吓，今日都約咗朋友仔去北角匯嘅文青cafe hea吓，地鐵站出口一出就到，超方便架呢！睇吓我哋叫咗咩好嘢先～⭐️脆炸雞翼 椒絲腐乳醬 $68🐓炸雞翼大大隻，上枱仲熱辣辣好邪惡😈椒絲腐乳醬同雞肉原來都好夾，好惹味～⭐️荷蘭大啡菇西西里意大利飯$118🍄意大利飯粒粒都好飽滿，西西里汁有好濃郁嘅蕃茄味，味道天然，即刻fresh哂☺️⭐️慢煮西班牙有機黑毛豬 非一般黑醋 薯蓉$148🐷黑毛豬經過慢煮所以好軟，肥瘦肉均勻，黑醋汁提升咗豬肉嘅鮮味，喺cafe都食到黑毛豬真係好正！🥃TEA FOREST $78試一試佢哋嘅special cocktail 先，佢喺用咗gin溝伯爵茶，仲加咗啲荔枝糖漿🍸杯邊仲有桂花碎，好香入口溫和~邊個話cafe得麵包沙律食，依度就滿足到為食又想影靚相嘅朋友，真心推薦依間cafe俾大家！

喺北角交收完想食嗰lunch，即刻打電話問朋友join唔join，即興嚟個午餐gathering 😍朋友帶咗我去依間餐廳食晏，午餐時間都幾多人，好彩好快就有位，lucky🍀我叫咗杯TEA FOREST，午餐就飲酒好似好過份咁🙈但依杯酒真係好正，啱哂女仔飲，荔枝味好清甜，好喜歡！朋友就飲伯爵茶，茶壺圓碌碌好可愛😍我哋叫咗兩碟意粉，蜆肉白酒蒜片橄欖油炒扁意粉蒜味濃，蜆肉都幾大粒，微微辣😋煙三文魚忌廉檸檬扁意粉夠creamy，忌廉汁唔會好膩，加咗少少檸檬汁好balance😉見到menu有個韓式辣醬椰菜花，好似好特別咁，原來係烤咗嘅椰菜花加韓式辣醬，仲有芝士碎，成件事好正🤟🏼🤟🏼

終於可以嚟到呢間超有feel 嘅餐廳啦！入座前問店員可唔可以安排近窗嘅卡位，呢個卡位真係餐廳最亮眼嘅打卡位，好開心店員俾咗呢一個位我哋🥰飲品方面嗌咗一杯熱Latte同凍美式咖啡，Latte鮮奶好香醇，凍美式大大杯，非常透心涼🌀🌀🔸煎比目魚 蕃茄莎莎 薯蓉$158🔸比目魚魚皮煎到金黃色，魚肉彈牙，蕃茄莎莎醬除咗有蕃茄，仲有洋蔥同少少香草，十分之開胃🤩🔸煙三文魚牛油果醬蛋窩夫$88🔸煙三文魚有光澤，油脂豐富，半熟嘅蛋黃汁增加咗窩夫嘅濕潤度，驚喜之作😋🔸脆炸日本蠔 他他醬$78🔸一碟有六隻炸蠔，小食嚟講份量都幾多！炸蠔鮮甜，唔會炸到乾爭爭，一上枱就俾人搶晒嚟食🤣今餐真係好chill，食飯有靚境相伴，希望可以快啲再嚟chill吓，living in the moment ☺️

香港cafe多不勝數，但好多都只係得個樣，較難搵到又好味又啱打卡嘅一間。不過依間喺北角匯商場嘅cafe就一定符合哂以上條件，設計走簡約北歐風路線，嘢食偏多國菜style，款式多樣化🤟🏼🤟🏼嘢飲選擇好多，除咗一般茶同咖啡之外，仲有一啲咖啡/茶同酒精嘅配搭，滿足唔同人嘅需要。我哋叫咗壺伯爵茶同Latte ，伯爵茶細細壺好得意，而Latte好幼滑，仲有一個好靚嘅拉花添🫖☕️依度仲有素食者都食得嘅菜式，好似依個｛荷蘭大啡菇西西里意大利飯｝就very good了。大啡菇多汁厚肉，意大利飯吸哂西西里汁嘅精華，想食清淡啲嘅朋友都可以試吓🍅🍅 另外佢嘅｛煎比目魚蕃茄莎莎伴薯蓉｝都性價比高，比目魚肉質鮮甜，蕃茄莎莎可中和魚嘅油脂感，一般cafe較少煮到依個質素。最重要嘅係，呢度嘅食物擺盤別緻，喺一間難得色香味俱全嘅cafe👍🏻👍🏻

難得下晝唔洗返公司，咁就揀間cafe，可以慢慢坐吓，舒舒服服咁嘆個午餐😌我係平日晏晝過咗lunch hour嚟，所以可以坐近窗卡位，陽光灑落嚟真係令人心曠神怡🥰見到窩夫一定唔會錯過，依份煙三文魚牛油果醬蛋窩夫嘅窩夫好厚身，蛋香味濃🥚牛油果醬打得軟滑，煙三文魚新鮮大塊👍🏻依個荷蘭大啡菇西西里意大利飯好清新健康，蕃茄蓉夠酸，意大利飯入邊仲有啲菇同翠肉瓜，營養滿分💯杯凍美式咖啡越飲越淳，飲落有淡淡的酸味，好醒神。好興幸可以喺依度食到好味嘅食物同飲品，如果可以日日嚟食就實在太好啦😚

今日落大雨，可以同啲代理同事食lunch，就揀呢間價錢高當少少嘅餐廳，試完發現有意外驚喜！😋😋個蜆肉意粉上先，份量都幾多，味道調味得幾好，蜆肉都鮮甜嘅，唔錯唔錯😋😋。而同事個荷蘭大啡菇西西里意大利飯仲吸引，啲汁包住粒粒米，菇🍄味突出。TEA FOREST 啖啖桂花味🌸,飲完成口香氣,升華左蜆肉嘅鮮味。今餐我同同事都覺得好滿足，食得好飽😋😋值得一讚係餐廳員工，基本上我所有要求都有求必應 。👍🏻絕對有回頭嘅一間餐廳。😎

第一次嚟北角匯，發現原來有好多特色餐廳，不過最吸引我嘅喺依間「活 living in the moment 」，餐廳色調平和樸實，有好多梳發位，一入到去感覺好自在放鬆。🌿煙三文魚牛油果醬蛋窩夫$88窩夫外脆內軟，配煙三文魚、煎蛋同牛油果醬，伴碟仲有少少沙律菜，賣相精緻。🌿紐西蘭有機青口 馬來西亞叻沙 扁意粉$148青口肉飽滿彈牙，仲加咗蒜蓉去烤焗。叻沙椰香味豐富，輕微嘅辣好有東南亞風味，扁意粉軟硬度剛剛好。🌿脆炸日本蠔 他他醬$78熱辣辣炸起嘅日本蠔香脆可口，蠔肉多汁，他他醬酸酸甜甜同炸蠔配合得相當好，係一款高質嘅炸物。跟餐加配咗杯伯爵茶，茶香有回甘味，入口好舒服。無論環境、價錢同埋食物味道都令我哋好滿意，食完仲可以喺附近行吓街，正啊🤩

長假期同屋企人帶埋狗狗去街街放電，估唔到呢間餐廳歡迎毛孩，排一陣就有位比我地坐底，因為有帶毛孩，餐廳安排我地坐個區會番紙碟紙碗，好細心唔怕打爛整親狗狗放完電都幾餓🥺🥺所以叫左兩個主菜同一款小食龍蝦汁軟殼蟹意大利飯🦀🦀 呢個必食啊！原隻軟殼蟹上，好大份！加濃濃既龍蝦🦞汁煮意大利飯，成個海鮮風味出晒黎，個意大利飯係帶啲咬口，唔會煮太過軟，配合得岩岩好😝煙三文魚忌廉檸檬扁意粉大大片三文魚，配上忌廉雖然食多會膩，但加上檸檬汁🍋，啱好中和左，仲帶點小清新🤭脆炸雞翼配椒絲腐乳醬雞翼外脆內軟，仲好有D汁💦流出來，加上腐乳醬，咸香味十足🤤

喺北角睇完戲唔係太肚餓，又想搵間餐廳坐低食少少嘢，見到呢間Cafe呢個時間仲有lunch set，就入去坐下食嘢～叫咗一個慢煮西班牙有機黑毛豬配非一般黑醋及薯蓉，黑毛豬扒有兩塊，同朋友share啱啱好。黑醋汁酸酸甜甜，同豬扒好夾，面頭仲有啲炸芋絲，賣相精緻～再叫咗個脆炸雞翼跟椒絲腐乳醬，炸雞翼好香脆，無炸到油冧冧。椒絲腐乳醬好濃味，咸咸辣辣用嚟配炸雞翼好好食～午餐可以加錢轉其他嘢飲，我哋叫咗熱朱古力棉花糖同伯爵茶，兩杯飲品都有返咁上下水準，好飲～同朋友傾吓偈，食個好味嘅午餐，今日過得好開心😃

星期日瞓到自然醒已經12點幾，咁就一於落街搵間Cafe食個Sunday brunch，享受下生活先🧡嚟得Cafe梗係要試吓佢哋嘅咖啡，我哋咗一杯Espresso Martini同iced house americano ☕️ Espresso Martini有一層薄薄嘅咖啡泡，酒同咖啡嘅份量條配合適中，好醒神！iced house americano 都幾大杯，回甘味持久。煙三文魚牛油果醬蛋窩夫🧇依個組合無得輸，蛋黃汁流哂落去煙三文魚同窩夫度，每一啖都好滿足。軟殼蟹龍蝦汁意大利飯🦞🦀夠creamy，意大利飯收汁收得好好，飯嘅口感微微有咬口，同埋都幾大碟。最後加咗個熔岩蝦球小食，蝦球入邊有流心芝士，所以食嘅時候要小心啲芝士爆出嚟，夠哂芝味！