活一鮮

营业中

休息中

踏入活一鲜的瞬间，扑面而来的是清爽的海风气息与淡淡的海水咸香，原木色装潢搭配暖黄灯光，简约中藏着日式美学的细腻。落座后，一份鱼生丼刚端上桌，就让人挪不开眼——透亮的三文鱼腩如粉橘色绸缎堆叠，金枪鱼泥泛着温润油光，海胆像金色云朵般点缀其间，每一片刺身都在冰雾缭绕中散发着新鲜的诱惑。入口瞬间，食材的鲜活感彻底征服味蕾。三文鱼腩丰腴的油脂在齿间化开，软糯中带着恰到好处的弹牙；金枪鱼绵密如奶油，入口即化的口感与微微的回甘交织；最为惊艳的当属海胆，清甜浓郁，仿佛将整片海洋的鲜甜都浓缩在舌尖。铺底的寿司米颗粒分明，醋香柔和，既不会掩盖鱼生的锋芒，又巧妙平衡了口感。店家对细节的把控同样令人赞叹。姜片清新解腻，山葵泥辛辣中带着天然的清新，搭配鱼生层次更加丰富。特制酱油咸鲜适度，不会喧宾夺主，反而将鱼生的本味衬托得淋漓尽致。套餐搭配的味噌汤、渍物也毫不马虎，味噌汤浓郁醇厚，渍物酸甜爽口，为整顿饭画上完美句点。无论是刺身爱好者，还是想体验地道日式风味的食客，活一鲜的鱼生丼都绝对是一场不可错过的美食盛宴。

本身都諗住應該唔使介紹，我諗喺香港大學附近工作嘅人都會知呢間店。 同一條街，佢算係唯一屹立不倒嘅日本餐廳。 等位/上座：12：45-13：00中午時段真係要拎飛等位。 有機會要等到13：15 ，所以早早黎落飛會好啲。 入到去位置唔算闊落，有機會要坐吧檯。 落單/上菜：午市餐餐有好幾款，例如魚生飯同熟食，會跟沙律同湯。要叫職員落單。每日都有特别嘅lunch set, 可以問下職員。食物：叫咗個雜錦魚生飯，$79。 魚生食落係真係新鮮，同埋佢都幾厚切嘅。 如果唔大食嘅朋友，呢到係可以叫佢魚生飯少飯。（希望無得罪日本朋友😅）其實對比同條街，甚至同區其他日本餐廳，佢咁嘅價錢有咁樣份量係好難得。 我食過同區其他日本餐廳，係有機會比佢貴又冇咁新鮮。 埋單方式： 收八達通同現金。唔過200蚊唔收信用卡。 總結：唯一你要考慮嘅係有幾多lunch hour去等位食。

非常好吃的寿司最推荐海胆三文鱼饭海胆三文鱼卷非常美味“最近吃了一次海胆三文鱼饭，味道真的让人惊艳！三文鱼切得厚实又新鲜，口感滑嫩，搭配上新鲜海胆那独特的 creamy 质地和淡淡的海洋咸香，简直是味蕾的享受。店里的寿司种类也很丰富，尤其是海胆寿司，绝对是亮点——海胆色泽鲜亮，入口即化，配上米饭的微酸，鲜味层次感特别棒。其他寿司比如中拖罗和甜虾也都很新鲜，感觉食材品质很高。整体来说，这顿饭吃得很满足，推荐给所有爱吃日料的朋友，下次还想再去试试别的口味！”

同舊同事聚餐,喺西環,當然首選平靚正既活一鮮,用心經營十五年,主打平靚正既刺身為主,間唔中會有出面較難食到既飛機貨,三個人首先叫左特級刺身拼盤,有吞拿魚,三文魚,油甘魚,左口魚邊,甜蝦,赤海蝦,八爪魚,海膽,帆立貝再order加呢個八爪魚刺身五切,件件都厚切超豪華,食落好鮮,尤其是吞拿&甜蝦,再上鮮壽司,有12款,有挪威三文魚腩,黑松露油甘魚,珍寶甜蝦,紫蘇墨魚,蔥吞拿魚腩,蟹膏,火炙左口魚邊,三文魚子,帆立貝,醬燒三文魚,海膽,玉子小食，又order左蒜蓉牛油醬燒帆立貝盛,未影相同事已經忍唔住食左嚿🤣🤣,熟食有天婦羅盛合,銀鱈魚西京燒,酒煮蜆都唔錯,無沙&鮮甜,油甘魚野菜紙火煱都好讚,油甘魚超大件,而且呢個紙火煱同我喺日本食既懷石料理紙火煱味道相差無幾,而且仲做緊折扣,值得推,拖羅四式&海鮮蒸蛋因為掛住食唔記得影相🤣🤣,飲品叫左枝細既柚子酒,三個人平均消費$528,咁多野食,完成美滿一餐

喺西環要食到算新鮮高質嘅壽司舖頭應該唔多，呢一間啲刺身壽司應該算係新鮮，刺身整體都算大嚿，推介嘅應該係三文魚，今次我哋夜晚去食，我哋叫咗一個套餐加啲壽司同手卷，本身唔算太肚餓，所以呢度都算兩個人啱啱好夠食，但唔算食得太飽，人均大約200左右，價錢覺得貴咗少少，店舖有上層同下層，我哋今次坐咗上層，就算坐上層，落單同叫服務員都方便，環境同衛生都算ok，見到佢有啲午市套餐都好似幾抵食，下次晏晝去食吓佢個午市套餐

位置就系屋企旁邊，今日第一次去，食材真嘅咁新鮮嘅，點左烏冬麵痛三文魚，吃嘅咁飽飽。午市combo真嘅好平嘎，仲有免費嘅沙律同壽司，真嘅營運豐富，下次還會去嘅！！！三文魚海膽飯真係新鮮，三文魚滑溜溜，海膽入口即溶，簡直係海味盛宴！牛肉湯麵湯底濃郁，牛肉嫩滑，配搭得啱啱好，食完暖笠笠。和風沙律清爽開胃，配埋味噌湯，係一個好好嘅開場！壽司卷亦都整得好精緻。

又一間港大附近嘅學生lunchtime之選👍🏻 午市套餐有30幾款選擇 由刺身到熟食 任君選擇 套餐仲包埋沙律同麵豉湯添😋─ ⊹ ⊱ mains ⊰ ⊹ ─ᡣ𐭩 三色丼- 4 / 5 $102自選3️⃣款:挪威三文魚 帆立貝海膽 蔥吞拿魚腩 油甘魚 三文魚子三文魚厚切 海膽鮮甜唔腥 份量一啲唔吝嗇 💯 ᡣ𐭩 刺身定食 配白飯/醋飯 - 4 / 5 $108刺身包括 吞拿魚 挪威三文魚腩 油甘魚 甜蝦海膽 帆立貝刺身同飯分開上 唯一缺點係白飯即刻裝 熱辣辣出晒煙 同凍冰冰嘅刺身唔係好夾🫢ᡣ𐭩 鰻魚飯 - 3.5 / 5 $98足料鰻魚飯 鰻魚口感煙靭─ ⊹ ⊱ tldr ⊰ ⊹ ─午市套餐 物超所值 魚生新鮮 必食👍🏻味道: 4 / 5價錢: $ 100-200 pp服務: 4 / 5 環境: 3.5 / 5cp value: 5 / 5re-visit: must!!

我唔明點解唔可以整得好食啲….點解香港啲日本野硬係要求求其其啲壽司又係新鮮過人，又貴過xx郎一倍有多(人地$12佢$29)咁我洗咩食你姐。。。The Sukiyaki beef udon 壽喜燒牛肉鍋also nothing special but it costs $14x, it’s not bad but just something i can made by myself at home or more yummy than it. As the Sukiyaki soap is not rich enough, beef also nothing special, no “wow” feel and just “oh! I ate sth to make me full” and that’s all.

真係唔係好想介紹，現在中午、晚餐時間都要排隊，餐廳有兩層，不過面積唔係好大，但質素實在不俗，區內數一數二，連鎖店也會比下去。✨🥢麵豉湯+沙律：一坐下來未點菜靚女就上麵豉湯&沙律🥗，話慢慢睇，飲住湯先，親切👍🏻✨🥢帶子魚生飯：帶子鮮甜，三文魚肥美，其他刺身種類唔少又新鮮✨🥢海膽魚生飯：海膽份量唔少，入口即溶，慢慢滑入喉嚨真係好正👍🏻✨🥢特上活一鮮井：重頭戲，真係一分錢一分貨，刺身有海膽、牡丹蝦、蟹鉗、三文魚、吞拿魚腩、鮑魚….，樣樣都肥美鮮甜，一碗滿足哂個胃，呢個價位其他區唔使諗，正正正👍🏻👍🏻👍🏻

喺西環有間叫活一鮮嘅餐廳，專門提供新鮮海鮮料理，我最近一個人去嗰度試咗佢哋嘅午市套餐，真係一次令人滿足嘅體驗。佢嘅午市套餐有大概30種唔同嘅選擇，我就揀咗蔥吞拿魚腩刺身飯，午市套餐會包埋沙律同埋味噌湯。首先，蔥吞拿魚腩刺身飯真係好正。吞拿魚腩鮮美無比，肉質嫩滑，同新鮮嘅蔥花搭配得天衣無縫，每一啖都充滿咗海洋嘅清甜同蔥嘅清香。飯粒本身亦煮得剛好，配合刺身，咬落去既有嚼勁又唔會太硬，完美地凸顯咗吞拿魚腩嘅美味。喺活一鮮嘅用餐環境舒適，服務人員態度友好，令人覺得好放鬆。無論係忙碌中抽空嘅午餐，定係想慢慢享受一個人嘅靜靜時光，呢度都好適合。總結嚟講，西環活一鮮嘅午市套餐真係物超所值，蔥吞拿魚腩刺身飯既美味又滿足，加上清新嘅沙律同暖胃嘅味噌湯，絕對係午餐嘅好選擇。下次想獨自享受一頓精緻嘅日式午餐，記得去活一鮮試吓佢哋嘅午市套餐，保證你唔會失望！記住平日要早少少去，如果唔係就可能好多學生會落嚟食，咁就要等位。

喺附近游完水，近近地想食個定食，見到佢有牛舌所以特登入去試吓～我嗌嘅係午餐嘅七味炒牛舌；前菜同湯都算正常，但冇諗過個牛舌會令我食到咁難過😭首先佢嘅牛舌係切到洋蔥絲咁上，部分幼過洋蔥絲嚟炒，所以食落唔會彈牙，然後我諗佢調味太重手同炒得太耐，結果全部都乾爭爭、鞋十十，唔會係鐘意牛舌嘅人想食嘅牛舌😭辣度以我唔太食辣嚟講係少少辛苦嘅，不過有名你叫當然係辣㗎啦，好合理的，所以預咗問題係佢真係有啲鹹過頭💥，食完等車再搭咗15分鐘車，個喉嚨仲係好「拿」好鹹好「確」，真係搞唔掂🥲另外嗌咗個火灸左口魚邊壽司，口感偏彈牙加少少煙韌（食完唔記得影相sor）條魚應該好肥所以油分好高，不過可能因為比想像中燒灸得短時間，所以魚肉表面油分出咗嚟、閃令令白雪雪，只有兩小點嘅燒灸痕跡，食落好有油分但覺得冇燒過果種香，兩件要$40，有少少失望，不過都有諗過可能係驚燒太耐會影響口感、或者係自己唔熟火灸系搞笑嘅係，我忍唔住埋單果陣同侍應反映返碟牛舌嘅食後感；我話覺得好乾好鞋唔好食，點知佢覆我「冇可能㗎喎！好多人嗌㗎喎～」我真係笑咗出嚟😂

終於食到一餐made in Japan嘅壽司雖然店家門口寫到明使用嘅係日本食材但係喺大環境嘅衝擊下真真正正嘅日本食材其實都越來越少 鲜寿司set 180/set🌟🌟🌟🌟🌟🌟一set12件 三文魚油脂勁豐富海膽鮮味十足 玉子燒都唔會太過甜 三文魚拼油甘魚刺身 🌟🌟🌟🌟🌟油甘魚比較少食 較難做對比而三文魚真係食得過 鰻魚手卷 🌟🌟🌟🌟🌟鰻魚手卷比較高質而價錢都較為適中如果想飽肚可以嗌手卷服務方面就差左好多唔知會否係太忙嘅緣故喺中秋節前後較為人手不足叫執碟 隔咗一排都冇人睬我

朋友喺香港大學站返工，今日出港島搵朋友食Lunch ，朋友推介呢間日本野，一於試下佢，朋友一早電話訂座，一入去就有得食🤩呢間裝修典型日本壽司店格局，啲魚生真係好食，定價又唔會太貴，我同朋友都嗌左海膽魚生飯，連沙律、麵豉湯都只係$82，真心抵😍海膽魚生飯＄82沙律、麵豉湯魚生飯到之前先食沙律同麵豉湯，魚生飯好快就到，海膽真係好鮮甜，入口即溶，其他魚生都好新鮮，一啲腥味都無，吞拿魚蓉送醋飯食一流😋😋😋📍活一鮮西環石塘咀皇后大道西503號地舖

自問都食唔少好嘅日本嘢呢間真係極力推薦門口同入面裝修好平實 典型日本壽司店格局平時會揀啲裝修靚靚嘅但竟然呢間望落平平無奇會係我覺得最好食嘅一間之一Menu價錢反映完全唔到食材質素啊懷舊點心紙落單好方便佢哋刺生食材真係好靚好靚🥹記憶中食咗 海膽三文魚吞拿魚帆立貝赤海蝦左口魚幾種講唔出名嘅魚 好食好食日本生蠔大隻得嚟creamy 調味清爽唔搶focus點解會樣樣都咁食!!咩嘢特別要叫？鍾意食咩就叫咩！覺得佢哋吞拿魚特別出色 必食必食今次眼闊肚窄 下次再試埋佢哋熟嘢鋪頭細細但係好多店員 服務都好細心不停幫我哋斟酒地點係西環其實中環直路過去只係幾分鐘車啖啖新鮮食到好飽 開埋枝清酒 埋單抵到唔信

《活一鮮 (西環)》活一鮮係其中一間覺得質素同性價比好高嘅日本菜，平時都係weekend或者夜晚食，weekday lunch食唔洗加一咁仲有咩理由唔食先！😋🍣海膽魚生飯打開本好熟悉嘅menu毫不猶豫咁揭去魚生飯果板，喂海膽魚生飯唔洗加一82蚊落樓😂唔諗直接舉手叫！午餐先上一個前菜沙律同麵豉湯短暫緩解左餓意先！食完前菜就啱啱好上魚生飯🤤海膽一啲腥味都無，亦都係我鐘意食果種入口即化嘅口感，另外仲有吞拿魚蓉，呢兩樣送醋飯食都係一流！其他嘅海鮮都夠冰涼同埋食得出似質厚實夠新鮮，魚生、醋飯、配菜醃蘿蔔、酸薑都好好食👍🏻午市都算多人，要一至兩張枱排隊，不過餐廳見等候人唔多同埋出面真係好熱，就比我入鋪頭等🫶🏻食物質素 ⭐️⭐️⭐️⭐️⭐️/5用餐體驗 ⭐️⭐️⭐️⭐️⭐️/5性價比 ⭐️⭐️⭐️⭐️⭐️/5真心值全5星👍🏻如果你都想試下出色嘅日式刺身丼飯，記得bookmark定呢間餐廳，約埋三五知己一齊嚟試下👨‍👨‍👧‍👦 地址: 西環石塘咀皇后大道西503號地下#Katsuisen #japanesefood #sashimi #sashimidon #asianfood #hkfoodie #hkfoodblogger #