活一鮮

营业中

休息中

上級刺身每款$168.00 （每款三切）北寄貝、三文魚、油甘魚、甜蝦、八爪魚、鱆紅魚）上菜算快，不得不稱讚自己選得好，除咗基本的刺身之外還有平時比較少機會吃的鱆紅魚，食物對得起價錢，新鮮肥美都算大件。北寄貝有咬口。兩三口已經係吃清光。一個人都可以食得哂。鰻魚飯定食$85.00（前菜、沙律、麵豉湯）價錢偏貴的鰻魚飯，有兩件鰻魚，味道合理，算係穩穩陣陣嘅選擇。舖頭唔算大，但坐得舒服，裝修幾有日本特色，環境清潔乾淨。

今日要去石塘咀做檢測，經過發現活一鮮！聽過依間餐廳好耐，但一直都冇機會食到，依家終於有機會啦！即刻衝入去食！🤩🤩🤩 lunch set有好多種類揀，有魚生飯同其他日本料理，跟餐仲有胡麻醬沙律同麵豉湯。活一鮮選用挪威三文魚，令平時少食三文魚既我揀咗海膽三文魚飯，一次滿足晒我兩個願望🥰🥰嚟到哇咗一聲，冇諗過啲三文魚有咁多同埋咁厚😍😍三文魚油脂非常靚，仲要好新鮮！冇諗過海膽都有兩大舊，好cream!😍😍😍 80幾蚊識到個咁高質嘅魚生丼真係好開心～～💛💛💛

今日好想食日本嘢, 去咗西環嘅活一鮮食晏晝午市套餐選擇好多, 可惜大食妹唔食生野, 而丼飯全部都係生嘅, 唯有去食碗烏冬<豚肉烏冬>豚肉烏冬超大碗, 有平時食到兩三倍嘅份量, 絕對夠飽烏冬湯底甜甜地, 配搭煙韌嘅烏冬麵, 非常好食豚肉分量都幾多, 仲有少少海帶添套餐仲包兩件腐皮壽司, 壽司米飯酸酸甜甜跟餐嘅麵豉湯同沙律都好高質麵豉湯裏面加咗魚頭, 仲帶有少少魚肉, 又鮮又滋補沙律菜亦好新鮮<辣味螺肉小食>另外口痕再加多份辣味螺肉, 凍凍地辣辣地超開胃

同事太鍾意去食魚生壽司, 所以又黎左呢間食，好彩訂左位，如果唔係有排等。叫左壽司餐，超級多件，海膽好新鮮，魚生都好新鮮! 另外追加左牛舌，勁厚勁大件，非常好味! 下次要試埋其他，超正!

再訪活一鮮，仍舊cp值高，服務環境一流，食物更不用多談（睇樓下詳細，如果住係附近餐廳必定係飯堂🙃🤭令和怪物 - 生蠔生蠔係我其中之一favour，而活一鮮嘅生蠔永不令人失望😌4隻全部都肥美鮮甜，脹卜卜嘅蠔身充足蠔嘅獨有蠔味而帶子鮮甜，after taste有metallic🤟🏿惟比我第一次食時欠缺海水味海螺🐚北寄貝刺身以前食北寄貝都係紅尾白身，但哩到有驚喜係紫尾白身，食落鮮甜有啲似厚身珊瑚蚌；海螺爽身，新鮮無腥味八爪魚卵刺身聽都未聽過更唔好講食，既然師傅推介就試下佢。見住佢由一個波波上碟成為密集式恐懼症嘅刺身，係坐bar枱先有嘅享受😎食落口唔會覺得係卵，無好似蟹子咁爆珠感，反而有粘粘嘅口感，特別而有趣煙燻帶子上枱千萬唔好心急打開，慢慢等待啲煙散去，建議可以打開後聞下但唔好索太勁😂好香ample tree味，食落口更有一種木燻味。每次嚟都必叫🤟🏿🤟🏿🤟🏿仲有好多好多，全部都好新鮮，好滿足嘅一晚😌建議可打電話嚟問下有咩飛機貨，留定先

一直想試但又一直未有機會試到嘅 @katsuisenhk 尋晚終於食到喇🤩🤩🤩我哋叫咗一份✨鮮壽司✨包括有三文魚腩、油甘魚、珍寶甜蝦、呑拿魚腩壽司等等每份只係$148但壽司🍣性價比非常高舊舊都好高質😋✨芝士年糕流心芝士加埋炸年糕口感一流熱辣辣炸得好香口❤️✨燒三文魚鮫外皮燒得好香脆入面魚肉非常嫩滑亦都保持到肉汁😋✨油甘魚手卷個手卷超足料啲油甘魚多到滿瀉咁制上枱時哥哥仲會好貼心提你快啲食紫菜好快淋😆食物係夠哂高質仲要非常抵食下次要再嚟先得🤩#heacookmama@katsuisenhk

平日見排到門口噚日好好彩有位入到去安排左bar 枱係有啲逼既 不過可以接受如果想拍拖（尤其係岩岩開始🙈）建議早啲book 枱坐樓上會比較安靜（食客係聲浪真係唔關餐廳事）叫左火炙三文魚腩壽司香草燒三文魚腩邊彩虹卷三文魚海膽飯埋單加埋一都係$206.8（個壽司係送既❤️）刺身比附近既日式餐廳新鮮😋彩虹卷大舊到要諗一諗點有儀態咁食🤣🙈價錢唔算貴好少有日式餐廳可以食到男人都咁易飽❤️👍🏻係多客到啲staff 唔得閒幫您定時定候加茶要開聲提但staff 們係勁有禮貌您一開聲佢地會盡快幫您😉另外🤣洗手間係樓上男女共用但都超級乾淨值得再去

上一次在石塘咀吃日本東西，有網民介紹活一鮮，徇眾要求下，今次去試食。把上圖放在社交媒體，網民又一眼看出是活一鮮，網民太勁了。第一次去活一鮮不吃活鮮，叫了一客吉列黑豚豬扒定食 $68。吉列很脆，豬扒有咬感，不太硬。$68 性價比很高。定食，有前菜、有湯、和白飯。在門口，有教主推介，又有食客文字貼堂。網民說活一鮮魚生好食，我下次會再來，第二次去活一鮮吃活鮮。總評味道：性價比很高；環境：小店，舒適；服務：好；衛生：可以。

📍 香港大學/石塘咀 💛活一鮮💛［石塘咀皇后大道西503號］呢間唔洗多講，又係HKU學生名店💛💛💛價錢公道（特別係lunch set），食物種類超多，魚生超超超高質嘅黃店，大概每個月都會去一次🫰🏻 大家！真係！一定要試啊！除咗西環，佢係北角同大角咀都有分店！總有一間係附近！！平時lunch time都係要等下位，因為人氣真係高🤤🤤叫咗帶子三文魚飯（$75）同海膽三文魚飯（$78），因為係lunh set所以會送沙律同麵豉湯🤤🤤👍🏻：食物嚟講呢間真係冇咩好挑剔🤤🤤魚生新鮮，一碗有6-7塊厚三文魚，每塊都又大又厚，約一個指節咁厚，海膽creamy得嚟唔膩，帶子亦新鮮又清新鮮甜🤤🤤講起又想再食🤤就算係免費嘅湯同沙律都唔係hea你個種，麵豉湯有滋有味，沙律亦食得出菜好新鮮🥗🥗就算唔食生冷嘢，都仲有天婦羅或者烏冬等選擇🍤🍤👎🏻：食物品質冇得彈，唯一唔好可能就係要排隊同埋環境有少少逼🥲呢個價錢呢個質素，真係超高cp值😉😉自從食過活一鮮就開始睇唔上其他魚生飯🥲晚餐cp值就冇咁高但係選擇多好多，真心推薦大家試！#絕對唔係廣告

以前讀u耐唔耐都會嚟食平靚正 選擇又多lunch set有生有熟 選擇好多而且都唔算貴每個set都會有湯同沙律 質素中規中矩啦~鮮壽司 $158(有十二款壽司：三文魚腩, 黑松露油甘魚, 京蔥醬鱆紅魚, 珍寶甜蝦, 紫蘇墨魚, 蔥吞拿魚腩, 蟹羔, 海膽, 三文魚籽, 帆立貝, 醬燒三文魚, 玉子)賣相係幾吸引嘅忍唔住影咗好幾張相蟹羔係最有驚喜🦀好濃郁只係…海膽好苦🤭其他都唔錯百幾蚊無加一💰有12舊壽司 + 沙律 + 麵豉湯味道中上又💛算係咁啦~~

活一鮮係我最喜愛嘅餐廳沒有之一呢篇係寫佢嘅晚市的Menu：三文魚親子飯：三文魚好厚切呀！咬落啖啖肉覺得自己就好似加拿大啲熊人咁幸福重點係刺身好新鮮好鮮甜，肉質亦都好firm唔會散三色丼（蔥吞拿魚腩，帆立貝，海膽）：所有食材一食就知大家都好新鮮吞拿魚茸好有魚香味，帶子同海膽就好鮮甜仲有一樣野想講就係其實個壽司飯飯底無論口感定味道都一樣好好食然後仲嗌咗兩粒海膽魷魚軍艦，質素當然係唔錯喇總結：打完又想再食多次了haha

我哋一早book好咗位，去到依然都有好多人排緊隊，等咗陣先有得入去。我哋一開始叫咗一堆壽司，酒煮蜆，蔥吞拿魚腩卷，海膽燒帶子，同埋一杯生啤。我哋一共叫咗7款壽司，基本上都好新鮮，而且刺身嘅大小都幾大。特別值得推介嘅係活象拔蚌。我覺得好好味，好新鮮，好鮮甜。之後想再嗌已經冇晒啦。另外海膽都好抵$38有兩件，而且份量都唔少，最緊要係食落冇咩腥味。但係黃金蟹膏壽司可能就唔係好啱自己口味，食落去浸味有啲怪。酒煮蜆就好推介俾大家，但係佢只係晚市先供應。可能大家要等一排先有得試啦。佢酒味好香，唔會過濃，而蜆嘅數量都唔少，味道清甜唔會有沙。至於海膽燒帶子有少少失望，因為我覺得佢偏鹹，而且其實都冇咩海膽。帶子肉質可以接受，唔會燒到過老，喺調味略嫌有啲失色。我哋最後嗌左一個700 mL嘅啤酒，因為我哋發現叫兩杯細嘅仲貴，情侶嘅可以考慮吓呀，而且大大杯打卡都好靚。最後我哋叫咗個芒果雪芭收尾。一開始想試限定口味，但係佢得芒果味，由於店員話得返半個另一半壞咗，於是佢收咗我哋一半嘅價錢。總結活一線都值得大家來試試，我都會想再嚟不過會主攻一啲壽司，今次都冇試到一啲期間限定，下次為大家直擊報道。

喺香港大學站行5分鐘左右，去到呢個CP值高既日本嘢。店舖有兩層，我哋兩人被安排到樓上閣樓。樓上座位之間有啲迫，同鄰座坐得比較近，尤其疫情關係感覺有啲唔舒服，係呢樣有啲扣分。我哋兩個人叫咗兩個午餐，一個天婦羅定食（$84），一個活壽司（$138）。價錢都出面差唔多，唔係特別平。但點知食物嚟到，只望到賣相，已經覺得呢個價錢值。食埋之後，覺得係CP值高！兩個午餐都有湯和沙律。天婦羅定食尤其出色，有三隻天婦羅炸蝦、一塊大冬菇、大茄子、南瓜及番薯。炸粉啱啱好，好香脆，又唔會太厚，又唔會好油。天婦羅炸蝦非常彈口，唔會太熟。活壽司拼盤有成13件壽司，雖然無好鮮味。但三文魚魚腩好肥美，海膽三文魚子唔腥，甜蛋味道甜甜幾好食，都算唔錯。不過我最鍾意食嘅帶子壽司，就比較細件，同冇咩味。食咗13件壽司再加埋麵豉湯同沙律，已經好飽。食到咁上下，餐廳都唔係冇人，只不過多咗啲空台。但有個女侍應超勤力，見你冇水即刻幫你倒水。想食乜嘅時候都好有禮貌，我好快幫你收番啲食完嘢嘅碗。除咗環境之外扣左啲分，值得再嚟。下次有機會試下晚市。

活一鮮最初喺西環插旗，之後陸續再開多左兩間分店，分別位於北角同大角咀。呢間地區小店本身已經頗受街坊歡迎，宜家更加係愈黎愈多人慕名而來。即使當日去到嘅時間係下午兩點鐘，仍然要等大約十分鐘左右。______________________________厚燒玉子 ($52)上碟時有四大塊熱辣辣嘅玉子燒，味道出奇地甜，明顯食得出裏面加左砂糖，但同時又加左香蔥係中間，食落又咸又甜有啲奇怪。如果落單嘅時候期望食到嗰種拉絲邪惡芝士玉子燒，呢碟玉子燒應該滿足唔到你。三文魚帶子丼 ($75)三文魚帶子丼附送沙律同麵豉湯。刺身份量相當慷慨，三文魚大約有六至七切，而帶子就有四粒，食落鮮甜唔會有腥味，刺身溫度亦夠低；配菜方面就有酸黃瓜同黃薑，份量適中。米飯硬身有黏性，比較偏向似握壽司既米飯嘅口感，飯嘅壽司醋味唔算好重，味道唔會過酸。三色丼 (三文魚腩、帆立貝、香蔥吞拿魚) ($98)三色丼同樣附送沙津同麵豉湯，可以五款刺身入面揀三款，其餘兩款係海膽/三文魚籽，無論揀邊三款都係$98。三文魚腩偏厚身油脂感重，帆立貝鮮甜肥美，香葱吞拿魚蔥味尚算突出，但香蔥數量多啲會更加出色。整體黎講，呢個價錢可以話係相當抵食。

-<<🐟🍙>>位於大學站附近平民日本菜❤️食過好多次～今次第一次食晚市 由於佢抵食+良心小店嘅原因💛佢哋好爆架記住預先訂位!! .1️⃣活壽司 | $138 | 7.8/10 依個價錢有13款壽司真係抵到爛🤑質素而言當然唔會話好驚艷😹但冇魚腥而且有鹹鮮～絕對收貨個人覺得帶子同八爪魚正🥰海膽就一般想平平地過下壽司癮🙈我會推介佢.2️⃣活一鮮丼 | $108 | 8/10一大碗上枱嗰時都俾佢份量嚇親三文魚係厚厚厚切XL😂🙈魚生份量好慷慨 又幾鮮美!飯好多好多～難得唔洗加飯👍🏼.📍活一鮮西環石塘咀皇后大道西503號地下