活一鮮

营业中

休息中

#支持良心餐廳帶子挪威三文魚飯 （午市$75 免加一；附沙律 麵豉湯）好正呀我覺得呢度嘅三文魚真係好厚身😂 都算幾新鮮 之後帶子都幾鮮味👍🏻 飯份量都ok 係會食得飽肚嘅 午市有好多選擇 幾抵食！大家經過記得支持下～

最近做緊周年優惠有折，所以特登去食。我朋友對魚生係勁有要求既人，佢都話哩間野既食物都幾有質素除左魚生，仲有叫左啲熟食，一樣都唔差，加上枝sake又幾好飲（特價果枝，無特價果枝反而覺得普通，可能口味問題），成餐好滿足。

身為一個港女,有返幾間好既日本餐廳旁下身是常識吧! 今次又搵到間唔錯既小店,回頭率非常高!因為樓下已經坐滿左，所以就上去上面個層,少少人方便傾計。一坐低就比隔黎位叫既”特級刺身拼盤”吸引左,有四款魚,大大隻牡丹蝦,仲有帶子同埋八爪魚,最最最吸精就係板海膽,連平時出名嘴尖既朋友都大讚夠新鮮!呢個刺身拼盤真心必食!另外仲叫左個清酒煮蜆,本身都諗住普通野唔會有太大驚喜,點知又真係幾唔錯, 蜆本身好有鮮味,湯清得黎又好夠鮮甜味,一粒沙都冇,加分!生蠔同刺身一樣都係最易中伏,見呢到D刺身咁ok,最後都係忍唔住嗌左”日本岩蠔”黎試下,一上既時候我地大叫左出黎,隻蠔竟然手掌咁大隻，好厚肉,食落超鮮甜, 一啲都唔腥！熟食我地就揀左”鰻魚蛋卷”,完全唔係求其冰鮮鰻魚再加大量現成鰻魚汁就收你幾十蚊個D, 佢嘅鰻魚好厚肉，食落好有口感總括黎講性價比幾高,刺身好新鮮,係西環黎講價錢真係相當抵食,終於明白點解唔book位係食唔到,絕對值得再黎!

今次同大家介紹嘅係小妹呢3年都有keep 住幫襯嘅日本料理餐廳😆 呢間餐廳主打唔同配搭嘅魚生飯, 而小妹最中意就係第一張相嘅雜錦魚生飯🤤 入面有三文魚, 油甘魚, 北寄貝, 帶子等等, 份量十足! 加上件件魚生都好新鮮😋 幫襯左3年, 質素不變, 相當有保證, 無令小妹失望!✿由於小妹太中意食魚生, 所以每次都會去食魚生飯同刺身, 比較少試店舖嘅其他菜式😛 其實店舖仲有各種壽司熟食燒物鍋物等等🍣🥘🍲 食物高質之餘, 價錢都幾抵架, 吸引唔少喺附近返學嘅學生幫襯🎒 大家經開可以不妨去試下!✿P.s. 有時坐到bar枱仲有機會目睹師傅劏魚嘅過程, 小妹有幸欣賞過一次, 朋友都大讚師傅刀法專業👍品嘗住鮮味十足嘅魚生丼嚟欣賞師傅用利落嘅刀法劏一條肥美嘅三文魚, 簡直係有齊五官享受😍

首先嚟一個黑松露海膽蒸蛋先啦～望落去已經好吸引我去食喇！因為蒸蛋望落去好滑，而且配上我最鍾意嘅黑松露同埋海膽，簡直係無得輸呀！食落口好香好滑好好味，就好似豆腐花咁滑～另外仲叫咗個壽喜燒牛肉鍋，佢啲牛肉圍圈咁排，排得好整齊，中間仲有一隻蛋，牛肉唔會好老，都幾軟嫩，配埋隻蛋好好食～最後仲叫咗個鰻魚飯，呢間餐廳啲鰻魚唔算好少，起碼都有三塊以上，而且鰻魚配汁真係好正，唔會好鹹，啱啱好～一路食鰻魚飯一路飲富士山可樂都係一種享受，食完飲完滿足哂～"

一班同學為咗慶祝生日， book咗呢間餐廳食飯，因為book咗位，所以唔使等位，亦都可能因為我哋早到（1800），所以餐廳都唔係太多客人。一開頭以為餐廳好細，但原來仲有二樓，雖然唔算大，但都幾多位坐。叫咗好多好多好多嘢食，但唔係全部都超級好食，例如一個玉子燒，都幾明顯係加咗白砂糖，個味有少少怪，但係係熱辣辣新鮮整起嘅就加番幾分啦。另外仲有一個燒黑毛豬，味道好似一塊厚切午餐肉拎咗去燒咁，都唔係特別好食。另外值得一提嘅係，鰻魚並唔係特別高質，好吃可不吃，對於鍾情鰻魚嘅我，唔係幾滿意，味道都OK，但肉質比較實，同埋挑刺挑得唔夠好。但另外好多嘢食都幾高質，例如酒煮蜆，仲有壽司嘅大小我都好滿意，係一粒粒人手搓出嚟，唔會細細舊魚生大大嚿飯。最後一個小問題，就係佢漏單，我哋都係埋單嗰陣check單先發現佢係有落單但係冇上菜，呢一點有少少失望。

「活一鮮」位置西環香港大學站- 皇后大道西尾。這間小小的日本餐廳原來已在西環屹立了十年 小店外表平平無奇，但食物卻是無比的新鮮 這次和友人來到，首先點了刺身拼盤！$168 分別有：三文魚、油甘魚、鱆紅魚、北寄貝、八爪魚、甜蝦、帆立貝（每款各三件）味道真的很新鮮，魚生厚厚的 👍🏻另外點了壽司🍣：壽司飯份量少👍🏻而且飯很實，是手做的- 帆立貝壽司 (S size)- 馬刀貝壽司 $14- 鱆紅魚壽司$24- 赤貝壽司 $36- 松葉蟹腳壽司 $25- 吞拿魚壽司 $28軟殼蟹手卷 $30燒羊架 $64/ 2件很入味，肉質鮮嫩，而且燒得不會太干！活一鮮不論壽司刺身或是熟食都十分出色，難怪可以在這小區屹立不倒十年

雖然唔係港島人，但係因為工作嘅關係，成日都要去到講到呢一邊新港島線開通左咁耐，其實一直都未去過香港大學站依邊適逢約咗兩個姊妹係依頭食嘢，更加可以過嚟行吓。之前一早就訂咗依間餐廳「活一鮮」本身餐牌唔算貴，但係當我地嗌完嘢食之後，見到牆上有張poster，只要在9月，而張身分證內有1016依四個數目字，即全單半價‼️即刻唔使就住就住食🤣仲嗱嗱臨帶多咗個加拿大海膽刺身。壽司都叫幾新鮮，魚油香豐盈濃厚。而軍艦都是即叫即做，吃得出紫菜十分脆口。三文魚魚鮫，魚質雖然沒有油甘魚那麼肥美甘香，魚鮫黏著不少魚肉，同樣肥美，魚油甘香，魚肉滑嫩，整體質素中上。相信依間餐廳係依頭都有不少嘅捧場客，因為食到一半已經見到門口大排長龍最後因為有半價嘅緣故，結帳時三人只需$500，已經捧着肚子走。

三文魚他他沙律份量好足，三文魚外層燒熟左反而油香突出左,三文魚脂肪好夠,食落好香,加埋沙律菜就清新返,唔覺油膩,唔錯。鰻魚蛋卷新鮮有口感。薄切鱆紅魚刺身相反油脂冇咁重,鮮甜又完全唔膩, 刺身黎講算係價錢唔貴又新鮮。燒松葉蟹蓋,重量級既蟹膏,好食過D咩蟹皇醬太多,個人覺得夾落熱騰騰既飯到食好正,呢個必食!清酒煮蜆份量完全唔少,勁濃烈Saké味，比起其他店食過既濃味好多, 蜆勁鮮味又冇沙,咁既價錢仲要咁大碗都幾抵食。燒牛脷,好厚身,唔會太熟,食落唔韌,面頭調味幾適中,唔錯既下酒菜。日本南瓜天婦羅,脆漿唔會太多,炸得好脆口又唔算油,入面南瓜好粉好甜,中規中矩。最後係火炙三文魚菜包卷, 味道幾特別好清新,冇食壽司咁滯,個人覺得值得食下。價錢好貼地,食物質素唔差,小店黎講的確高質,睇得出有心思小店,值得支持!

呢間日式小店位於西環嘅大街，呢度成條街都好多餐廳，要搵好嘢食一啲都唔難。今次入嚟呢間雖然唔係好起眼，但係食物質素著對會令你嘩然！三文魚他他沙律：每件三文魚都好厚身，半熟三文魚食落口感更佳！            日本南瓜天婦羅，入口仍然好熱，南瓜好甜，食落亦唔覺好油膩酒煮蜆，一碗蜆都唔少，而且蜆肉算大粒，吸晒湯嘅味道，好濃嘅清酒味～好足料黑豚胡麻沙律，平時嘅沙律都係得菜，不過呢度加埋豚肉，感覺更似一個飽肚菜式，加上麻醬更開胃～

Lunch time同同事一齊食...難得少人食飯就去試...因為間鋪似容納吾到咁多人今日一開門我地就入去，吾洗等！!環境都ok,但今日不時傳出d臭味，吾知邊到，見到其他食客都有反應我地兩個都點三文魚海膽飯，我平時都係食開呢個！但今日d海膽普普通通同奇怪，有d失望，平時覺得好好食朋友都覺得普通～佢會送埋沙律同埋麵鼓湯，味道都ok環境上菜都吾算太耐～吾洗加一，一個飯$7x下次再比多次機會，希望正常返啦～

同婆婆嚟食飯，竟然俾我發現到呢間日本菜原來好好食！日本南瓜天婦羅，炸粉超薄，入面嘅南瓜仍然清晰可見，南瓜本身就好甜，所以就咁當疏果咁食！仲有蘿蔔蓉酸汁，超開胃，雖然得2個人，但好快就食晒！酒煮蜆，婆婆都幾鍾意呢道菜！雖然湯底較濃，但因為清酒味都幾濃好加分，蜆肉亦大大粒！特級刺身拼盤，有起碼8款刺身，每款有3件，新鮮之餘仲好鮮甜。海膽雖然偏細，但入口感覺仍然好rich！富士山可樂， 雲尼拿味比平時飲開嘅重，每次去日本都會飲嘅！

放工同同事一齊去食日本野，佢住西環嗰頭，話呢間性價比高，果然真係，價錢唔貴，但高質素，我地叫左幾樣野︰柚子面豉燒雞扒﹑特上活一鮮丼﹑酒煮蜆﹑黑松露帶子沙律「柚子面豉燒雞扒」︰燒得好香又夠乾身，配上柚子味好Fresh，好好味!「特上活一鮮丼」︰魚生真係好鮮味又唔會得D 飯，魚生同飯嘅份量我覺得岩岩好「酒煮蜆」︰D蜆都鮮甜，配上清酒，正，我鍾意呢個!「黑松露帶子沙律」︰好香黑松露味，帶子林身又鮮甜，肉質仲幾彈嫁，配上果醋，酸酸地，好開胃，蔬菜新鮮爽口。

行過西環大街唔知食咩好，就揀咗食日本嘢嘅活一鮮～小店嚟嘅！估唔到小小嘅舖頭都可以選擇喺廚師面前食，感覺就好似食緊omakase咁，睇完餐牌就叫咗呢啲嘢食：漬物盛合，係送酒小食，食落偏咸，啱晒送酒，如果同朋友嚟傾下計一定要叫呢個送下酒呀！日本岩蠔，每隻都有手掌咁大，而且好肥美，一啲都唔腥，咁大隻真係1啖食唔晒呀！超滿足～特級刺身拼盤，一客有好多唔同刺身，其中最吸睛當然係一版海膽！另外仲有大大隻嘅甜蝦、超甜嘅帆立貝、吞拿魚等，即叫即切，擔保新鮮！仲有壽司，一客12件，食落每件都好新鮮！酒煮蜆，一客份量唔細！而且有超強烈嘅sake 味，比平時出面食嘅更濃！

位於西環嘅活一鮮，聽朋友講午市好抵食，今次就嚟試吓佢個晚餐！小小嘅鋪頭有兩層，雖然鋪頭唔大，但係食客竟然都唔少，兩層都滿座，八點嘅鐘數都要等一陣！首先當然要食返個豚肉沙律清清喉嚨，豚肉淋，沙律配上麻醬，開胃！厚燒玉子，食落好滿足，充滿蛋香，而且加咗啲蔥花，食落有少少甜，但又無平時食開嘅玉子咁甜！特上活一鮮丼，滿滿嘅魚生丼，大大隻牡丹蝦，仲有三文魚、北寄貝、蟹籽、海膽等，份量都幾多，以呢個價錢來講絕對抵食！重點推介，北海道小川海膽！原盤上，自己鍾意一啖食幾多都得食落超鮮甜，一啲都唔腥！