因為樓下已經坐滿左，所以就上去上面個層,少少人方便傾計。
一坐低就比隔黎位叫既”特級刺身拼盤”吸引左,有四款魚,大大隻牡丹蝦,仲有帶子同埋八爪魚,最最最吸精就係板海膽,連平時出名嘴尖既朋友都大讚夠新鮮!呢個刺身拼盤真心必食!
另外仲叫左個清酒煮蜆,本身都諗住普通野唔會有太大驚喜,點知又真係幾唔錯, 蜆本身好有鮮味,湯清得黎又好夠鮮甜味,一粒沙都冇,加分!
生蠔同刺身一樣都係最易中伏,見呢到D刺身咁ok,最後都係忍唔住嗌左”日本岩蠔”黎試下,一上既時候我地大叫左出黎,隻蠔竟然手掌咁大隻，好厚肉,食落超鮮甜, 一啲都唔腥！
熟食我地就揀左”鰻魚蛋卷”,完全唔係求其冰鮮鰻魚再加大量現成鰻魚汁就收你幾十蚊個D, 佢嘅鰻魚好厚肉，食落好有口感
總括黎講性價比幾高,刺身好新鮮,係西環黎講價錢真係相當抵食,終於明白點解唔book位係食唔到,絕對值得再黎!
