泰·初夏

营业中

休息中

每年年三十都會喺屋企食飯，今年嚟個不一樣嘅團年飯，決定去荃灣打邊爐，之後去埋附近個年宵。由於我睇開嘅一位youtuber介紹呢間做開泰菜嘅餐廳，而家攪火鍋放題，見佢段片D食物質素唔錯😋，所以打電話BOOK左19:45。星期五當晚全場爆滿，本以為BOOK左枱嘅我地，去到先發現，原來接聽電話果位職員無Mark低資料，即係無BOOK到枱😨不過，有一位應該係經理嘅職員Nandom熱心幫忙，我地只係等左個零字就有枱，美中不足係要分兩枱坐😂我地揀左最高等級嘅澳洲M7放題$298成人90分鐘，呢個套餐包一次性嘅海鮮桶，內有龍蝦尾、扇貝、熟蝦、青口、𠝹花魷魚、薯仔、粟米，但唔係按人頭量，因為我地兩枱嘅份量唔一樣之餘，有一枱更無龍蝦尾😂 海鮮係急凍貨，食落無鮮味，全靠個幾好味嘅泰式醬汁。鴛鴦湯底唔駛加錢，我地揀左冬陰功拼椰汁雞，前者唔辣少少酸，後者椰味偏淡。Nandom喺入座前已經問我地第一輪豬牛雞有無咩唔食，我地當然只要牛啦!!😏 所以圖中全部都係牛。我地一致認為M7牛胸腹肉質最好，煮到啱啱熟果陣肉質最嫩滑。帶點少油花嘅牛板鍵雖然明顯鞋少少，不過較有肉味。另外我亦推介佢地嘅蝦滑同墨滑，用料幾足😋。至於

等候時間長 ，不跟waiting 入坐,入坐混亂，其間而有不少客戶即場取消booking ， 選擇款式少 ，第二輪，已經很多食物都沒有 ，要叫店員更換先再重新，店舖贈送雪糕，隨心贈送， 食平價餐，仲可以贈送貴價餐的海鮮同肉 ，食貴價餐，相反連贈品都沒有！飲品遲遲唔來，連可樂/雪碧，都要三吹先有，椰島雪香只是椰漿加冰（不甜）泰奶 ，太水（不甜）味道未如理想，唔知係咪唔夠人手出餐。熟食不多。見仁見智。打火鍋要着多件衣服因為冷氣很大。所以本人覺得下次應該係不需要食set C/120 分鐘，因為食物種類未能滿足本人的120 分鐘 ！

雞煲幾好食泰式小食都吸引但太多雞雞煲雞串燒炸雞件炸雞翼質素不錯感覺有啲重疊其他小食有無骨鳳爪豬肉串豬頸肉等質素都不錯見介紹有牛胸爽但去到唔見有＋完全無職員講牛胸腹質素ok卡樂beef太多肥膏位基本上唔會特別再叫變相得一款牛可食感覺有啲單調其他火鍋料有啲出面攞有啲app落大路野都有但選擇唔太多泰式飲品幾多花臣特別鍾意泰式奶茶有得少甜整體員工都有禮貌上菜速度都快係飲品有時會耐d鍾意食雞/泰式熟食/泰式飲品應該會幾鍾意呢幾樣質素唔錯對得住價錢如果鍾意傳統邊爐有多啲牛嘅部位配料多啲花臣呢間就未必啱

看完網紅推介,見特飲類任飲,有興趣一試！那天星期日剛在東涌行完山,就過去會下佢,點知在open rice見有評論話上菜極慢,都有D驚,但諗住6點開食,未有甘忙卦！過程~到達剛六點，在入口收銀問定食邊個餐,我哋一行3人揀左B餐,之后去了洗手間,回來時双拼邊爐湯底,雞煲,和5-6碟肉類,已放滿枱面,我們連醬料等也未取,但怕一會人多,所以馬上再以Qcode下單其他食材,不用幾分钟也就上晒,之后就算坐滿了人客,加叫的也只略多幾分钟便上齊,這應該是管理人看到評語而作的改善吧！反而飲品還會等久一點！食物篇~B餐的牛肉是ok，A餐那個就不了,C餐多點海鮮,冇試,其他火鍋料也中規中鉅,冇驚喜或驚嚇！泰式串燒都在水準,特飲類比較喜歡椰汁飄香和榴槤特飲,泰式奶茶也不錯,但總體偏甜,另還有多款選擇,也相當唔錯,散叫都要2,3拾元一杯！建議~飲品可以加上少甜選擇,蔬菜不要弄得太碎,因為好似晚上賣淨的那種！整體二百多元,120分鐘,都是性價比唔錯的,可見她們每位員工也十分落力,經營不易,加油！

睇完「有碗話碗」即刻訂位試下。點知去到竟然無我哋個booking….. 但幸好有位。我哋叫午市Set B ，雞煲+打邊爐。當我哋坐好，雞煲好快嚟到，雞煲係冬陰功調味，聞落好香，但食落檔不住雞件嘅雪味….🥴 有一舊入面係粉紅色，生㗎..食完雞煲，打邊爐嘅湯底一直都未嚟，頭一次等咗10分鐘…. 然後我問職員，職員應完「哦」之後又唔見人。然後又5分鐘問另一個職員，同樣「哦」又唔見人。然後不斷問身邊經過嘅職員問到第5次，我直接同職員講「我問咗4次喇..請問個湯幾時先上？」職員可能意識到，今次唔係「哦」，而係答「我去問下先」。然後就拎煲湯過嚟。2小時嘅打邊爐，咁就失去咗25分鐘…. 加上打邊爐個煲又細，個火又慢… 食到好趕仲要好快又要加湯，由於我叫一個冬陰功湯底，加湯又等我5分鐘，因為職員話要煲喎～整體上，無論火鍋配料還是外面熟食，都非常一般，而且選擇少。其中鳳爪有陣雞腥味🤮飲品雖然任飲，但味道比想像中更恐怖。榴連雪香好假嘅榴連味❌盲盒個杯更係糖水一樣死甜❌ （即圖中紫色個杯）而其他梳打都唔係個回事…….兩人$600埋單，我覺得唔太值，呢個價錢可以有更好。

睇完網路紅人「有碗話碗」的介紹，今日專程同朋友三人去試試。重點：上菜時間太慢，特別是生肉類，由下單至上菜至少等了40分鐘，尤其多人入座時很明顯，甚至聽見隔離桌的人都在催促。剩最後十分鐘才一次把好幾碟肉出肉，而且肉的厚度和數量很多根本吃不完，最後只能截單。前面的時間只能叫一些熟食或甜品，人手明顯不足，只有一兩個人在上菜。建議所有入場人士一坐下就馬上下單，按照他們的上菜速度，根本來不及吃，飲品也是特別慢。

小妹去完按摩，剛好經過愉景新城，見到這裏新開了泰式火鍋，午餐定量的價錢非常親民，而且小妹也愛冬陰功，所以就成功被吸引了新餐廳的內部裝修簡約，以上圖片是餐廳內的其中一個區域，較近火鍋料區小妹點了卡樂Beef套餐 $108在等候期間，都聽到店經理耐心教導新員工有關餐廳的日常運作，畢竟這是新開的～餐廳員工都很有禮貌雖然也有小出錯，但也能理解的！以上相片/圖片中的都是任食任飲的午餐來說已是非常多的選擇，根本吃不完午市定量套餐的用餐時間是60分鐘卡樂Beef就是像肥牛，這盤肉的確白色的部分比較多但吃起來也不是很肥膩的也十分大盤，根本不用點任吃肉的餐，這個定量套餐也足夠，反正其他配料都是任食.因為這間餐廳是泰式的，有6-7款泰式小食供應，木瓜沙律很清新很好吃無骨鳳爪也不錯哦但炸物類就不太夠熱味道是不錯的！.火鍋配料也很多選擇，有小妹最愛的萵筍最猜不到的是竟然有辛辣麵吃了一半就超飽.餐廳有5個泰式湯底供選擇，小妹當然選了冬陰功湯底真的超級喜歡，很濃很酸少少辣下次來再試椰汁雞湯小妹其實真的蠻喜歡一個人打邊爐飲品的話有15款可以任飲，而加很多都是特飲，例如：梳打、龍眼冰、雪香等等..還有款叫「初夏·盲盒

星期五晚放工回家時經過樓下商場，又不想煮飯，於是睇下有咩餐廳食，但因為星期五周圍都好多人，但就係愉景新城呢個角落頭位置發現有一間新開既泰國餐廳，本身見寫住做泰式仼食火鍋都覺得應該伏，但店員全部都好好人叫我哋入去行個圈睇下啲嘢食啱唔啱心水先再決定見店員咁熱情再三邀請我哋入去睇吓，咁我哋就入去行左個圈，外面可以拎既食物唔多，但見到食物都好乾淨環境又好整齊，就抱住會中伏既心態一試我哋一行三人叫左set B，有90分鐘同120分鐘選擇，我哋揀咗120分鐘，$279一位加一，價錢就平過一般牛x人，一x堂果啲仼食打邊爐一坐低我地就揀左鴛鴦鍋，唔洗加錢冬蔭公&椰子雞湯之後就拎左啲平時散叫都貴既青木瓜沙律、泰式鳳爪、泰式肉碎粉絲3樣都同平時食既一樣咁高水準！仲有好多泰式特飲都係包左仼飲好抵重點黎了，牛板腱好好一啲都唔肥，但又唔會乾鞋，配埋佢哋既泰式酸汁好正！除咗呢啲之外，仲有好多泰式小食，尤其串燒同豬手，好高質，同外面幾十蚊一串既一樣咁好食我哋走果陣店員都好親切好有禮貌咁問我哋好唔好食希望呢間餐廳可以做得住