泰金鍋

营业中

休息中

大家係香港食台灣火鍋、日式火鍋就食得多，呢家係旺角開左一間泰式火鍋放題餐廳嚴選泰國新鮮食材，產地直送，提供多款特色泰式湯底，以高質素泰式放題鍋物專賣店為主熱帶森林的裝潢，加上唔同打卡位置，空間位置舒適，再播上泰國音樂，真係置身泰國一樣泰式放題用膳時間有120分鐘，足夠大家打下邊爐、食下串燒、傾下計，輕鬆一下而且最特別仲可以捕捉活蝦體驗，有得玩有得食，仲要好新鮮，爽口彈牙食物方面:今次選擇澳洲產極選穀飼黑安格斯 C 餐及馬來娘惹叻沙鍋做湯底C餐包括 110 種食品，自助區都高達有 60 種蔬菜火鍋配料、甜品及飲品，選擇極多馬來娘惹叻沙鍋 : 湯底味極濃郁，湯料有多種馬來香料、豆卜及魷魚，非常足料凍肉類 : 澳洲產極選穀飼黑安格斯牛味重、入味嫩滑，再加埋極上牛舌、特級牛胸爽、西班牙白豚肉、美國特級牛板腱等，肉類高質熟食類 : 豬、牛、雞肉沙嗲串燒美味，泰國炸魚餅、泰國炸豬皮、泰國宋卡蝦片香口鬆脆，泰式榴槤炸彈及泰脆皮年糕必試之選其他 : 必試蟹子墨魚滑、爽滑水魷、帝皇蟹柳棒甜品及飲品 : 飲品有各式汽水及台式樽裝飲品，泰式椰汁糕、椰汁西米糕係必食飯後甜品，另外仲有自製珍多冰及雪糕雪條，款式

一個月內第二次幫襯,已經同4月第一次既好大分別。第第一次係開幕果個星期,真心正,蝦勁鮮甜,真係任夾。但到左今日,夾蝦只係得一次,亦都只夾得4隻。6點幾已經話所有活蝦沽清,真係好失望....好味既海南雞亦都refill左幾次之後7點幾就無喇。order既野漏左唔少....一係就無送到,一係要兩份就得一份來。雖然都仲係做緊4人有一位免費,應該唔會有下次了🙄主打既夾活蝦已經做唔到,其實都無咩意義了。。。

120分鐘晚市放題 100品放題 $268今次嚟到旺角食一間新開嘅泰式火鍋放題💗選擇咗喇沙湯底 淨係望個賣相都知道湯底非常濃郁 入邊都有好多唔同嘅配料 非常有誠意！😽叫咗B set呢一個餐 都包左100樣嘢可以俾大家食～例如，安格斯牛丶梅肉丶牛胸腹丶牛舌丶雞腿肉丶沙嗲串燒丶芝士年糕等等～～🥰所有食材都好高質係靚料！！而出邊嘅corner都有好多唔同嘅選擇！例如，蔬菜丶丸類丶麵呢啲😋 仲有好多泰式甜品呢一點 真係有啲驚喜😆有椰汁千層糕選擇真係好多😝其中一個賣點就係餐廳有流水蝦😁可以任夾任食 非常有趣又好玩又得意😎 而且每一隻蝦都大大隻 食落去非常鮮甜！整體所有食物質素都好高 絕對會再encore多一次 不過下次嚟可能試吓唔同嘅湯底 喇沙湯底雖然好好食😋 不過我覺得比較偏鹹 食到一半嘅時候有少少頸渴～

平時出去食火鍋都好鍾意點唔同嘅肉部位嘗試多啲唔同嘅味道尋找自己嘅最愛🤩今次就叫咗1款豬肉加3款牛部位分別係西班牙白豚肉、特級牛胸爽、極上牛舌、澳洲產極選殼飼黑安格斯🐮牛胸爽都比較少見 係牛心臟旁邊嘅脂肪膜 煮3分鐘後好爽脆又唔膩膠滑有兩款：蟹子墨魚滑、免治雞滑🥄可以自行用調羹整成一粒粒再甩落湯底煮 口感爽彈又有食材嘅鮮味🦑蟹子墨魚滑嘅蟹子係緊緊咁貼著個墨魚滑 煮完都唔會甩左免治雞滑嘅表面就鋪滿雞肉碎 幼細到好似豬肉鬆咁🐔湯底試咗個好有泰國風味嘅檸檬香茅鍋味道酸酸地又帶香濃突出嘅香茅味🍋

其實好怕餐廳環境唔衛生所以都好少食放題但呢日同朋友行旺角見到呢間新開嘅環境唔錯就上左去試😆坐位系沙發卡位 唔會逼逼澀澀都做得幾舒服😊肉類方面叫左三款牛同埋一款豬🐮🐷最鍾意系個西班牙白豚肉 肉味鮮甜而且肉質彈牙👌平時都鍾意食辣就更系首選冬陰功湯底調味酸酸辣辣都平衡得幾好🍋鍋唔系剩係得個湯底 而系有好多配料：雜菇 魷魚圈 香料 玉米等等🌽味道又唔會話濃到蓋過放入去嘅肉類或者其他食材味道👅一嚟到餐廳送左客泰式韭菜餅 邊邊位置金黃色好香脆🥬

泰國菜做主題嘅火鍋放題，好有創意，而且仲可以體驗捕捉活蝦添😆🌟澳洲草飼黑安格斯牛放題 $268 （平日）120分鐘放題，我揀B餐有100品放題，湯底有8款揀，可以揀自私一人一鍋或者一個大鍋2個人share，我同老公就揀大鍋，貪有卡位坐，舒服啲揀咗青檸椰奶雞湯鍋，係等湯滾嘅時候出去自助區行個圈，飲品櫃有齊汽水、樽裝冷泡茶、包裝茶、啤酒，甚至有泰式奶茶、特製龍眼冰、泰式秋葵水，仲有得自製珍多冰添蔬菜丸類好齊全，最推墨汁墨丸同水蓮菜即食區有青木瓜沙律、咖哩大蝦、油飯、海南雞同泰式烤魚🤤個雞真係好滑，忍唔住食左2轉，咖喱大蝦蝦肉結實，食得出係先走油再煮，好惹味火鍋配料qrcode落單，牛豬羊雞肉有齊，估唔到有薯條🍟同蝦片叫😳蝦片勁脆口，泰串沙嗲豬肉同雞肉都好味，叫左3轉🤩最尾記得食反個mama麵，同拎泰式甜品做結尾，至於雪糕雪條真係飽到食唔落啦

這家放题店已儘量彌補不能遠赴泰國的心情。說它非常泰亦不對，因其經營有別於泰國大哥大Suki店(即sukiyaki店，當地對火煱店的简稱），如MK，MKGold, Coca, Canton等，而採取時下在香港超火的火煱放题模式。進食过程中能找到的泰特式还是不少的，冬蔭功，椰汁鸡湯都被用作鍋底，个人認為跟真正的兩個“國湯‘仍有段距離，倒不如把他们抽出，改作放题餐汤，正式讓Tom Yum Kung 及Tom Ka Gai華麗登場，泰味更濃。此外，自夾生蝦及自製甜品都產生到有得食有得玩的效果，特別見到生手小姐姐‘’讓生蝦飛”而尖叫，都有點附加娛樂性。甜品方面，應“泰”盡泰，可惜椰漿的椰子味嚴重不足，换個牌子吧！總的來說，此放题店做得着不錯，隣座的泰华小伙子都大叫“亞萊嘜嘜”，我亦對餐廳補上一句“及灌級”。。。多谢！

今日好開心去食，但係告知午市係冇奶茶，冇甜品，冇小食，真系好失望，宣傳嘅時候點解唔說明午市放題淨係得丸子+肉+飲品呢？anyway，牛肉OK，但係其他咩都冇，唔係好推薦中午來食，同等價位去其他間可以食到更多野。

除左有好多食材比你自己攞之外仲有個超大超多格嘅飲品櫃可樂有紅有白 雪碧芬達 檸檬汽水等等🧃 隔離都有啲茶 無糖茶同埋啤酒🍺辣妹當然叫泰式麻辣鍋🌶️ 有超多香料 辣椒乾同埋泡椒🔥味道麻麻辣辣 同所有我地拎嘅食材都幾夾🍜除左有常見嘅肉類都試左佢地嘅串燒 亦系我平時嘅泰菜必點🇹🇭 分別叫牛同雞上面淋滿沙爹醬汁 質地濃稠順滑 有啲花生粒粒顏色偏泥黃味道都好濃郁🥜兩款肉都燒到焦焦地肉質又唔會好乾 都保持到啲肉質🔥仲叫左兩盤牛肉同一碟海鮮食完呢餐都真系飽到上心口 好滿足啊👍

香港人食出前一丁合味道 日本人食烏冬 韓國人食年糕拉麵泰國人就食泰式MAMA麵 呢度都有唔同嘅味道🇹🇭旁邊仲有一大盤泰式烤魚 好啱想淺嚐嘅朋友滿足下🐟配料同樣有好多選擇 好隨意都攞左成盤蛋餃 蟹柳棒 魷魚翼 原隻八爪魚仔 特級鳳尾蝦 泰式篤篤扎肉等等等等🥢呢度款式都比較特別 係出面任食火鍋放題比較少見👍好難忘系個泰式篤篤扎肉 扎得好實 而且香料味好香好突出😆魚腐除左食新鮮即炸亦可以滲湯 索晒香濃嘅白豬骨湯味道濃郁🐽湯底人參味道亦唔會話濃到有苦澀味或者令你接受唔到 無食開藥膳嘅男朋友都覺得好可以👦

一入餐廳已經被長長嘅自助火鍋buffet區深深吸引！放咗各種各樣嘅蔬菜 丸類 小食等等😍第一輪當然要拿我最愛嘅秋葵，京蔥 ！特別一提系佢哋薯仔片係超厚片，就算扔落鍋煮耐左都好有咬口🥔叫咗兩款肉類，分別系特選金錢展加極選殼飼黑安格斯！兩款色澤都係鮮紅色，食落好有肉味又唔會太多筋咬唔爛🐄一個湯底系藥膳豬骨白湯鍋，另一款就系泰金冬陰功鍋豬骨白湯！有啖啖藥膳味，感覺好養生🤣🤣泰金冬陰功鍋表面有大大塊檸檬葉，酸酸辣辣嘅冬陰功湯底加左啲小清新嘅感覺🍃裏面都有啲雜菌 吸左湯底嘅味道🍄

黎食泰國菜點可以唔食冬陰功❓打邊爐當然都要試試泰金冬陰功鍋🌶️首先橙紅色嘅湯底已經垂涎欲滴😋放左牛肉增添左啲肉嘅鮮甜味原來都好夾！分別叫左特選金錢展加極選殼飼黑安格斯同極上牛舌特別想講個極上牛舌 切得比較薄身 咬落好爽脆👍亦都唔會有好多咬唔開嘅部份令妳食得好唔爽～最後當然系期待已久——甜品時間有好多傳統泰式糕點：椰汁西米糕 斑斕千層糕同埋自己自由組合🍮都知道泰式甜品普遍偏甜呢度每款幾乎還原到味道但甜度會底翻少少 適合香港人口味🇭🇰

啱啱4月21日新開幕嘅全新泰式火鍋放題，多款泰式湯底同食材，裝修帶點森林系，播住泰國音樂，連staff都著住啲泰式渡假服裝，真係好有異國風情feel😍 餐廳好闊落，有自助區同流水蝦任你夾🌊🤤 飲品有啤酒，汽水，茶飲，自家冷泡茶仼飲！ ♥️ 用餐時間120分鐘充足抵食，手機落單夠方便！✦ 𝗕 澳洲產頂級草飼黑安格斯放題(𝟭𝟬𝟬品)- - - $𝟮𝟲𝟴/位 (𝟭𝟳:𝟬𝟬-𝟮𝟭:𝟯𝟬入座) 鴛鴦鍋 + $𝟰𝟴🥘 湯底：青檸椰奶雞湯鍋 & 泰金冬陰功鍋⭐️推介必點必食：燒脆皮年糕 (由其係肉鬆口味，個醬同燒得超好食！encore之選❗️)、泰串沙嗲(雞同豬都好好食，唔韌唔乾配埋沙嗲醬👍🏻)、流水蝦(即夾即灼食落真係好新鮮，大隻好多蝦膏，離殼彈牙🦐)、珍多冰(甜品多款配料加埋椰汁好香甜)📝 整體：環境乾淨企理，有機械人同人手送餐上菜好快，食物選擇多，混醬醬汁配料都比起其他地方豐富，連我最愛嘅花椒油都有😍 數埋都有廿幾款醬汁配料👍🏻 火鍋配料，蔬菜同甜品都好齊全！肉類質素唔錯，食得好滿足💕

🥘天口凍又要邊邊佢！.呢幾日落雨又開返多人堂食，自自然然又邊爐癮起🫠今次試呢間泰式邊爐，貪佢夠舒服，咁當然豪盡佢揀$298餐啦食到110款嘢食（PS在場首歌兩個鐘都loop同一首好煩😂）.1️⃣喇沙湯底本身想叫辣湯，但因為個朋友喉嚨痛所以叫咗個mild啲。湯底極濃喇沙味，有蝦有豆卜，不過濃味湯底會蓋過啲肉嘅味，建議嗌返淡味啲嘅湯。同埋default隻蝦有啲霉，都係叫返新鮮蝦好.2️⃣（$298餐獨有）金錢展、特級牛板鍵、特級牛胸爽金錢展略嫌切得有啲細塊，淥完剩返無幾，不過薄薄地都幾有口感同埋都算重牛味🐮牛板鍵就大塊啲同埋牛味都濃郁無根，適合encore。牛胸爽口感有啲人覺得似爽口肥膏，未必人人鍾意，我ok。澳洲穀飼安格斯，大家要彩清楚係有「穀」字先係$298😂差啲中伏嗌咗草飼，紋理好靚亦唔會冰到夾唔開，唔錯！.3️⃣蝦滑雞滑彈牙係基本，佢亦都唔係有腥味，蝦味/雞味濃，好食.4️⃣（$298以外嘅肉）西班牙白豚肉、牛舌正常質素，豚肉唔會太多肥膏位、牛舌略嫌唔夠牛味。.5️⃣青檸汁佢特別好食到值得佔一欄位！呢間嘢有4款汁斟，其中一款係青檸汁，簡直係全晚點綴！（我覺得）啲肉呀丸呀點完佢好開胃、酸酸甜甜咁好似返咗

疫情前去旅行我最鍾意就係食當地既餐廳，了解一下其他國家既飲食文化；不過已經兩年幾冇離開過香港，唯有係香港搵多d外國菜黎止下癮😛加上呢幾日又凍番，鋪邊爐癮又出左黎，就決定去呢間新開張既🇹🇭泰式火鍋放題試試👀我地叫左佢地120分鐘晚市放題套餐B，週末18:30入座就係$278/人🤣◦ 湯底 - 馬來娘惹叻沙呢到有好多款泰式湯底，例如叻沙、冬蔭公、檸檬香茅等等，而我就揀左叻沙😆平時食叻沙麵就食得多，都冇試過用叻沙黎打邊爐😝呢個叻沙湯底唔算好鹹，淥完直接食都夠味，亦可以再點醬汁又會有另一種感覺😙醬汁方面都有幾多泰式醬汁，例如有泰式魚露、泰式豬頸肉汁、泰式酸辣汁等，亦有芝麻醬、豉油等普通醬料◦ 肉類肉類包括有澳洲草飼黑安格斯牛、特級牛胸腹、極上牛舌、特級牛胸爽、特級牛板腱、澳洲產草飼羊肩肉等等，肉類質素唔錯，比較新鮮同埋濃味，配埋叻沙個味都真係惹味😋◦ 其他配料餐廳係自助區到設置左一個長長既活蝦流水缸，食客仲可以自己用個筒夾D活蝦番去打邊爐；自助區款式種類繁多，蔬菜相當新鮮，除左常見既生菜仲有豆苗、西洋菜、紫淮山等，而丸既款式都特別，例如泰式魚餅、煎三文魚丸、墨汁花枝丸等；加分位係雪櫃好夠凍，見