泰金鍋

营业中

休息中

餐廳裝修偏向日系 主要用淺啡色嘅木同埋卡位坐位令食客感覺更舒適寬敞🥰趁著今日同媽媽放假當然要出黎試試新野 睇下有無翻到泰國嘅感覺😙因為同媽媽都唔係特別鍾意食肉所以淨息食咗兩款：特級牛胸爽+澳洲產極選殼飼黑安格斯🐮前者爽脆可口 後者帶點油花同油脂香 啖啖肉🖤然後當然唔少得泰國菜必食泰金冬陰功鍋🌶️帶香辣但又唔會太搶戲 搶咗牛肉或者其他配料嘅味道👌重點加點咗一份泰式清邁炸豬皮咬落外皮脆又煙煙韌韌咁都幾得意沾一下個泰金冬陰功鍋索左啲酸酸辣辣嘅味道 好惹味🐷

先介紹前菜：我地叫咗青木瓜沙律調味酸辣微甜 青木瓜同埋紅蘿蔔絲有好夠爽脆 仲加咗少量炸蒜係表面脆卜卜好開胃🥗麻辣火鍋配搭海鮮又係一絕😩放咗原隻八爪魚頭 厚切水魷魚片 又再多翻啲鮮甜味道🌊泰國產地炸物方面叫咗個泰國宋卡蝦片 有一定嘅厚度沾辣湯底食有濃濃蝦味又有辣味 好好味🦐肉類叫咗雞腿肉同埋牛胸爽 都新鮮正正常常除左一般放題有嘅丸類 蔬菜 甜品 飲品，佢仲有多款泰式小炒😲泰式打拋豬炒肉碎 泰式炒鹹魚芥蘭 青咖喱雞。。。種類多到有啲似去咗食自助餐添😙

所謂融入本地文化 第一步當然係食佢哋嘅食物 (我自己講嘅🤣)台灣食芋圓 香港食雞蛋仔格仔餅 泰國就當然有珍多冰😍呢度嘅甜品區都有自助位比你自己調配想加嘅配料貼心位有埋珍多冰製作方法：步驟一：選擇不同的配料 放於杯中步驟二：椰奶加進杯中 與配料混合即可步驟三：可以享用啦🥣分別有黃珍多、紅珍多、紅石榴等等 加埋一齊口感超豐富😍講完好有驚喜嘅甜品當然要講比較大路嘅肉類今次叫嘅三款牛都覺得物有所值🐮 厚薄度適中唔會薄到好似張紙咁👍仲有啲海鮮同埋唔同配料 可以慢慢揀

最近新開既泰式火鍋店位於創興廣場，環境寬闊舒適，裝修設計走泰國渡假風，仲會不時播放住泰文歌😍 設有午市及晚市放題，整體食物選擇多，仲有唔少泰式食物及飲品，性價比好高👍🏻✨ Set C 澳洲產極選穀飼黑安格斯 ($298/ 120分鐘晚市放題 - 17:00-21:30入座)❀ 湯底 🥘 (鴛鴦鍋+$48) 總共有8款湯底，今次就揀咗馬來娘惹叻沙及青檸椰奶雞湯鍋～叻沙湯底香濃惹味，青檸椰奶雞湯酸酸地好開胃❀ 肉類 🥩用QR code落單好方便☺️ 肉類有好多款又夠新鮮嫩滑～Set C有多3款牛：澳洲產極選穀飼黑安格斯、美國特級牛板腱及特選金錢展😍 另外仲可以揀美國產下肩胛肉眼、極上牛舌、西班牙白豚肉、嚴選雞腿肉及澳洲產草飼羊肩肉等❀ 配料 🫕設有流水蝦比大家任夾，夠晒新鮮✨ 另外自助區有多款蔬菜、菇類及丸類～仲可以點蟹子墨魚滑、紫蘇芝士免治雞滑、川麻辣免治雞滑、炸魚皮、炸響鈴及蛋餃等，超多款式呢😍 特別推介蟹子墨魚滑及蛋餃👍🏻❀ 熟食及小食 🍢當日熟食有冬陰功海鮮炒飯、泰式烤魚、海南雞及泰式香辣肉碎，味道都唔錯👍🏻 而小食有炸韭菜餅、泰式串燒、泰式鳳爪、脆皮年糕、蝦餅及榴連炸彈等，脆皮年

其實每次食火鍋放題最鍾意嘅係去飲品櫃揀野飲！呢度除左常見包裝茶仲有佢地自製嘅三款：阿里山烏龍、桂花女神、四季春☕三選一當然就揀左桂花女神 味道係冷萃綠茶加淡淡桂花味🌸肉類選擇有好多款 就咁牛肉已經有四款極上牛舌 薄切脆口美國產特選牛板腱 澳洲產極選殼飼黑安格斯 油花恰到好處🦘特選金錢展🐮另外都試左西班牙白豚肉 肥位置比較多入口軟稔🐷湯底方面升級左要鴛鴦湯底🍲馬來娘惹喇沙鍋橙紅色有幾塊吸湯神器——豆卜青檸椰奶雞湯鍋椰奶味道香濃突出 但因為加入青檸酸酸甜甜所以唔會過膩🍋

午市有8款定量60分鐘套餐 價錢由$68至$168有素食亦都有牛同埋豬 任君選擇就算星期五六日都只係加$10👍首先當然係有自助火鍋放題吧位當中有多款丸類 蔬菜 甜品 飲品最特別我覺得係個墨魚汁花枝丸 花枝丸大家應該都食得多啦 我都好鍾意食呢度仲有呢個特別款～ 除左變左黑色仲增加啲墨魚嘅鮮甜味🖤質地好彈牙唔會好粉淋bat bat咁🦑叫嘅麻辣湯底比平時港式或者川式多左啲泰式香料味更香更惹味🇹🇭 辣椒乾滲耐左辣味同麻味就更突出 越食個嘴越麻🌶️肉類叫左西班牙白豚肉同極上牛舌 都屬於高質！

入到去就比個雪糕車吸引著 雀巢雪糕杯 脆皮雪條 雪糕甜筒都有仲有我超鐘意嘅香芋味雀巢雪糕 不過就無朋友最愛嘅經典雲尼拿味💕湯底方面八選一我地叫咗養生必備藥膳豬骨白湯🐷有一大條人參同埋幾粒紅棗 感覺女仔食完都會變靚靚💃肉類方面叫咗美國產特選牛板腱加澳洲產極選殼飼黑安格斯 澳洲產極選殼飼黑安格斯大大片唔會切得薄到透光👍油花恰到好處 入口都幾嫩美國產特選牛板腱就比較少脂肪肥膏 亦都比較薄肉質係比較實在有牛味🐮 個人黎講比較鍾意呢款😄另外都有啲泰式沙爹串燒🥜

大家係香港食台灣火鍋、日式火鍋就食得多，呢家係旺角開左一間泰式火鍋放題餐廳嚴選泰國新鮮食材，產地直送，提供多款特色泰式湯底，以高質素泰式放題鍋物專賣店為主熱帶森林的裝潢，加上唔同打卡位置，空間位置舒適，再播上泰國音樂，真係置身泰國一樣泰式放題用膳時間有120分鐘，足夠大家打下邊爐、食下串燒、傾下計，輕鬆一下而且最特別仲可以捕捉活蝦體驗，有得玩有得食，仲要好新鮮，爽口彈牙食物方面:今次選擇澳洲產極選穀飼黑安格斯 C 餐及馬來娘惹叻沙鍋做湯底C餐包括 110 種食品，自助區都高達有 60 種蔬菜火鍋配料、甜品及飲品，選擇極多馬來娘惹叻沙鍋 : 湯底味極濃郁，湯料有多種馬來香料、豆卜及魷魚，非常足料凍肉類 : 澳洲產極選穀飼黑安格斯牛味重、入味嫩滑，再加埋極上牛舌、特級牛胸爽、西班牙白豚肉、美國特級牛板腱等，肉類高質熟食類 : 豬、牛、雞肉沙嗲串燒美味，泰國炸魚餅、泰國炸豬皮、泰國宋卡蝦片香口鬆脆，泰式榴槤炸彈及泰脆皮年糕必試之選其他 : 必試蟹子墨魚滑、爽滑水魷、帝皇蟹柳棒甜品及飲品 : 飲品有各式汽水及台式樽裝飲品，泰式椰汁糕、椰汁西米糕係必食飯後甜品，另外仲有自製珍多冰及雪糕雪條，款式

一個月內第二次幫襯,已經同4月第一次既好大分別。第第一次係開幕果個星期,真心正,蝦勁鮮甜,真係任夾。但到左今日,夾蝦只係得一次,亦都只夾得4隻。6點幾已經話所有活蝦沽清,真係好失望....好味既海南雞亦都refill左幾次之後7點幾就無喇。order既野漏左唔少....一係就無送到,一係要兩份就得一份來。雖然都仲係做緊4人有一位免費,應該唔會有下次了🙄主打既夾活蝦已經做唔到,其實都無咩意義了。。。

120分鐘晚市放題 100品放題 $268今次嚟到旺角食一間新開嘅泰式火鍋放題💗選擇咗喇沙湯底 淨係望個賣相都知道湯底非常濃郁 入邊都有好多唔同嘅配料 非常有誠意！😽叫咗B set呢一個餐 都包左100樣嘢可以俾大家食～例如，安格斯牛丶梅肉丶牛胸腹丶牛舌丶雞腿肉丶沙嗲串燒丶芝士年糕等等～～🥰所有食材都好高質係靚料！！而出邊嘅corner都有好多唔同嘅選擇！例如，蔬菜丶丸類丶麵呢啲😋 仲有好多泰式甜品呢一點 真係有啲驚喜😆有椰汁千層糕選擇真係好多😝其中一個賣點就係餐廳有流水蝦😁可以任夾任食 非常有趣又好玩又得意😎 而且每一隻蝦都大大隻 食落去非常鮮甜！整體所有食物質素都好高 絕對會再encore多一次 不過下次嚟可能試吓唔同嘅湯底 喇沙湯底雖然好好食😋 不過我覺得比較偏鹹 食到一半嘅時候有少少頸渴～

平時出去食火鍋都好鍾意點唔同嘅肉部位嘗試多啲唔同嘅味道尋找自己嘅最愛🤩今次就叫咗1款豬肉加3款牛部位分別係西班牙白豚肉、特級牛胸爽、極上牛舌、澳洲產極選殼飼黑安格斯🐮牛胸爽都比較少見 係牛心臟旁邊嘅脂肪膜 煮3分鐘後好爽脆又唔膩膠滑有兩款：蟹子墨魚滑、免治雞滑🥄可以自行用調羹整成一粒粒再甩落湯底煮 口感爽彈又有食材嘅鮮味🦑蟹子墨魚滑嘅蟹子係緊緊咁貼著個墨魚滑 煮完都唔會甩左免治雞滑嘅表面就鋪滿雞肉碎 幼細到好似豬肉鬆咁🐔湯底試咗個好有泰國風味嘅檸檬香茅鍋味道酸酸地又帶香濃突出嘅香茅味🍋

其實好怕餐廳環境唔衛生所以都好少食放題但呢日同朋友行旺角見到呢間新開嘅環境唔錯就上左去試😆坐位系沙發卡位 唔會逼逼澀澀都做得幾舒服😊肉類方面叫左三款牛同埋一款豬🐮🐷最鍾意系個西班牙白豚肉 肉味鮮甜而且肉質彈牙👌平時都鍾意食辣就更系首選冬陰功湯底調味酸酸辣辣都平衡得幾好🍋鍋唔系剩係得個湯底 而系有好多配料：雜菇 魷魚圈 香料 玉米等等🌽味道又唔會話濃到蓋過放入去嘅肉類或者其他食材味道👅一嚟到餐廳送左客泰式韭菜餅 邊邊位置金黃色好香脆🥬

泰國菜做主題嘅火鍋放題，好有創意，而且仲可以體驗捕捉活蝦添😆🌟澳洲草飼黑安格斯牛放題 $268 （平日）120分鐘放題，我揀B餐有100品放題，湯底有8款揀，可以揀自私一人一鍋或者一個大鍋2個人share，我同老公就揀大鍋，貪有卡位坐，舒服啲揀咗青檸椰奶雞湯鍋，係等湯滾嘅時候出去自助區行個圈，飲品櫃有齊汽水、樽裝冷泡茶、包裝茶、啤酒，甚至有泰式奶茶、特製龍眼冰、泰式秋葵水，仲有得自製珍多冰添蔬菜丸類好齊全，最推墨汁墨丸同水蓮菜即食區有青木瓜沙律、咖哩大蝦、油飯、海南雞同泰式烤魚🤤個雞真係好滑，忍唔住食左2轉，咖喱大蝦蝦肉結實，食得出係先走油再煮，好惹味火鍋配料qrcode落單，牛豬羊雞肉有齊，估唔到有薯條🍟同蝦片叫😳蝦片勁脆口，泰串沙嗲豬肉同雞肉都好味，叫左3轉🤩最尾記得食反個mama麵，同拎泰式甜品做結尾，至於雪糕雪條真係飽到食唔落啦

這家放题店已儘量彌補不能遠赴泰國的心情。說它非常泰亦不對，因其經營有別於泰國大哥大Suki店(即sukiyaki店，當地對火煱店的简稱），如MK，MKGold, Coca, Canton等，而採取時下在香港超火的火煱放题模式。進食过程中能找到的泰特式还是不少的，冬蔭功，椰汁鸡湯都被用作鍋底，个人認為跟真正的兩個“國湯‘仍有段距離，倒不如把他们抽出，改作放题餐汤，正式讓Tom Yum Kung 及Tom Ka Gai華麗登場，泰味更濃。此外，自夾生蝦及自製甜品都產生到有得食有得玩的效果，特別見到生手小姐姐‘’讓生蝦飛”而尖叫，都有點附加娛樂性。甜品方面，應“泰”盡泰，可惜椰漿的椰子味嚴重不足，换個牌子吧！總的來說，此放题店做得着不錯，隣座的泰华小伙子都大叫“亞萊嘜嘜”，我亦對餐廳補上一句“及灌級”。。。多谢！

今日好開心去食，但係告知午市係冇奶茶，冇甜品，冇小食，真系好失望，宣傳嘅時候點解唔說明午市放題淨係得丸子+肉+飲品呢？anyway，牛肉OK，但係其他咩都冇，唔係好推薦中午來食，同等價位去其他間可以食到更多野。