泰象館

营业中

休息中

在香港食泰國菜緊係要去九龍城啦，今日就同朋友一齊去到九龍城呢間泰象館！去到餐廳之後，侍應就安排我地坐隔離大廈，行上樓梯神秘既地方坐低，但個度就冇乜侍應會上黎，食野要自己寫係張紙仔度食泰國野緊係要食pha thai，呢度份量比較細，如果多人食既話就要嗌多幾碟，味道尚算適中，加埋花生碎一齊食都幾香口呢碟生蝦係我地最期待既！因為聽講呢度d生蝦最出名，生蝦一上到枱既時候我地都嘩一聲，真係好厚肉，食落口一d都唔腥，勁新鮮，再配埋泰式酸辣汁，一擺落口成個口都充滿着蝦味，正！呢個冬陰功海鮮湯入邊d海鮮都幾新鮮，味道都係酸酸辣辣，不過冬陰功就係有種魔力令人一飲再飲馬拉盞椰菜苗都係食泰國菜必嗌既，大致上都炒得幾惹味，但份量可以再多少少，但整體都幾好食最後呢個係明爐烏頭，有煲野係度滾下滾下都幾暖粒粒，烏頭肉都唔會好霉，食落都幾好食，而且個汁酸酸地，都好開胃，再加埋佢有d菜鋪底九龍城有好多唔同既泰國鋪頭，諗唔到食咩呢間都唔錯！尤其係個生蝦！！

身為打工仔日日都要返工，無得去泰國，就去九龍城食番餐泰國野當去左旅行。係九龍城誤打誤撞入左呢間泰象館，食完覺得好有驚喜，一定要開心share 。打開餐牌，款式齊全，由沙律，小食，串燒，咖哩，炒小菜，炒粉麵飯，甜品等等，應有盡有，一應俱全。生蝦刺身很新鮮，入口爽甜，加埋蒜頭辣椒夾埋泥食，多一重口感，而伴碟的醬汁酸酸辣辣，好開胃。白酌獅蚶，每粒都十分新鮮，獅蚶酌至半生熟，但一點鯹味都沒有，令人愛不釋手。燒雞翼是炭燒的，調味好入味，燒得焦香。炸芝士蝦丸，新鮮熱辣香脆，流心芝士加彈牙蝦丸，讚！ 切記要趁熱食，凍咗就無咁好食啦！燒鰂魚，燒魚香茅味又香又重，而且燒到啲皮好脆，魚肉又嫩滑，唔會燒得太乾身，推薦推薦！總括來說，這是一間物超所值的泰國餐廳，款式多，食物水準高，下次一定會再來。

九龍城雖然有不少泰國菜店鋪，但要搵好食既泰菜真的不多，今日去嘅呢間 真係有意外驚喜。🌸泰式生蝦刺身，一碟大終有八隻，生蝦十分新鮮，吃下去肉質爽口彈牙。🌸蛋包鮮蝦金邊粉，份量多，材料多，而且炒得好乾身好獲氣味，又不會覺得太油膩，味道上就酸酸甜甜，令人開胃。🌸泰式燒魷魚，有一陣陣炭燒的味道。燒魷魚火喉及時間拿得非常好，吃下去很香很軟熟。🌸馬拉盞炒通菜，菜好幼嫩，蔬菜吸收哂馬拉盏啲汁，好入味。而且有少少辣味，香辣惹味，辣得來又令人食唔停口。飲品方面當然要點椰青啦，既好飲又可以清熱。

來到九龍城一定要吃泰國菜，但實在太多選擇，無從下手，住在九龍城的朋友就推薦了泰象館給我～一於試一試(´ε｀ )♥環境有種溫馨的感覺～舒適像是家庭式經營的泰國菜館，而且店員也十分nice ~~ヽ(*´∀｀)ノ我們點了炸蝦餅拼魚餅，一上菜看到脹卜卜黃金色的蝦餅魚餅們，看到感到更加餓了，每件很香脆，蝦肉彈牙，魚餅很足料，彈牙香口。每次吃泰菜必叫-青咖喱，可以叫牛、雞或豬，我們這次選擇了牛肉，牛肉充滿青咖喱味，青咖喱有點椰香的感覺～正！配上另叫的蒜蓉包一流，蒜蓉包牛油味香濃，熱騰騰脆卜卜上菜，單吃已經很棒，配上青咖喱更惹味。常常點菠蘿炒飯，這次試試招牌炒飯，超大一碟！而且有我最喜愛的蛋包著，炒飯用料十足，很多蝦、炒蛋、扎肉等，難怪是泰象館的招牌～真的很推薦！偷偷地加了青咖喱在炒飯上，勁正ଘ(੭ˊ꒳​ˋ)੭✧吃泰菜當然不能缺少飲品，被餐牌中的金不換菠蘿沙冰，深深地吸引了，味道很特別，金不換與菠蘿味道很夾，菠蘿甜甜～

九龍城不單好多平嘢睇還有好多美食㗎！特別係好多泰國菜呢！我們一家就選呢間食團年飯了。地方不算大，環境一般，但人流非常多，侍應生非常有禮貌，聽說食物係超級抵食和美味。嘻嘻！好多食物都想食，點下點....團年飯就點多啲啦！最緊要一家人開開心心齊齊整整食飯。泰東鴨肉生菜包$74~好多肉呀！鴨肉辣辣哋！非常開胃，如果多幾塊生菜就正了。小食拼盤$125~有4款，雞卷，春捲，蝦餅和豆腐卜，每款都好味，特別炸蝦餅和炸豆腐卜最香脆，再點埋酸甜泰辣醬甜酸味出👍薄餅$25~冬陰海鮮清湯(小)$70~今次我哋係選清湯，原來清湯都幾辣下，不過就係鍾意佢嗰種酸辣味有兩隻大青口和八爪魚蝦加埋特色的配料等等。黃咖哩$75椰汁咖哩$75~兩款咖哩各適其適很是特別，濃郁香味濃，好正宗泰味。原隻菠蘿海鮮炒飯$80~圓個新鮮菠蘿上，炒飯乾身好多海鮮，食到尾還有菠蘿果肉食埋添。泰式欖角肉碎炒四季豆$70~四季豆爽脆再配埋欖角肉炒埋，送飯一流。飲品咸檸七喜$26~和金不換菠蘿沙冰$30~原來好多枱客都選呢款飲品嘅！我都飲咗兩啖味道好香濃嘅菠蘿味。正👍總結~~ 唔使去泰國都食到泰國菜，平靚正，價錢便宜，選材鮮味，好滿足啊！泰正👍

泰菜雖然味道偏向濃郁，但如果不經油炸或不用椰漿，辣椒熱量其實很低。是夜想食泰菜但又在減磅中，揀選了比較輕怡的菜式。泰象館裝修很傳統很泰式，除了傳統泰菜外，亦有不少自創菜式。冬蔭海鮮清湯 沒有加入椰漿的冬蔭公，酸辣味道更加突出，海鮮湯配料豐富，計有青口、魷魚、蝦仁、秀珍菇，南薑、香茅、檸檬葉、辣椒份量很足，增添冬蔭公的香氣。馬拉盞炒椰菜苗 馬拉盞醬帶有發酵蝦仔味，其他味道如辣椒或蔥頭蒜頭味較輕，應該係改良咗以適合港人口味。濃味馬拉盞配爽脆鮮甜的椰菜苗，味道很合拍。燒鰂魚鰂魚闊身大條骨少，魚肉頗多，用了不少鹽醃，撕開外皮內裡魚肉鹹鮮嫩滑，魚肚放入香葉、南薑與香茅同燒，點上泰式辣醬非常美味。

九龍城食館一啲都唔簡單，泰國嘅一兩條街，清真本地粵菜等等，入到嚟城南道泰象館 ，一行四人叫個小食拼盤 ，冬陰海鮮清湯，走唔甩黃咖哩牛肉，椰子咖哩雞， 原隻菠蘿海鮮炒飯，泰式欖角肉碎炒四季豆，薄餅，加多個泰東鴨肉生菜包，一杯咸檸七，一杯金不換菠蘿沙冰，咁就六百幾蚊，四個人都食得好和味 ，仲有呢度係冇加一嘅。超值!小食拼盤 四個人有四款 ，一人一件唔使爭。冬陰海鮮清湯水準冇甩拖一樣係咁好，咁正咁棘。黃咖哩牛肉 鍾意呢多的好味唔使多講，咖喱汁醮薄餅必夾。椰子咖哩雞 同樣咁好味。原隻菠蘿海鮮炒飯炒得剛剛好，一的都唔晒。 泰式欖角肉碎炒四季豆 小吃送酒一流。薄餅  鬆脆可口。泰東鴨肉生菜包包都要有啲技巧，唔係啲鴨肉跌曬出嚟。 咸檸七，杯金不換菠蘿沙冰 沙冰好正，飯後一樂也。

今天和朋友到九龍城辦年貨，之後經過城南道，看見這間泰式菜館食客滿滿，就和朋友入內吃晚飯。由於我和朋友今天吃了下午茶，不太肚餓，所以就隨便叫了焗椰青海鮮炒飯，串燒三拼(豬、牛、雞)，豬頸肉炒椰菜苗和珍多冰。侍應先送上串燒三拼，份量很大，燒得熟又不太燶，沾沙嗲汁吃，很惹味。椰菜苗炒豬頸肉好有鑊氣，椰菜苗好鮮嫩。呢個焗椰青海鮮炒飯造型很特別，上枱嘅時候嚇了我一跳，厨師用原個椰青挖肉，然後將海鮮炒飯和椰青肉放入，再加上厚厚的一層椰汁，分量超級多，足有四碗飯。呢個飯，最令我回味嘅就係嗰啲椰青肉，軟滑香甜，與炒飯同吃，口感非常特別。食完呢個美味海鮮飯，再嘆埋杯椰味香濃嘅珍多冰，真係令人回味。

自從之前去完九龍城食泰菜之後，就好似發現新大陸咁，見到oprnrice呢間泰象象評價唔錯，所以今次同frd去試試。佢既風格係好typical既泰式餐廳。有d佛象同供奉既鮮花，感覺好傳統好正宗。佢既位置唔算太多，見到出面都要排一陣隊。我一坐低要見到menu有一杯好特別既特飲，叫金不換菠蘿沙冰，係綠綠地色，而落單既姐姐都相當推介，所以就叫左一杯。飲落感覺好特別，佢除左菠蘿味之外，仲多左層類似蕃茜既香料味，第一啖感覺好奇妙，不過愈飲愈覺得唔錯，最後都成杯清曬。另外，我地仲叫左馬拉盞椰菜苗同串燒三拼做前菜。椰菜苗夠鑊氣，食到好香蝦米同少少咸香，好惹味。而串燒三拼份量都幾大，大大串，最值得一讚係火候剛好，好嫩唔會鞋口，有時食串燒都好驚會燒到過曬燶而無曬水份，但呢間唔會所以我同館frd都話值得叫。而主食方面就叫左濕炒豬肉泰式河粉，呢碟都好食好足料，加左好多蔬菜唔會感覺油膩。最後就叫埋佢地既椰汁雞湯，佢辣辣好惹味，不過雞肉略嫌煮得耐左少少，無咁嫩滑，不過個湯有好多泰色香料，係我鐘意既味道。買埋2個人加埋先大約300蚊到，唔洗加一，平均一個人先150到，勁抵食，所以下次去九龍城再食泰菜，呢間我會返轉頭

工作繁重，共匪黑警肆虐，心情提不起勁。放假出走小泰國，按摩放鬆後再吃泰菜大快朵頤。看見泰象館晚上六時半已幾乎高朋滿座，價錢合理，決定一試。大蝦柚子沙律用上醬油膏，柚子清甜不苦澀，蝦肉結實，加上花生炸蒜，香甜惹味。馬拉盞椰菜苗，入味得來保持翠綠，微辣爽脆，吃不停口。香葉辣椒炒海鮮，新鮮結實，份量大方，加入醬油同炒，鹹香十足。燒雞翼表面香甜脆口，中間熟透又保持鮮嫩，平凡中顯功架。蛋包金邊粉，外表吸晴，炒粉乾身酸甜，伴上豆乾蝦仁，經典的味道。

約朋友食飯，大家都想食泰國菜，朋友提議去九龍城泰象館，此餐館已出名一段日子。室內裝潢很有泰國本土風味，座位寬敞雅緻，整齊清潔。員工接待有禮，殷勤介紹店內食品，讓人客賓至如歸。冬陰功湯 $74材料有蝦、鮮魷魚、蕃茄、乾蔥、紅椒、鮮菇、香茅等，酸辣味十足，好飲程度令你一口接一口。燒豬頸肉  $74肉夠乾身，肉味甘香甚濃，油脂香溢，沾上酸辣醬汁，更覺口感豐富。泰式炒雜菜 $60材料有芥蘭、小椰菜、鮮菇、包心菜、甘荀、蝦米等。鑊氣夠火喉，配上泰式小炒，滋味無窮。原隻菠蘿海鮮炒飯 $80材料有鮮蝦、鮮魷、臘腸粒、新鮮菠蘿粒、炸腰果、肉崧、提子乾，飯粒爽口帶有很香的菠蘿味，口感豐富，美味無窮，齒頰留香。

泰式生蝦生蝦好大隻呀！每隻再包住一粒蒜，加埋辣椒粒同泰式辣醬超級惹味，蝦味都冇被蓋過，而且肉質膠得黎有咬口，朋友大讚！pad thai食泰國野必點！個樣好吸引，有一絲絲蛋花蓋住，好香～ 個粉炒得比較濕，但味道算ok，加埋青檸汁酸酸地開晒胃，亦有好多配菜同花生粒，撈埋一齊食口感更好。冬陰功海鮮湯冬陰公啲料仲多過湯咁滯，好多海鮮同菇食，辣度方面都係一般，唔會飲到成個人熱晒，我覺得個湯可以再濃味啲就好啦～明爐烏頭三個人食晒一條烏頭都冇難度，魚肉好滑！骨都唔算好多，魚身魚背個啲位直頭係啖啖肉。最正係加咗菠蘿同青檸，混出黎個汁酸酸甜甜咁，令人食個唔停～炒椰菜苗食泰式野緊係要炒返個菜，個菜反而炒得唔錯！keep到爽脆又唔會太過硬，個汁都調得好香～我地幾個人埋單都係百六左右，已經可以食到好多海鮮，而且成餐飯都好開心，大滿足！整體都算幾抵食～

今日同朋友一行四人決定去食泰國菜經過一番討論後決定選了這間位於九龍城的餐廳，雖然地點不近地鐵站，但有巴士可直到，所以也算方便重點是這餐廳是朋友介紹的，說是拿了「優秀開飯熱點大獎2018」，所以非常值得一試這晚飯時間， 大概七點左右，人數不算多， 所以很快就能入座打開了餐牌一看，發現款式都很多而且很有特色，最後經過一番討論，我們點了甜酸炸鰂魚$142，原個菠蘿海鮮炒飯$80，冬蔭海鮮清湯（小）$70，黃咖喱雞$75，拉盞炒通菜$62先上菜的是冬蔭海鮮湯，喝了第一啖，亂亂熱熱的，再加上微微酸辣，非常暖胃， 而且非常足料，材料佔了整碗的一半，加分然後來的是黃咖喱雞，雞和薯仔都非常多，黃咖喱汁很濃，很香，雞肉沾上咖喱汁，一放入口中味道非常濃郁咖喱味與雞味完美融合，配上白飯一絕之後上菜的是甜酸炸鰂魚，很少吃魚的我，最怕就是魚很多骨，但來的時候已經是切好成塊狀，而且非常之香， 隔了一口放在口中，鰂魚酥脆配上甜酸的醬汁，非常開胃、惹味其間，原個菠蘿海鮮炒飯都上台了。 菠蘿海鮮炒飯材料很足，分量亦比想像中多，炒飯非常入味配上海鮮，正最後上菜的是馬拉盞炒通菜，通菜炒得很香配上馬拉盞的味道，鹹度適中，有一

朋友想食泰菜，咁緊係要去九龍城啦。不過食黎食去都係個幾間，今次朋友叫我試呢間，因為好多人係入面食，一定唔會伏喎。點知佢嘅分析力係準確的，哈哈。我地2個女仔唔係叫左好多，最最最推薦係咖哩蜆，朋友鍾意佢夠大隻又無沙，我就鍾意佢個汁。唔辣仲要甜甜地，炒到唔會過熟嘅爽口洋蔥同青椒，配埋熱辣辣脆卜卜蒜蓉飽，真係好味到不得之了。我深信配白飯都一樣咁正。我地仲叫左串燒三拼，又係熱辣辣，串燒唔會燒到好乾水，所以一d都唔鞋口，仲有惹味沙爹汁，無得輸。成餐飯慢慢食，叫埋馬拉盞椰菜苗同象啤慢慢啖，完美

其實以前已經食過好多次，一路都覺得佢好又抵食，難得媽媽生日，就帶佢黎九龍城食泰國菜啦。呢間個位置幾好，佢近個巴士站，巴士站行5分鐘就到，不難搵，裝修有泰國風格，環境唔錯，行入去你會見倒半開放既廚房，睇黎對自己衛生好有信心。我地4個人叫左泰式鳳爪，馬拉盞炒通菜，咖哩軟殼蟹，薄餅，蒜蓉包，炒金邊粉，同埋個芒果糯米飯，都只係食左638蚊，非常抵食。抵食之餘，佢仲要係好食。最要讚既係咖哩軟殼蟹，軟殼蟹即炸，咖哩食完我會打包番屋企用黎食多餐tim😂😂😂😂，蒜蓉包熱辣辣，外脆內軟，好食。炸蝦球，你食得出佢係啖啖蝦肉，粉唔係好多。篇幅所限，總之，呢間係一間抵食又好食既泰國菜館👍