泰絕

营业中

休息中

是值得支持的小店上次lunch 來吃了肉碎蛋飯、咖哩牛坑腩飯今次dinner來吃了沙嗲雞串、椰汁雞湯、蟹肉炒飯、濕炒牛河食得出冇味精，不會太油膩，不會偏咸，好啱我個人口味冇加一收費，下次會再來試其他菜式

平時喺香港成日都會食船麵，但係其實未試過真係喺泰國食地道嘅船麵，不過聽人講泰國嘅船麵其實唔係好大碗，幾啖就食完。泰絕新開冇耐，知道佢有細細碗嘅粉仔，可以試多幾款，就特登過嚟試吓。船麵主要有三款，兩款湯麵同一款撈麵，叫晒三碗就最開心。個牛湯非常好味，濃郁少辣，但唔會過鹹，最欣賞佢有好多配菜，例如通菜粒同埋泰國芽菜，有配菜同香葉先講得上正宗。而且佢用嘅泰國河粉同平時食潮州河粉口感好唔同，冇金邊粉咁爽，但多咗個軟糯口感，每人食三碗都唔過分！牛腩同埋牛船河我覺得都係平分秋色，牛船就會有埋牛丸同牛柏葉，可以食多幾種嘢，豬肉我揀咗撈蛋麵，完全唔同嘅口味，醬汁偏甜，但係又有微辣，都係好食嘅。呢度嘅蟹肉奄列好似都幾出名，裏面勁多真蟹肉，而且個蛋煎得好香，超大份，想講食完真係好飽，真材實料！另外佢個柚子大蝦沙律調味非常好，又係勁多配菜，最緊要有少少椰子脆片，酸辣鹹甜平衡得好好。名物牛奶豬肉真係用牛奶醃製，唔肥，但係好香腍，自己喺屋企真係整唔到。我覺得嚟到一定要食佢個芒果糯米飯，最緊要佢係有黑白糯米Mix，同埋熱辣軟綿綿，芒果大大份仲要超甜， $58真係超所值。嘢飲方面，大家應該都好好奇乜嘢係斑斕神仙水，

今次嚟呢間餐廳係想試下佢哋嘅招牌船麵及蟹肉奄列😋。🥢蟹肉奄列$168估唔到裏面啲蟹肉多到非常震撼🤩， 一舊舊嘅蟹肉充實在奄列內，確實係豪華級嘅奄列👍，蟹肉鮮甜，奄列軟滑，店家係用煎嘅方法，有別於坊間炸到非常油膩及乾身。正宗曼谷‘’三口‘’船麵我哋一次過試哂三款不同嘅船麵，有干撈亦有血湯，血湯夠濃夠香，三款粉麵我哋都覺得已經夠辣及夠香，所以無再額外添加附上嘅調料😆。🥢曼谷招牌牛船河$28內有爽口牛柏葉、嫩滑牛肉及爽彈牛丸，河粉質地Q彈。🥢曼谷招牌豬肉河$28內有爽甜肉片及豬肉味濃郁嘅肉丸。🥢曼谷招牌牛腩干撈蛋麵$28牛腩有口感，Q彈蛋麵夾埋爽脆芽菜一齊食，好夾。🥢牛奶烤豬肉(2串)$38食落質地果然與牛奶般嫩滑，並帶着蜜糖嘅甜蜜味道，附上個酸甜醬汁，沾上一齊食倍覺清新。🥢柚子蝦沙律$118有大蝦又有脆脆腰果，當然仲有清新多汁嘅柚子，並配上一個比較濃郁而惹味嘅醬汁。🥢芒果糯米飯$58好欣賞個糯米飯係熱㗎，因為好多時啲餐廳嘅糯米飯相對係比較硬及凍，同時呢喥啲芒果好軟腍甜香。🍺泰象啤酒$48 食泰菜點少得泰象啤，有哂氣氛。🍹菠蘿沙冰$48好有菠蘿香，清新清爽。

睇OpenRice見到呢間泰國菜新開，感覺精緻，仲要係由正宗泰國師傅主理，決定探一探虛實。佢個正門鋪位少少難搵，喺無咁旺果條街的地鋪，建議大家可以係新文華中心裏面穿入去～（馬會隔離）❤️‍🔥必點串燒界天花板- 牛奶烤豬肉 HKD38暫時係食過咁多檔入面最正嘅一間。佢個豬肉串燒軟嫩多汁，有蜜香，老板有秘訣整🤫❤️‍🔥招牌係三款船麵（雞牛豬）🌶️ HKD32自選度好高👇🏻麵款👉🏻泰國蛋麵/ 金邊粉/河粉/米粉煮法👉🏻湯/ 乾撈兩款煮法各有特色，如喜歡湯麵強烈建議河粉配湯，河粉異常掛湯，食得出個湯使用大量牛骨熬煮，加埋香菜，超級濃郁。如不能食辣請加醋中和強烈建議乾撈！花生碎同醬汁香口微甜，口感豐富，適合零辣人士❤️‍🔥啖啖蟹肉奄列 HKD168蛋汁包裹住啲蟹肉食落去感覺太充實🥺 唔好睇佢個價好貴，個奄列真係好大份，足料到好想搵碗飯送餸❤️‍🔥小食拼盤 HKD88/雞卷/魚餅/蝦餅/粉絲春卷/自家製，蝦膠戈打到好彈牙，魚餅同雞卷都不遑多讓，食到舔舔脷❤️‍🔥斑斕神仙水 HKD32使用斑斕汁液做啫喱，加上斑斕味嘅水，好清新又有啲嚼口🇹🇭整體除左位置難搵外都無咩可挑剔，店員都好友善好吹得🤣🤣，一定encore

今日同朋友去尖沙咀科學館道14號新文華中心地下10號A地舖食晚飯，這間泰國餐廳叫做泰絕，係我個同事介紹我哋嚟食，佢仲推介幾款菜式俾我哋來食。我哋入到餐廳見到環境不錯，地方寬闊，枱凳都擺得整齊，令人坐得舒服，店員有禮貌服務態度又好，不斷介紹泰國嘅正宗菜，而餐牌嘅食物款式都不少，有廚師推介、泰式船麵、泰式沙律、主菜、小食、泰式海鮮、泰式蟹肉系列、泰式咖喱、泰式小炒菜、正宗海南雞、泰式酸辣魚、泰式甜品、泰式飲品，睇落樣樣都想選來食，尤其是啲食物照片都好吸引。✌🏻最主力嘅泰式船麵，泰國必食嘅食物，係正宗曼谷三口船麵，有曼谷招牌豬肉河、曼谷招牌牛船河、曼谷招牌牛腩河，當然叫來食，曼谷招牌豬肉河和曼谷招牌牛船河就選了船湯，曼谷招牌牛腩河就選咗干撈，船湯底香味濃郁，干撈嘅醬汁惹味香口，唔係太鹹太辣嘅味道，豬肉牛肉鮮味嫩滑，牛腩肥瘦相間，肉質腍中帶爽，肉丸就爽口彈牙，河粉順滑可口，連埋啲配菜一齊食真係非常好食。✌🏻斑斕神仙水帶住香甜嘅味道，而斑斕好含維生素，所以飲這杯斑斕神仙水，感覺非常健康。✌🏻蜜糖青檸水味道酸酸甜甜， 有好香嘅青檸味同埋清甜嘅蜜糖味，好配合來食泰國菜。✌🏻蟹肉奄列份量不少，外層金黃

今日嚟到尖沙咀新文華中心呢一間泰國餐廳，見到佢裝修都好新，所以朋友就話想入去試吓！餐廳主打地道泰國小炒同埋特色泰國食品！同埋見到佢有最新嘅主題，主力係船麵，都有驚喜，竟然喺香港都食到正宗嘅街頭泰國船麵！細細碗價錢又抵食，大食嘅朋友應該可以食到好多碗😙🥢嚟到呢度當然要試吓佢嘅船麵，試咗佢嘅招牌遊船河，招牌豬肉船河同招牌牛腩河！每一碗嘅味道同泰國正宗嘅味道真係非常相似，好似返咗泰國咁！你愛佢有好多唔同嘅配菜包括有通菜芽菜芫荽蔥，令到成個口感配搭上更加好食！牛肉亦都選用左新鮮嘅靚牛肉，食落去嘅口感好好！另外豬肉嗰碗我都非常鍾意食佢嘅豬肉丸，喺餐廳自家製嘅豬肉丸非常爽口彈牙！每碗都非常好食，可以試多幾種唔同嘅！🥢蟹肉奄列，嚟到嘅時候份量非常多，冇諗過咁大份，中間睇一睇非常多蟹肉，第一次見到有咁多蟹肉既奄列，蟹肉亦都非常鮮味，加埋一齊食，簡直就係正！🥢秘製牛奶豬肉串，呢個同泰國街頭嘅串燒味道亦都係一樣，非常好食，而且再有一個餐廳特別配製嘅醬汁，可以點埋一齊食！我朋友都非常鍾意佢呢一個味道，真係做得唔錯！🥢泰式生蝦，鍾意食生蝦嘅我，每次去泰國餐廳都會叫，呢一間餐廳都做得唔錯，佢嘅蝦非常爽口，而且加

係尖沙咀行完街, 見到新開泰國餐廳, 於是入來試下正宗曼谷"三口"船麵曼谷招牌豬肉河 (干撈)、曼谷招牌牛船河、曼谷招牌牛腩河每一款都各有特色, 麵質煙韌彈牙, 放上泰國辣椒, 更加惹味~店員建議如果太辣, 可以加醋中和一下辣度, 本人平時都食開辣, 今次既辣度的確有料到哈哈~中意食辣既朋友, 一定要點呢3款船麵試下啦~蟹肉奄列生拆蟹肉非常充足, 將雞蛋夾住蟹肉一起吃, 味道更加match, 當然可以加上辣汁調高惹味程度!秘制牛奶豬肉兩串加入牛奶的豬肉, 味道絕對有微微的牛奶甜香! 而豬肉的質感亦很嫩, 配上餐廳的自家製酸甜醬汁, 鮮味更加突出!秘制泰式香燒雞雞皮燒得很香脆, 而雞肉亦很嫩滑, 連雞胸肉都不會有太粗糙的口感, 師傅燒烤功夫確是一流!芒果糯米飯芒果冰凍鮮甜, 配上熱乎乎的糯米飯, 再淋上椰汁一起吃, 有冰火二重奏的享受!而且甜度也剛剛好, 可以中和一下前面的辣度~ 這是必點的甜品唷!斑斕神仙水店員推薦這一款, 因為有濃濃的斑斕葉香味, 且帶有微微的甜味, 味道非常新奇, 而且一D都唔甜!適合飲唔到太甜的朋友唷!泰式奶紅茶 茶膽味香濃, 奶茶口感也非常順滑, 吃完惹味香辣的